Matokeo ya Vidio Zinazotoa Ushahidi

¹ “Mwana wetu amekuwa akitazama vidio ile tangu alipokuwa bado hajaanza kutembea. Anaitazama tena na tena. Ni jambo zuri sana kama nini kuwa na vyombo vinavyoingiza upendo wa Yehova ndani ya watoto wetu!” Mzazi huyo Mkristo alikuwa akisimulia kuhusu vidio gani? Vidio yenye kichwa Noé : il marchait avec Dieu. Mama mmoja asiye Shahidi ambaye mtoto wake alikuwa ameona vidio Noé nyumbani kwa mtu mwingine alituma mchango wa dola 90 kwenye ofisi ya tawi na akauliza ikiwa tuna vidio nyingine zozote kwa ajili ya watoto. Vidio zinazotokezwa na tengenezo la Yehova zina matokeo yenye nguvu juu ya vijana na watu wazima pia.

² Katika Familia: Baada ya familia ya Mashahidi kutazama vidio La fermeté des Témoins de Jéhovah face à la persécution nazie, mama akaeleza: “Nimefikiria sana jinsi Yehova alivyosaidia watu wa kawaida wavumilie mambo yasiyo ya kawaida! Kufikiria hilo kumenikumbusha jinsi kwa kiasi fulani matatizo yangu mwenyewe yalivyo madogo sana. Kutazama vidio hii pamoja na watoto wetu kumewasaidia waone kwa wazi zaidi uhitaji wa kumtegemea Yehova. Kwa kuizungumzia nao baadaye, tumesaidia binti zetu wawe wenye kutayarishwa vizuri zaidi ili kushughulikia mikazo na mateso yoyote wanayoweza kukutana nayo.”

³ Shuleni: Alipokuwa akitoa ripoti, kijana mmoja Shahidi mwenye umri wa miaka kati ya 13 na 19 aliweza kuonyesha darasa lake sehemu ya vidio La fermeté. Mbele ya hapo, mwalimu wake alisema kwamba hakuwapenda Mashahidi. Baada ya kutazama vidio, akasema: “Hii imebadili kikamili maoni yangu kuhusu Mashahidi wa Yehova. Ninaahidi kwamba wakati ujao watakapokuja mlangoni kwangu, nitawasikiliza, nami nitaanza kujifunza Biblia pamoja nao!” Ni nini kilichobadili maoni yake juu yetu? Alisema kwamba ulikuwa ule “upendo wetu wa kweli na uaminifu wetu.”

⁴ Katika Huduma: Dada mmoja alikutana na mwanamke ambaye alisita kukubali vichapo, ijapokuwa alikuwa na maulizo kutuhusu sisi na imani zetu. Dada alirudi na vidio Les Témoins de Jéhovah : un nom, une organisation, naye akafanya mwanamke huyo na mume wake waitazame. Wote wawili waliguswa moyo na walikubali kujifunza Biblia. Kama tokeo la ushahidi mzuri uliotolewa kwao, wakaanza kupatanisha maisha yao na mapenzi ya Mungu.

⁵ Je, unatumia vidio zetu ili ziwe na matokeo bora zaidi?