Vyombo vyenye kuelimisha, vyenye kuchochea, na vyenye kutia nguvu

¹ Ni vyenye nguvu kwa ajili ya kuelimisha watu kuhusu Biblia na kuhusu Mashahidi wa Yehova. Vimechochea wengi kuchukua msimamo imara kwa ajili ya kweli. Vimetia nguvu imani na uthamini wa watu wa Mungu waliojiweka wakfu. Ni vyombo gani hivyo? Ni zile vidio zinazotolewa na tengenezo la Yehova. Je, umezitazama zote kumi? Ni hivi majuzi kadiri gani? Je, unazitumia hizo katika huduma yako? Kutokea kwa vidio ya 11, Ushirika Wetu Wote wa Ndugu (Kiingereza), kulitangazwa kwenye mkusanyiko wa wilaya. Je, umeifanyia ombi? Unawezaje kufaidika tena zaidi na vyombo hivyo vizuri ajabu?

² Makala ya Mnara wa Mlinzi wa Julai 1, 1999, “Jifunzeni Neno la Mungu kwa Ukawaida Mkiwa Familia” ilitoa pendekezo la ‘kutenga sehemu ya wakati wako wa funzo ili kutazama sehemu fulani ya vidio za Sosaiti zenye maagizo . . . kisha mwizungumzie.’ Kwa kupatana na shauri hilo zuri, vidio tofauti itazungumziwa kwenye Mkutano wa Utumishi kila mwezi. Tunatia kila mmoja moyo katika kutaniko atazame vidio hiyo nyumbani mbele ya hiyo kuzungumziwa kwenye Mkutano wa Utumishi.

³ Mwezi huu tunaanza na ile vidio ya kwanza ambayo Sosaiti ilitoa, Les Témoins de Jéhovah — Un nom, une organisation. Tazameni na kusikiliza majibu ya maulizo yafuatayo:

◼ Ni nini linalofanya Mashahidi wa Yehova wajulikane sana?

◼ Kila kitu kinachofanywa kwenye Betheli kinahusiana na andiko gani?

◼ Ni tamasha gani ya Biblia mliyoona ikichezwa, ikipigwa picha, na kuchapwa kwa ajili ya kutumiwa katika vichapo?

◼ Moyo wenu unaguswa na nini kuhusiana na jinsi vichapo vyetu vinavyotayarishwa?

◼ Kuanzia 1920 mpaka 1990, ni kiasi gani cha vichapo kilichochapishwa na Sosaiti?

◼ Ni nani hasa kati ya watu wa Mungu ambao wangepaswa kujitahidi kujifanya wawe na sifa za kuwastahilisha kwa ajili ya utumishi wa Betheli?—Mez. 20:29.

◼ Ni katika njia gani familia ya Betheli inatoa mfano bora kwa ajili ya Mashahidi wa Yehova wote?

◼ Ni nini kinachowagusa nyinyi moyo kuhusiana na kazi inayofanywa kwenye Betheli ili kufanya habari njema ifikie watu wengi zaidi iwezekanavyo?

◼ Gharama za kazi ya ulimwenguni pote zinalipiwaje?

◼ Ni kazi gani tunayoweza kutegemeza kwa bidii, na kwa roho gani?—Yn. 4:35; Mdo. 1:8.

◼ Mnahisi namna gani kuhusu tengenezo letu, sisi Mashahidi wa Yehova?

◼ Mnawezaje kutumia vidio hii katika huduma?

Mnamo Desemba tutarudilia vidio La Bible : Un récit historique exact, des prophéties dignes de foi.