Uitumie Kila Wakati Unapopata Nafasi
1. Trakti Kujua Kweli ni chombo kinachofaa kwa ajili ya nini?
1 Trakti Je, Ungependa Kujua Kweli? ilitayarishwa ili kutusaidia kuanzisha mafunzo ya Biblia. Lakini pia trakti hiyo ni chombo kinachofaa ambacho tunaweza kutumia ili kutawanya mbegu za kweli. (Mhu. 11:6) Acheni tuzungumzie mapendekezo fulani yatakayotusaidia ili tuitumie vizuri.
2. Namna gani tunaweza kutumia trakti Kujua Kweli ili kuanzisha mazungumzo?
2 Ili Kuanzisha Mazungumzo: Unaweza kumtolea msikilizaji trakti hiyo, umwonyeshe maulizo sita yaliyo kwenye ukurasa wa kwanza, na kisha umuulize: “Kati ya maulizo haya, ni ulizo gani ambalo wewe umekwisha kujiuliza?” Kisha kupata jibu la msikilizaji, fungua trakti ili kupata jibu la Biblia kuhusu ulizo alilochagua na soma andiko moja kati ya maandiko yanayotajwa. Soma ao eleza kwa kifupi mambo yaliyo kwenye ukurasa wa ine wa trakti, na umtolee kitabu Biblia Inafundisha. Hata ikiwa hakubali kitabu, jambo la lazima ni kwamba amechukua trakti ambayo inaweza kufanya kweli iwe na mizizi katika moyo wake.—Mt. 13:23.
3. Ikiwa msikilizaji ana kazi nyingi, tunaweza kusema nini?
3 Msikilizaji Anapokuwa na Kazi Nyingi: Unaweza kusema: “Kwa kuwa ninafika wakati usiofaa, nitakuachia trakti hii. Ina maulizo sita ya maana ambayo wengi kati yetu wamekwisha kujiuliza na inaonyesha waziwazi majibu ya Biblia kwa maulizo hayo. Tutakapoonana tena, nitafurahi kujua mawazo yako.”
4. Tunaweza kusema nini tunapotolea mutu trakti Kujua Kweli barabarani?
4 Unapohubiri Barabarani: Unaweza kusema: “Jambo. Je, umekwisha kujiuliza moja kati ya maulizo haya? [Acha mutu ajibu.] Trakti hii inatoa majibu ya Biblia yaliyo wazi na yenye kutosheleza.” Ikiwa msikilizaji hayuko haraka, unaweza kuzungumzia jibu moja kati ya majibu yaliyo katika trakti na hata kumtolea kitabu Biblia Inafundisha.
5. Namna gani mara kwa mara tunaweza kutumia trakti kwa wale wasiokuwa nyumbani?
5 Watu Wasipokutwa Nyumbani: Katika maeneo fulani, mara nyingi wahubiri wanaacha vichapo kwenye nyumba ambapo hawakute watu; wanakuwa waangalifu ili visionekane na wapita-njia. Ikiwa munazoea kufanya hivyo katika kutaniko lenu, kwa nini usiache mara kwa mara trakti Kujua Kweli mahali ambapo haukute watu nyumbani? Unaporudi, unaweza kusema: “Tulipofika hapa kwenu, hatukukuta mutu, kwa hiyo tuliingiza trakti hii chini ya mlango. Ni ulizo gani kati ya maulizo haya ungependa upate jibu?”
6. Ni nini kinachofanya trakti Kujua Kweli iwe chombo kinachofaa katika mahubiri?
6 Trakti Kujua Kweli inatoa kweli kwa njia iliyo rahisi na iliyo wazi. Watu wa dini zote na jamii zote wanapendezwa na trakti hiyo. Ni rahisi kuitolea watu, hata vijana na wahubiri wapya wanaweza kuitolea watu. Je, wewe unatumia trakti hiyo kila wakati unapopata nafasi ya kuitolea mutu?