Faidika na Gazeti la Munara wa Mulinzi Katika Kiingereza Rahisi

Kwa sasa, gazeti la funzo la Munara wa Mulinzi linapatikana katika Kiingereza rahisi. Gazeti hilo lilitayarishwa kwa ajili ya (1) wahubiri wanaozungumuza Kiingereza na ambao labda kwa sababu hawakusoma sana wanahitaji maneno rahisi; (2) wahubiri wanaozungumuza Kiingereza lakini si luga yao ya kuzaliwa; (3) vijana, kama vile wale walio kwenye masomo ya musingi na ya sekondari; na (4) watu wanaojifunza Biblia wanaohitaji maneno rahisi na usemi ulio wazi zaidi ili kuelewa mambo ya kiroho.

Mambo kama vile namba za mafungu, maulizo na vichwa vidogo vya habari hayatofautiani na yale yanayopatikana katika gazeti letu la kawaida la funzo la Munara wa Mulinzi. Habari ni ileile lakini muundo wa maneno ni rahisi zaidi. Ndugu anayeongoza funzo la Munara wa Mulinzi na musomaji watatumia gazeti la kawaida la funzo la Munara wa Mulinzi ikiwa ndilo gazeti ambalo wasikilizaji wengi wanatumia; ikiwa ni hivyo wale wanaotumia gazeti la Kiingereza rahisi watakuwa na maandiko yaleyale na mifano ileile na wataweza kufuata usomaji wa mafungu na kutoa maelezo.

Wale wanaofikiri kwamba wanaweza kufaidika na gazeti hilo watafanya ombi kupitia ndugu anayeshugulika na magazeti katika kutaniko.