Video Mupya Inayochochea Watu Wakubali Funzo la Biblia

Watu wengi sana wanavutiwa na video fupi iliyo kwenye adresi yetu ya Internete jw.org. Video hiyo ni yenye kichwa Sababu Gani Ujifunze Biblia? Imetayarishwa ili ichochee watu wanaopendezwa wakubali kujifunza Biblia bila malipo. Unaweza kuipata kwa kufungua sehemu yenye kichwa “Omba Funzo la Biblia” kwenye sehemu ya chini ya ukurasa unaofungua ao kwa kutumia chombo cha kusoma alama iliyo kwenye ukurasa wa mwisho wa kila trakte kati ya trakte mupya sita. Tuzungumuzie basi namna fulani za kutumia muzuri video hiyo.

• Unapomurudilia mutu, umuambie: “Ninaweza kukuonyesha video fupi? Video hii inaeleza namna unaweza kupata majibu ya maulizo uliyo nayo kuhusu habari za Biblia.” Akikubali, umuonyeshe video hiyo kwa kutumia telefone ao ordinatere yako, ao ordinatere yake.

• Ikiwa wakati unahubiri unamuachia mutu trakte moja kati ya trakte hizo mupya, umuonyeshe alama iliyo kwenye ukurasa wa mwisho na umutie moyo atumie chombo cha kusoma alama hiyo. Kwa kuwa katika luga nyingi alama hiyo inakuongoza mara moja kwenye adresi yetu ya Internete; unaweza kucheza video hiyo mara moja kwa kutumia telefone ao ordinatere yako.

• Julisha wafanya​-kazi wenzako, wanafunzi wenzako, watu wa familia, na watu unaozoeana nao kuhusu video hiyo, na uwaulize ikiwa wanaweza kuiona. Ao uwatumie video hiyo kupitia Internete, na uwaombe waitazame.

Tukitumia chombo hicho kipya, tunaweza kuanzisha mafunzo ya Biblia mengi zaidi, na kuwasaidia wale ‘walio na mwelekeo unaofaa kwa ajili ya uzima wa milele’ wamujue Mungu​—Mdo. 13:48.