Namna ya Kuhubiri kwa Kutumia Chombo cha Kusukumwa ao Meza Yenye Kuwa na Vichapo

Kuhubiri kwa kutumia chombo cha kusukumwa ao meza yenye kuwa na vichapo ni njia ya kuwasaidia watu wenye kustahili wamujue Mungu. (Yoh. 6:44) Kwa hiyo, wazee wanatiwa moyo kufanya mipango ya kuhubiri mahali penye watu wengi wanapita katika eneo la kutaniko. Kwa sababu chombo cha kusukumwa kinaweza kutembeatembea, haita kuwa lazima kila mara kuomba ruhusa kwa wakubwa wa muji. Ni nani wanastahili kuhubiri na vyombo hivyo? Wahubiri wenye utambuzi, wenye kuheshimika na wenye ufundi wa kuongea na watu. Ili kupata matekeo mazuri, tuone mambo ya kufanya na mambo yenye haiombe kufanya.

Mambo ya Kufanya:

Ukuwe mwenye urafiki, mukaribishaji, na tayari kusaidia wapita-njia. Wahubiri fulani wanaonyesha sura ya kicheko yenye kuvutia na wanasalimia wapita-njia kwa shauku. Kama mupita-njia fulani anaangalia vichapo, unaweza kusema, “Unapenda kukamata kichapo fulani?”
Simama mahali penye kufaa. Katika mahali fulani, wahubiri wamepata matokeo mazuri kwa kusimama karibu na chombo cha kusukumwa. Wengine wanaona kama kufanya hivyo kunaacha watu wasite kukaribia vichapo; kwa hiyo wanasimama mbali kidogo na kuchunga mupaka mutu fulani akuje karibu na chombo cha kusukumwa. Wakati mutu fulani anatupia jicho vichapo, jaribu kuanzisha mazungumuzo naye kwa kumuuliza hivi kwa mufano: “Ulishaka jiuliza ulizo kama hiyo?”
Tumia Biblia kila mara ikiwezekana.
Uelezee kila mutu mwenye kukamata vichapo kama vile kitabu Biblia Inafundisha kwamba tuko na mipango ya kujifunza Biblia na watu. Kama anakuruhusu, umuonyeshe kwenye chombo chako cha kielektroniki video Sababu Gani Ujifunze Biblia?
Ikiwezekana, andika adresi ya kila mutu mwenye anapendezwa. Kama mutu huyu haishi katika eneo la kutaniko lenu, jaza fomu Tafazali Fuatilia Upendezi (S-43), na uipatie mwandishi wa kutaniko lenu.