Tumia Muzuri Wakati Wako wa Mahubiri
Katika mwaka wa utumishi wa 2014, Mashahidi wa Yehova walifanya saa 1945487604 katika kazi ya kuhubiri. Hilo linaonyesha wazi kwamba tunajikaza kufanya mengi katika kazi ya Yehova. (Zab. 110:3; 1 Kor. 15:58) Kwa kuwa “wakati uliobaki umepungua,” sababu gani tusitumie muzuri wakati huo mudogo unaobaki ili kuwaona watu wengi zaidi katika mahubiri?—1 Kor. 7:29.
Ili tutumie muzuri wakati wetu wa mahubiri tunapaswa kubadilika kulingana na hali. Kwa mufano, kama unazoea kufanya saa moja ao zaidi katika aina fulani ya mahubiri bila kupata watu, sababu gani usifanye mabadiliko ili upate watu wengi zaidi? Hata kuwa kila eneo iko na hali yake, mashauri yenye kufuata yanaweza kukusaidia utumie muzuri wakati wako kwa kuepuka ‘kupiga hewa.’—1 Kor. 9:26.
Mahubiri ya Nyumba kwa Nyumba: Kwa miaka mingi, wahubiri wengi wamekuwa na zoezi la kuanza mahubiri kwa kuhubiri nyumba kwa nyumba. Lakini, kwa kuwa watu wengi wanatumika muchana, sababu gani usipange kuhubiri nyumba kwa nyumba kisha midi ao mangaribi wakati watu wengi wanapumuzika kwenye nyumba zao? Kuhubiri muchana katika barabara ao katika eneo la biashara kunaweza kuleta matokeo mazuri.
Kuhubiri Mahali pa Watu Wengi: Meza na vyombo vidogo-vidogo vya kusukumwa vinapaswa kutiwa mahali penye watu wengi wanapita katika eneo la kutaniko lenu. (Ona Huduma Yetu ya Ufalme ya Mwezi wa 7, 2013 uku. 5.) Kama watu hawapite tena sana katika eneo lenye mulichagua, Halmashauri ya Utumishi ya Kutaniko inaweza kuamua kuhamishia meza ya vichapo ao chombo kidogo cha kusukumwa mahali watu wengi wanaanza tena kupita.
Kuwarudilia Watu na Kuongoza Mafunzo ya Biblia: Wakati aina fulani ya mahubiri hailete matokeo mazuri, sababu gani usipange kuwarudilia watu ao kuongoza mafunzo ya Biblia? Kwa mufano, kama mahubiri ya nyumba kwa nyumba inaleta matokeo mazuri Siku ya Posho asubui, sababu gani usipange kuongoza mafunzo ya Biblia kisha muchana ao mangaribi? Wakati munarudilia watu, sababu gani musijipange vikundi vidogo-vidogo ili musipoteze wakati?
Hata kama saa zenye tunafanya katika mahubiri ni za maana, tunafurahi zaidi wakati tunapata matokeo mazuri. Kama unaona aina fulani ya mahubiri hailete matokeo mazuri wakati fulani, jaribu kufanya aina ingine ya mahubiri wakati huo. Umuombe Yehova, “Bwana wa mavuno,” akusaidie kutumia muzuri zaidi wakati wako wa mahubiri.—Mat. 9:38.