Tukomalishe Ufundi Wetu wa Kuhubiri—Kuhubiri Mutu Mwenye Kuzungumuza Luga Ingine

Sababu Gani Ni Lazima Kufanya Hivyo: Yehova anataka watu wa “kila taifa” wakuwe na hali nzuri ya kiroho. (Mdo. 10:34, 35) Yesu alisema kama habari njema itahubiriwa “katika dunia yote inayokaliwa” na “kwa mataifa yote.” (Mat. 24:14) Nabii Zekaria alisema kama watu ‘kutoka mataifa yote na makabila na vikundi vya watu na luga’ watakubali ujumbe huo. (Zek. 8:23) Mutume Yohana aliona katika maono, watu ‘kutoka mataifa yote na makabila na vikundi vya watu na luga’ wakiokoka ziki kubwa. (Ufu. 7:9, 13, 14) Kwa hiyo, wakati tunakutana mutu mwenye kuzungumuza luga ingine, tunapaswa kujikaza kumuhubiria.

Namna ya Kufanya:

Ujitayarishe. Utie katika sakoshi yako ya mahubiri kijitabu Habari Njema kwa Watu wa Mataifa Yote. Uelewe muzuri maagizo yenye kupatika kwenye ukurasa wa 2 wa kijitabu hicho. Fikiria mbele ya wakati luga za watu wenye unaweza kukutana katika mahubiri na uchukue video ao kichapo fulani katika luga hizo kutoka kwenye jw.org na kuvitia katika chombo chako cha kielektroniki. Ujifunze kutumia programu JW Luga ili ujue maneno fulani katika luga hizo. Kama makutaniko za luga tofauti zinahubiri katika eneo lenu, ubebe vichapo katika luga la kutaniko lako wakati unahubiri nyumba kwa nyumba. Lakini, wakati munahubiri mahali pa watu wengi, ubebe vichapo katika luga mbalimbali za watu wenye unaweza kukutana.
Wakati unakutana mutu mwenye haseme luga yako, ujikaze kumuelezea ‘mambo makubwa ya Mungu’ katika luga yake. (Mdo. 2:11) Umutume kwenye jw.org ili apate habari zaidi katika luga yake. Kama anapendezwa, ujaze bila kukawia fomu Tafazali Fuatilia Upendezi (S-43) na uipatie mwandishi wa kutaniko lako. Endelea kumutembelea mupaka wahubiri wenye wanazungumuza luga yake wamufikie.

Tumikisha Shauri Hili Katika Mwezi:

Katika Ibada ya Familia ya mangaribi, mufanye mazoezi ya kuhubiri mutu mwenye anazungumuza luga ingine.