Muumbaji Wetu Mwenye Upendo Anatuhangaikia

1. MUUMBAJI WETU ANAFANYA JUA LITUANGAZIE

Unawaza maisha ingekuwa namna gani ku dunia bila mwangaza wa jua? Jua linasaidia miti itoe majani, maua, matunda, na mbegu. Linasaidia pia miti ikokote maji mu udongo kupitia mizizi na kuipandisha mupaka ku majani na kisha mu anga na imekuwa muvuke.

2. MUUMBAJI WETU ANATUPATIA MVUA

Mvua ni zawadi ya muzuri yenye Mungu anatupatia, na inasaidia dunia itutolee chakula. Mungu anatupatia mvua kutoka mbinguni na vipindi vya kuzaa matunda, na anatupatia chakula kwa wingi na kujaza mioyo yetu furaha.

3. MUUMBAJI WETU ANATUPATIA CHAKULA NA NGUO

Mambo yenye inahangaisha baba wengi ni kupata chakula na nguo zenye watu wa familia wako nazo lazima. Ona mambo yenye Maandiko inasema: “Muangalie kwa uangalifu ndege wa mbinguni; hawapande mbegu ao kuvuna ao kukusanya katika madepo, lakini Baba yenu wa mbinguni anawalisha. Je, ninyi hamuko wa maana kuliko wao?”​—Matayo 6:25, 26.

“Muangalie muzuri maua ya mayungiyungi ya shamba, namna yanakomaa . . . ; lakini mimi ninawaambia kwamba hata [Mufalme] Sulemani katika utukufu wake wote hakupambwa kama moja ya maua hayo. Basi, kama ni vile Mungu anavalisha mimea yenye kuwa katika shamba . . . , je, hatawavalisha muzuri zaidi?”​—Matayo 6:28-30.

Juu Mungu iko na uwezo wa kutupatia chakula na nguo, bila shaka iko pia na uwezo wa kutupatia mambo ingine yenye tuko nayo lazima. Kama tunafanya mapenzi ya Mungu, anaweza kubariki bidii yenye tunafanya ili kulima chakula ao anaweza kutusaidia tupate kazi ya kutusaidia tuuze mambo yenye tuko nayo lazima.​—Matayo 6:32, 33.

Tuko na sababu za muzuri za kumupenda Mungu wakati tunafikiria jua, mvua, ndege, na maua. Habari yenye kufuata itazungumuzia namna Mungu amezungumuza na wanadamu.