Kuko Muongozo wa Kutusaidia Kuwa na Maisha ya Muzuri Wakati Wenye Kuja?

Sawa vile tulizungumuzia mu habari zenye zilitangulia, watu wamefanya yao yote juu wakuwe na maisha ya muzuri wakati wenye kuja kwa kuweka tumaini yao katika mambo sawa vile, bahati, masomo, utajiri ao kwa kuwa tu watu wazuri. Lakini kufanya vile iko sawa kutumia karte ya bongo juu ikupeleke fasi fulani. Je, ile inamaanisha kama hakuna muongozo wowote wenye kutumainika kwa ajili ya maisha yetu ya wakati wenye kuja? Hapana!

MUONGOZO KUTOKA KWENYE CHANZO YA JUU SANA

Wakati tunapendaka kukamata maamuzi, mara mingi tunaombaka mawazo kwa mwenye kutupita miaka ao mwenye kuwa na hekima mingi kuliko siye. Vilevile, tunaweza kupata muongozo wenye kutumainika kwa ajili ya maisha yetu ya wakati wenye kuja kutoka kwenye chanzo ya zamani sana na yenye hekima sana kuliko siye. Mashauri kutoka kwake inapatikana katika maandishi fulani matakatifu yenye ilianza kuandikwa kumepita miaka karibu 3500. Ile maandishi yote matakatifu iko mu kitabu yenye inaitwa Biblia.

Juu ya nini unaweza kutumainia Biblia? Ni juu hakuna mutu mwenye kuwa wa zamani sana na mwenye kuwa na hekima sana mu ulimwengu wote sawa ule mwenye aliiandikisha. Ule mutu anaitwa kuwa “Muzee wa Siku” mwenye ni wa “tangu milele mupaka milele.” (Danieli 7:9; Zaburi 90:2) Yeye ni “Muumbaji wa mbingu, Mungu wa kweli, Mwenye alifanya dunia.” (Isaya 45:18) Yeye mwenyewe anajiita kwa jina Yehova.—Zaburi 83:18.

Juu Biblia inatoka kwa Muumbaji wa wanadamu haipendelee desturi fulani ao rangi fulani ya ngozi kuliko ingine. Mashauri yake iko ya maana kila siku na imeletea faida watu wa inchi zote. Inapatikana mu luga za mingi sana na hakuna kitabua ingine sawa Biblia yenye imegawanywa sana mu dunia yote. Ni kusema, watu wenye kuwa fasi yote mu dunia wanaweza kuielewa kwa urahisi na inaweza kuwaongoza. Ile mambo yote inaunga mukono hii maneno ya Biblia yenye inasema:

“Mungu hana ubaguzi, lakini katika kila taifa mutu mwenye anamuogopa na kufanya mambo yenye kuwa sawa anakubaliwa naye.”—MATENDO 10:34, 35.

Sawa tu vile muzazi mwenye kuwa na upendo anaongozaka watoto wake, Yehova Mungu naye ni Baba mwenye kuwa na upendo, mwenye anatusaidia kupitia Neno yake Biblia. (2 Timoteo 3:16) Unaweza kutumainia Neno yake juu Yeye njo alituumba na anajua ni mambo gani iko ya muzuri ili tukuwe na maisha ya muzuri.

MUONGOZO WENYE KUTUMAINIKA

Tunaweza kutumainia Biblia na kuiona kuwa muongozo wenye kutumainika kwa ajili ya wakati wetu wenye kuja, juu kumepita miaka 2 000 hivi tangu Biblia ilitabiri bila kukosea matukio yenye tuko naona mu dunia leo, na matendo ya watu.

MATUKIO

“Taifa litasimama kupigana na taifa na ufalme kupigana na ufalme. Kutakuwa matetemeko makubwa ya inchi, na mahali pamoja kisha pengine kutakuwa upungufu wa chakula na magonjwa ya kuambukiza.”—LUKA 21:10, 11.

MATENDO YA WATU

“Katika siku za mwisho kutakuwa nyakati za hatari zenye kuwa ngumu kuvumilia. Kwa maana watu watakuwa wenye kujipenda wenyewe, wenye kupenda feza, wenye kujisifu, wenye kujivuna, wenye kumutukana Mungu, wenye hawatii wazazi, wenye hawana shukrani, wenye hawana ushikamanifu, wenye hawana upendo wa asili, wenye hawataki makubaliano yoyote, wachongezi, wenye hawajizuie, wakali, wenye hawapendi wema, wasaliti, wenye vichwa vigumu, wenye kujivuna kwa kiburi, wenye kupenda raha kuliko kumupenda Mungu.”—2 TIMOTEO 3:1-4.

Kama unalinganisha mambo yenye kutokea mu dunia leo na mambo yenye Biblia ilisema tangu zamani unaweza kusema nini? Hakuna mashaka kama utakubaliana na maneno ya Leung, wa Hong Kong, mwenye anasema: “Maunabii ya Biblia iliandikwa zamani sana. Haiwezekane kwa mwanadamu kutabiri ile mambo yote bila kukosea. Biblia inapaswa kuwa iliongozwa na mutu fulani mwenye kuwa na hekima sana kuliko siye.”

Biblia iko na maunabii ya mingi yenye tayari ilishatimia.b Ile inaonyesha waziwazi kama Biblia ni Neno ya Mungu. Yehova anasema hivi: “Mimi ni Mungu na hakuna mwenye kuwa kama mimi. Ninatabiri matokeo tangu mwanzo.” (Isaya 46:9, 10) Kwa hiyo, uko na sababu ya kutumainia mambo yenye Biblia inasema juu ya wakati wenye kuja.

MUONGOZO WENYE UNAKULETEA FAIDA SASA NA MILELE

Wakati unafuata muongozo wenye kuwa mu Maandiko Matakatifu utapata faida. Ona faida fulani.

MAWAZO YENYE KUFAA JUU YA MAKUTA NA KAZI

“Mukono mumoja wa pumuziko ni muzuri zaidi kuliko mikono mbili ya kazi ya nguvu na kufuatilia upepo.”—MUHUBIRI 4:6.

MAISHA YA FAMILIA

“Kila mumoja wenu anapaswa kumupenda bibi yake kama vile anajipenda mwenyewe; kwa upande mwingine, bibi anapaswa kumuheshimia sana bwana yake.”—WAEFESO 5:33.

NAMNA YA KUISHI NA WENGINE

“Acha hasira na uache kasirani kali; usikasirike na kuanza kutenda uovu.”—ZABURI 37:8.

Kama unatumikisha mambo yenye Biblia inasema utapata faida sasa na pia utakuwa na maisha ya muzuri wakati wenye kuja. Mu Biblia tunapata ahadi ya Mungu juu ya wakati wenye kuja wenye kuwa wa muzuri sana, mu ile wakati kutakuwa mambo sawa vile

AMANI NA USALAMA

“Watapata furaha nyingi sana katika wingi wa amani.”—ZABURI 37:11.

NYUMBA NA CHAKULA KWA AJILI YA WATU WOTE

“Watajenga nyumba na kuishi ndani, na watapanda mashamba ya mizabibu na kula matunda yake.”—ISAYA 65:21.

HAKUTAKUWA TENA MAGONJWA WALA KIFO

“Kifo hakitakuwa tena, wala maombolezo wala kilio wala maumivu havitakuwa tena.”—UFUNUO 21:4.

Unapaswa kufanya nini juu ukuwe na maisha ya muzuri wakati wenye kuja? Ona habari yenye kufuata.

a Ili kupata habari zaidi kuhusu kazi ya kutafsiri na kuhusu kazi ya kugawanya Biblia, fungua www.jw.org na uende ku sehemu MAFUNDISHO YA BIBLIA > HISTORIA NA BIBLIA.

b Ili kupata habari zaidi ona sura ya 9 ya Kitabu Biblia—Neno la Mungu ao la Binadamu? yenye ilichapishwa na Mashahidi wa Yehova. Inapatikana ku Enternete ku www.jw.org fungua sehemu MAKTABA > VITABU NA BROSHUA.