Mambo ya Muzuri na ya Mubaya: Biblia Ni Muongozo Wenye Kutumainika

TUKO NA LAZIMA YA MUONGOZO WA MUNGU

Mu Biblia, Yehovaa Mungu anafasiria kama wanadamu wako na lazima ya muongozo wake na hawawezi kujiongoza wao wenyewe. (Yeremia 10:23) Njo maana, alitupatia kanuni za kutuongoza zenye kupatikana mu Biblia. Anapenda familia ya wanadamu na hapendi tukamate maamuzi ya mubaya yenye itatuumiza na kufanya maisha yetu ikuwe nguvu. (Kumbukumbu la Torati 5:29; 1 Yohana 4:8) Zaidi ya ile, juu ni Muumbaji wetu, iko na hekima na ujuzi mingi ili kutupatia mashauri ya muzuri zaidi. (Zaburi 100:3; 104:24) Lakini, Mungu halazimishake watu waishi kulingana na kanuni zake.

Yehova alipatia mwanaume na mwanamuke wa kwanza Adamu na Eva kila kitu yenye walikuwa nayo lazima juu wakuwe na maisha yenye furaha. (Mwanzo 1:28, 29; 2:8, 15) Na aliwapatia maagizo ya mwepesi yenye alitazamia kama wangetii. Lakini, aliwapatia pia uhuru wa kuchagula kama watatii ile maagizo ao hapana. (Mwanzo 2:9, 16, 17) Jambo ya kuhuzunisha ni kama, Adamu na Eva walichagula kuishi kulingana na kanuni zao wenyewe kuliko kuishi kulingana na kanuni za Mungu. (Mwanzo 3:6) Ile ilileta matokeo gani? Wanadamu wanaweza kweli kujiamulia mambo ya muzuri na ya mubaya? Hapana. Kwa miaka mingi inaonekana kama kuacha kufuata kanuni za Yehova hailetake amani na furaha ya milele.—Muhubiri 8:9.

Biblia inatupatia muongozo wenye tuko nao lazima ili tukamate maamuzi ya hekima juu ya mwenendo hata kama tunaishi wapi, ao hata kama familia yetu ni ya namna gani. (2 Timoteo 3:16, 17; ona kisanduku “Kitabu ya Watu Wote.”) Ona namna Biblia inafanyaka vile.

Ona juu ya nini inafaa kabisa kuita Biblia “neno la Mungu.”—1 Watesalonike 2:13. Angalia video Ni Nani Aliandikisha Biblia? ku jw.org.

NAMNA BIBLIA INAONYESHA MUONGOZO WA MUNGU

Biblia inatuambia juu ya uhusiano wenye Mungu alikuwa nao pamoya na wanadamu tangu mwanzo. Mambo yenye kuwa mu Biblia inatusaidia kujua mawazo ya Mungu juu ya mambo ya muzuri na ya mubaya, mambo yenye kutuletea faida na hatari. (Zaburi 19:7, 11) Mambo yenye tunajifunzaka mu Biblia inakuwaka tu ya kweli, na itatusaidia tukamate maamuzi ya hekima juu ya mwenendo mu maisha yetu ya kila siku.

Kwa mufano, tufikirie shauri yenye kupatikana mu Mezali 13:20: “Mwenye anatembea na wenye hekima atakuwa na hekima, lakini mwenye kufanya urafiki na wajinga ataumia.” Hii kanuni inaendelea kutusaidia leo, sawa tu vile ilikuwa nawasaidia watu zamani. Mu Biblia muko kanuni mingi sana zenye zinaweza kutusaidia na zenye ni za maana.—Ona kisanduku “Mashauri ya Biblia Inakuwaka tu na Faida.”

Lakini, pengine unaweza kujiuliza hivi: ‘Namna gani naweza kuwa hakika kama mashauri ya Biblia inaweza kunisaidia leo?’ Mu habari yenye kufuata tutazungumuzia mifano fulani ya mu wakati wetu.