MUENDELEE KUKESHA!

Mauaji Yenye Inafanyika mu Dunia Yote kwa Kutumia Bunduki—Biblia Inasema Nini?

IMEREKEBISHWA: Tarehe 27, Mwezi wa 4, 2023

Mauaji yenye inafanyika mu dunia yote kwa kutumia bunduki inaendelea kuongezeka sana. Ona mifano kidogo tu.

“Amerika njo yenye iko na hesabu kubwa ya watu wenye wako nauawa kwa kutumia bunduki, kila juma kuko mutu mwenye iko napiga masasi watu wengi.”—Tarehe 21, Mwezi wa 4, 2023, The Guardian.
“Watu kumi wa familia moya, saba kati yao wanamuke na kijana mwanaume wa miaka 13, waliuawa mu nyumba moya mu inchi ya Afrika ya Kusini.”—Tarehe 21, Mwezi wa 4, 2023, AP News.
“Mu Alemanye, mutu mwenye kuwa na bunduki aliua watu sita na kisha akajiua ku Jumba ya Ufalme ya Mashahidi wa Yehova katika Hamburg.”—Tarehe 10, Mwezi wa 3, 2023, Reuters.

Biblia inatolea faraja wale wenye wako wanateseka kwa sababu ya matukio ya mubaya sana sawa ile. Ili kuona mufano wa mutu moya mwenye Biblia ilifariji, angalia video DeJanerio Brown: Navunjwa Lakini Siharibiwe.

Biblia inasaidia pia kuelewa juu ya nini mambo ya mubaya vile inatokeaka. Ili kujua mambo fulani juu ya ile, angalia video Sababu Gani Mungu Anaacha Mateso?

Mu Mwezi wa 7, 2022, matendo ya kuhuzunisha ya kuua watu na bunduki ilifanyika mu dunia yote:

“Kuuawa kwa mwanasiasa mwenye kujulikana sana wa Japani [Waziri Mukubwa wa zamani Shinzo Abe] kulihuzunisha watu wote mu inchi na kulishangaza watu mu dunia yote, zaidi sana juu jeuri iko kidogo mu Japani na juu Japani iko na sheria za nguvu kuhusu kuwa na bunduki.”—The Japan Times, tarehe 10, Mwezi wa 7, 2022.
“Watu wa Danmark walihuzunika sana wakati mwanaume fulani aliua watu tatu na bunduki mu supermarché ya Copenhague.”—Reuters, tarehe 4, Mwezi wa 7, 2022
“Mu Afrika ya Kusini: Watu 15 walikufa kisha wanaume fulani kupiga masasi mu bar ya mu muji wa Soweto.”—The Guardian, tarehe 10, Mwezi wa 7, 2022.
“Zaidi ya watu 220 walipigwa masasi na kuuawa katika Amerika mu sikukuu ya tarehe 4, Mwezi wa 7.”—CBS News, tarehe 5, Mwezi wa 7, 2022.

Ile matendo ya jeuri itaishaka? Biblia inasema nini?

Jeuri itaishaka

Biblia inaita wakati wetu “siku za mwisho.” Ni wakati wenye watu ni wakali, na hawana huruma. (2 Timoteo 3:1, 3) Ile inafanya watu waishi mu woga. (Luka 21:11) Lakini, Biblia inasema kama kutakuwa wakati wenye jeuri itaisha na ‘watu watakaa katika makao yenye amani, katika makao salama na katika mahali pa kupumuzikia penye utulivu.’ (Isaya 32:18) Jeuri itaisha namna gani?

Mungu atatosha watu wabaya na kuharibu silaha zote.

“Lakini waovu, wataondolewa katika dunia, na wadanganyifu watangolewa kutoka ndani yake.”—Mezali 2:22.
“[Mungu] anamaliza vita katika dunia yote. Anavunja upinde na kuvunja mukuki vipande-vipande; anateketeza kwa moto magari ya kukokotwa ya vita.”—Zaburi 46:9.

Mungu atatosha mambo yote yenye inafanya kukuwe matendo ya jeuri kwa kufundisha watu namna ya kuishi kwa amani.

“Hawatatokeza jambo lolote lenye kuumiza wala uharibifu wowote katika mulima wangu wote mutakatifu, kwa maana dunia hakika itajaa ujuzi juu ya Yehova kama vile maji yanafunika bahari.”—Isaya 11:9.
Hata sasa, Mungu iko nafundisha watu mu dunia yote wachukie jeuri na wasitumie silaha, lakini ‘wafue panga zao kuwa majembe na mikuki yao kuwa miundu.”—Mika 4:3.

Juu ya kujua mambo mingi zaidi kuhusu ahadi ya Biblia ya kama kuko siku watu hawataishi kwa woga, soma habari “Je, Inawezekana Kuishi Bila Woga?”

Juu ya kujua mambo mingi kuhusu namna Mungu atamaliza jeuri milele, soma habari “Hatimaye Amani Duniani!”