Majibu Kwa Maulizo Yenu

◼ Nini la kufanya wakati ndugu atakayetoa hotuba ya peupe hafiki pa wakati kwenye mkutano?

Inafikia kwamba mambo yasiyotazamiwa yanamzuia ndugu kufika pa wakati ili kutoa hotuba iliyopangwa. Ikiwa wanafikiri kwamba atafika hivi punde, wazee wanaweza kuamua kuanza mkutano kwa funzo la Mnara wa Mlinzi; mkutano wa peupe utafuata. Ikiwa inaonekana waziwazi kwamba msemaji hatakuja, labda msemaji wa kutaniko ataweza kutoa mojawapo ya hotuba ambazo alikwisha kutoa.

Programu inayopangwa kwa makini mbele ya wakati inawezesha kwa ujumla kuepuka tatizo hilo. Ndugu anayeshughulika na kutayarisha programu ya hotuba za peupe angepaswa kumwona kila msemaji yapata juma moja hivi mapema ili kumkumbusha saa na pia anwani na namba ya simu ya Jumba la Ufalme, kwa kumtolea alama zote za lazima za mahali ili ajielekeze huko. Msemaji anapaswa kuandika kwa makini maelezo hayo. Angepaswa kutoa kwa mgawo wake uzito wote unaoombwa na kuchukua mipango yote ya lazima ili kutimiza daraka hilo. Ikiwa anapata kipingamizi ambacho hakitokani na mapenzi yake, angepaswa haraka kumwona ndugu anayeshughulika na programu ya hotuba za peupe ili kutafuta msemaji mwingine wa badala. Yote yanapaswa kufanywa ili kuepuka mabadiliko ya dakika za mwisho. Ikiwa msemaji anachelewa tu muda wa dakika fulani, atafanya yake yote ili kupiga simu kwenye Jumba la Ufalme, hivi kwamba ndugu wajulishwe mapema na wajue nini la kufanya.

Ikiwa wasemaji wa peupe wanachukua kwa uzito migawo yao, ikiwa kuna programu iliyotayarishwa mapema, ikiwa vikumbusho vinatolewa mapema vya kutosha na kwamba uangalifu unaofaa unatolewa kwa ulizo hilo, bila shaka kwamba kutaniko litafaidika kila juma na hotuba ya peupe yenye kujenga.