SOMO YA 11

Uchangamufu

Waroma 12:11

JAMBO LA KUFANYA: Chochea na utie moyo wasikilizaji wako kwa kuzungumuza na kifukutu.

Fanya habari iguse kwanza moyo wako. Wakati uko unajitayarisha juu ya kupitisha sehemu yako, fikiria sana faida ya habari yako. Jikaze kujua muzuri habari yako kusudi uweze kusema mambo yenye inatoka mu moyo.
Fikiria wasikilizaji wako. Wazia namna mambo yenye utasoma ao kufundisha itasaidia wengine. Wazia namna mbalimbali zenye zitakusaidia upitishe ile habari mu njia yenye itafanya wasikilizaji wako waifurahie sana.
Pitisha habari yako kwa uchangamufu. Sema na kifukutu. Juu ya kuonyesha hisia, tumia ishara za mwili zenye ziko za kawaida na ishara za uso zenye zinaonyesha kabisa namna unajisikia.

Ukuwe muangalifu juu usikengeushe wasikilizaji wako kwa kutumia ishara ileile, tena na tena. Fanya ishara zenye zinapatana na mambo yenye uko unasema. Zungumuza kwa uchangamufu zaidi sana wakati unafundisha mambo makubwa na wakati unatia moyo wasikilizaji wako watende. Usichokeshe wasikilizaji wako kwa kuonyesha uchangamufu sana kuanzia mwanzo mupaka mwisho wa habari yako.