Wanajikaza Kumaliza Kizuizi cha Tangu Zamani

LEO, katika dunia yote kunapatikana luga 7000 hivi. Hilo linaweza kufanya ikuwe nguvu kufanya safari, kufanya biashara, kujifunza kwenye masomo, na kuongoza inchi. Jambo hilo limekuwa kizuizi tangu zamani. Kwa mufano, katika mwaka wa 475 mbele ya kuzaliwa kwa Yesu, chini ya utawala wa Ahasuero (mwenye kuwaziwa kuwa Shasta wa Kwanza), Waperse walitoa maagizo katika utawala wote, ‘kutoka India mupaka Ethiopia, wilaya za utawala 127, wakaandikiwa kulingana na . . . mutindo wao wa kuandika na kila kikundi cha watu kwa luga yao.’a

Leo, tengenezo nyingi, na hata serikali, haziwezi kujaribu kufanya kazi hiyo ngumu. Lakini, kuna tengenezo moja lenye limeweza kufanya kazi hiyo. Vichapo vya Mashahidi wa Yehova, ni kusema, magazeti, video, habari za kusikiliza tu, na vitabu vingi, hata pia Biblia, vyote pamoja vinapatikana katika luga zaidi ya 750. Kati ya luga hizo kuna luga za ishara 80 hivi. Mashahidi wa Yehova wanachapisha pia vichapo katika maandishi mbalimbali za vipofu.

Zaidi ya hilo, Mashahidi wa Yehova hawafanye kazi hiyo ili wapate feza. Kwa kweli, watafsiri na wengine wenye kutumika pamoja nao ni wafanyakazi wa kujitolea. Sababu gani wanajikaza kabisa ili kutafsiri vichapo katika luga nyingi, na namna gani wanafanya hivyo?