45 யெகோவாவாகிய நான் கோரேசைத்+ தேர்ந்தெடுத்திருக்கிறேன்.

நான் அவனுடைய வலது கையைப் பிடித்திருக்கிறேன்.+

அவனுக்கு முன்பாகத் தேசங்களை அடிபணிய வைப்பேன்.+

அவனுக்கு முன்பாக ராஜாக்களை வீழ்த்துவேன்.

அவனுக்கு முன்பாக நகரவாசல்களும் அவற்றின் கதவுகளும்

பூட்டப்படாமல் திறந்திருக்கும்படி செய்வேன்.

அவனிடம் நான் சொல்வது இதுதான்:

 2 “நான் உனக்கு முன்னால் போய்,+

குன்றுகளைத் தரைமட்டமாக்குவேன்.

செம்புக் கதவுகளை நொறுக்கிப்போடுவேன்.

இரும்புத் தாழ்ப்பாள்களை உடைத்துப்போடுவேன்.+