நான் யாரை அழைக்கப்போகிறேன்?

நினைவுநாள் நிகழ்ச்சிக்கு நம்முடைய பகுதியில் இருக்கும் மக்களை அழைப்பதற்காக ஒவ்வொரு வருஷமும் நாம் விசேஷ முயற்சி எடுக்கிறோம். இப்படி, நாம் அழைக்கும் பெரும்பாலானவர்கள் நமக்கு அறிமுகம் இல்லாதவர்கள். ஆனால், நமக்கு அறிமுகமானவர்களையும் நாம் அழைக்க வேண்டும். தங்களுக்குத் தெரிந்தவர்கள் ஒரு நிகழ்ச்சியில் கலந்துகொள்வதற்காக அழைக்கும்போது, மக்கள் பெரும்பாலும் அதில் கலந்துகொள்வார்கள். (yb08 பக். 12 பாரா 1; பக். 14 பாரா 2) நீங்கள் யாரையெல்லாம் அழைக்கலாம்?

• சொந்தக்காரர்கள்

• கூடவேலை செய்பவர்கள் அல்லது கூடப்படிப்பவர்கள்

• அக்கம்பக்கத்தில் இருப்பவர்கள்

• மறுசந்திப்புகள், முன்பு உங்களோடு பைபிள் படித்தவர்கள், இப்போது படித்து வருபவர்கள்

செயலற்ற பிரஸ்தாபிகளை மூப்பர்கள் அழைப்பார்கள். உங்களுக்குத் தெரிந்த ஒருவரின் வீடு உங்கள் பகுதியில் இல்லையென்றால் என்ன செய்யலாம்? அவர் வாழும் பகுதியில் நினைவுநாள் நிகழ்ச்சி எங்கே நடக்கிறது என்பதைத் தெரிந்துகொள்ள, jw.org வெப்சைட்டின் முதல் பக்கத்துக்குப் போங்கள். பிறகு, எங்களைப் பற்றி என்ற பகுதிக்குள் போய், “இயேசுவின் மரண நினைவுநாள் நிகழ்ச்சி” என்ற லிங்க்கை க்ளிக் செய்யுங்கள். அப்போது, நிகழ்ச்சி நடக்கிற நேரத்தையும் இடத்தையும் கண்டுபிடிக்கலாம். இந்த வருஷ நினைவுநாள் நிகழ்ச்சிக்காகத் தயாராகும்போது யாரையெல்லாம் அழைக்கலாம் என்று யோசித்துப்பாருங்கள். பிறகு, அவர்களைக் கூப்பிடுங்கள்.