மனக்காயம் இருந்தாலும் மன அமைதி கிடைத்தது

இது எப்படி உதவுகிறது: “போரில் ஈடுபட்டபோது நான் நிறைய தப்பு செய்திருக்கிறேன். இந்த வசனத்தை படித்தபோது யெகோவா ரொம்ப இரக்கமுள்ளவர் என்ற நம்பிக்கை எனக்கு கிடைத்தது. நான் செய்த எல்லாவற்றையும் மன்னிக்க யெகோவா தயாராக இருக்கிறார் என்பதில் எனக்கு சந்தேகமே இல்லை.”—வில்மர், கொலம்பியா.

இது எப்படி உதவுகிறது: “ராணுவத்தில் சேவை செய்தபோது எனக்கு கிடைத்த மோசமான அனுபவத்தால் பேரதிர்ச்சிக்கு பின்பு வரும் மன உளைச்சலால் கஷ்டப்படுகிறேன், மன அழுத்தத்தாலும் பாதிக்கப்பட்டிருக்கிறேன். என்னுடைய மனசை வாட்டிவதைக்கும் எண்ணங்களை யெகோவா சீக்கிரத்தில் தூக்கிப்போட்டுவிடுவார், ஆறாத வடுக்களையும் குணப்படுத்திவிடுவார் என்று இந்த வசனம் எனக்கு ஞாபகப்படுத்திக்கொண்டே இருக்கிறது. இதை விட எனக்கு வேற என்ன வேண்டும்!”—சாஃபிரா, ஐக்கிய மாகாணங்கள்.

இது எப்படி உதவுகிறது: “இந்த வார்த்தைகளை நான் அடிக்கடி யோசிச்சு பார்ப்பேன். போரும் அதனால் ஏற்படுகிற படுபயங்கரமான சம்பவங்களும் சீக்கிரத்தில் சுவடு தெரியாமல் போய்விடும். நம் அன்பானவர்கள் பாதுகாப்பாக இருக்கிறார்களா என்று நாம் கவலைப்பட வேண்டிய அவசியமே இருக்காது.”—ஒலெக்சான்ட்ரா, உக்ரைன்.

இது எப்படி உதவுகிறது: “டூட்ஸி மக்களுக்கு எதிராக நடந்த இனப்படுகொலையில் கிட்டத்தட்ட என்னுடைய குடும்பத்தை சேர்ந்த எல்லாரும் கொல்லப்பட்டார்கள். ஆனால் அவர்களை திரும்பவும் பார்ப்பேன் என்ற நம்பிக்கையை இந்த வசனம் எனக்கு கொடுத்தது. அவர்கள் உயிர்த்தெழுந்து வரும்போது அவர்களுடைய குரல்களை கேட்க ஆசை ஆசையாக காத்துக்கொண்டிருக்கிறேன்.”—மேரி, ருவாண்டா.

இது எப்படி உதவுகிறது: “இந்த வசனங்கள் எனக்கு புது உத்வேகத்தை கொடுத்தது. ஏனென்றால், போர் ஓய்ந்தாலும் அநியாயமும் அக்கிரமங்களும் செய்கிறவர்கள் இன்னமும் இருக்கத்தான் செய்கிறார்கள். ஆனால் யெகோவா எல்லாவற்றையும் பார்க்கிறார், என் சூழ்நிலையை புரிந்துகொள்கிறார். சீக்கிரத்தில் இந்த கஷ்டங்களை எல்லாம் தீர்த்துவிடுவார், அவற்றை என்னுடைய நினைவில் இருந்தும் கூட நீக்கிவிடுவார்.”—டேலர், தஜிகிஸ்தான்.