¿Tachiri ju napu mué alué Biblia?

NAPU ANÍ ALUÉ BIBLIA

“Suwábaga ye raʼíchali, Onorúgame ʼsílekuru náwala” (2 Timoteo 3:16, El Nuevo Testamento en el idioma ralámuli de la Tarahumara Baja del municipio de Guazapares).

CHURIGÁ GUʼÍRIMALA RAMUÉ MACHIBOA

Machiboa ʼla bijchigi weʼká tábiri ʼwe najtéame alué ralámuli rukeme  (Proverbios 2:1-5).

Nijímala rejcholi napu ejperégame ʼwe aʼlá  (Salmo 119:105).

Ramué ka buwewa ujché siné ikimela  (Romanos 15:4).

¿RAMUÉ IKIRU BIJCHIGA NAPU ANÍ ALUÉ BIBLIA?

Abe, jena ruwimela ye baikiá tábiri:

• Tabilé aniame bilé tábiri ʼlige ujché siné seʼwináriga aniame. Naosa makué riʼó osale alué Biblia ʼlige 1.600 bamí kaachi gayénale osá. Rekó jaré riʼó napu osale tabilé sineti machile ujché jaré riʼó napu osale, alué Bíbliachi tabilé aniame bilé tábiri ʼlige ujché siné seʼwináriga aniame ʼlige beniri ramué napu Onorúgame rewalá ʼlige boʼné gobierno ʼwe najtéame ju.

• Alué osáame nabí osale bijchigi. Iʼsínami alué osáame tabilé osá alué tábiri chati napu noká alué ralámuli boʼné pueblo. Nobi, alué ralámuli napu osale alué Biblia ʼla osale suwábaga tábiri aʼboe cha nokale ʼlige boʼné pueblo (2 Crónicas 36:15, 16; Salmo 51:1-4).

• Napu aní Biblia ikimela bijchigi ju. Ye Biblia anile ʼwe ʼya 200 bamí napu alué ciudad Babilonia aneliame suwibámala ʼlige alarigá nile (Isaías 13:17-22). Abiena anile chieti ikimela ʼlige chieri neyúrimala (Isaías 45:1-3).

  Ujché jaré weʼká tábiri napu alué Biblia anile napu ujché siné ikimela, alarigá nile. ʼLiko, ¿mué ka ʼla bijchiga alué Biblia Onorúgame Raʼíchali ju? (2 Pedro 1:21).