¿Mué ka ʼla bijchigi ku ajáname alué suwígame?

NAPU ANÍ ALUÉ BIBLIA

“Onorúgame ku ajánimio alué ralámuli suwígame” (Hechos 24:15, El Nuevo Testamento en el idioma ralámuli de la Tarahumara Baja del municipio de Guazapares).

CHURIGÁ GUʼÍRIMALA RAMUÉ MACHIBOA

Ramué ka guʼírimala anacha naʼpulige bilé rejimala mukusá (2 Corintios 1:3, 4).

Ramué ka guʼírimala ʼma tabilé majawa alué suwígame (Hebreos 2:15).

Ramué ka ʼwe aʼlá bijchigi alué ralámuli napu ʼma mukule uchéchigó ku ajánamala apirigá ejperé ramué ʼyuga (Juan 11:23, 24).

¿RAMUÉ IKIRU BIJCHIGA NAPU ANÍ ALUÉ BIBLIA?

Abe, jena ruwimela ye baikiá tábiri:

• Onorúgame newale suwábaga ralámuli. Alué Biblia aní napu Jeobá “nijí boʼné aʼwalí napu ramué ejperéliwa jena wijchimoba” (Salmo 36:9). Jeobá newale suwábaga ralámuli ʼlige ajágame, abiena aʼwalí nígame napu ku ajánamala alué ralámuli ʼma mukule.

• ʼWe ʼya Onorúgame ʼma ajánale jaré ralámuli napu ʼma suwile. Alué Biblia aní napu osá naó ralámuli, rió ʼlige umugí ʼwe seʼwináriga bamígame, ku ajánale apirigá uchéchigó ejperé jena gawichí ʼlige jaré pe nujubapi napuʼlige mukusá ku ajánigame nile, nobi bilé riʼó naó rawé mukusá kaachi ku ajánigame nile (Juan 11:39-44).

• Onorúgame ʼwe najkí ajánamala alué ralámuli napu ʼma suwile. Jeobá tabilé galé alué mukuwame, saíla ju (1 Corintios 15:26). Alueka ʼwe najkí bujea ye saíla, alarigá olámala napuʼlige alué ralámuli ʼma suwile uchéchigó ku ajánamala. Onorúgame ʼwe ʼnata alué ralámuli ʼma suwile ʼlige ʼwe najkí uchéchigó ku ejperémala jena gawichí (Job 14:14, 15).