¿Tachiri ju alué Onorúgame Gobiernoka?

NAPU ANÍ ALUÉ BIBLIA

“Alué Onorúgame ʼpa rewagachi ajtígame ilimea bilé gobierno tabilé siné suwibámala” (Daniel 2:44, Traducción del Nuevo Mundo).

“Onorúgame ramué nijile boʼné ranala ʼlige majtochi ajtímala nuleme” (Isaías 9:6).

CHURIGÁ GUʼÍRIMALA RAMUÉ MACHIBOA

• Bilé gobierno ʼwe aʼlá ju napu guʼírimala ibili niraa ramué (Isaías 48:17, 18).

• ʼWe yati olámala napu ramué ʼwe raʼsálagá ʼlige tabilé nayú ejperémala jena wijchimoba ʼwe chiʼmame (Apocalipsis 21:3, 4).

¿RAMUÉ IKIRU BIJCHIGA NAPU ANÍ ALUÉ BIBLIA?

Abe, jena ruwimela ye oká tábiri:

• Esusika ʼma newale weʼká tábiri, ujché siné Onorúgame Gobierno ʼyuga olama. Alueka binérile boʼné oyérame tanua napu sebámala alué Onorúgame Gobiernoka ʼlige napu Onorúgame najkí ʼla sébali ikimela jena wijchimoba (Mateo 6:9, 10). Abéchigó, suwábaga tábiri napu Esusika newale, ramí bineri napu alueka tánile alarigá nímala.

  Napuʼlige Esusika bejtele jena wijchimoba nijile goʼame alué ralámuli tabilé nerú goʼá, saʼwale alué nayume ʼlige ajánale alué suwígame (Mateo 15:29-38; Juan 11:38-44). Alueka Nuleme nímala Onorúgame Gobiernoka, alekeri ʼma ikiru newá jaré tábiri ʼwe chiʼmame napu Gobierno olámala alué ralámuli ʼla bijchígame (Apocalipsis 11:15).

• Suwábaga tábiri napu ikísimi jena wijchimoba ramí bineri napu Onorúgame Gobiernoka ʼwe yati sebámala. Esusika anile napu jena wijchimoba bajchá nerúlima tábiri napurigá najkólime, eʼluíka ʼlige aʼwágame nokimela ichúrimi gawichí ʼlige ujché siné alué Onorúgame Gobiernoka sebámala ʼliko suwábaga ralámuli ʼwe ganíliga ejperémala (Mateo 24:3, 7).

  Jípeko rawé ramué ka eté suwábaga tábiri napu Esusika anile, alekeri ramué ʼla machí napu ʼwe yati Onorúgame Gobiernoka suwibámala ye tábiri chátiri.