¿Ramué ka ʼma tabilé ʼwe resí nili mochibo?

NAPU ANÍ ALUÉ BIBLIA

“Onorúgame ʼsímala alué ralámuli sewélila bujea, ʼlige ʼma tabilé suwimeli ju, ʼlige ʼma tabilé ʼwesi nalámala resí níliga, napugiti ʼma tabilé nerúlimempá seweli” (Apocalipsis 21:4, El Nuevo Testamento en el idioma ralámuli de la Tarahumara Baja del municipio de Guazapares).

CHURIGÁ GUʼÍRIMALA RAMUÉ MACHIBOA

Ramué ka ʼwe aʼlá machí napu Onorúgame tabilé chojkila ju ramué tábiri chátiri (Santiago 1:13).

Ramué ka ʼwe ganíliga machí napugiti Onorúgame ʼwe sewé ramé sewechi (Zacarías 2:8).

Ramué ka machí ʼma tabilé nerúlima sewékliame (Salmo 37:9-11).

¿RAMUÉ IKIRU BIJCHIGA NAPU ANÍ ALUÉ BIBLIA?

Abe, jena ruwimela ye oká tábiri:

• Onórúgame kijchí cha nokame ʼlige ʼwe resí nili. ¿Chu nili Jeobá napuʼlige ʼwe ʼya jaré ralámuli cha nokale boʼné pueblo? Alué Biblia aní ʼwe resí nili napuʼlige ineli ujché jaré pueblos “rekábamia alué” (Jueces 2:18, Traducción del Nuevo Mundo).

  Onorúgame tabilé galele alué ralámuli napu ʼwe resí olá ujché jaré. Alué Biblia aní “ʼwe ayóniga [kijchí, TNM] eteme ju Onorúgame alué ralámuli napu ʼwe ganílime ju resí olagá” (Salmo 11:5).

• Onorúgame ʼwe najtéame ibili niraa ralámuli. Ramué mayé tabilé wesi machí ʼwe sewékame ajtí, nobi Jeobá ʼla machí (2 Crónicas 6:29, 30).

  Onorúgame chapile bilé riʼó napu nulámala, ʼwe yati ʼma bujema alué sewékliame ibili niraa ralámuli (Mateo 6:9, 10). Jipe rawé Jeobá suwábaga ralámuli ʼla bijchígame natemá (Hechos 17:27; 2 Corintios 1:3, 4).