¿Tachiri guʼíri alué newíkame ʼlige kúchila ganíliga mochima?

NAPU ANÍ ALUÉ BIBLIA

“Abé aʼlá ganíliga ejperé alué ralámuli napu ʼla námaka akeme ju abiena ʼla eʼwame napurigá nulá Onorúgame” (Lucas 11:28, El Nuevo Testamento en el idioma ralámuli de la Tarahumara Baja del municipio de Guazapares).

CHURIGÁ GUʼÍRIMALA RAMUÉ MACHIBOA

Nerúlima ʼwe galeme rejimala (Efesios 5:28, 29).

Ramué bejtélachi ʼwe aʼlá mochímala ʼlige tabilé neoka anagupi (Efesios 5:33).

Ramué bejtélachi napuíka ʼwe ganíliga mochímala (Marcos 10:6-9).

¿RAMUÉ IKIRU BIJCHIGA NAPU ANÍ ALUÉ BIBLIA?

Abe, jena ruwimela ye oká tábiri:

• Onorúgame newale alué rejimala. Alué Biblia aní napu Onorúgame newíkale bajchá riʼó ʼlige mukí (Génesis 2:18-24). Suwábaga alué rejimala napu ikí nerú jena wijchimoba Jeobá newale. ¿Chonigá ʼwe najtéame ju machiboa?

  Mué ʼnatá: Mué goʼá ʼwe raʼígame goʼame ʼlige mué machínale napurigá newale ye goʼame, ¿chieri mué rukémala? Rukema napu newale.

  Abiénachigó, mué machínale napurigá bejtélachi ʼwe ganíliga rejimala ʼyuga, ¿chieri mué rukémala? Onorúgame Jeobá rukebo chonigá alué newale.

• Onorúgame ʼwe najtéame ibili niraa ramué. Mué ʼlige boʼné rejimala bineboa alué rejcholi Onorúgame nila Raʼíchali alekeri “Onorúgameka ʼwéchigo naʼtemame ʼemi, eʼwéwagurú napurigá nejkúrimala” (1 Pedro 5:6, 7). Jeobá najkí napu ramué ʼwe ganíliga mochisi. ʼLige boʼné rejcholi nabí ʼwe aʼlá ju (Proverbios 3:5, 6; Isaías 48:17, 18).