Ita koko ona atu estuda kedas iha vizita primeiru ka lae?

Kuandu ita husu ba ema se nia hakarak atu estuda Bíblia ka lae, sira balu hatete sira la interese, no balu tan hatete katak sira estuda iha sira-nia igreja. Tanba sira seidauk haree oinsá mak Testemuña sira halaʼo estudu Bíblia, karik sira la hatene katak estudu ho ita halo sira haksolok tebes. Tan neʼe, duké husu deʼit se sira hakarak, karik diʼak liu atu halo estudu kedas iha vizita primeiru. Ilustrasaun: Keta hatete deʼit katak Ita hatene teʼin diʼak no promete atu lori hahán ba sira. Diʼak liu fó kedas hahán ruma no halo sira koko lai! Ezemplu tuirmai mak foti husi Pelayanan Kerajaan Kita Januari 2006 iha pájina 6. Se Ita halo tuir ezemplu neʼe, Ita bele halaʼo estudu hodi uza minutu balu deʼit.

“Tuir Ita-nia hanoin, iha loron ida, eskritura neʼe sei sai loos ka lae? [Lee Isaías 33:24, no hein ba resposta.] Haʼu hakarak hatudu informasaun diʼak kona-ba neʼe.” Fó livru Bíblia Hanorin ba uma-naʼin, no husu nia atu loke pájina 36 parágrafu 22. Lee pergunta iha pájina neʼe nia okos, no husu nia atu buka resposta iha parágrafu. Ita lee parágrafu neʼe. Depois husu fali pergunta, no rona didiʼak uma-naʼin nia komentáriu. Lee hamutuk eskritura sira seluk neʼebé temi iha parágrafu. Husu pergunta ida tan no hatete katak Ita sei hatán ba vizita tuirmai. Halo arranju hamutuk kona-ba loron no oras atu hasoru fali. Hodi halo nuneʼe, Ita komesa ona estudu Bíblia!