Ezemplu oinsá atu haklaken ba ema
Oinsá atu komesa estudu Bíblia iha domingu primeiru iha fulan-Jullu
“Ohin loron, ema barak laran-tun tanba hanoin kona-ba sala ruma neʼebé sira halo iha tempu uluk no ema dehan ba sira katak sira sei ‘nunka hetan perdua’. Tuir Ita-nia hanoin, Maromak hanoin hanesan neʼe ka lae? [Hein ba resposta.] Haree toʼok saida mak Maromak halo hodi loke dalan ba ita atu hetan perdua.” Hatudu ba uma-naʼin Livru Haklaken Jullu–Setembru nia kotuk, no koʼalia hamutuk kona-ba pergunta primeiru no lee eskritura ida ka liu. Fó livru neʼe ba uma-naʼin no halo planu atu vizita fali nia hodi koʼalia tan kona-ba pergunta tuirmai.
Avizu: Irmaun neʼebé dirije grupu haklaken iha loron 7 Jullu, sei uza ezemplu iha leten hodi halo drama kiʼik.
Livru Haklaken Jullu–Setembru
“Loron-loron iha televizaun ka jornál, ita haree beibeik kona-ba dezastre naturál. Dezastre naturál estraga ema riku no ema kiak sira-nia sasán. Ema barak hatete: ‘Se Maromak mak ukun mundu, entaun nia mak hamosu dezastre sira-neʼe.’ Ita hanoin oinsá kona-ba neʼe? [Hein ba resposta.] Kuandu ita lee eskritura iha 1 Joao 5:19, ita bele haree katak laʼós Maromak mak hamosu dezastre sira maibé ida neʼebé aat-naʼin. Livru neʼe esplika sé mak aat-naʼin neʼe, no oinsá mak nia book ema atu halo hahalok neʼebé hamosu dezastre naturál sira.”
Matan-moris bá! Jullu–Setembru
“Ohin loron, iha rai barak kaben-naʼin sira hasoru problema oioin. Neʼe tanba feen-laʼen nia kostume no situasaun moris nian la hanesan. Duké fó sai sira-nia hanoin ho domin no respeitu, feen-laʼen barak uza liafuan neʼebé kritika ka hakanek sira-nia kaben nia laran. Ita mós haree ida-neʼe akontese iha Ita-nia área ka lae? [Hein ba resposta.] Haree toʼok matadalan diʼak neʼebé Bíblia fó ba feen-laʼen sira kona-ba dalan diʼak neʼebé sira presiza koʼalia ba malu. [Lee Koloso 4:6.] Livru neʼe iha matadalan seluk tan kona-ba neʼe.”
Liafuan Diʼak Husi Maromak
“Ami vizita família sira iha Ita-nia área atu fahe liafuan diʼak husi Bíblia. Ema barak neʼebé ami vizita ona hanoin tansá Maromak neʼebé domin husik terus barak akontese iha mundu. Tuir Ita-nia hanoin, terus mak parte husi Maromak nia hakarak iha rai ka lae?” Hein ba resposta. Tuirmai, loke broxura ba Lisaun 5, lee no koʼalia hamutuk kona-ba parágrafu rua husi pergunta primeiru, no lee eskritura sira neʼebé hakerek ho letra haliʼis. Fahe broxura ba uma-naʼin, no halo arranju atu vizita fali nia hodi koʼalia kona-ba pergunta tuirmai.