Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • w13 15/8 p. 28-30
  • Eliseu haree kuda-karreta neʼebé ahi lakan​—Oinsá ho ita?

La iha video neʼebé bele loke.

Deskulpa, la bele loke vídeo.

  • Eliseu haree kuda-karreta neʼebé ahi lakan​—Oinsá ho ita?
  • Livru Haklaken fó sai Maromak Jeová nia Ukun—2013
  • Subtítulu
  • Informasaun seluk neʼebé hanesan
  • ELISEU HAHÚ SERBÍ ELIAS
  • ELISEU KAER METIN NINIA KNAAR
  • “HUSU BÁ BUAT NEʼEBÉ HAʼU TENKE HALO BA Ó”
  • ELISEU HAREE SAIDA?
  • ELISEU TAU FIAR BA JEOVÁ
  • Jeová nia tropa neʼebé forsa boot
    Aprende husi Istória iha Bíblia
  • Nia tahan toʼo rohan
    Banati-tuir sira-nia fiar
  • Dalan katuas sira fó treinu ba irmaun seluk
    Livru Haklaken fó sai Maromak Jeová nia Ukun—2015
Livru Haklaken fó sai Maromak Jeová nia Ukun—2013
w13 15/8 p. 28-30

Eliseu haree kuda-karreta neʼebé ahi lakan​—Oinsá ho ita?

Rai-Síria nia liurai duni tuir Maromak nia profeta Eliseu. Nia rona katak Eliseu iha sidade ida ho moru boot, naran Dotan. Iha kalan, liurai neʼe haruka ninia tropa barak ho kuda no karreta funu nian ba Dotan. No dadeer-saan tuirmai, ninia soldadu sira haleʼu sidade neʼe.—2 Reis 6:13, 14.

Bainhira Eliseu nia atan hadeer, nia haree inimigu sira neʼebé besik ona atu kaer Eliseu. Nia hatete: “Eipá, haʼu-nia naʼi! Ita sei halo saida?” Eliseu hatete: “Keta taʼuk, tanba iha barak liu mak hamutuk ho ita liu fali sira-neʼe.” Tuirmai, Eliseu halo orasaun: “Oh Jeová, loke ninia matan bá, hodi nia bele haree.” Bíblia hatete: “Iha tempu neʼe kedas, Jeová loke atan neʼe nia matan, hodi nia bele haree; no haree bá, área foho neʼe nakonu ho kuda ho karreta funu nian neʼebé ahi lakan hela hodi haleʼu Eliseu.” (2 Reis 6:15-17) Entaun, saida mak ita bele aprende husi istória neʼe?

Maski tropa Síria haleʼu Eliseu, maibé nia kalma hela tanba nia tau fiar ba Jeová no hatene katak Jeová sei proteje nia. Ohin loron, ita la haree milagre oioin, maibé ita hatene katak Jeová sei proteje ninia povu nuʼudar grupu ida. Ida-neʼe hanesan Jeová mós haleʼu ita ho ninia kuda no karreta funu nian. Se ita fiar katak Jeová sei proteje ita, ita bele sente seguru no hetan Ninia bensaun. (Sal 4:8) Mai ita hanoin kona-ba buat balu seluk neʼebé akontese ba Elias no haree oinsá mak istória sira-neʼe bele ajuda ita.

ELISEU HAHÚ SERBÍ ELIAS

Loron ida, bainhira Eliseu fila rai daudaun, profeta Elias hakbesik ba Eliseu hodi tau ninia hatais profeta nian. Hodi halo nuneʼe, Elias konvida Eliseu atu sai ninia atan. Tan neʼe, Eliseu bolu ninia belun sira atu han hamutuk, fó adeus ba inan-aman, no husik ninia uma hodi serbí nuʼudar Elias nia atan. (1 Reis 19:16, 19-21) Tanba Eliseu prontu atu serbí Maromak ho laran tomak, Jeová uza Eliseu atu halo Ninia hakarak nuʼudar profeta neʼebé troka Elias nia fatin.

Karik Eliseu serbí nuʼudar Elias nia atan ba tinan neen. Durante tempu neʼe, Eliseu sai “ida neʼebé fui bee ba Elias nia liman”. (2 Reis 3:11) Neʼe katak sá? Iha tempu neʼebá, ema nia toman mak han hodi uza liman deʼit. Tan neʼe, bainhira han hotu tiha, atan ida sei fui bee hodi ninia naʼi bele fase liman. Neʼe hatudu katak serbisu balu neʼebé Eliseu halo mak haree hanesan kiʼik deʼit. Maibé Eliseu hafolin ninia knaar atu serbí Elias.

Ohin loron, ema kristaun barak uza sira-nia forsa atu halo serbisu tempu-tomak ba Jeová. Sira balu husik família hodi serbí iha Betel, ka hola parte iha projetu konstrusaun oioin, no dala ruma sira halo serbisu neʼebé haree hanesan kiʼik deʼit. Maibé, ita labele hanoin hanesan neʼe tanba tuir Jeová nia haree serbisu hotu mak importante tebes.—Ebr 6:10.

ELISEU KAER METIN NINIA KNAAR

Antes Maromak ‘foti Elias iha anin-boot hodi saʼe ba lalehan’, nia haruka Elias atu laʼo rai. Elias hatete ba Eliseu katak nia bele bá mesak, maibé Eliseu hatete: “Haʼu sei la husik Ita.” Nuʼudar sira laʼo, Elias husu dala rua tan ba Eliseu atu labele bá hamutuk ho nia. (2 Reis 2:1-6) Maibé Eliseu la husik Elias bá mesak hanesan Rute lakohi husik Noemi. (Rute 1:8, 16, 17) Eliseu hafolin ninia knaar husi Maromak atu halo serbisu nuʼudar Elias nia atan.

Eliseu hatudu ezemplu diʼak mai ita. Ita mós hafolin knaar naran deʼit neʼebé ita hetan iha Maromak nia organizasaun tanba ita halaʼo ida-neʼe ba Jeová. Loos duni, serbisu ba Jeová mak buat neʼebé folin boot liu.—Sal 65:4; 84:10.

“HUSU BÁ BUAT NEʼEBÉ HAʼU TENKE HALO BA Ó”

Nuʼudar naʼin-rua laʼo daudauk, Elias hatete ba Eliseu: “Husu bá buat neʼebé haʼu tenke halo ba ó antes Maromak lori haʼu husi ó.” Eliseu hatán: “Favór ida, fó mai haʼu sukat rua husi espíritu neʼebé Maromak fó ba naʼi.” Hanesan ho Salomão iha tempu uluk, Eliseu mós husu buat neʼebé ajuda nia atu serbí Jeová diʼak liután. (1 Reis 3:5, 9; 2 Reis 2:9) Iha rai-Israel, kuandu aman mate ona, oan sira sei fahe ninia rikusoin no oan-mane boot mak sei hetan dala rua liu fali buat neʼebé ninia alin sira simu. (Deut 21:15-17) Entaun, Eliseu nia liafuan neʼe katak nia hakarak sai Elias nia liman-rohan naʼin hodi troka ninia fatin nuʼudar Maromak nia profeta. Liután neʼe, Eliseu mós hakarak hetan aten-brani hanesan Elias, neʼebé hatudu duni “laran-manas ba Jeová”.—1 Reis 19:13, 14.

Elias hatán oinsá? Nia hatete: “Ó husu buat neʼebé susar. Se ó haree haʼu kuandu haʼu hasai daudaun husi ó, ida-neʼe sei akontese ba ó; maibé se lae, ida-neʼe sei la akontese.” (2 Reis 2:10) Karik resposta neʼe hatudu buat rua. Ida mak só Maromak deʼit mak bele deside atu fó buat neʼebé Eliseu husu. Ida seluk mak se Eliseu hakarak simu ida-neʼe, nia tenkesér hamutuk nafatin ho Elias iha situasaun naran deʼit.

ELISEU HAREE SAIDA?

Maromak fó buat neʼebé Eliseu husu ka lae? Bíblia hatete: “Nuʼudar sira laʼo hodi koʼalia daudauk, haree bá, kuda-karreta funu neʼebé lakan hanesan ahi no kuda neʼebé ahi lakan hela mak haketak sira naʼin-rua, no Elias saʼe iha anin boot hodi bá lalehan. Eliseu haree buat neʼe hotu.”a Sin, Jeová hatán duni ba Eliseu. Eliseu haree Elias saʼe ba lalehan, hetan sukat rua husi Elias nia espíritu, no sai Maromak nia profeta neʼebé troka Elias nia fatin.—2 Reis 2:11-14.

Eliseu foti roupa profeta nian neʼebé monu husi Elias no hatais fali. Agora, ema sei haree Eliseu nuʼudar Maromak nia profeta. Lakleur tan, Eliseu haketak Mota Jordaun, no milagre neʼe hatudu ho klaru katak Maromak mak foti Eliseu nuʼudar ninia profeta.

Eliseu sei la haluha kona-ba buat neʼebé nia haree bainhira anin-boot lori Elias saʼe ba lalehan. Tuir loloos, ema hotu sei hakfodak atu haree kuda-karreta neʼebé ahi lakan! Maibé buat hirak-neʼe fó fiar ba Eliseu katak Jeová hatán ba buat neʼebé nia husu. Bainhira Maromak hatán ba ita-nia orasaun, maski nia la halo milagre hanesan neʼe, maibé ita bele fiar duni katak nia uza ninia forsa atu ajuda ita no atu halaʼo ninia hakarak. No kuandu ita haree Jeová haraik bensaun ba ninia organizasaun iha mundu, ida-neʼe hanesan ita “haree” ninia kuda-karreta iha lalehan neʼebé halai ba oin.—Eze 10:9-13.

Eliseu iha esperiénsia barak neʼebé hametin ninia fiar ba Jeová nia forsa boot. Liuhusi Maromak nia espíritu santu, Eliseu halo milagre 16. Ida-neʼe katak Eliseu nia milagre mak aumenta ba dala rua liu fali Elias nia milagre.b Agora, mai ita hanoin filafali kona-ba tempu neʼebé Eliseu haree kuda-karreta neʼebé ahi lakan iha sidade Dotan.

ELISEU TAU FIAR BA JEOVÁ

Maski inimigu sira haleʼu Eliseu iha Dotan, nia nafatin kalma. Tanbasá? Tanba nia iha fiar metin ba Jeová. Ita mós presiza fiar metin. Nuneʼe, mai ita halo orasaun hodi husu Maromak nia espíritu santu atu bele hatudu fiar no hahalok sira seluk neʼebé espíritu lori mai.—Lc 11:13; Gal 5:22, 23.

Buat neʼebé akontese iha Dotan mós hametin liután Eliseu nia fiar ba Jeová no Ninia tropa iha lalehan. Maromak haruka ninia anju sira atu haleʼu sidade Dotan. Tuirmai, nia salva Eliseu ho ninia atan hodi halo inimigu sira sai matan-delek. (2 Reis 6:17-23) Durante tempu perigu neʼebá no iha situasaun seluk, Eliseu sempre tau fiar tomak ba Jeová.

Hanesan ho Eliseu, mai ita tau fiar ba Maromak Jeová. (Prov 3:5, 6) Se ita halo nuneʼe, “Maromak rasik mak sei hatudu laran-diʼak no haraik bensaun ba ita”. (Sal 67:1) Maski ita la haree kuda-karreta neʼebé ahi lakan haleʼu ita, maibé Jeová sei proteje ninia povu ohin loron no durante ‘terus boot’. (Mt 24:21; Apok 7:9, 14) Nuʼudar ita hein ba tempu neʼe, mai ita nafatin fiar katak “Maromak mak fatin protesaun ba ita”.—Sal 62:8.

a Lalehan neʼebé Elias saʼe laʼós Jeová no anju sira-nia horik-fatin. Atu hetan informasaun liután, haree Menara Pengawal, 15 Setembru 1997, pájina 15.

b Haree Menara Pengawal, 1 Agostu 2005, pájina 10.

KAZU BALU NEʼEBÉ ITA MANÁN

  • 243 — Kazu neʼebé Testemuña ba Jeová mak manán ona iha tribunál aas sira iha rai oioin iha mundu tomak

  • Rai-Fransa — selu $8.200.000

    Osan iha dolar US neʼebé governu Fransa mak selu fali ba Testemuña ba Jeová iha 11 Dezembru 2012. Kazu neʼe halaʼo durante tinan 15 no foin ramata

  • Rai-Grésia — Tribunál Estadu nian

    Iha 2 Novembru 2012, Tribunál Estadu nian rekoñese katak Testemuña ba Jeová mak relijiaun kristaun ida neʼebé metin ona no iha direitu atu iha fatin adorasaun

  • 20 — Kazu sira neʼebé manán ona iha Tribunál Europeu ba Direitus Umanus husi Abríl 2000

  • Rai-Koreia Súl — Komisaun Direitus Umanus husi UN nia desizaun

    Iha 25 Outubru 2012, komisaun neʼe haruka governu Koreia Súl atu selu multa ba Testemuña ba Jeová naʼin-388 tanba kontra hasoru sira-nia direitu atu halo desizaun tuir sira-nia fiar

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe