Maromak nia Liafuan iha kbiit boot
1. Saida mak tema ba reuniaun boot ba loron ida iha tinan serbisu nian 2014?
1 Bíblia la hanesan ho livru sira seluk neʼebé tuir ema sala-naʼin nia hanoin. Bíblia iha kbiit atu muda ita-nia moris, no troka ita-nia hanoin no hahalok hodi tuir Jeová nia hakarak. Entaun, Maromak nia Liafuan iha kbiit oinsá loos? Oinsá mak ita bele uza Bíblia nia kbiit iha ita-nia moris? Oinsá mak ita bele uza Bíblia nia kbiit atu ajuda ema seluk? Ita fiar katak programa neʼe sei hametin duni ita-nia relasaun ho Maromak hodi rona didiʼak ba informasaun neʼebé prepara tiha ona ba reuniaun boot ba loron ida iha tinan serbisu nian 2014. Tema ba programa neʼe mak “Maromak nia liafuan iha kbiit boot” neʼebé foti husi Ebreu 4:12.
2. Ita presiza hetan resposta ba pergunta saida deʼit?
2 Buka toʼok resposta ba pergunta hirak-neʼe: Bainhira ita rona ba programa neʼe, hakerek resposta ba pergunta hirak-neʼe iha kraik.
• Tanbasá mak ita bele tau fiar ba Jeová nia Liafuan? (Sal 29:4)
• Oinsá mak Maromak nia Liafuan nia kbiit bele book ita-nia moris rasik? (Sal 34:8)
• Oinsá mak ita bele uza kbiit iha Maromak nia Liafuan kuandu halaʼo serbisu haklaken? (2 Tim 3:16, 17)
• Ita bele halo saida hodi hasees an husi Satanás nia mundu aat neʼe? (1 Joao 5:19)
• Oinsá mak Ita nuʼudar joven ida bele hetan susesu iha dalan espirituál? (Jer 17:7)
• Oinsá mak ita bele iha kbiit bainhira ita sente fraku? (2 Kor 12:10)
• Ita presiza halo saida hodi nafatin hadiʼa ita-nia moris, liuliu kona-ba toman no hahalok aat sira neʼebé susar atu halakon? (Ef 4:23)
3. Maski ita mai atu rona ba programa neʼe, maibé iha dalan saida deʼit mak reuniaun boot neʼe sei ajuda ita?
3 Ita sei hetan buat diʼak duni hodi rona ba informasaun importante neʼe! No mós, reuniaun boot neʼe mak hanesan reuniaun boot ba loron rua no loron tolu, tanba sira fó oportunidade mai ita atu ransu malu ho maluk sira neʼebé husi kongregasaun seluk. (Sal 133:1-3; 2 Kor 6:11-13) Tan neʼe, diʼak atu ransu ho maluk hotu inklui maluk sira neʼebé ita foin hasoru. Se katuas vizitante ka katuas ida husi Betel mai atu hatoʼo diskursu iha reuniaun boot neʼe, diʼak atu hasoru no fó benvindu ba nia no ninia feen. Loos duni, ita iha razaun barak hodi hein namanas atu tuir reuniaun boot neʼe ba loron ida!