Medisinanyň wajyp ugruny düşündirýän wideofilm

Ýuristler we lukmanlar syrkawlaryň düşünjesine we hukugyna gitdigiçe köp üns berýärler. Netijede, Ýehowanyň Güwäçilerini gyzyklandyrýan täze bejeriş usullary ýüze çykýar (Res. iş. 15:28, 29). Bu barada «Gansyz bejeriş: hassanyň hukugyny bozman kömek etmek» wideofilmi gürrüň berýär. Şol filmi görüp, öwrenen zatlaryňy gaýtala (Bellik: Wideofilmde hirurgik operasiýalardan parçalar bolany üçin ata-eneler çagalara etjek täsiri barada oýlanmaly).

1) Lukmanlaryň käbiri gan goýbermek meselesine näme üçin gaýtadan seredýärler? 2) Gansyz geçirilýän üç sany agyr operasiýany agzap geçiň. 3) Bütin dünýäde näçe lukman gansyz bejermäge taýyndygyny aýtdylar? Olar näme üçin gansyz bejermäge taýyn? 4) Ýaňy-ýakynda geçirilen medisina barlaglar gany ulanmak barada nämeler diýýär? 5) Gan goýbermek näme üçin howply? 6) Köp lukmanlaryň gelen netijesine görä, gansyz bejermegiň näme peýdasy bar? 7) Gan azlygyň sebäbi näme? Adamyň gan azlygy haýsy derejeden pese düşmeli däl? Ony dikeltmek üçin näme etmeli? 8) Syrkawyň bedeninde gyzyl gan öýjüklerini köpeltmek üçin näme etmeli? 9) Operasiýa wagty köp gan ýitirmezlik üçin nähili usullar ulanylýar? 10) Ýaş çagalary we agyr ýagdaýdaky syrkawlary gansyz bejerip bolýarmy? 11) Syrkawy oňat bejermek üçin lukman haýsy ahlak prinsiplere eýermeli? 12) Özüňi gansyz bejertmek barada näme üçin öňünden karara gelmeli? Biz ony nädip etmeli?

Wideofilmde agzalan bejeriş usullaryny her kim Mukaddes Ýazgylar boýunça terbiýelenen ynsabyna laýyklykda saýlamaly. Sen özüň we çagaň üçin haýsy gansyz bejergini saýladyň? Maşgalanyň Ýehowanyň Güwäçisi däl agzalary hem näme sebäpden şeýle karara gelendigiňden habarly bolmaly (2004-nji ýylyň Oguz (iýun) aýynyň 15-ne we 2000-nji ýylyň Garaşsyzlyk (oktýabr) aýynyň 15-ne çykan «Garwul diňi» žurnallarynyň «Okyjylaryň soraglary» diýen bölüme seret).