Wagyz üçin teklipler

«Siz bu sözler bilen razylaşýarmysyňyz? (Ýakup 3:2-ni okaň). Mukaddes Ýazgylarda söz bilen dogan-garyndaşlaryňyzyň göwnüne degmezlik barada peýdaly maslahatlar berilýär». Maşgala agzalary bilen pikir alyşmagy kömek edýän Mukaddes Ýazgylardaky prinsplere üns beriň.

«Her bir maşgalada kynçylygy bolýar. Siziň pikiriňizçe, är-aýal peýdaly maslahaty nireden tapyp biler? (Jogap bersin). Ine, şu peýdaly maslahata üns beriň». Efesliler 5:22, 25-nji aýatlary okap, aýalyň ärine tabyn bolmagy we maşgalabaşynyň hakykatdan näme aňladýandygyny düşündiriň.

«Häzirki kynçylyklara garamazdan, kalbymyzda rahatlyk duýup bilerismi? (Jogap bersin). Köp adamlara Mukaddes Ýazgylardaky umyt kömek edýär. (Mukaddes Ýazgylardan bir aýady okap beriň). Mukaddes Ýazgylardan biziň ýaradylyşymyz barada, durmuşyň manysynyň nämededigini we gelejekde bize nämäniň garaşýandygyny bilse bolýar».

Jenaýatçylygyň köpelýändigi sebäpli köp adamlar özüni howpsuz duýmaýar. Siz haçan hem bolsa durmuşyň gowulanjakdygyna ynanýarmysyňyz? (Jogap bersin). Mukaddes Ýazgylardaky şu gyzykly pygamberlige üns beriň». Zebur 37:10-y okap, jenaýatçylygyň ilkinji sebäbini we Mukaddes Ýazgylara görä, onuň nädip ýok ediljekdigini düşündiriň.