Ýagşylyk ediň

Näme üçin?

Adamlaryň aňyna siňen ala tutmak häsiýetini çalt aýryp bolmaýar. Meselem, keselden gutulmak üçin wagt gerek we bejergi almaly. Şonuň ýaly ýüregimizden ala tutmak häsiýetini aýyrmak üçin wagt gerek we tagalla etmeli. Munuň üçin näme etmeli?

Mukaddes Kitapdaky maslahat

Surat: 1) Aziýaly adam kofe äkidip barýan garaýagyz adama gapyny açyp berýär. 2) Garaýagyz adam işdeşlerine kofe berýär, olaryň arasynda hindistanly gelin hem bar.

«Söýgi häsiýetini öwreniň, sebäbi söýgi ähli adamlary agzybir edýär» (KOLOSLYLAR 3:14).

Aýadyň manysy: adamlary söýüp, ýagşylyk etsek agzybir ýaşarys. Biz adamlara elimizden gelen ýagşylygy etsek, hiç kimi ala tutmarys. Adamlary ýürekden söýsek, olary ýigrenmeris, hormat goýarys.

Näme edip bileris?

Surat: 1) Ýewropaly garry daýza hindistanly gelin ýüküni göterişýär we basgançakdan ýokary galmaga kömek edýär. 2) Ýewropaly garry daýza aziýaly goňşusyna köke bişirip getirýär.

Hiç bir milleti ala tutman, hemmelere ýagşylyk edeliň. Munuň üçin ýönekeýje zatlary edip bileris. Meselem:

Adamlary ala tutman, her bir mümkinçilikden peýdalanyp ýagşylyk edeliň

Olara gapyny açyp bereliň ýa-da awtobusda oturmaga ýer bereliň.
Olar biziň dilimizde gowy gepläp bilmese-de, hal-ýagdaýyny sorap, gürrüňdeş bolalyň.
Olaryň özüni alyp barşy gaharymyzy getirse-de, sabyrly bolalyň.
Gaýgy-aladasyny gürrüň berenlerinde, olary ünsli diňläliň.