Kung Ano ang Sasabihin Tungkol sa mga Magasin

Ang Bantayan Nob. 15

“Narinig na natin ang mga salitang ‘si Jesus ay namatay para sa atin.’ [Sipiin ang Juan 3:16.] Naisip na ba ninyo kung paanong ang kamatayan ng isang tao ay makapagliligtas sa ating lahat? [Hayaang sumagot.] Ang Bibliya ay nagbibigay ng simpleng sagot. Ang artikulong ito, ‘Si Jesus ay Nagliligtas​—Paano?,’ ay malinaw na nagpapaliwanag nito.”

Gumising! Nob. 22

“Ginagawa ba ng mga tao ang lahat ng kanilang makakaya upang ipagsanggalang ang kapaligiran? [Hayaang sumagot.] Marami ang nag-iisip kung ang delikadong balanse ng buhay at ng kapaligiran nito ay tatagal nang walang hanggan. Mabuti na lamang, ang Diyos ay lubhang interesado rito. [Basahin ang Nehemias 9:6.] Tinatalakay ng Gumising! kung ano ang kinabukasan ng buhay sa lupa.”

Ang Bantayan Dis. 1

“Sa panahong ito, maraming tao ang abala sa pagbibigay ng regalo at paggawa ng iba pang uri ng kabaitan. Naiisip tuloy natin ang Ginintuang Alituntunin. [Basahin ang Mateo 7:12.] Sa palagay ba ninyo’y posibleng mamuhay alinsunod sa alituntuning iyan sa buong taon? [Hayaang sumagot.] Ang magasing ito ay nagbibigay ng saganang pagkain para sa kaisipan sa ‘Ang Ginintuang Alituntunin​—Praktikal Pa ba Ito?’”

Gumising! Dis. 8

“Ang Bibliya ay nangangako na darating ang araw na walang sinuman ang magsasabing, ‘Ako ay may sakit.’ [Basahin ang Isaias 33:24.] Kasuwato ng pangakong iyan, ang isyung ito ng Gumising! ay nagtutuon ng pansin sa isang karamdaman na nagpapahirap sa milyun-milyong tao, bata at matanda. Ito ay pinamagatang ‘Pag-asa Para sa mga Pinahihirapan ng Artritis.’ Ako’y nakatitiyak na masusumpungan ninyong nakapagtuturo ang mga artikulong ito.”