Kung Ano ang Sasabihin Tungkol sa mga Magasin

Ang Bantayan Okt. 15

“Paano mo ipaliliwanag sa mga bata o sa iba kung bakit napakaraming masasamang bagay ang nagaganap sa ngayon? [Hayaang sumagot.] Sinasagot ng Bibliya ang tanong na, ‘Sino ang Nasa Likod ng Lahat ng Kasamaan?’ [Basahin ang 1 Juan 5:19.] Ang isyung ito ng Ang Bantayan ay tutulong sa iyo na maunawaan kung sino ang balakyot na isang iyon at kung paano natin siya masasalansang.”

Gumising! Okt. 22

“Sa palagay mo ba’y makapagdudulot ng pandaigdig na kapayapaan ang pagdarasal ng relihiyosong mga tao o ng sinuman? [Hayaang sumagot.] Nangangako ang Bibliya ng isang panahon ng pangglobong kapayapaan. [Basahin ang Isaias 9:​6, 7.] Napansin mo ba na isang natatanging tagapamahala ang magpapasapit ng pandaigdig na kapayapaan? Ipinakikita ng isyung ito ng Gumising! kung sino ang tagapamahalang iyan at kung paano niya pasasapitin ang tunay na kapayapaan.”

Ang Bantayan Nob. 1

“Marami sa atin ang nagsisikap magkaroon ng mapayapang pakikipag-ugnayan sa iba. Ngunit malamang na sasang-ayon ka na kadalasang mas madaling sabihin iyan kaysa sa gawin. [Hayaang sumagot.] Ipinaliliwanag ng Bibliya kung bakit gayon. [Basahin ang Santiago 3:2.] Ipinakikita ng artikulong ito kung paanong ang paghingi ng paumanhin ay maaaring maging susi upang mapanumbalik at mapanatili ang kapayapaan.”

Gumising! Nob. 8

“Ipinakikita ng hula ng Bibliya na darating ang panahon kapag walang sinuman ang magsasabi, ‘Ako ay may sakit.’ [Basahin ang Isaias 33:24.] Hindi ba’t kapana-panabik iyan? [Hayaang sumagot.] Gayunman, ang sangkatauhan sa ngayon ay dinadapuan ng maraming sakit, kasama na ang salot ng AIDS. Sinasagot ng isyung ito ng Gumising! ang tanong na, Mapahihinto pa ba ang AIDS?”