Kung Ano ang Sasabihin Tungkol sa mga Magasin

Ang Bantayan Hulyo 15

“Kung ang pangyayaring gaya nito [ang nakalarawan sa pabalat] ay mapaulat sa balita sa ngayon, malamang na pag-aalinlanganan ito ng maraming tao. Ano sa palagay mo? [Hayaang sumagot. Pagkatapos ay basahin ang Marcos 4:39.] Ano ang katibayan na totoo ang mga himalang ginawa ni Jesus? Ang tanong na ito ay sinusuri ng isyung ito ng Ang Bantayan.”

Gumising! Hulyo 22

“Sa daigdig sa ngayon, patuloy na umiisip ng bagong mga pakana ang mga kriminal upang dayain ang walang kamalay-malay na mga tao. Nababahala ka ba rito? [Hayaang sumagot.] Tinatalakay ng isyung ito ng Gumising! ang ilang mahahalagang pag-iingat na makatutulong upang maipagsanggalang natin ang ating sarili laban sa pandaraya.” Basahin ang Kawikaan 22:3.

Ang Bantayan Agos. 1

“Dahil lubhang nagkakawatak-watak ngayon ang sangkatauhan, iniisip ng ilan na ang tanging paraan upang matamo ang pandaigdig na kapayapaan ay sa pamamagitan ng isang pandaigdig na pamahalaan. Sa palagay mo kaya ay posible ito? [Hayaang sumagot. Pagkatapos ay basahin ang Daniel 2:44.] Tinatalakay ng magasing ito kung ano ang isinasakatuparan ngayon ng Kaharian ng Diyos at kung paanong hindi na magtatagal ay pasasapitin nito ang pandaigdig na kapayapaan.”

Gumising! Agos. 8

“Tayong lahat ay nalulungkot kapag nababalitaan natin ang hinggil sa pagsasamantala sa mga bata. Marahil ay iniisip mo, ‘Talaga bang nagmamalasakit ang Diyos?’ [Hayaang sumagot. Pagkatapos ay basahin ang Awit 72:12-14.] Tinatalakay ng artikulong ito kung ano ang nadarama ng Diyos hinggil sa mga bata at kung paanong hindi na magtatagal ay magdudulot siya ng permanenteng ginhawa sa lahat ng dumaranas ng pagmamaltrato.”