JƐRƐMIYA

1 Ɔnɛ ele ɛtɛkɛta wa Jɛrɛmiya* ɔna Hilikiya, ɔmɔtshi l’atei w’ɛlɔmbɛdi wa la Anatɔta+ lo ɛtshi ka nkɛtɛ ka Bɛnjamina. 2 Ɔtɛkɛta wa Jehowa wakaye le nde lo nshi ya Jɔsiya+ nkumekanga ka Juda ɔna Amɔna,+ lo ɔnɔnyi wa 13 w’ɛlɔmbwɛlɔ kande. 3 Vɔ wakaye nto lo nshi ya Jɛhɔyakima+ nkumekanga ka Juda, ɔna Jɔsiya polo l’ekomelo k’ɔnɔnyi wa 11 w’ɛlɔmbwɛlɔ ka Zɛdɛkiya+ nkumekanga ka Juda, ɔna Jɔsiya polo lam’akatshu Jɛrusalɛma lo lɔhɔmbɔ lo ngɔndɔ ka 5.+

4 Ɔtɛkɛta wa Jehowa wakaye le mi ɔnɛ:

Dimi lakaketɛ omvutshi wa wedja.”

 6 Koko dimi lakate nte: “Hayii, Nkum’Olongo Nkumadiɔndjɔ Jehowa!

Dimi haleye ntɛkɛta,+ nɛ dia leke dikɛnda.”*+

 7 Oma laasɔ Jehowa akambutɛ ate:

“Takota wate: ‘Dimi leke dikɛnda.’

9 Ko Jehowa akasembola lonya lande ndo akankimɛ l’onyɔ.+ Jehowa akambutɛ ate: “Dimi lambodja ɛtɛkɛta ami l’onyɔ ayɛ.+ 10 Eenda, dimi lambokosha ɔkɛndɛ ɛlɔ dia wɛ monga laadiko dia wedja ndo laadiko dia waolelo, dia nkundola ndo dia nyukola, dia nanya ndo dia mpandjola, dia mbika ndo dia monɛ.”+

11 Ɔtɛkɛta wa Jehowa wakaye nto le mi ɔnɛ: “Kakɔna kɛnayɛ na Jɛrɛmiya?” Ko dimi lakate nte: “Dimi lekɔ lo mɛna lotahe l’osongo w’amandɛ.”*

12 Jehowa akambutɛ ate: “Wɛ ambɛna dimɛna, nɛ dia dimi lekɔ lo nsɛna wolo lo dikambo di’ɔtɛkɛta ami dia mbokotsha.”

13 Ɔtɛkɛta wa Jehowa wakaye le mi mbala ka 2 ɔnɛ: “Kakɔna kɛnayɛ?” Ko dimi lakate nte: “Dimi lekɔ lo mɛna mpoke* kadɔdɔ* ndo onyɔ atɔ mɛngama oma lo nɔrdɛ.” 14 Ko Jehowa akambutɛ ate:

2 Ɔtɛkɛta wa Jehowa wakaye le mi ɔnɛ: 2 “Tshɔka kele tewoya lo atoyi wa Jɛrusalɛma wate: ‘Jehowa kata ate:

 3 Isariyɛlɛ aki ekila le Jehowa,+ ɛlɔnga wa dinela diande.”’

‘Wanɛ tshɛ wakosalɛka kɔlɔ wakongaka la onongo.

Mpokoso kakayaka le wɔ,’ mbata Jehowa.”+

 5 Jehowa kata ate:

 8 Ɛlɔmbɛdi komimbola vate: ‘Lende ele Jehowa?’+

10 ‘Koko nyotehɔ otsha lo emamu w’ashi* wa Kitimɛ+ kele nyotende.

11 Onde wodja ɔmɔtshi wambengɔnyaka lushi lɔmɔtshi tozambizambi tawɔ la kɛnɛ kele bu tozambizambi?

Koko anto ami hita wambengɔnya lotombo lami la kɛnɛ kele bu ohomba.+

14 ‘Onde Isariyɛlɛ ekɔ okambi kana mfumbe kotwe lo luudu?

Ko lande na kambowookimɔ dia monga ɛngɔ ka dimbo?

Yɔ yambetɛ wodja ande ɛngɔ ka wɔnɔnyi.

Esomba ande wambotshumbama, diaha onto mbidjasɛ lɔkɔ.

16 Ase Nofu*+ ndo ase Tahapanɛsɛ+ wekɔ lo ndɛ lowako l’ɔtɛ ayɛ.

Koko wɛ akate wate: “Dimi hantokamba,”

23 Ngande wakokayɛ mbuta wate: ‘Dimi kondjadja mindo.

Dimi kondjela waa Baala’?

Eenda mboka kayɛ l’okidi.

Sɛdingola kɛnɛ kamboyosala.

Akɔna akoka kishimba etena ketɔ la nsaki ka dieyanelo?

Wanɛ tshɛ wakiyanga hawotonga la paa dia kishola.

Vɔ wayokishola lo eleko* katɔ.

Koko wɛ akate wate: ‘Ndooko elongamelo!+

27 Vɔ wambotɛ osongo vate: ‘Wɛ kele papa,’+

Ndo dive vate: ‘Wɛ kakambote.’

Koko vɔ wambɔmbɛdiya ɛkɔngɔ awɔ, aha dungi diawɔ.+

28 Ko wonya ɔnɛ, lende ele tozambizambi tayɛ takayayasalɛ?+

29 ‘Lande na katetemalanyu ndɔshami?

Lande na kamonyɔntɔmbɔkwɛ nyu tshɛ?’+ mbata Jehowa.

30 Dimi lakakɔmɔla ananyu ɔkɔmɔlakɔmɔla.+

31 Lɔlɔnga lɔnɛ le, nyodje yimba lo ɔtɛkɛta wa Jehowa.

Lande na kata anto anɛ, wodja ami ɔnɛ: ‘Sho tekɔ lo mbeteta aha la okakatanu.

Sho hatotoya le yɛ nto’?+

Koko wodja ami hita wambombohɛ efula ka nshi yaheyama mbadia.+

33 Womoto le, ande woho walɔngɔsɔlayɛ mboka kayɛ la kɛsɔ tshɛ dia nyanga ngandji!

Wɛ amboyalowanya lo mboka y’akambo wa kɔlɔ.+

35 Koko wɛ mbutaka wate: ‘Dimi keema la onongo.

Lo mɛtɛ, nkɛlɛ kande kambomɔ oma le mi.’

36 Lande na kɔsayɛ lɔkɛwɔ layɛ la kɔlɔ oko dikambo di’anyanya?

3 Anto mimbolaka ɔnɛ: “Naka pami ambɔsɛka wadɛnde, ko womoto akɔ ambotshɔ ko ambotonga wadi aki pami kekina, onde omɛnde ayokoka kaloyana la nde nto?”

Onde wodja ɔsɔ kombidjama mindo tshɛ lo tshɛ?+

 2 “Onyiya washo ayɛ otsha lo tokonakona ta hwe kele enda.

Lende akiwɔ kombeyana la yɛ la wolo?

6 Lo nshi ya nkumekanga Jɔsiya,+ Jehowa akambutɛ ate: “‘Onde wɛ ambɛna kɛnɛ kambosala Isariyɛlɛ lele bu la kɔlamelo? Nde ambotshɔ lo dikona tshɛ di’otale ndo l’ɛse k’osongo tshɛ wele l’akatshi efula dia tosala kinumba.+ 7 Kaanga l’ɔkɔngɔ wa nde nsala akambo asɔ tshɛ, dimi lakatetemala mbotɛ dia nde kalolɛmi,+ koko nde kokalola; ndo Juda akatetemala menda kadiyɛnde ka lokeso.+ 8 Etena kakamɛnyi dui sɔ, dimi lakasɛkɛ Isariyɛlɛ lele bu la kɔlamelo lo mbosha mukanda wa odiakelo wa diwala+ l’ɔtɛ wa loseka lande.+ Koko Juda kadiyɛnde ka lokeso komboka wɔma; nde lawɔ akatshu ko akatosala kinumba.+ 9 Nde akɔshi kinumba kande oko dui di’anyanya, ndo nde akatetemala mbidja wodja mindo lo nsala loseka la ave ndo la esongo.+ 10 Kaanga mbaki akambo asɔ tshɛ, Juda kadiyɛnde ka lokeso kokalolɛmi la otema ande tshɛ, koko la lokeso,’ mbata Jehowa.”

11 Ko Jehowa akambutɛ ate: “Isariyɛlɛ lele bu la kɔlamelo akɛnya dia nde* ekɔ la losembwe ndeka Juda ya lokeso.+ 12 Tshɔka tewoya ɛtɛkɛta ɛnɛ lo nɔrdɛ:+

“‘“Isariyɛlɛ w’ɔtɔlɔki le, kalola,” mbata Jehowa.’+ ‘“Dimi hantokenda la nkɛlɛ,*+ nɛ dia dimi lekɔ la kɔlamelo,” mbata Jehowa.’ ‘“Dimi hantotshikala la kumbɛkumbɛ pondjo. 13 Dikambo ɔtɔi ele, etawɔ onongo ayɛ, nɛ dia wɛ akatɔmbɔkwɛ Jehowa Nzambi kayɛ. Wɛ tetemalaka mpandjola kɛtshi* kayɛ le angɛndangɛnda* l’ɛse k’osongo tshɛ wele l’akatshi efula, koko wɛ hakitanyiya dui diami,” mbata Jehowa.’”

14 Jehowa kata ate: “Nyu ana w’ɛtɔlɔki le, nyokalole nɛ dia dimi laya nkumɛnyu ka mɛtɛ;* ndo dimi layonyɔsa, 1 oma l’osomba ɔmɔtshi ndo 2 oma lo nkumbo kɛmɔtshi, ko dimi layonyɔtɔla otsha la Siɔna.+ 15 Ndo dimi layonyosha alami w’ɛkɔkɔ wele otema ami mbalangaka,+ ko vɔ wayonyolesha la ewo ndo shɛnɔdi. 16 Lo nshi shɔ, nyu nyayonga efula ndo nyayɔtɔ elowa lo wodja,” mbata Jehowa.+ “Vɔ hawotota nto ɔnɛ: ‘Ɔshɛtɛ wa sheke wa Jehowa!’ Vɔ hawotonga nto l’etema anyu ndo hanyotowohɔ kana mbokombola, ndo ɔshɛtɛ akɔ hawotosalema nto. 17 L’etena kɛsɔ, vɔ wayelɛ Jɛrusalɛma ɔnɛ kiti ka lowandji ka Jehowa;+ ndo wedja tshɛ wayosanganyema kaamɛ la Jɛrusalɛma+ lo lokombo la Jehowa, ko vɔ hawototshininala dia ndjela etema awɔ wa kɔlɔ.”

18 Lo nshi shɔ, vɔ wayɔkɛndakɛnda kaamɛ, luudu la Juda kaamɛ la luudu l’Isariyɛlɛ,+ ndo vɔ wayoya kaamɛ oma lo wodja wa lo nɔrdɛ oya lo wodja wakamasha watshɛnyu oko etenyi k’okitɔ.+ 19 Ko dimi lakakanyiya nte: ‘Dimi lakakodje l’atei w’ana ndo lakakosha wodja wa dimɛna, etenyi k’okitɔ koleki dimɛna l’atei wa wedja!’*+ Dimi lakakanyiya nto dia nyayombelɛ ɔnɛ: ‘Papa!’ Ndo ɔnɛ hanyototshika ndjelami. 20 ‘Lo mɛtɛ, lo ɛnyɛlɔ ka wadi la lokeso lakakitɔna la omɛnde,* luudu l’Isariyɛlɛ le, ngasɔ mbamoyonsalɛ akambo la lokeso,’+ mbata Jehowa.”

22 “Nyu ana w’ɛtɔlɔki, nyokalole.

Dimi layɔlɔngɔsɔla dionga dianyu dia ɛtɔlɔki.”+

23 Lo mɛtɛ, tokonakona ndo lofunguso la lo akona wekɔ lokeso.+

Lo mɛtɛ, panda k’Isariyɛlɛ kekɔ le Jehowa Nzambi kaso.+

3 Nɛ dia Jehowa katɛ ase Juda ndo ase Jɛrusalɛma ate:

 5 Nyewoya dui sɔ la Juda ndo nyodiewoya la Jɛrusalɛma.

Nyode ekoko ndo nyode wɔɔndjɔ lo wodja w’otondo.+

 6 Nyedia djembetelo* otsha lo Siɔna.

Nyoyange dihole di’eshamelo ndo tanyemalake,”

Nɛ dia dimi layanga mbela mpokoso oma lo nɔrdɛ,+ elanyelo ka woke.

Nde ambotomba oma lo dihole diande dia mbetɛ wodja ayɛ ɛngɔ ka wɔnɔnyi.

Esomba ayɛ wayolanyema aha la onto ladjasɛ lɔkɔ.+

10 Ko dimi lakate nte: “Hayii, Nkum’Olongo Nkumadiɔndjɔ Jehowa! Lo mɛtɛ wɛ ambokesa anto anɛ+ ndo Jɛrusalɛma tshɛ lo tshɛ lo mbuta ɔnɛ: ‘Nyu nyayonga la wɔladi,’+ etena kele lokuwa la ta lekɔ lo nkingo yaso.”*

11 L’etena kɛsɔ, wayotɛ anto anɛ ndo Jɛrusalɛma ɔnɛ:

12 Lɔpɛpɛ l’efula layoya oma lo ahole asɔ lo ndjela didjango diami.

Kakianɛ, dimi layewoya dombwelo lo dikambo diawɔ.

Mfalasa yande ndeka mpongo lowango.+

Mfɔnu le so, nɛ dia tambolanyema!

14 Jɛrusalɛma le, dia wɛ shimbamɛ, ɛdia otema ayɛ pudipudi oma lo kɔlɔ.+

Polo l’etena kakɔna kayoyoomba tokanyi ta kɔlɔ?

18 “Mboka yayɛ hita ndo etsha ayɛ wayokadimɔ le yɛ.+

19 Ande sui diami,* sui diami!

Lekɔ la paa k’efula l’otema ami.*

Otema ami wekɔ lo mbatatɛ.

Vɔ wekɔ ana wa dinginya, wele bu la timba.

23 Dimi lakende wodja, ko vɔ waki hwe ndo tɔngɔ to.+

Dimi lakende l’olongo, ko osase awɔ komonga nto.+

30 Etena kɛnɛ kamboyolanyema, kakɔna kayoyosala?

Nde ekɔ lo nkalɛ awambo ande ata ate:+

“Mananu le mi, nɛ dia dimi* lambɔkɔmɔ l’ɔtɛ w’andjakanyi!”

5 Nyokindole lo toshinga ta la Jɛrusalɛma.

Nyende lo emamu ndo nyoshihodia.

 2 Kaanga naka otowota ɔnɛ: “Lo mɛtɛ oko wele Jehowa la lɔsɛnɔ!”

Vɔ wototshiba lo kashi.+

 3 Jehowa le, onde washo ayɛ hawoyange kɔlamelo?+

Wɛ akaakɔmɔla, koko dui sɔ komonga la shɛngiya le wɔ.*

Wɛ akaashile oshiki, koko vɔ wakatone mbetawɔ ohokwelo.+

 4 Koko dimi lakate nte: “Lo mɛtɛ, wanɛ wekɔ tombolambola.

Onto tshɛ latomba oma lɔkɔ mbatshatshemaka.

 7 Ngande wakokami kodimanyiya dui sɔ?

 9 Jehowa kata ate: “Onde dimi haahombe mbikoya la wɔ l’ɔtɛ w’awui asɔ?”

“Onde dimi* haahombe nsɔmbɔya wodja wa ngasɔ?”+

Dui sɔ diawakomee!”

14 Ɔnkɔnɛ, Jehowa Nzambi kanga lolembelembe kata ate:

15 Jehowa kata ate: “Luudu la Isariyɛlɛ le,+ dimi layanga mbela wodja ɔmɔtshi le nyu oma l’etale.

Vɔ wekɔ wodja wambotshikala edja.

17 Vɔ wayolanya dinela dianyu ndo mbo yanyu ya ndɛ.+

Vɔ wayodiaka ananyu w’apami ndo ananyu wa wamato.

Vɔ wayodiaka ɛkɔkɔ anyu ndo ngɔmbɛ yanyu.

Vɔ wayolanya ɛkɔdi anyu wa vinyɔ ndo esongo anyu wa fingo.

Vɔ wayolanya la lokuwa la ta esomba anyu wodingami la mpele wayaɛkɛnyu lɔkɔ.”

18 “Koko kaanga lo nshi shɔ,” mbata Jehowa, “dimi hantonyoshila tshɛ lo tshɛ.+ 19 Ndo etena kayowombola ɔnɛ: ‘Lande na kambotosalɛ Jehowa Nzambi kaso awui anɛ tshɛ?’ kowakadimole wate: ‘Paka oko wakanyansɛkɛ dia ntɛmɔla nzambi kekina lo wodja anyu, mbayonyokambɛ ase wedja lo wodja wele bu wanyu.’”+

21 “Nyohokame dui nɛ, nyu akanga wa dinginya ndo dipɔka:*+

24 Ndo vɔ hawote lo etema awɔ ɔnɛ:

26 Nɛ dia anto wa kɔlɔ wekɔ l’atei wa wodja ami.

Vɔ tetemalaka nengɛ oko watɔsɔndjamaka amambi wa tofudu.

Vɔ mambaka djonga yadiaka.

Vɔ mundaka anto.

Diakɔ diayawɔ la wolo w’efula ndo ɛngɔnyi.

29 Jehowa kata ate: “Onde dimi haahombe mbikoya la wɔ l’ɔtɛ w’awui asɔ?

Onde dimi* haahombe nsɔmbɔya wodja wa ngasɔ?”

30 Dui dimɔtshi dia kɔlɔ ndo dia wɔnɔnyi diambosalema lo wodja:

Ndo wodja ami hita nangaka awui asɔ.+

Ko kakɔna kayonyosala etena kayoya ekomelo?”

6 Ana wa Bɛnjamina le, nyomɔ oma la Jɛrusalɛma dia ndjakokɛ.

Nɛ dia mpokoso kekɔ lo ndjaye oma lo nɔrdɛ, elanyelo ka woke.+

 2 Ɔna womoto la Siɔna fɔnaka la womoto l’olangala ndo la kɔmba.+

 3 Alami w’ɛkɔkɔ la dongalonga diawɔ wayoya.

 4 “Nyoyalɔngɔsɔlɛ* dia mbɔlɔsha!

Nyonee, nyɛsɔ tɔɔlɔsha la midi!”

 6 Nɛ dia Jehowa kanga lolembelembe kata ate:

“Nyɔkɔtɛ esongo ndo nyodinge lokombo dia ndɔsha Jɛrusalɛma.+

 9 Jehowa kanga lolembelembe kata ate:

“Vɔ wayɔkɔdiakɔdia atshikadi w’Isariyɛlɛ oko elowa w’ekomelo wa lo ɔkɔdi wa vinyɔ.

Etsha lonya layɛ nto oko onto latshumanya elowa oma lo ɛkɔdi wa vinyɔ.”

10 “Akɔna ahombami mbutɛ ndo mpɛmɔla?

Akɔna ayohokamɛ?

Eenda, atoyi awɔ wekɔ ku* woho wele vɔ hawoyokoka mbidja yimba.+

Nɛ dia dimi layosembola lonya lami dia ndɔsha wanɛ wadjasɛ lo wodja,” mbata Jehowa.

Etena kele ndooko wɔladi.+

15 Onde vɔ wekɔ lo mboka nsɔnyi l’ɔtɛ w’akambo wa wɔnɔnyi wambowosala?

Vɔ hawoke ndooko nsɔnyi!+

Vɔ haweye kaanga mboka nsɔnyi!

Ɔnkɔnɛ, vɔ wayɔkɔ l’atei wa wanɛ wakɔ.

Etena kayomowaela dilanya vɔ wayotakana,” mbata Jehowa.

16 Jehowa kata ate:

“Nyemale lo asanga wa mboka kele nyende.

Koko vɔ mbutaka ɔnɛ: “Hatotɔkɛndakɛnda lɔkɔ.”+

Koko vɔ wakate vate: “Hatotodja yimba.”+

18 “Ɔnkɔnɛ nyu wedja, nyohokame!

19 Nkɛtɛ le, hokamɛ!

21 Ɔnkɔnɛ, Jehowa kata ate:

22 Jehowa kata ate:

23 Vɔ wayokimɛ ota la dikɔnga.

Vɔ wekɔ akanga w’esehe ndo hawotonga la kɛtshi.

Ɔna womoto la Siɔna le, vɔ wambɔlɔngama lo ta oko ɔndɔshi wa ta dia kɔlɔsha.”

24 Sho tamboka lokumu la dikambo sɔ.

29 Diangɔ diatowola dja diambotshumbama.

Lowolo lambotomba oma lo dja yawɔ.

7 Ɔtɛkɛta wa Jehowa wakaye le Jɛrɛmiya ɔnɛ: 2 “Emala lo soko dia luudu la Jehowa kele ewoya losango lɔnɛ laawɔ: ‘Nyohokame ɔtɛkɛta wa Jehowa, nyu ase Juda tshɛ wanɛ wɔtɔ lo asoko anɛ dia ndjokusamɛ Jehowa. 3 Jehowa kanga lolembelembe, Nzambi k’Isariyɛlɛ kata ate: “Nyɔlɔngɔsɔlɛ mboka yanyu ndo etsha anyu, ko dimi layonyotshika dia nyu ntetemala mbidjasɛ lo dihole nɛ.+ 4 Tanyoyaɛkɛke lo ɛtɛkɛta wa kashi ndo tanyotake ɔnɛ: ‘Ɔnɛ ekɔ* tɛmpɛlɔ ka Jehowa, tɛmpɛlɔ ka Jehowa, tɛmpɛlɔ ka Jehowa!’+ 5 Nɛ dia naka nyu mɛtɛ ntshikitanya mboka yanyu ndo etsha anyu; naka nyu mɛtɛ nsukɛ losembwe lam’asa onto la osekande;+ 6 naka hanyosoya angɛndangɛnda, ana wa tshike* ndo wadi waki edo;+ naka hanyɔkɛdia dikila diaha la onongo lo dihole nɛ; ndo naka nyu hanyoyele tozambizambi tokina dia ndjasalɛ kɔlɔ;+ 7 kete dimi layonyotshika dia nyu ntetemala mbidjasɛ lo dihole nɛ, lo wodja wakamasha watshɛnyu pondjo pondjo.”’”*

8 “Koko nyu nyekɔ lo ndjaɛkɛ lo ɛtɛkɛta wa kashi,+ vɔ hawotonyokondjiyɛ ndooko wahɔ. 9 Onde nyu koka mbiva,+ ndjaka, nsala loseka, ntshiba lo kashi,+ nambola Baala elambo*+ ndo ndjela tozambizambi tahanyeye, 10 oma laasɔ ko nyu ndja ndjemala la ntondo kami lo luudu lɔnɛ lele la lokombo lami ndo mbuta ɔnɛ: ‘Sho tayoshimbamɛ,’ kaanga mbasalanyu awui wa wɔnɔnyi asɔ tshɛ? 11 Onde luudu lɔnɛ lele la lokombo lami laya wooko w’apɔtwanyi lo washo anyu?+ Dimi dimɛ lambɛna dikambo sɔ,” mbata Jehowa.

12 “‘Koko, kakianɛ nyotshu lo dihole diami la Shilo,+ lɛnɛ akamakitsha lokombo lami ntondo,+ kele nyotende kɛnɛ kakamadisalɛ l’ɔtɛ wa kɔlɔ ka wodja ami w’Isariyɛlɛ.+ 13 Koko nyu nyakatetemala nsala akambo asɔ tshɛ,’ mbata Jehowa, ‘ndo kaanga mbakamanyotɛka mbala la mbala,* nyu kompokamɛ.+ Dimi lakatetemala nyelɛ, koko nyu kombetawɔ.+ 14 Ɔnkɔnɛ dimi layosalɛ luudu lele la lokombo lami,+ lɔnɛ layaɛkɛnyu lɔkɔ+ ndo dihole nɛ diakamanyosha nyu la watshɛnyu, oko wakamasalɛ Shilo.+ 15 Dimi layonyotshanya oma lo washo ami, oko wakamatshanya anangɛnyu tshɛ, tokanula tshɛ ta Efrayimɛ.’+

16 “Koko wɛ, tɔlɔmbake lo wahɔ w’anto anɛ. Tolelake, tosalake dɔmbɛlɔ kana sɛngasɛngami lo wahɔ awɔ,+ nɛ dia dimi hantokohokamɛ.+ 17 Onde wɛ hɛnyi kɛnɛ kasalawɔ lo esomba wa Juda ndo lo toshinga ta la Jɛrusalɛma? 18 Ana wekɔ lo ntshumanya nkunyi, ambutshi w’apami wekɔ lo mpɛtsha dja, ndo wadi wekɔ lo nsɔha ofushi dia nsala ekate wa nambola Nkumekanga ka womoto ka l’Olongo,*+ ndo vɔ wekɔ lo pongolɛ tozambizambi tokina elambo wa lotɛ dia mbokiyami nkɛlɛ.+ 19 ‘Onde dimi mbasalɛwɔ kɔlɔ?’* mbata Jehowa. ‘Onde aha vɔamɛ, dikambo dia nsɔnyi kawɔ hita?’+ 20 Ɔnkɔnɛ, Nkum’Olongo Nkumadiɔndjɔ Jehowa kata ate: ‘Eenda, nkɛlɛ kami ndo odudu ami wayohongɔ lo dihole nɛ,+ le onto ndo le nyama, lo esongo wa l’okonda ndo lo elowa w’oma lo nkɛtɛ; tɔ kayotshumba ndo hatodimala.’+

21 “Jehowa kanga lolembelembe, Nzambi k’Isariyɛlɛ kata ate: ‘Nyotshu otsha la ntondo, nyokotsha elambo anyu wa lotshumba w’etondo lo elambo anyu ekina ndo nyole emunyi nyuamɛ.+ 22 Nɛ dia lushi lakamatondja watshɛnyu oma lo wodja w’Edjibito, dimi kɔtɛkɛta la wɔ kana mbadjangɛ lo kɛnɛ kendana la elambo wa lotshumba w’etondo ndo elambo.+ 23 Koko dimi lakawadjangɛ nte: “Nyokitanyiya dui diami, ko dimi layonga Nzambi kanyu ndo nyu nyayonga anto ami.+ Nyu pombaka nkɛndakɛnda lo mboka tshɛ yadjangami, dia akambo tshɛ ndowana le nyu.”’+ 24 Koko vɔ kompokamɛ kana mpokɛ toyi;+ ko vɔ wakakɛndakɛnda lo dikongelo* diawɔ vɔamɛ, la ɛtɛ wolo tshɛ vɔ wakayele etema awɔ wa kɔlɔ+ ndo vɔ wakakalola ɛkɔngɔkɔngɔ lo dihole dia ntshɔ otsha la ntondo, 25 oma ko lushi lakatombe watshɛnyu oma lo wodja w’Edjibito polo ndo ɛlɔ.+ Ɔnkɔnɛ, dimi lakatetemala nyotomɛ ekambi ami tshɛ amvutshi, lo mbatoma lushi tshɛ, mbala la mbala.*+ 26 Koko vɔ wakatone pokamɛmi, ndo vɔ kopokɛ toyi diawɔ.+ Vɔ waki ɛtɛ wolo,* ndo vɔ wakasalaka akambo wa kɔlɔ efula ndeka watshɛwɔ!

27 “Wɛ ayowatɛ ɛtɛkɛta ɛsɔ tshɛ,+ koko vɔ hawotokohokamɛ; wɛ ayowaelɛ, koko vɔ hawotoketawɔ. 28 Ndo wɛ ayota lo dikambo diawɔ ɔnɛ: ‘Ɔnɛ ele wodja waki kokitanyiya dui dia Jehowa Nzambi kawɔ ndo wakatone mbetawɔ ohokwelo. Kɔlamelo yakashishɔ ndo yɔ hayodimɔma l’atei awɔ.’*+

29 “Nya divo diayɛ diahanyemaka,* kashadiɔ, ndo emba lembo l’otanda* lo tokonakona ta hwe, nɛ dia Jehowa ambɔsɛka ndo ambokalɛ lɔlɔnga lɔnɛ lakawomadia. 30 ‘Nɛ dia ase Juda wakasale kɛnɛ kele kɔlɔ lo washo ami,’ mbata Jehowa. ‘Vɔ wakakitsha dikishi diawɔ dia wɔnɔnyi lo luudu lele la lokombo lami, dia lidja mindo.+ 31 Vɔ wakahike ahole wa la diko wa Tɔfɛta kele lo Okidi w’Ɔna Hinɔmɛ,*+ dia ntshumba anawɔ w’apami ndo anawɔ wa wamato lo dja,+ dui diakimi kombidjanga ndo diahatayalaka ndooko lushi l’otema ami.’*+

32 “‘Ɔnkɔnɛ eenda, nshi yekɔ lo ndjaye,’ mbata Jehowa, ‘yahawatowelɛ nto ɔnɛ Tɔfɛta kana Okidi w’Ɔna Hinɔmɛ,* koko Okidi wa Ediakelo. Vɔ wayokundɛka edo la Tɔfɛta polo lam’ayoshila ahole.+ 33 Ndo edo w’anto anɛ wayonga mbo ya ndɛ ya tofudu ta l’olongo ndo ya nyama ya la nkɛtɛ, ko ndooko onto layoyiotsha wɔma.+ 34 Dimi layokomiya londjo l’ɔngɛnɔngɛnɔ ndo londjo l’ɔlɔ, dui dia otshuki ndo dui dia otshukami+ lo esomba wa Juda ndo lo toshinga ta Jɛrusalɛma, nɛ dia wodja wayolanyema.’”+

8 Jehowa kata ate: “L’etena kɛsɔ, weka wa nkumi ya dikanga ya Juda, weka w’ewandji ayɔ, weka w’ɛlɔmbɛdi, weka w’amvutshi ndo weka w’anto wadjasɛ la Jɛrusalɛma wayɔsama oma lo waombo awɔ. 2 Vɔ wayodianganyema la ntondo ka wonya, ka ngɔndɔ ndo la ntondo k’alembe tshɛ wa l’olongo wakawalangaka, wakawakambɛka, wakawayelaka, wakawayangaka ndo wakawakusamɛka.+ Vɔ hawootshumanyema kana kundɛma. Vɔ wayonga oko tumi laadiko dia nkɛtɛ.”+

3 “Ndo atshikadi wa lo nkumbo ka kɔlɔ kɛnɛ wanɛ wayohandɔ, wayɔsɔna nyɔi lo dihole dia lɔsɛnɔ lo ahole tshɛ wayomaadianganya,” mbata Jehowa kanga lolembelembe.

4 “Kowatee wate: ‘Jehowa kata ate:

“Onde vɔ wayɔkɔ ko hawotonɛ nto?

Naka ɔmɔtshi ambolanga nkalola, onde okina hatokalola nde la wɔ?

 5 Lande na kele anto anɛ, ase Jɛrusalɛma wele bu la kɔlamelo tetemalaka monga aha la kɔlamelo?

 6 Dimi lakadje yimba ndo lakatetemala mpokamɛ, koko woho wakawatɛkɛtaka komonga dimɛna.

Ndooko onto lakayatshumoya lo kɔlɔ yande kana mimbola ɔnɛ: ‘Kakɔna kamomosala?’+

Onto l’onto tetemalaka nkalola lo mboka kayela anto efula oko mfalasa katakungusɔ otsha lo ta.

Koko anto ami hita hawoshihodia kilombo ka Jehowa.”’+

 8 ‘Ngande wakokanyu mbuta nyate: “Tekɔ la lomba ndo tekɔ la ɛlɛmbɛ* wa Jehowa”?

Nɛ dia lo mɛtɛ, ofundɔ* wa kashi*+ w’afundji* wakakambema paka lo kashi.

 9 Akanga wa tomba wamboshama nsɔnyi.+

Vɔ waya la wɔma ndo wayondama.

Etena kele ndooko wɔladi.+

12 Onde vɔ wekɔ lo mboka nsɔnyi l’ɔtɛ w’akambo wa wɔnɔnyi wambowosala?

Vɔ hawoke ndooko nsɔnyi!

Vɔ haweye kaanga mboka nsɔnyi!+

Ɔnkɔnɛ, vɔ wayɔkɔ l’atei wa wanɛ wakɔ.

Etena kayomowaela dilanya, vɔ wayotakana,’+ mbata Jehowa.

13 ‘Etena kayomaatshumanya, dimi layowakonya l’ekomelo kawɔ,’ mbata Jehowa.

‘Ndooko elowa wayotshikala lo ɔkɔdi wa vinyɔ, ndooko fingo lo osongo wa fingo ndo akatshi wayɔlɛngɛ.

Ndo vɔ wayoshisha kɛnɛ kakamawasha.’”

14 “Lande na kadjasɛso lanɛ?

Nyɛsɔ totshumane kaamɛ ndo tɔtɔ lo osomba wodingami la mpele+ kele totovu lɛkɔ.

16 Ndjawi ya mfalasa yande yekɔ lo mbokɛma oma la Danɛ.

“Onde Jehowa bu la Siɔna?

Kana onde nkumekanga kayɔ bu lɔkɔ?”

Wɔma wambominda.

22 Onde balasama* bu la Ngiliyadɛ?+

Kana onde ndooko ɔkɔnɔdi* lɛkɔ?+

Lande na kahakɔnwɛ ɔna womoto la wodja ami?+

 2 Otomongaka la dihole diatohangaka ambetshetshi lo oswe lee!

Vɔ wambetsha nemi yawɔ dia mbutaka kashi.+

Vɔ ndjalɛndjaka lo nsala kɛnɛ kele kɔlɔ.

 6 Nyu nyekɔ lo nsɛna l’atei wa lokeso.

Lo lokeso lawɔ, vɔ wakatone mbeyami,” mbata Jehowa.

 7 Ɔnkɔnɛ, Jehowa kanga lolembelembe kata ate:

 8 Lolemi lawɔ lekɔ lohito ladiakana, lata kashi.

 9 Jehowa kata ate: “Onde dimi haahombe mbikoya la wɔ l’ɔtɛ w’awui asɔ?

Onde dimi* haahombe nsɔmbɔya wodja ngasɔ?+

Tofudu ta l’olongo ndo nyama yambolawɔ; yɔ yambotshɔ.+

12 Akɔna ele la lomba lakoka nshihodia dui nɛ?

Jehowa onto akɔna akandatɛ, kele nde adiewoya?

Lande na kambolanyema wodja?

13 Jehowa akakadimola ate: “Nɛ dia vɔ tonaka ɛlɛmbɛ* ami wakamakitsha la ntondo kawɔ ndo nɛ dia vɔ kombayela ndo kokitanyiya dui diami. 14 Koko la ɛtɛ wolo tshɛ, vɔ wakayele etema awɔ hita+ ndo vɔ wakayele dikishi dia Baala oko wakawaetsha washɛwɔ dia nsala.+ 15 Ɔnkɔnɛ, Jehowa kanga lolembelembe, Nzambi ka Isariyɛlɛ kata ate: ‘Dimi layanga nsala dia wodja ɔnɛ ndɛ osongo w’ololo ndo layowanɔsha ashi wa lɔlɛngɔ.+ 16 Dimi layowahandjola l’atei wa wedja wakiwɔ vɔ la washɛwɔ kombeya+ ndo dimi layowatomɛ lokuwa la ta polo ndo lambaashila oshiki.’+

19 Nɛ dia londjo la delo dia kandji lambokɛ oma la Siɔna ɔnɛ:+

“Ande woho wambotolanyema!

Ande efula ka nsɔnyi kaso!

Nɛ dia sho tambotshika wodja ndo vɔ wambonyukola mvudu yaso.”+

20 Nyu wamato, nyohokame ɔtɛkɛta wa Jehowa.

Atoyi anyu walongole ɔtɛkɛta w’oma l’onyɔ ande.

22 Ta wate: ‘Jehowa kata ate:

23 Jehowa kata ate:

24 “Koko ɔnɛ layasɛma ayasɛmɛ dia dikambo nɛ:

25 Jehowa kata ate: “Eenda, nshi yekɔ lo ndjaye, ndo dimi layokoya l’onto tshɛ lakanyɛma mpota koko atanyɛma mpota,+ 26 la Edjibito,+ la Juda,+ la Ɛdɔmɛ,+ l’ase Amɔna,+ la Mɔaba+ ndo la wanɛ tshɛ wakanya avo lo mpakatoyi wadjasɛ l’oswe wa shɛnga;+ nɛ dia wedja tshɛ watanya mpota ndo nkumbo k’otondo k’Isariyɛlɛ katanya mpota l’otema.”+

10 Luudu l’Isariyɛlɛ le, nyohokame ɔtɛkɛta wanyotɛ Jehowa. 2 Jehowa kata ate:

 3 Nɛ dia mbekelo y’anto yekɔ kashi.*

 6 Jehowa le,+ ndooko onto lele oko wɛ.

Wɛ ekɔ woke, lokombo layɛ lekɔ woke ndo wolo.

 8 Vɔ tshɛ wekɔ dipɔka ndo dinginya.+

Wetshelo w’oma le osongo wekɔ kashi*+ tshɛ lo tshɛ.

Ahɔndɔ awɔ wekɔ wa bule ndo wakasalema la wɛɔsa w’ebelabela.

Vɔ tshɛ wakasalema oma le ekambi wele la diewo.

10 Koko Jehowa ekɔ mɛtɛ Nzambi.

Nde ekɔ Nzambi kasɛna+ ndo Nkumekanga ka pondjo.+

11 * Kanyowate nyate:

14 Onto tshɛ salaka akambo aha la nkanyiya ndo aha la ewo.

15 Diɔ diekɔ lokeso,* olimu wa lɔsɔkɔ.+

Etena kayokoka lushi la kilombo kadiɔ, diɔ diayolanyema.

Jehowa kanga lolembelembe kele lokombo lande.+

18 Nɛ dia Jehowa kata ate:

19 Mananu le mi l’ɔtɛ wa elanyelo kami!*+

Mpota kami hakoke nkɔnɔ.

Ndo dimi lakate nte: “Lo mɛtɛ ɔnɛ ekɔ hemɔ kami, ndo dimi pombaka kikikɛ.

20 Luudu lami la dipɛma lambolanyema, ndo ɛkɔdi wa luudu lami la dipɛma tshɛ wambohembɔ.+

Anami wambontshika ndo vɔ waya bu.+

Ndooko onto lotshikadi dia mbetola luudu lami la dipɛma kana monyiya ahɔndɔ wa luudu lami la dipɛma.

22 Hokamɛ, losango! Lɔ lekɔ lo ndjaye!

23 Jehowa le, dimi mbeyaka dimɛna dia onto bu l’akoka wa ndjalɔmbɔla.

Lam’akɛndakɛnda onto, nde bu la lotshungɔ la nɔmbɔla kaanga ekolo ande.+

11 Ɛtɛkɛta w’oma le Jehowa le Jɛrɛmiya vɔ ɛnɛ: 2 “Nyu anto, nyohokame ɛtɛkɛta wa sheke nyɛ!

“Tɛ* ase Juda ɛtɛkɛta akɔ ndo anto wadjasɛ la Jɛrusalɛma 3 ndo tɛwɔ ɔnɛ: ‘Jehowa Nzambi k’Isariyɛlɛ kata ate: “Mananu le onto lahakitanyiya ɛtɛkɛta wa sheke nyɛ,+ 4 wakamadjangɛ watshɛnyu lushi lakamaatondja oma lo wodja w’Edjibito,+ oma lo nkuka kalɛlɔla mbolo,+ lata nte: ‘Nyokitanyiya dui diami ndo nyosale kɛnɛ tshɛ kanyodjangɛmi; ko nyu nyayoyala wodja ami ndo dimi layoyala Nzambi kanyu,+ 5 dia dimi nkotsha etshibelo kakamatshibɛ watshɛnyu, dia mbasha wodja wakɛlanɛ abɛlɛ la osanga+ oko wediɔ ɛlɔ.’”’”

Ko dimi lakakadimola nte: “Jehowa le, aamɛɛ.”*

6 Oma laasɔ, Jehowa akambutɛ ate: “Ewoya ɛtɛkɛta ɛsɔ tshɛ lo esomba wa la Juda ndo lo toshinga ta la Jɛrusalɛma ɔnɛ: ‘Nyohokame ɛtɛkɛta wa sheke nyɛ ndo nyaakitanyiya. 7 Nɛ dia dimi lakahɛmɔla watshɛnyu lushi lakamaatondja oma lo wodja w’Edjibito polo ndo ɛlɔ, lekɔ lo mbahɛmɔla mbala la mbala* nte: “Nyokitanyiya dui diami.”+ 8 Koko vɔ kompokamɛ ndo kompokɛ atoyi awɔ; la ɔtɛ wolo tshɛ, onto l’onto akatetemala ndjela otema ande wa kɔlɔ.+ Ɔnkɔnɛ, dimi lakakotsha le wɔ ɛtɛkɛta tshɛ wa lo sheke nyɛ wakamawadjangɛ dia nsala ko vɔ wakatone mbakitanyiya.’”

9 Ko Jehowa akambutɛ ate: “Ase Juda ndo anto wadjasɛ la Jɛrusalɛma wambɔtɔ sheke. 10 Vɔ wambokalola lo munga ya watshɛwɔ wa lo nshi y’edjedja, wanɛ wakatone nkitanyiya ɛtɛkɛta ami.+ Vɔ la wɔ wamboyela tozambizambi tokina ndo wambotikambɛ.+ Luudu l’Isariyɛlɛ ndo luudu la Juda wambolanya sheke yami yakamadje la watshɛwɔ.+ 11 Ɔnkɔnɛ, Jehowa kata ate: ‘Dimi layanga mbaela mpokoso+ kahawatokoka mbewɔ. Etena kayowombelɛ dia nyanga ekimanyielo, dimi halowahokamɛ.+ 12 Ko esomba wa la Juda ndo anto wadjasɛ la Jɛrusalɛma wayotshɔ le tozambizambi tɔnɛ talambolawɔ elambo* dia toyanga ekimanyielo,+ koko tɔ hatotowashimbɛ kaanga yema lo etena ka mpokoso kawɔ. 13 Juda le, nɛ dia tozambizambi tayɛ taya efula oko wele efula k’esomba ayɛ, ndo wɛ ambosalɛ ɛngɔ ka nsɔnyi* dilambwelo efula oko wele efula ka toshinga ta la Jɛrusalɛma, dilambwelo dia nambola Baala elambo.’+

14 “Koko wɛ,* tɔlɔmbake lo wahɔ w’anto anɛ. Tolelake lo wahɔ awɔ kana nsala dɔmbɛlɔ lo dikambo diawɔ,+ nɛ dia dimi haloohokamɛ etena kayowombelɛ l’ɔtɛ wa mpokoso kawɔ.

Onde la emunyi w’ekila* mbayowoshimba mpokoso etena kayotoya le yɛ?

Onde wɛ ayɔngɛnangɛna lo etena kɛsɔ?

17 “Jehowa kanga lolembelembe, Ɔnɛ lakakoonɛ,+ akate dia mpokoso kɛmɔtshi kayoya le yɛ l’ɔtɛ wa kɔlɔ kakasale luudu l’Isariyɛlɛ ndo luudu la Juda, wanɛ wakanyangiya lo nambola Baala elambo.”+

19 Dimi laki oko ɔna ɔkɔkɔ wa wɔlamu watawatɔlɛ otsha lo ediakelo.

Dimi kombeyaka dia vɔ wekɔ lo nkongɛ lo dikambo diami ɔnɛ:+

21 Ɔnkɔnɛ, Jehowa kata lo dikambo di’ase Anatɔta+ wayanga dia mbɔsa lɔsɛnɔ layɛ* ndo wata ɔnɛ: “Wɛ hahombe mbuta prɔfɛsiya lo lokombo la Jehowa+ kana ɔnɛ wɛ ayovɔ lo anya aso”; 22 Jehowa kanga lolembelembe kata ate: “Dimi layanga mbikoya la wɔ. Ɛlɔngɔ w’apami wayovɔ la lokuwa la ta+ ndo anawɔ w’apami la anawɔ wa wamato wayovɔ la ndjala ka kasha.+ 23 Ndooko kaanga onto ɔtɔi l’atei awɔ layotshikala, nɛ dia dimi layela mpokoso le ase Anatɔta+ lo ɔnɔnyi wayomokoya la wɔ.”

 2 Wɛ akawaonɛ ndo vɔ wakake edio.

Vɔ wakole ndo wakatɔ elowa.

Wɛ ekɔ lo ɛlɔmɔ awɔ, koko mangana etale la tokanyi t’etema awɔ.*+

Nɛ dia vɔ wakate vate: “Nde hɛnyi kɛnɛ kayotokomɛ.”

Vɔ wakakodɛ dielo dia wolo.

 7 “Dimi lakasɛkɛ luudu lami;+ dimi lakatshike etenyi kami k’okitɔ.+

Dimi lakakimɔ olangemi ami* wa mamba lo anya w’atunyi ande.+

 8 Etenyi kami k’okitɔ kakonge le mi oko ntambwɛ lo okonda.

Nde akandjikitɛ.

Ɔnkɔnɛ, dimi lakayoohetsha.

Vɔ waketɛ ɛtshi kami ka nkɛtɛ kalangami oswe wa shɛnga.

11 Tɔ kaya dihole dia hwe.

Ndooko onto* lele lo wɔladi.

13 Vɔ wakonɛ eponga, koko wakane atɛndɛ.+

Vɔ wamboyalɛndja vɔamɛ, koko aha la nkondja wahɔ.

14 Nganɛ mbata Jehowa lo dikambo di’asekami tshɛ wele akanga wa kɔlɔ, wanɛ wananda etenyi k’okitɔ kakamasale dia Isariyɛlɛ wodja ami nkondja:+ “Dimi layanga mbakundola oma lo wodja awɔ+ ndo layokundola luudu la Juda oma l’atei awɔ. 15 Koko l’ɔkɔngɔ wa dimi mbakundola, dimi layowaoka kɛtshi nto ndo layokaloya onto l’onto la l’atei awɔ otsha lo etenyi kande k’okitɔ ndo lo wodja ande.”

16 “Ndo naka vɔ ndjashikikɛ dia mbeka mboka ya wodja ami ndo ntshiba lo lokombo lami ɔnɛ: ‘Lo mɛtɛ oko wele Jehowa la lɔsɛnɔ!’ oko wakawalakanya wodja ami dia ntshiba lo lokombo la Baala, kete vɔ wayohikama l’atei wa wodja ami. 17 Ko naka vɔ ntona nkitanyiya, dimi la wɔ layokundola wodja akɔ, mbokundola ndo mbolanya,” mbata Jehowa.+

13 Jehowa akambutɛ ate: “Tshɔka, tosombe oya wa linɛnɛ kele owɔlɔtɛ lo lokende, koko towodjake lo ashi.” 2 Ko dimi lakatosomba oya oko wakate Jehowa ndo lakɔɔlɔtɛ lo lokende lami. 3 Ɔtɛkɛta wa Jehowa wakaye le mi mbala ka 2 ɔnɛ: 4 “Ɔsa oya wakayasombe ndo wɔlɔtshiyɛ kele onɛɛ, tshɔka otsha lo Efaratɛ towoshɛ lɛkɔ lo wooko wa dive.” 5 Ko dimi lakatshu ndo lakatowoshɛ suke la Efaratɛ, oko wakambidjangɛ Jehowa.

6 Koko l’ɔkɔngɔ wa nshi efula, Jehowa akambutɛ ate: “Onɛɛ, tshɔka lo Efaratɛ kele tɔshi oya wakamakodjangɛ dia toshɛ lɛkɔ.” 7 Ko dimi lakatshu lo Efaratɛ ndo lakatokundola oya, ko lakawɔshi oma lo dihole diakamawoshɛ ndo lakɛnyi dia oya akɔ wakalana; hawoyokoka nkamba la wɔ kaanga yema.

8 Oma laasɔ, ɔtɛkɛta wa Jehowa wakaye le mi ɔnɛ: 9 “Jehowa kata ate: ‘Woho akɔ waamɛ mbayomolanya otako wa Juda ndo otako w’efula wa Jɛrusalɛma.+ 10 Anto wa kɔlɔ anɛ watona nkitanyiya ɛtɛkɛta ami,+ wayela la ɛtɛ wolo tshɛ etema awɔ hita+ ndo wayela tozambizambi tokina, watikambɛ ndo watikusamɛ, wayoyala paka oko oya ɔnɛ wahawayokoka nkamba la wɔ kaanga yema.’ 11 ‘Nɛ dia oko watomamemaka oya lo lokende l’onto, dimi lakasale dia luudu l’otondo l’Isariyɛlɛ ndo luudu l’otondo la Juda mamemami,’ mbata Jehowa, ‘dia vɔ monga le mi wodja,+ lokombo,+ lotombo ndo ɛngɔ ka dimɛna efula. Koko vɔ kokitanyiya.’+

12 “Ndo wɛ pombaka nto mbatɛ losango lɔnɛ: ‘Jehowa Nzambi k’Isariyɛlɛ kata ate: “Mbaka tshɛ ka woke pombaka ndodiama la wanu.”’ Ndo vɔ wayokokadimola ɔnɛ: ‘Onde sho hateye edja kɛnɛ ɔnɛ mbaka tshɛ ka woke pombaka ndodiama la wanu?’ 13 Ko wɛ mbatɛ wate: ‘Jehowa kata ate: “Dimi layanga mbidjoya anto tshɛ wadjasɛ lo wodja ɔnɛ,+ nkumi ya dikanga yadjasɛ lo kiti ka lowandji ka Davidɛ, ɛlɔmbɛdi la amvutshi ndo anto tshɛ wadjasɛ la Jɛrusalɛma. 14 Ndo dimi layowatɛtshatɛtsha onto la wonyande, ambutshi w’apami la ana w’apami,” mbata Jehowa.+ “Dimi halowaoka kandji kana monga la lɔkɔnyɔ kana kɛtshi kaanga yema; ndooko ɛngɔ kayonshimba dia dimi mbalanya.”’+

15 Nyohokame ndo nyodje yimba.

Tanyongake la lotamanya, nɛ dia Jehowa ambɔtɛkɛta.

19 Esomba wa lo sidɛ wambodihama,* aha la onto lawadihola.

Ase Juda tshɛ wambɔtɔlama lo lɔhɔmbɔ, wambɔtɔlama tshɛ lo tshɛ lo lɔhɔmbɔ.+

20 Onyiya washo ayɛ kele enda wanɛ wayaye oma lo nɔrdɛ.+

Lende ele dongalonga diakawakosha, ɛkɔkɔ ayɛ w’amɛna?+

Onde kandji ka lɔɔnɔ hokonda oko kɛnɛ katongaka la womoto latata lɔɔnɔ?+

22 Ndo etena kayoyoyambola lo otema ɔnɛ: ‘Lande na kambonkomɛ akambo anɛ?’+

Ekɔ l’ɔtɛ wa munga kayɛ ka woke mbakawakokolola ahɔndɔ ayɛ+

Ndo mbakawasalɛ tshindji diayɛ akambo la ngala.

23 Onde ose Kusha* koka ntshikitanya lokoho lande kana nkɔi awadi atɔ?+

24 Ko dimi layowahandjola oko nsɔdu yambɛmbama la lɔpɛpɛ la l’oswe.+

Jɛrusalɛma le, mananu le yɛ!

Polo l’etena kakɔna kayoyotetemala monga mindo?”+

14 Ɔtɛkɛta wa Jehowa wakaye le Jɛrɛmiya lo dikambo dia deko di’ɔwɔ ɔnɛ:+

 2 Juda ekɔ lo otanda+ ndo asoko ayɔ wambolanyema.

 3 Ɛnɛnɛ awɔ wambotoma ekambi* awɔ dia toyanga ashi.

Vɔ wambotshɔ lo afuku w’ashi,* ko vɔ hawotanyi ashi.

Vɔ wambokalola la diangɔ diawɔ hwe.

 6 Mponda ya l’okonda yambemala lo tokonakona ta hwe.

Totɔsɛkake.

10 Jehowa kata lo dikambo di’anto anɛ ate: “Vɔ nangaka mbekekɔ;+ vɔ konama ekolo awɔ.+ Diakɔ diele Jehowa kombangɛnangɛna.+ Wonya ɔnɛ, nde ayanga mbohɔ munga kawɔ ndo ayokoya la wɔ l’ɔtɛ wa pɛkato yawɔ.”+

11 Oma laasɔ, Jehowa akambutɛ ate: “Tɔlɔmbake dia ɔlɔlɔ w’anto anɛ.+ 12 Etena kakilawɔ mbo ya ndɛ, dimi haahokamɛ ɛsɛngɔsɛngɔ awɔ,+ ndo etena kalambolawɔ elambo wa lotshumba w’etondo ndo elambo wa ntɔngɔ, dimi haawangɛnangɛna,+ nɛ dia la lokuwa la ta, la ndjala ka kasha ndo la elando* mbayomowashila oshiki.”+

13 Ko dimi lakate nte: “Hayii, Nkum’Olongo Nkumadiɔndjɔ Jehowa! Amvutshi wekɔ lo mbatɛ ɔnɛ: ‘Nyu hanyotɛna lokuwa la ta ndo hanyotonga la ndjala ka kasha, koko Nzambi ayonyosha wɔladi wa mɛtɛ lo dihole nɛ.’”+

14 Oma laasɔ, Jehowa akambutɛ ate: “Amvutshi wekɔ lo mbuta prɔfɛsiya ya kashi lo lokombo lami.+ Dimi kombatoma, kombadjangɛ kana ntɛkɛta la wɔ.+ Vɔ wekɔ lo nyotɛ ɛnɛlɔ ka kashi,+ diendja di’anyanya ndo lokeso l’oma lo etema awɔ hita. 15 Ɔnkɔnɛ, Jehowa kata lo dikambo di’amvutshi wata prɔfɛsiya lo lokombo la mi, etena kele dimi kombatoma ndo wanɛ wata dia ndooko lokuwa la ta kana ndjala ka kasha kayonga lo wodja ɔnɛ ate: ‘La lokuwa la ta ndo la ndjala ka kasha mbayodiakema amvutshi asɔ.+ 16 Ndo anto watɛwɔ prɔfɛsiya wayokashema lo toshinga ta la Jɛrusalɛma l’ɔtɛ wa ndjala ka kasha ndo wa lokuwa la ta aha la onto lawakundɛ,+ vɔ, wadiɛwɔ, anawɔ w’apami kana anawɔ wa wamato, nɛ dia dimi layowahongolɛ mpokoso kɛdimi la wɔ.’+

Nɛ dia omvutshi la ɔlɔmbɛdi wambekekɔ lo wodja wahaweye.’”+

19 Onde wɛ ambotona Juda tshɛ lo tshɛ, kana onde wɛ* ambohetsha Siɔna?+

Lande na kamboyotɔkɔmɔla woho wahatakoke nkɔnɔ?+

Ohɔ ndo tolanyake sheke yakayadje la so.+

Jehowa Nzambi kaso le,+ shi paka Wɛmɛ oto?

15 Ko Jehowa akambutɛ ate: “Kaanga Mɔsɛ nde la Samuɛlɛ otowemala la ntondo kami,+ dimi totomoka* anto anɛ kɛtshi. Tshanyawɔ oma la ntondo kami. Tshikawɔ watshu. 2 Ndo naka vɔ wambokotɛ ɔnɛ: ‘Lende ahombaso ntshɔ?’ Kowate wate: ‘Jehowa kata ate:

“Ɔnɛ lahomba ntshɔ lo hemɔ kadiaka, atshu lo hemɔ kadiaka!

Ɔnɛ lahomba ntshɔ lo lokuwa la ta, atshu lo lokuwa la ta!+

Ɔnɛ lahomba ntshɔ lo ndjala ka kasha, atshu lo ndjala ka kasha!

Ndo ɔnɛ lahomba ntshɔ lo lɔhɔmbɔ, atshu lo lɔhɔmbɔ!”’+

3 “‘Ndo dimi layowasɔnɛ mpokoso 4,’*+ mbata Jehowa, ‘lokuwa la ta dia ndjaka, mfɔ dia nkotola, tofudu ta l’olongo ndo nyama ya la nkɛtɛ dia ndɛ ndo ndanya.+ 4 Ndo dimi layowaetɛ ɛngɔ ka wɔnɔnyi le waolelo tshɛ wa la nkɛtɛ+ l’ɔtɛ wa Manase ɔna Hɛzɛkiya, nkumekanga ka Juda, lo kɛnɛ kakandasale la Jɛrusalɛma.+

 6 ‘Wɛ akansɛkɛ,’ mbata Jehowa.+

‘Wɛ ekɔ lo ntetemala mbokami ɔkɔngɔ.*+

Ɔnkɔnɛ, dimi layosembola lonya lami dia kɔlɔsha ndo kolanya.+

Dimi lambɔlɛmba dia koka kɛtshi.*

 7 Ndo dimi layowafufola la lɔsɔmɔ lo asoko wa wodja.

Dimi layowatshika aha la ana.+

 8 Wadi waki edo awɔ wayofulanɛ la ntondo kami ndeka lɔkɔngɔ la lo ndjale.

Dimi layela ondanyishi le wɔ la midi, le waa mama ndo le ɛlɔngɔ w’apami.

Dimi layowaela osukusuku ndo wɔma la shashimoya.

Sɔmbɔya wanɛ wampɛnyahɛnya lo dihole diami.+

Totshikake dia dimi nanyema* l’ɔtɛ wahayoke nkɛlɛ esadi.

Eya dia l’ɔtɛ ayɛ kamomɔtɛngama.+

17 Dimi halodjasɛ kaamɛ la asadi wa fɛtɛ ndo ngɛnangɛna.+

18 Lande na kele paa kami hashile ndo mpota kami hakɔnɔ?

Tɔ kambotona nkɔnɔ.

19 Ɔnkɔnɛ, Jehowa kata ate:

20 “Dimi layanga ketɛ ehele ka wolo ka nkonga le anto anɛ.+

16 Ɔtɛkɛta wa Jehowa wakaye le mi nto ɔnɛ: 2 “Totshukake wadi ndo tootake ana w’apami ndo ana wa wamato lo dihole nɛ. 3 Nɛ dia Jehowa kata lo dikambo dia ana w’apami ndo ana wa wamato wotɔ lo dihole nɛ, lo dikambo dia anyangɛwɔ wawaota ndo lo dikambo dia washɛwɔ wasala dia vɔ mbotɔ lo wodja ɔnɛ ate: 4 ‘Vɔ wayovɔ la hemɔ yadiakana,+ koko ndooko onto layowalela kana mbakundɛ; vɔ wayoyala oko tumi laadiko dia nkɛtɛ.+ Vɔ wayodiakema la lokuwa la ta ndo la ndjala ka kasha,+ ko edo awɔ wayoyala mbo ya ndɛ ya tofudu ta l’olongo ndo ya nyama ya la nkɛtɛ.’

 6 Anto wa weke ndo wa totshitshɛ wayovɔ lo wodja ɔnɛ.

9 “Nɛ dia Jehowa kanga lolembelembe, Nzambi k’Isariyɛlɛ kata ate: ‘Lo dihole nɛ, lo nshi yanyu ndo lo washo anyu hita, dimi layokomiya mindjo y’ɔlɔ ndo y’ɔngɛnɔngɛnɔ, dui dia otshuki ndo dui dia otshukami.’+

10 “Etena kayoyotɛ wodja ɛtɛkɛta ɛsɔ tshɛ, vɔ wayokombola ɔnɛ: ‘Lande na kakewoya Jehowa mpokoso ka wolo ka ngasɔ lo dikambo diaso? Munga ndo pɛkato kakɔna kakatasalɛ Jehowa Nzambi kaso?’+ 11 Kowakadimole wate: ‘“Nɛ dia watshɛnyu wakamboke ɔkɔngɔ,”+ mbata Jehowa, “ndo vɔ wakatetemala ndjela tozambizambi tokina, wakatikambɛ ndo wakatikusamɛ.+ Koko vɔ wakamboke ɔkɔngɔ ndo vɔ kokitanyiya ɛlɛmbɛ ami.+ 12 Nyu nyakasale kɔlɔ koleki watshɛnyu+ ndo la ɛtɛ wolo tshɛ onto l’onto ndjelaka otema ande wa kɔlɔ lo dihole dia kitanyiyami.+ 13 Diakɔ diele, dimi layonyotondja la wolo oma lo wodja ɔnɛ otsha lo wodja wele oyadi nyu kana watshɛnyu kombeya,+ ndo nyayotokambɛ tozambizambi tokina lɛkɔ otsho la yanyi,+ nɛ dia dimi halonyoka kɛtshi.”’

14 “‘Koko nshi yekɔ lo ndjaye,’ mbata Jehowa, ‘yahawatota nto ɔnɛ: “Lo mɛtɛ oko wele Jehowa la lɔsɛnɔ, ɔnɛ lakatondja ase Isariyɛlɛ oma lo wodja w’Edjibito!”+ 15 koko ɔnɛ: “Lo mɛtɛ oko wele Jehowa la lɔsɛnɔ, ɔnɛ lakatondja ase Isariyɛlɛ oma lo wodja wa lo nɔrdɛ ndo oma lo wedja tshɛ wakandaahandjola!” ko dimi layowakaloya lo wodja awɔ wakamasha watshɛwɔ.’+

17 Nɛ dia washo ami wekɔ lo dikambo tshɛ diasalawɔ.*

17 “Pɛkato ka Juda fundama la ofundɔ wa lowolo.

 4 La lolango layɛ hita, wɛ ayoshisha etenyi kayɛ k’okitɔ kakamakosha.+

Tɔ kayotshumbaka tena tshɛ.”

 5 Jehowa kata ate:

 6 Nde ayonga oko osongo wele vɔamɛ lo laandja l’oswe.

 9 Otema ndeka diangɔ dikina tshɛ lokeso* ndo vɔ wekɔ kɔlɔ efula.*+

Akɔna akoka mbeeya?

14 Jehowa le, ɔnkɔnɔlɛ ko dimi layɔkɔnɔ.

15 Eenda, anto amɔtshi wekɔ lo mbutɛmi ɔnɛ:

“Lende ele ɔtɛkɛta wa Jehowa?+

Vɔ wakotshame, lam’alangayɛ!”

17 Tongake ɛngɔ kambotsha wɔma.

Wɛ ekɔ eshamelo kami lo lushi la mpokoso.

19 Jehowa akambutɛ ate: “Tshɔka kele temale lo soko dia ana w’ase wodja lɛnɛ ɔtɔ ndo atomba nkumi ya dikanga ya Juda, ndo lo asoko tshɛ wa Jɛrusalɛma.+ 20 Wɛ pombaka mbatɛ wate: ‘Nyohokame ɔtɛkɛta wa Jehowa, nyu nkumi ya dikanga ya Juda, ase Juda tshɛ, ndo anto tshɛ wadjasɛ la Jɛrusalɛma, wɔtɔ lo asoko anɛ. 21 Jehowa kata ate: “Nyoyalame nyuamɛ* ndo tanyɛmbake ndooko oshikɔ lushi la Sabato kana mbɔɔtshiya lo asoko wa Jɛrusalɛma.+ 22 Tanyotondjake ndooko oshikɔ oma lo mvudu yanyu lushi la Sabato; ndo hanyohombe nsala ndooko olimu.+ Nyetɛ lushi la Sabato ekila, oko wakamadjangɛ watshɛnyu.+ 23 Koko vɔ kompokamɛ kana mpokɛ atoyi awɔ ndo la ɛtɛ wolo tshɛ, vɔ wakatone* nkitanyiya kana mbetawɔ ohokwelo.”’+

24 “‘“Koko naka nyu kitanyiyami tshɛ lo tshɛ,” mbata Jehowa, “ndo naka hanyɔtshiyisha ndooko oshikɔ lo asoko w’osomba ɔnɛ lushi la Sabato, ndo naka nyu mbetɛ lushi la Sabato ekila aha la nkamba ndooko olimu lushi lakɔ,+ 25 kete nkumi ya dikanga ndo ewandji wadjasɛ lo kiti ka lowandji ka Davidɛ,+ vɔ la wɔ wayɔtɔ lo asoko w’osomba ɔnɛ, wahemi lo pusupusu ndo lo mfalasa, vɔ la ewandji awɔ, ase Juda ndo anto wadjasɛ la Jɛrusalɛma;+ ko anto wayodjasɛka lo osomba ɔnɛ pondjo pondjo. 26 Ndo anto wayoya oma lo esomba wa Juda, oma lo ahole wodingi Jɛrusalɛma, oma lo ɛtshi ka nkɛtɛ ka Bɛnjamina,+ oma lo ɛtshi ka nkɛtɛ kele l’okidi,+ oma lo lɛkɛ l’akona, ndo oma la Nɛngɛbɛ,* wayaye la elambo wa lotshumba w’etondo,+ elambo,+ elambo wa ntɔngɔ,+ tshɔ ya wɛma, ndo elambo wa eokelo ka losaka oya lo luudu la Jehowa.+

27 “‘“Koko naka nyu hanyonkitanyiya lo mbetɛ lushi la Sabato ekila, lo ntona mɛmba eshikɔ ndo mbaɔtshiya lo asoko wa Jɛrusalɛma lushi la Sabato, dimi layotshumba asoko ayɔ lo dja, ko yɔ mɛtɛ yayolongoya totshoto todingami la mpele ta la Jɛrusalɛma+ ndo yɔ hayotodimala.”’”+

18 Ɔtɛkɛta wa Jehowa wakaye le Jɛrɛmiya ɔnɛ: 2 “Emala kele holɔ otsha lo luudu laki okengi wa mpoke,+ ko dimi layosala dia wɛ mboka ɛtɛkɛta ami lɛkɔ.”

3 Ko dimi lakaholɔ otsha lo luudu laki okengi wa mpoke, ndo nde akalɔngɔsɔlaka diwomba. 4 Koko mpoke kakakengaka okengi wa mpoke la diwomba kakalana lo anya ande. Ɔnkɔnɛ, okengi wa mpoke akanyomokamba la diɔ dia nkenga ɛngɔ kekina, oko wakandɛnyi ɔlɔlɔ.*

5 Ko ɔtɛkɛta wa Jehowa wakaye le mi ɔnɛ: 6 “‘Luudu l’Isariyɛlɛ le, onde dimi haakoke nsala la nyu oko wakasale okengi wa mpoke ɔsɔ?’ mbata Jehowa. ‘Luudu l’Isariyɛlɛ le,+ eenda! Oko wele diwomba lo anya w’okengi wa mpoke mbenyu lo anya ami. 7 Etena tshɛ kayomota dia nkundola, nkɔsha ndo nanya wodja kana diolelo dimɔtshi,+ 8 ko wodja akɔ ntshika kɔlɔ yawɔ yakamate lo dikambo diawɔ, dimi lawɔ layotshikitanya kanyi yami yendana* la mpokoso kakamasangoya dia mbela lɔkɔ.+ 9 Koko etena tshɛ kayomota dia mbika ndo monɛ wodja kana diolelo dimɔtshi, 10 ko vɔ nsala kɛnɛ kele kɔlɔ lo washo ami ndo hawokitanyiyisha dui diami, dimi layotshikitanya kanyi yami yendana* la ɔlɔlɔ wakamakongɛ dia mbosalɛ.’

11 “Lam’alangayɛ, kakianɛ tɛ ase Juda ndo anto wadjasɛ la Jɛrusalɛma wate: ‘Jehowa kata ate: “Dimi lekɔ lo nyɔlɔngɔsɔlɛ* mpokoso ndo lekɔ lo nkongɛ dui dimɔtshi dikambo dianyu. Lam’alanganyu, nyokalole oma lo mboka yanyu ya kɔlɔ ndo nyɔlɔngɔsɔlɛ mboka yanyu la etsha anyu.”’”+

12 Koko vɔ mbutaka ɔnɛ: “Ndooko elongamelo!+ Nɛ dia sho tayɔkɛndakɛnda lo ndjela tokanyi taso ndo onto l’onto la l’atei aso ayɔkɛndakɛnda lo ndjela otema ande wa kɔlɔ.”+

13 Ɔnkɔnɛ, Jehowa kata ate:

“Lam’alanganyu, nyombole l’atei wa wedja.

Akɔna akoke dikambo diele oko nɛ?

Osekaseka wa emuma w’Isariyɛlɛ akasale dui dioleki tshɛ wɔnɔnyi.+

14 Onde loonge l’ekama la la Lɛbanɔna shishɔka oma lo ave wa lo ekidi alɔ?

Kana ashi wa tshitshi wakɛla oma l’etale wayoma?

15 Koko anto ami wakambohɛ.+

Onto tshɛ layeta suke la wɔ ayondama la wɔma ndo ayonyinginya ɔtɛ.+

17 Oko lɔpɛpɛ l’oma lo ɛstɛ, dimi layowahandjola la ntondo ka otunyi.

Lushi la mpokoso kawɔ,+ dimi layowaɛdiya ɔkɔngɔ, koko aha elungi kami.”

18 Ndo vɔ wakate ɔnɛ: “Nyɛsɔ tɔtwɛ Jɛrɛmiya+ sheke, nɛ dia ɛlɛmbɛ* hawotoshishɔ oma le ɛlɔmbɛdi aso kana dako oma le akanga wa tomba kana ɔtɛkɛta oma le amvutshi. Nyɛsɔ tosawole lo dikambo diande* ndo tatodjake yimba lo kɛnɛ katande.”

20 Onde pombaka nkaloya kɔlɔ lo ɔlɔlɔ?

Nɛ dia vɔ wakatshimɛ lɔsɛnɔ lami* difuku.+

Wadiɛwɔ wonge aha la ana ndo wadi waki edo.+

19 Jehowa kata ate: “Tshɔka tosombe ɔlɔndɔ wa diwomba oma le okengi wa mpoke.+ Ɔsa dikumanyi dimɔtshi dia wodja ndo dikumanyi dimɔtshi di’ɛlɔmbɛdi, 2 kele tshɔka otsha l’Okidi w’Ɔna Hinɔmɛ,+ lo mbɔtwɛlɔ ka Soko dia bɛtshi dia mpoke. Ndo lɛkɔ, tewoya ɛtɛkɛta wakotɛmi. 3 Kote ɔnɛ: ‘Nyohokame ɔtɛkɛta wa Jehowa, nyu nkumi ya dikanga ya Juda ndo anto wadjasɛ la Jɛrusalɛma. Jehowa kanga lolembelembe, Nzambi k’Isariyɛlɛ kata ate:

“‘“Dimi layanga mbela mpokoso lo dihole nɛ, ndo atoyi wa onto tshɛ loka dui sɔ wayonga la paa. 4 Nɛ dia vɔ wakansɛkɛ+ ndo wakasale diaha dihole nɛ mbeyama.+ Vɔ nambolaka tozambizambi elambo lɔkɔ, tele vɔ, watshɛwɔ ndo nkumi ya dikanga ya Juda kombeya, ndo vɔ wambolodia dihole nɛ la dikila di’anto waha la onongo.+ 5 Vɔ wakahike ahole wa la diko wa Baala, dia ntshumba anawɔ w’apami lo dja oko elambo wa lotshumba w’etondo dikambo dia Baala,+ dui diakimi kombidjanga kana mbuta ndo diahatayalaka ndooko lushi lo otema ami.”’*+

6 “‘“Ɔnkɔnɛ eenda, nshi yekɔ lo ndjaye,” mbata Jehowa, “yele dihole nɛ hadielamɛ nto ɔnɛ Tɔfɛta kana Okidi w’Ɔna Hinɔmɛ, koko Okidi wa Ediakelo.+ 7 Dimi layofukutanya dikongelo dia Juda ndo dia Jɛrusalɛma lo dihole nɛ, dimi layowakɔsha la lokuwa la ta la ntondo k’atunyi awɔ ndo l’anya wa wanɛ wayanga dia mbɔsa nsɛnɔ yawɔ.* Ndo dimi layokimɔ edo awɔ le tofudu ta l’olongo ndo le nyama ya la nkɛtɛ oko mbo ya ndɛ.+ 8 Dimi layetɛ osomba ɔnɛ ɛngɔ ka wɔma ndo ɛngɔ ka mbidɛ ekoko. Ɔnɛ tshɛ layeta suke la wɔ ayondama la wɔma ko ayoda ekoko l’ɔtɛ w’asui awɔ tshɛ.+ 9 Ndo dimi layosala dia vɔ ndɛ emunyi w’anawɔ w’apami la w’anawɔ wa wamato, ndo onto l’onto ayɔlɛ emunyi w’osekande l’ɔtɛ wa odingelo ndo oshishelo wa elongamelo l’etena kayowɔhɛnyahɛnyama l’asui w’oma le atunyi awɔ la wanɛ wayanga dia mbɔsa nsɛnɔ yawɔ.”’*+

10 “Oma laasɔ, ko wɛ mbola ɔlɔndɔ lo washo w’anto watatshu la yɛ, 11 ko wɛ mbatɛ ɔnɛ: ‘Jehowa kanga lolembelembe kata ate: “Nganɛ mbayomolanya anto anɛ ndo osomba ɔnɛ, oko onto lola ɛngɔ k’okengi wa mpoke woho wahatakoke nɔngɔsɔma nto; ndo wayokundɛ edo la Tɔfɛta edja ndo ahole wa mbakundɛ wamboshila.”’+

12 Jehowa kata ate: “‘Kɛsɔ mbayomosalɛ dihole nɛ ndo anto wadjasɛ lɔkɔ, dia mbetɛ osomba ɔnɛ oko Tɔfɛta. 13 Ndo mvudu ya Jɛrusalɛma la mvudu ya nkumi ya dikanga ya Juda yayonga mindo oko dihole nɛ, mbuta ate oko Tɔfɛta,+ ɛɛ, mvudu tshɛ yele lo nsambe yayɔ mbakawalambolaka alembe tshɛ wa l’olongo+ elambo ndo lɛnɛ akawalambolaka elambo wa lotɛ dikambo dia tozambizambi tokina.’”+

14 Etena kakakalola Jɛrɛmiya oma la Tɔfɛta lɛnɛ akootome Jehowa dia tota prɔfɛsiya, nde akemala lo sɛkɛ dia luudu la Jehowa ko akatɛ anto tshɛ ɔnɛ: 15 “Jehowa kanga lolembelembe, Nzambi ka Isariyɛlɛ kata ate: ‘Dimi layanga mbela lo osomba ɔnɛ ndo lo ahole tshɛ wa weke wa lɔkɔ mpokoso tshɛ kakamate lo dikambo diawɔ, nɛ dia la ɛtɛ wolo tshɛ vɔ wakatone* nkitanyiya ɛtɛkɛta ami.’”+

20 L’etena kɛsɔ Pashura ɔna Imɛrɛ, ɔlɔmbɛdi waki ndo owandji lo luudu la Jehowa akahokamɛka etena kakataka Jɛrɛmiya awui asɔ. 2 Ko Pashura akakɔmɔla omvutshi Jɛrɛmiya ndo akawodje lo lowete+ laki lo Soko dia la diko dia Bɛnjamina diaki lo luudu la Jehowa. 3 Koko la wedi a pindju, etena kakatondja Pashura Jɛrɛmiya oma lo lowete, Jɛrɛmiya akawotɛ ate:

“Jehowa ambokɔlɛ, aha Pashura koko Wɔma lo Ahole Tshɛ.+ 4 Nɛ dia Jehowa kata ate: ‘Dimi layoketɛ ɛngɔ ka wɔma le yɛ wɛmɛ ndo le angɛnyi ayɛ tshɛ, ko vɔ wayɔkɔ la lokuwa la ta laki atunyi awɔ etena kayendaka washo ayɛ;+ ndo dimi layokimɔ Juda y’otondo lo anya wa nkumekanga ka Babilɔna ndo nde ayowatɔla lo lɔhɔmbɔ la Babilɔna ko ayotowadiaka la lokuwa la ta.+ 5 Ndo dimi layokimɔ ɔngɔnyi tshɛ w’osomba ɔnɛ, ekundji awɔ tshɛ, diangɔ diawɔ tshɛ di’oshinga wolo ndo diangɔ dia nɛmɔ tshɛ dia nkumi ya dikanga ya Juda lo anya w’atunyi awɔ.+ Ko vɔ wayomba diangɔ diakɔ, wayodiɔsa ndo wayoditɔla la Babilɔna.+ 6 Koko Pashura, wɛ la anto tshɛ wadjasɛ lo luudu layɛ, nyayotshɔ lo lɔhɔmbɔ. Wɛ ayotshɔ la Babilɔna ko wɛ ayotovɔ lɛkɔ ndo wɛ ayokundɛma lɛkɔ wɛ l’angɛnyi ayɛ tshɛ, nɛ dia wɛ akawatɛ prɔfɛsiya ya kashi.’”+

 7 Jehowa le, wɛ akankese, ko dimi lakakesama.

Wɛ akakambe la wolo ayɛ le mi, ko wɛ akaleke wolo.+

Le mi, ɔtɛkɛta wa Jehowa wamboyala kiɔkɔ ya lɔtɛngɔ ndo ya lɔsɔkɔ lushi l’otondo.+

“Nyoofunde; nyɛsɔ toofunde!”

Onto tshɛ lankombolɛ wɔladi akendɛka ɔkwɛlɔ ami ɔnɛ:+

11 Koko Jehowa aki kaamɛ la mi oko ɔndɔshi wa ta wokawɔ wɔma.+

Diakɔ diele wanɛ wampɛnyahɛnya wayotakana ndo hawotɔlɛndja.+

Vɔ wayoshama nsɔnyi k’efula, nɛ dia vɔ hawootondoya.

Nsɔnyi kawɔ ka pondjo pondjo hatohamɛ.+

13 Nyembee Jehowa! Nyotombole Jehowa!

Nɛ dia nde akahandja ose wola* oma lo anya w’atshi wa kɔlɔ.

14 Lushi lakamotɔ ladjame mananu!

Lushi lakambote mama latɔtshɔkwamake!+

15 Mananu le onto lakela papa losango l’ɔlɔlɔ ɔnɛ:

“Wambokootɛ ɔna, ɔna pami!”

Lakawɔngɛnyangɛnya efula.

16 Onto ɔsɔ ayale oko esomba wele Jehowa akaalanya aha la lonyangu.

Nde ooke okoko wa delo la pindju ndo wondjo wa ombeka la midi.

21 Jɛrɛmiya akalongola ɔtɛkɛta w’oma le Jehowa etena kakatome nkumekanga Zɛdɛkiya+ Pashura+ ɔna Malakidja ndo Zɛfaniya+ ɔna Maseya ɔlɔmbɛdi le nde dia towɔlɔmba ɔnɛ: 2 “Lam’alangayɛ mbola Jehowa lo dikambo diaso, nɛ dia Nɛbukadinɛza* nkumekanga ka Babilɔna ambotatɛ tɔlɔsha.+ Ondo Jehowa ayosala dui diande dimɔtshi dia diambo lo wahɔ aso, dia nde tomwɛ.”+

3 Jɛrɛmiya akawatɛ ate: “Nyu pombaka mbutɛ Zɛdɛkiya ɔnɛ: 4 ‘Jehowa Nzambi k’Isariyɛlɛ kata ate: “Dimi layanga nyokadimolɛ* dihomɔ dia ta diele lo anya anyu hita oya le nyu, dialɔshanyu la diɔ nkumekanga ka Babilɔna+ ndo ase Kaladiya wanɛ wonyodingi wele l’andja w’ehele. Ko dimi layowatshumanya l’atei w’osomba ɔnɛ. 5 Ndo dimi dimɛ layonyɔlɔsha+ la lonya losembwe ndo lonya la wolo, la nkɛlɛ, la odudu ndo la yɛnyi y’efula.+ 6 Dimi layɔkɔmɔla wanɛ wadjasɛ l’osomba ɔnɛ, ndo anto ndo nyama. Vɔ wayovɔ la olando* wa wolo.”’+

7 “‘“Ndo l’ɔkɔngɔ wa laasɔ,” mbata Jehowa, “Zɛdɛkiya nkumekanga ka Juda nde l’ekambi ande ndo anto wa l’osomba ɔnɛ, wanɛ wayohandɔ lo olando ɔsɔ, lo lokuwa la ta, ndo lo ndjala ka kasha, dimi layowakimɔ lo anya wa Nɛbukadinɛza* nkumekanga ka Babilɔna, lo anya w’atunyi awɔ, ndo lo anya wa wanɛ wayanga dia mbɔsa nsɛnɔ*+ yawɔ. Nde ayowadiaka la lokuwa la ta. Nde hatonyanga lo dikambo diawɔ, nde hatowaoka kandji, kana mbaoka kɛtshi.”’+

8 “Ndo wɛ pombaka mbutɛ anto anɛ ɔnɛ: ‘Jehowa kata ate: “Dimi lambokitsha la ntondo kanyu mboka ka lɔsɛnɔ ndo mboka ka nyɔi. 9 Wanɛ wayotshikala lo osomba ɔnɛ wayovɔ la lokuwa la ta, la ndjala ka kasha ndo la elando. Koko onto tshɛ layotshɔ l’andja ndo layoyakimɔ le ase Kaladiya wonyodingi, ayotetemala nsɛna ndo nde ayokondja lɔsɛnɔ* lande oko ɛngɔ ka dimbo.”’*+

10 “‘“Nɛ dia dimi lambɛdiya elungi kami le osomba ɔnɛ dia mpokoso koko aha lo dimɛna,”+ mbata Jehowa. “Vɔ wayokimɔma lo anya wa nkumekanga ka Babilɔna,+ ko nde ayowotshumba la dja.”+

11 “‘Ase luudu la nkumekanga ka Juda, nyohokame ɔtɛkɛta wa Jehowa. 12 Luudu la Davidɛ le, Jehowa kata ate:

‘Ndo nyu wanɛ wata ɔnɛ: “Onto akɔna ayoya dia ndjotɔlɔsha?

Ndo akɔna ayɔtwɛ didjaselo diaso?”

22 Jehowa kata ate: “Holɔ otsha lo luudu* la nkumekanga ka Juda, kele tewoya losango lɔnɛ. 2 Kote wate: ‘Hokamɛ ɔtɛkɛta wa Jehowa, wɛ nkumekanga ka Juda lodjashi lo kiti ka lowandji ka Davidɛ, wɛ la ekambi ayɛ ndo anto ayɛ, wanɛ wɔtɔ lo asoko anɛ. 3 Jehowa kata ate: “Nyosuke losembwe ndo sambo k’ɔlɔlɔ. Nyotshungole ɔnɛ lavama oma lo anya w’ɔpɔtwanyi. Tanyosoyake ndooko ɔngɛndangɛnda ndo tanyosalɛke ɔna etshike* kana wadi aki odo kɔlɔ.+ Ndo tanyɔkɛdiake ndooko dikila di’onto laha la onongo lo dihole nɛ.+ 4 Nɛ dia naka nyu mbidja yimba dia nkitanyiya ɔtɛkɛta ɔsɔ, kete nkumi ya dikanga yadjasɛ lo kiti ka lowandji ka Davidɛ+ wayɔtɔ lo asoko wa luudu lɔnɛ, wahemi lo pusupusu ndo lo mfalasa, vɔ la ekambi awɔ ndo anto awɔ.”’+

5 “‘Koko naka nyu hanyokitanyisha ɛtɛkɛta ɛsɔ, dimi dimɛ lambotshiba,’ mbata Jehowa, ‘dia luudu lɔnɛ layonga dihole diambolanyema.’+

8 “‘Ndo wedja efula wayeta suke la osomba ɔnɛ ko wayotanɛ ɔnɛ: “Lande na kakasalɛ Jehowa osomba wa woke ɔnɛ dui dia nganɛ?”+ 9 Ko vɔ wayokadimola ɔnɛ: “Nɛ dia vɔ wakatshike sheke ya Jehowa Nzambi kawɔ, wakakusamɛ tozambizambi tokina ndo wakatikambɛ.”’+

11 “Nɛ dia Jehowa kata lo dikambo dia Shaluma*+ ɔna Jɔsiya, nkumekanga ka Juda lolɛ lo dihole dia Jɔsiya+ she ndo lakatombe oma lo dihole nɛ ate: ‘Nde hatokalola lɔkɔ nto. 12 Nɛ dia nde ayotovɔ lo dihole diakawɔɔtɔlɛ lo lɔhɔmbɔ ndo nde hatɛna wodja ɔnɛ nto.’+

15 Onde wɛ ayotetemala mbolɛ nɛ dia wɛ ndeka anto akina lo woho wakambayɛ la abaya w’elondo?

‘Shi kɛsɔ mbalembetshiya mbeyami?’ mbata Jehowa.

“Hayii ɔnalengo! Hayii kadiyɛmi!”

Vɔ hawotowolela lo mbuta ɔnɛ:

“Hayii nkumɛmi! Hayii ɔnɛnɛ!”

21 Dimi lakakotɛ etena kakayayaokaka lo ekokelo.

Koko wɛ akate wate: ‘Dimi halokitanyiya.’+

Ko wɛ ayoshama nsɔnyi ndo ayɔnyɔma l’ɔtɛ wa mpokoso kayɛ tshɛ.

24 “‘Lo mɛtɛ oko wemi la lɔsɛnɔ,’ mbata Jehowa, ‘kaanga otondongaka Kɔniya*+ ɔna Jɛhɔyakima,+ nkumekanga ka Juda ekɔ mpɛtɛ ka ohomɔ lo lonya lami l’omi, dimi lotokonya oma lɛkɔ! 25 Dimi layokokimɔ lo anya wa wanɛ wayanga dia mbɔsa lɔsɛnɔ layɛ,* lo anya wa wanɛ wokayɛ wɔma, lo anya wa Nɛbukadinɛza* nkumekanga ka Babilɔna ndo lo anya w’ase Kaladiya.+ 26 Dimi layokokasha wɛ la nyɔ lakakoote, lo wodja wakinyu kombotɔ, ko nyu nyayotovɔ lɛkɔ. 27 Ndo vɔ hawotokalola pondjo lo wodja wakombolawɔ.*+

29 Nkɛtɛ* le, nkɛtɛ, nkɛtɛ hokamɛ ɔtɛkɛta wa Jehowa.

30 Jehowa kata ate:

23 Jehowa kata ate:+ “Mananu le alami w’ɛkɔkɔ wadiaka ndo wahandjola ɛkɔkɔ wa lo dihole diami dia ndesha dongalonga!”

2 Ɔnkɔnɛ, Jehowa Nzambi k’Isariyɛlɛ kata lo dikambo di’alami w’ɛkɔkɔ walama anto ami ate: “Nyu nyakahandjola ɛkɔkɔ ami, nyu nyakatetemala mbadianganya ndo nyu kombadja yimba.”+

“Ɔnkɔnɛ, dimi layonyodja yimba l’ɔtɛ w’etsha anyu wa kɔlɔ,” mbata Jehowa.

3 “Ko dimi layotshumanya atshikadi w’ɛkɔkɔ ami kaamɛ oma lo wedja tshɛ wakamaahandjola,+ dimi layowakaloya lo ahole awɔ watowɔlɛka+ ndo vɔ wayotanɛ ko wayofulanɛ.+ 4 Ndo dimi layowatondjiyɛ alami wayowalamaka mɛtɛ.+ Vɔ hawoka wɔma nto kana nsaka lokomba ndo ndooko wɔnɛ wayoshishɔ,” mbata Jehowa.

5 “Eenda, nshi yekɔ lo ndjaye,” mbata Jehowa, “yayomotondjiyɛ Davidɛ lokonɔ*+ la losembwe. Ko nkumekanga kɛmɔtshi ayolɛ+ ndo ayonga la shɛnɔdi, ayosukɛ losembwe ndo sambo k’ɔlɔlɔ lo wodja.+ 6 Lo nshi yande, Juda ayoshimbamɛ+ ndo Isariyɛlɛ ayodjasɛ lo lotui tshitshi.+ Ndo wayowelɛ ɔnɛ: Jehowa ekɔ Losembwe laso.”+

7 “Koko nshi yekɔ lo ndjaye,” mbata Jehowa, “yahawatota nto ɔnɛ: ‘Lo mɛtɛ oko wele Jehowa la lɔsɛnɔ, ɔnɛ lakatondja ase Isariyɛlɛ oma lo wodja w’Edjibito!’+ 8 Koko ɔnɛ: ‘Lo mɛtɛ oko wele Jehowa la lɔsɛnɔ, ɔnɛ lakatondja ndo lakakaloya tokanula ta lo luudu l’Isariyɛlɛ oma lo wodja wa lo nɔrdɛ ndo oma lo wedja tshɛ wakamaahandjola,’ ko vɔ wayodjasɛ lo wodja awɔ hita.”+

9 Lo dikambo di’amvutshi:

Otema ami wambɔkɔmɔ.

Weka ami tshɛ wekɔ lo nsukasuka.

Yoho yawɔ ya lɔsɛnɔ yekɔ kɔlɔ ndo vɔ kambaka la wolo awɔ lo yoho ya kɔlɔ.

11 “Ndo omvutshi ndo ɔlɔmbɛdi wambɔtɔ mindo.*+

Kaanga lo luudu lami hita, lambotana kɔlɔ yawɔ,”+ mbata Jehowa.

13 “Ndo dimi lambɛna kɛnɛ kele wɔnɔnyi le amvutshi wa la Samariya.+

14 Ndo dimi lambɛna akambo wa wɔnɔnyi le amvutshi wa la Jɛrusalɛma.

15 Ɔnkɔnɛ, Jehowa kanga lolembelembe kata lo dikambo di’amvutshi ate:

Nɛ dia wetshelo w’ɛtɔlɔki wambokokanɛ lo wodja oma le amvutshi wa la Jɛrusalɛma.”

16 Jehowa kanga lolembelembe kata ate:

“Tanyohokamɛke ɛtɛkɛta w’amvutshi wanyotɛ prɔfɛsiya.+

Vɔ wekɔ lo nyokesa.*

Akɔna akadje yimba lo ɔtɛkɛta ande dia mbooka?

Nyu nyayoshihodia dui sɔ dimɛna lo etena k’ekomelo ka nshi.

21 Dimi kotoma amvutshi, koko vɔ wakalawɔ.

Dimi kɔtɛkɛta la wɔ, koko vɔ wakate prɔfɛsiya.+

23 “Onde dimi lekɔ tsho Nzambi kele suke,” mbata Jehowa, “aha Nzambi kele ndo etale?”

24 “Onde onto ɔmɔtshi koka ndjashɛ lo dihole dia woshamu diahamakoke mbɛɛna?”+ mbata Jehowa.

“Onde dimi handodisha olongo ndo nkɛtɛ?”+ mbata Jehowa.

25 “Dimi lakoke amvutshi wakate prɔfɛsiya ya kashi lo lokombo lami ɔnɛ: ‘Lakɛnyi dɔ! Lakɛnyi dɔ!’+ 26 Polo l’etena kakɔna kayotetemala dui sɔ lo etema w’amvutshi, dia mbuta prɔfɛsiya ya kashi? Vɔ wekɔ amvutshi wata awui wa kashi w’oma lo etema awɔ hita.+ 27 Vɔ nyangaka dia nkonya anto ami dia mbohɛ lokombo lami lo tshimbo y’alɔ wasakɔnɛwɔ, oko wakohɛ washɛwɔ lokombo lami l’ɔtɛ wa Baala.+ 28 Omvutshi wakɛnyi dɔ asakole dɔ diakɔ, koko ɔnɛ lele la ɔtɛkɛta ami pombaka mbewoya ɔtɛkɛta ami lo yoho ya mɛtɛ.”

“Diɔtɔnganelo diakɔna diele lam’asa lɔlɛngɛsɛ la lɔtɔngɔ?” mbata Jehowa.

29 “Onde ɔtɛkɛta ami bu oko dja,”+ mbata Jehowa, “ndo oko maditɔ w’otshudi wa yaandjo wahandjola dive?”+

30 “Ɔnkɔnɛ, dimi layanga ndɔsha amvutshi,” mbata Jehowa, “wavana ɛtɛkɛta ami onto l’onto oma le wonyande.”+

31 “Dimi layanga ndɔsha amvutshi,” mbata Jehowa “wakamba la nemi yawɔ dia mbuta ɔnɛ: ‘Nde kata!’”+

32 “Dimi layanga ndɔsha amvutshi w’alɔ wa kashi,” mbata Jehowa, “waasakola ndo wakonya anto ami dia ntakɔ mboka l’ɔtɛ wa kashi yawɔ ndo ofunu awɔ.”+

“Koko dimi kombatoma kana mbadjangɛ. Ɔnkɔnɛ, vɔ hawotokondjiyɛ anto anɛ ndooko wahɔ,”+ mbata Jehowa.

33 “Ndo etena kakombola anto anɛ kana omvutshi kana ɔlɔmbɛdi ɔmɔtshi ɔnɛ: ‘Kakɔna kele wotsho* wa Jehowa?’ wɛ pombaka mbakadimola ɔnɛ: ‘“Nyu mbele wotsho! Ndo dimi layonyokasha,”+ mbata Jehowa.’ 34 Koko omvutshi, ɔlɔmbɛdi kana anto wata ɔnɛ: ‘Ɔnɛ kele wotsho* wa Jehowa,’ dimi layodja onto ɔsɔ yimba ndo ase luudu lande. 35 Onto l’onto la l’atei anyu ekɔ lo mimbola osekande ndo ɔnango ɔnɛ: ‘Kakɔna kambokadimola Jehowa? Ndo kakɔna kambota Jehowa?’ 36 Koko nyu hanyohombe nyimola wotsho* wa Jehowa nto, nɛ dia ɔtɛkɛta w’onto l’onto mbele wotsho,* ndo nyu nyambotshikitanya ɛtɛkɛta wa Nzambi kasɛna, Jehowa kanga lolembelembe, Nzambi kaso.

37 “Kombole omvutshi wate: ‘Okadimwelo akɔna wambokosha Jehowa? Ndo kakɔna kambota Jehowa? 38 Naka nyu ntetemala mbuta nyate: “Wotsho* wa Jehowa,” kete Jehowa kata ate: “L’ɔtɛ watanyu ɔnɛ: ‘Ɔtɛkɛta ɔnɛ kele wotsho* wa Jehowa,” l’ɔkɔngɔ wa dimi nyotɛ nte: ‘Hanyohombe mbuta nyate: “Wotsho* wa Jehowa!”’ 39 Eenda, dimi layonyoonyiya ko nyokasha etale oma lalemi, nyu la osomba wakamanyosha nyu la watshɛnyu. 40 Ndo dimi layonyela nsɔnyi ka pondjo la diɔnyɔ dia pondjo diahohamɛki.”’”+

24 Ko Jehowa akamɛnya asaka 2 wa fingo wokitshami la ntondo ka tɛmpɛlɔ ka Jehowa, l’ɔkɔngɔ wa Nɛbukadinɛza* nkumekanga ka Babilɔna ntɔla Jɛkɔniya*+ ɔna Jɛhɔyakima,+ nkumekanga ka Juda nde la ewandji wa la Juda, etshudi ndo etshudi wa yaandjo;* nde akawaɔshi oma la Jɛrusalɛma otsha la Babilɔna lo lɔhɔmbɔ.+ 2 Kisaka kɛmɔtshi kaki la fingo y’amɛna efula, oko fingo ya ntondo, koko kisaka kekina kaki la fingo ya kɔlɔ efula, kɔlɔ kele yɔ kokoka ndɛma.

3 Oma laasɔ, Jehowa akamimbola ate: “Kakɔna kɛnayɛ na Jɛrɛmiya?” Ko dimi lakate nte: “Fingo; fingo y’amɛna yekɔ amɛna efula, koko nyɛ ya kɔlɔ yekɔ kɔlɔ efula, kɔlɔ kele yɔ hayokoke ndɛma.”+

4 Ko ɔtɛkɛta wa Jehowa wakaye le mi ɔnɛ: 5 “Jehowa Nzambi k’Isariyɛlɛ kata ate: ‘Lo ɛnyɛlɔ ka fingo y’amɛna nyɛ, dimi layenda ase Juda wele lo lɔhɔmbɔ la sso di’ɔlɔlɔ, wanɛ wakamatondja oma lo dihole nɛ otsha lo wodja w’ase Kaladiya. 6 Sso diami diayotetemala monga le wɔ lo ɔlɔlɔ awɔ, ko dimi layosala dia vɔ nkalola lo wodja ɔnɛ.+ Dimi layowahika ndo halowalanya; dimi layowaonɛ ndo halowakundola.+ 7 Dimi layowasha otema dia mbeyami ɔnɛ dimi kele Jehowa.+ Vɔ wayoyala wodja ami ndo dimi layoyala Nzambi kawɔ,+ nɛ dia vɔ wayokalola le mi la etema awɔ tshɛ.+

8 “‘Koko lo dikambo dia fingo ya kɔlɔ, kɔlɔ kele yɔ hayokoke ndɛma,+ Jehowa kata ate: “Ngasɔ kayomenda Zɛdɛkiya+ nkumekanga ka Juda, ewandji ande, atshikadi wa Jɛrusalɛma wakatshikala lo wodja ɔnɛ, ndo wanɛ wodjashi lo wodja w’Edjibito.+ 9 Dimi layowaetɛ ɛngɔ ka wɔnɔnyi ndo mpokoso le waolelo tshɛ wa la nkɛtɛ,+ lɔtɛngɔ, ɛtɛkɛta wa yokedi, kiɔkɔ ya diɔnyɔ, ndo mananu+ lo ahole tshɛ waadianganyami.+ 10 Ndo dimi layowatomɛ lokuwa la ta,+ ndjala ka kasha la elando,*+ edja ndo vɔ wamboshila oma lo wodja wakamawasha vɔ la watshɛwɔ.”’”

25 Ɔtɛkɛta wakaye le Jɛrɛmiya wendana l’ase Juda tshɛ l’ɔnɔnyi wa 4 w’ɛlɔmbwɛlɔ ka Jɛhɔyakima+ ɔna Jɔsiya nkumekanga ka Juda, vɔ mbaki ɔnɔnyi wa ntondo w’ɛlɔmbwɛlɔ ka Nɛbukadinɛza* nkumekanga ka Babilɔna. 2 Omvutshi Jɛrɛmiya akate lo dikambo* di’ase Juda tshɛ ndo anto tshɛ wadjasɛ la Jɛrusalɛma ate:

3 “Oma lo ɔnɔnyi wa 13 w’ɛlɔmbwɛlɔ ka Jɔsiya+ ɔna Amɔna, nkumekanga ka Juda polo ndo ɛlɔ, ɛnɔnyi 23 ɛnɛ, ɔtɛkɛta wa Jehowa wakaye le mi ndo dimi lakatetemalaka nyotɛ mbala la mbala,* koko nyu kompokamɛ.+ 4 Ndo Jehowa akanyotomɛ ekambi ande amvutshi tshɛ, akawatomaka mbala la mbala,* koko nyu kompokamɛ kana mpokɛ atoyi anyu dia mboka.+ 5 Vɔ wakataka ɔnɛ: ‘Lam’alanganyu, nyokadimɔ nyu tshɛ oma lo mboka yanyu ya kɔlɔ ndo oma lo etsha anyu wa kɔlɔ;+ ko nyu nyayotetemala mbidjasɛ lo etena k’otale kayaye lo wodja wakanyosha Jehowa deko aha nɛ nyu la watshɛnyu. 6 Tanyoyelake tozambizambi tokina kana tikambɛ ndo tikusamɛ dia mbotshami nkɛlɛ la olimu w’anya anyu; naka nyu nsala ngasɔ, dimi layonyela mpokoso.’

7 “‘Koko nyu kompokamɛmi,’ mbata Jehowa. ‘Nyu nyakambotsha nkɛlɛ la olimu w’anya anyu, dia mpokoso kanyu hita.’+

8 “Ɔnkɔnɛ, Jehowa kanga lolembelembe kata ate: ‘“Lam’ele nyu kokitanyiya ɛtɛkɛta ami, 9 dimi layanga ntoma nkumbo tshɛ ya lo nɔrdɛ,”+ mbata Jehowa, “layanga ntoma Nɛbukadinɛza* nkumekanga ka Babilɔna, okambi ami,+ ndo dimi layowaela dia ndjɔlɔsha wodja ɔnɛ,+ anto wadjasɛ lɔkɔ ndo dia ndjɔlɔsha wedja ɛnɛ tshɛ woodingi.+ Dimi layowakimɔ lo elanyelo, layowaetɛ ɛngɔ ka wɔnɔnyi, ɛngɔ ka mbidɛ ekoko ndo elanyelo ka pondjo. 10 Dimi layokomiya londjo l’ɔngɛnɔngɛnɔ ndo londjo l’ɔlɔ le wɔ,+ dui dia otshuki ndo dui dia otshukami,+ londjo la dive di’ɔhɛlɔ dia l’anya ndo osase wa tala. 11 Ko wodja ɔnɛ w’otondo wayolanyema ndo wayonga ɛngɔ ka wɔnɔnyi ndo wedja ɛsɔ tshɛ wayohomba kambɛ nkumekanga ka Babilɔna l’edja k’ɛnɔnyi 70.”’+

12 “‘Koko lam’ayoshila ɛnɔnyi 70,+ dimi layokoya* la nkumekanga ka Babilɔna ndo la wodja ɔsɔ l’ɔtɛ wa munga kawɔ,’+ mbata Jehowa, ‘ndo dimi layetɛ wodja w’ase Kaladiya nkɛtɛ ya womu ndo yele tɔngɔ to pondjo pondjo.+ 13 Dimi layokotsha ɛtɛkɛta ami tshɛ wakamate lo dikambo dia wodja ɔsɔ, kɛnɛ tshɛ kofundami lo dibuku nɛ kakate Jɛrɛmiya prɔfɛsiya yendana la wedja tshɛ. 14 Nɛ dia wedja efula ndo nkumi ya dikanga ya weke+ wayowaetɛ mfumbe+ ndo dimi layowafuta lo ndjela etsha awɔ ndo olimu w’anya awɔ.’”+

15 Nɛ dia Jehowa Nzambi k’Isariyɛlɛ akambutɛ ate: “Ɔsa dikɔhɔ nɛ dia wanu wa nkɛlɛ oma lo lonya lami ndo todinɔsha wedja tshɛ wayomokotoma le wɔ. 16 Ko vɔ wayɔnɔ, wayotshingatshinga ndo wayosala akambo oko akanga w’aladi l’ɔtɛ wa lokuwa la ta layangami ntoma l’atei awɔ.”+

17 Ɔnkɔnɛ, dimi lakɔshi dikɔhɔ oma lo lonya la Jehowa ko lakanɔsha wedja tshɛ wakantome Jehowa:+ 18 Ntatɛ la Jɛrusalɛma ndo esomba wa Juda,+ nkumi ya dikanga yayɔ ndo ewandji ayɔ, dia mbalanya, mbaetɛ ɛngɔ ka wɔnɔnyi, ɛngɔ ka mbidɛ ekoko ndo ka mananu,+ oko wediɔ ɛlɔ; 19 ko Farawɔ nkumekanga k’Edjibito, ekambi ande, ewandji ande la anto ande tshɛ,+ 20 ndo anto awɔ tshɛ wakasɔhana; nkumi ya dikanga tshɛ ya lo wodja wa Uzɛ; nkumi ya dikanga tshɛ ya lo wodja w’ase Filistiya,+ Ashikɛlɔna,+ Ngaza, Ɛkɛrɔna ndo wanɛ wakatshikala la Ashidɔdɛ; 21 Ɛdɔmɛ,+ Mɔaba,+ ndo ase Amɔna;+ 22 nkumi ya dikanga tshɛ ya Tura, nkumi ya dikanga tshɛ ya Sidɔna,+ ndo nkumi ya dikanga tshɛ ya disɛnga dia lo ndjale; 23 Dedana,+ Tema, Buza, ndo wanɛ tshɛ wakanya avo awɔ lo mpakatoyi;+ 24 nkumi ya dikanga tshɛ y’ase Arabiya+ ndo nkumi ya dikanga tshɛ y’anto wɔsɔhanyi wadjasɛ lo oswe; 25 nkumi ya dikanga tshɛ ya Zimiri, nkumi ya dikanga tshɛ ya Elama,+ ndo nkumi ya dikanga tshɛ y’ase Mediya;+ 26 ndo nkumi ya dikanga tshɛ ya lo nɔrdɛ yele suke ndo yele etale, ɔtɔi ɔtɔi, ndo waolelo akina tshɛ wa la nkɛtɛ wele laadiko dia nkɛtɛ; ndo nkumekanga ka Sheshakɛ*+ ayɔnɔ l’ɔkɔngɔ awɔ.

27 “Ndo wɛ pombaka mbatɛ wate: ‘Jehowa kanga lolembelembe, Nzambi k’Isariyɛlɛ kata ate: “Nyɔnɔ, nyodjɔ, nyotowɔ ndo nyɔkɔ woho wahanyakoke monɛɛ+ l’ɔtɛ wa lokuwa la ta layangami ntoma l’atei anyu.”’ 28 Ndo naka vɔ wambotona mbɔsa dikɔhɔ oma lo lonya layɛ dia nnɔ, ko wɛ mbatɛ wate: ‘Jehowa kanga lolembelembe kata ate: “Nyu pombaka dinɔ! 29 Nɛ dia nyende, naka dimi layanga mbela mpokoso ntondo le wodja wele la lokombo lami,+ onde nyu mbahahombe nongola dilanya?”’+

“‘Nyu nyayolongola dilanya, nɛ dia dimi layanga mbela lokuwa la ta le anto tshɛ wadjasɛ la nkɛtɛ,’ mbata Jehowa kanga lolembelembe.

Nde ayodikitɛ dihole diande dia pondjo la wolo tshɛ.

Nde ndamɛ ayela kilombo le anto tshɛ.*+

Ndo nde ayodja akanga wa kɔlɔ lo lokuwa la ta,’ mbata Jehowa.

32 Jehowa kanga lolembelembe kata ate:

33 “‘Ndo wanɛ wayodiakema oma le Jehowa lo lushi lɔsɔ wayoyala oma lo koma mɔtshi ya nkɛtɛ polo lo koma kina ya nkɛtɛ. Vɔ hawotolelama kana tshumanyema kana kundɛma. Vɔ wayoyala oko tumi laadiko dia nkɛtɛ.’

34 Nyolele, nyu alami w’ɛkɔkɔ ndo nyode ekoko!

26 Lo etatelo k’ɛlɔmbwɛlɔ ka Jɛhɔyakima+ ɔna Jɔsiya nkumekanga ka Juda, ɔtɛkɛta ɔnɛ wakaye oma le Jehowa: 2 “Jehowa kata ate: ‘Emala lo sɛkɛ dia luudu la Jehowa ndo tɛkɛta lo dikambo dia* anto tshɛ wa lo esomba wa Juda waya dia ndjɔtɛmɔla* lo luudu la Jehowa. Tɛwɔ awui tshɛ wamomokodjangɛ; tonyake ndooko dui. 3 Ondo vɔ wayohokamɛ ndo onto l’onto ayokadimɔ oma lo mboka kande ka kɔlɔ, ko dimi layotshikitanya kanyi yami lo dikambo* dia mpokoso kasangoyami dia mbaela l’ɔtɛ w’etsha awɔ wa kɔlɔ.+ 4 Tɛwɔ wate: “Jehowa kata ate: ‘Naka hanyompokame lo ndjela ɛlɛmbɛ* ami wamomokitsha la ntondo kanyu, 5 lo mpokamɛ ɛtɛkɛta w’ekambi ami amvutshi wanyotomɛmi mbala la mbala,* wakinyu kompokamɛ,+ 6 kete dimi layetɛ luudu lɔnɛ oko Shilo+ ndo dimi layetɛ osomba ɔnɛ ɛngɔ ka mananu le wedja tshɛ wa la nkɛtɛ.’”’”+

7 Ko ɛlɔmbɛdi, amvutshi ndo anto tshɛ wakoke Jɛrɛmiya ata ɛtɛkɛta ɛsɔ lo luudu la Jehowa.+ 8 Ɔnkɔnɛ, etena kakashidiya Jɛrɛmiya la ntɛkɛta kɛnɛ tshɛ kakawodjangɛ Jehowa dia mbutɛ anto tshɛ, ɛlɔmbɛdi la amvutshi ndo anto tshɛ wakawonde ko wakate vate: “Wɛ mɛtɛ ayovɔ. 9 Lande na katayɛ prɔfɛsiya lo lokombo la Jehowa ɔnɛ: ‘Luudu lɔnɛ layoyala oko Shilo ndo osomba ɔnɛ wayolanyema ndo wayotshikala aha la onto ladjasɛ lɔkɔ’?” Ndo anto tshɛ wakatshumana lale Jɛrɛmiya lo luudu la Jehowa.

10 Etena kakoke ewandji wa la Juda ɛtɛkɛta ɛsɔ, vɔ wakaye oma lo luudu* la nkumekanga oya lo luudu la Jehowa ndo wakadjasɛ lo mbɔtwɛlɔ ka soko di’oyoyo dia Jehowa.+ 11 Ɛlɔmbɛdi ndo amvutshi wakatɛ ewandji la anto tshɛ ɔnɛ: “Onto ɔnɛ sunganaka nongola dilanya dia nyɔi,+ nɛ dia nde akate prɔfɛsiya dikambo dia osomba ɔnɛ oko wakanyoki la atoyi anyu hita.”+

12 Ko Jɛrɛmiya akatɛ ewandji tshɛ la anto tshɛ ate: “Jehowa kakantome dia ndjota awui tshɛ wa prɔfɛsiya wakanyoki+ lo dikambo dia luudu lɔnɛ ndo di’osomba ɔnɛ. 13 Ɔnkɔnɛ, nyotshikitanya mboka yanyu la etsha anyu ndo nyokitanyiya dui dia Jehowa Nzambi kanyu, ko Jehowa ayotshikitanya kanyi yande lo dikambo* dia mpokoso kakandate lo dikambo dianyu.+ 14 Koko le mi, dimi lekɔ lo anya anyu. Nyonsale kɛnɛ tshɛ kayonyɛna ɔlɔlɔ ndo dimɛna lo washo anyu. 15 Nyeye tsho dia naka nyu ndjakami, kete nyayela dikila diaha la onongo le nyu nyuamɛ, le osomba ɔnɛ ndo le anto wadjasɛ lɔkɔ, nɛ dia lo mɛtɛ Jehowa kakantome le nyu dia ndjota ɛtɛkɛta tshɛ wokanyu ɛsɔ.”

16 Ko ewandji ndo anto tshɛ wakatɛ ɛlɔmbɛdi la amvutshi ɔnɛ: “Onto ɔnɛ hakoke nongola dilanya dia nyɔi, nɛ dia nde akatotɛ akambo lo lokombo la Jehowa Nzambi kaso.”

17 Laadiko dia laasɔ, dikumanyi dimɔtshi dia wodja wakonɛɛ ko wakatatɛ mbutɛ etshumanelo k’otondo k’anto ɔnɛ: 18 “Mika+ ka la Mɔrɛshɛtɛ akate prɔfɛsiya lo nshi ya Hɛzɛkiya+ nkumekanga ka Juda ndo nde akatɛ anto tshɛ wa la Juda ate: ‘Jehowa kanga lolembelembe kata ate:

19 “Ko onde Hɛzɛkiya nkumekanga ka Juda ndo Juda y’otondo wakoodiake? Onde nde komboka Jehowa wɔma ndo kɔsɛngasɛnga Jehowa dia mbooka kɛtshi,* ko Jehowa akatshikitanya kanyi yande lo dikambo* dia mpokoso kakandate kendana la wɔ?+ Ɔnkɔnɛ, tekɔ lo nyanga dia ndjaela mpokoso ka woke shoamɛ.*

20 “Ndo onto okina lakate prɔfɛsiya lo lokombo la Jehowa ele Uridja ɔna Shemaya ose Kiriatɛ-Jarima,+ ɔnɛ lakataka prɔfɛsiya lo dikambo dia osomba ɔnɛ ndo lo dikambo dia wodja ɔnɛ la ɛtɛkɛta wele oko wa Jɛrɛmiya. 21 Nkumekanga Jɛhɔyakima+ nde la apami ande tshɛ wa wolo ndo ewandji tshɛ wakoke ɛtɛkɛta ande, ko nkumekanga akayange dia mbodiaka.+ Kam’akoke Uridja dui diakɔ, nde akoke wɔma ko akalawɔ otsha l’Edjibito. 22 Ko nkumekanga Jɛhɔyakima akatome Elɛnatana+ ɔna Akɛbɔrɛ ndo apami akina kaamɛ la nde otsha l’Edjibito. 23 Vɔ wakela Uridja oma l’Edjibito ndo wakatshu la nde le nkumekanga Jɛhɔyakima, ko nde akoodiake la lokuwa la ta+ ndo akakasha odo ande lo waombo w’anto k’anto.”

24 Ko Ahikama+ ɔna Shafana+ akasukɛ Jɛrɛmiya, ɔnkɔnɛ nde kokimɔma lo anya w’anto dia nde ndjakema.+

27 Lo etatelo k’ɛlɔmbwɛlɔ ka Jɛhɔyakima ɔna Jɔsiya, nkumekanga ka Juda, ɔtɛkɛta wa Jehowa ɔnɛ wakaye le Jɛrɛmiya ɔnɛ: 2 “Jehowa akambutɛ ate: ‘Yasalɛ eya ndo esembe, kele djawɔ lo nkingo kayɛ. 3 Oma laasɔ, tomɛwɔ nkumekanga ka Ɛdɔmɛ,+ nkumekanga ka Mɔaba,+ nkumekanga k’ase Amɔna,+ nkumekanga ka Tura+ ndo nkumekanga ka Sidɔna+ lo anya w’akɛndji wakaye la Jɛrusalɛma oya le Zɛdɛkiya nkumekanga ka Juda. 4 Shawɔ didjango nɛ dikambo dia nkumi yawɔ:

“‘“Jehowa kanga lolembelembe, Nzambi k’Isariyɛlɛ kata ate; nyu pombaka totɛ nkumi yanyu nyate: 5 ‘Dimi mbakatonge nkɛtɛ, anto ndo nyama yele laadiko dia nkɛtɛ la wolo ami w’efula ndo la lonya lami losembwe tɔɔ; ndo dimi lambodisha onto tshɛ lalangami.*+ 6 Ndo kakianɛ, dimi lambokimɔ wedja ɛsɔ tshɛ lo anya w’okambi ami Nɛbukadinɛza+ nkumekanga ka Babilɔna; oyadi nyama ya mpango ya l’okonda, dimi lakawoshayɔ dia yɔ mbokambɛ. 7 Wedja tshɛ wayowokambɛ, nde, ɔnande la pami ndo okana ande wa pami polo lam’ayokoka etena ka wodja ande hita,+ etena kele wedja efula ndo nkumi ya dikanga ya weke wayowetɛ mfumbe kawɔ.’+

8 “‘“‘Naka wodja kana diolelo dimɔtshi ntona kambɛ Nɛbukadinɛza nkumekanga ka Babilɔna ndo ntona mbidja nkingo kawɔ l’ɛse ka osembe wa nkumekanga ka Babilɔna, dimi layosha wodja ɔsɔ dilanya la lokuwa la ta,+ la ndjala ka kasha, ndo la elando,’* mbata Jehowa, ‘polo lambaashila oshiki la lonya lande.’

9 “‘“‘Ɔnkɔnɛ, tanyohokamɛke amvutshi anyu, asadi anyu wa diendja, amɛnyi anyu w’alɔ, ase maji ndo alɔka anyu, wanɛ wanyotɛ ɔnɛ: “Nyu hanyotokambɛ nkumekanga ka Babilɔna.” 10 Nɛ dia vɔ wekɔ lo nyotɛ prɔfɛsiya ya kashi, dia vɔ nyɔtɔla etale mangana la wodja anyu ndo dimi layonyodianganya, ko nyu nyayovɔ.

11 “‘“‘Koko wodja wadja nkingo kawɔ l’ɛse ka osembe wa nkumekanga ka Babilɔna ndo wookambɛ, dimi layetawɔ dia vɔ ntshikala* lo wodja awɔ,’ mbata Jehowa, ‘dia vɔ mbokamba ndo mbidjasɛ lɔkɔ.’”’”

12 Dimi lakatɛ ndo Zɛdɛkiya+ nkumekanga ka Juda woho akɔ waamɛ nte: “Nyodje nkingo yanyu l’ɛse k’osembe wa nkumekanga ka Babilɔna ndo nyookambee nde l’anto ande, ko nyayotetemala nsɛna.+ 13 Lande na kahombayɛ wɛ l’anto ayɛ mvɔ la lokuwa la ta,+ la ndjala ka kasha+ ndo la elando+ oko wakate Jehowa lo dikambo dia wodja wahatokambɛ nkumekanga ka Babilɔna? 14 Tanyohokamɛke ɛtɛkɛta w’amvutshi wanyotɛ ɔnɛ: ‘Nyu hanyotokambɛ nkumekanga ka Babilɔna,’+ nɛ dia vɔ wekɔ lo nyotɛ prɔfɛsiya ya kashi.+

15 “‘Nɛ dia dimi kombatoma,’ mbata Jehowa, ‘koko vɔ wekɔ lo mbuta prɔfɛsiya ya kashi lo lokombo lami, dui diayokonya dia dimi nyodianganya ndo nyu nyayovɔ, nyu l’amvutshi wanyotɛ prɔfɛsiya.’”+

16 Ndo dimi lakatɛ ɛlɔmbɛdi l’anto anɛ tshɛ nte: “Jehowa kata ate: ‘Tanyohokamɛke ɛtɛkɛta w’amvutshi anyu wanyotɛ prɔfɛsiya ɔnɛ: “Eenda, wayokaloya diangɔ dia lo luudu la Jehowa oma la Babilɔna, aha la ntshimbatshimba!”+ nɛ dia vɔ wekɔ lo nyotɛ prɔfɛsiya ya kashi.+ 17 Tanyowahokamɛke. Nyokambee nkumekanga ka Babilɔna, ko nyu nyayotetemala nsɛna.+ Lande na kahomba osomba ɔnɛ ndanyema? 18 Koko naka vɔ wekɔ amvutshi ndo naka ɔtɛkɛta wa Jehowa wekɔ le wɔ, lam’alanganyu, nyowatshike wasɛngɛsɛngɛ Jehowa kanga lolembelembe diaha diangɔ diakatshikala lo luudu la Jehowa, lo luudu* la nkumekanga ka Juda ndo la Jɛrusalɛma tɔlama otsha la Babilɔna.’

19 “Nɛ dia Jehowa kanga lolembelembe kata lo dikambo dia dikundji,+ Ndjale,*+ pusupusu+ ndo diangɔ dikina diakatshikala lo osomba ɔnɛ, 20 diaki Nɛbukadinɛza nkumekanga ka Babilɔna kɔmbɔsa etena kakandatɔlɛ Jɛkɔniya ɔna Jɛhɔyakima, nkumekanga ka Juda lo lɔhɔmbɔ, oma la Jɛrusalɛma otsha la Babilɔna kaamɛ la ɛlɔhɛ tshɛ wa la Juda ndo wa la Jɛrusalɛma;+ 21 ɛɛ, Jehowa kanga lolembelembe, Nzambi k’Isariyɛlɛ kata lo dikambo dia diangɔ diakatshikala lo luudu la Jehowa, lo luudu* la nkumekanga ka Juda ndo la Jɛrusalɛma ate: 22 ‘“Wayoditɔla la Babilɔna,+ ndo lɛkɔ mbayodiotshikala polo lushi layomodidja yimba,” mbata Jehowa. “Ko dimi layodikaloya ndo layodiela nto lo dihole nɛ.”’”+

28 Lo ɔnɔnyi akɔ waamɛ, lo etatelo k’ɛlɔmbwɛlɔ ka Zɛdɛkiya+ nkumekanga ka Juda, lo ɔnɔnyi wa 4, lo ngɔndɔ ka 5, omvutshi Hananiya ɔna Azura oma la Ngibiyɔna+ akambutɛ lo luudu la Jehowa la ntondo k’ɛlɔmbɛdi ndo k’anto tshɛ ɔnɛ: 2 “Jehowa kanga lolembelembe, Nzambi k’Isariyɛlɛ kata ate: ‘Dimi layohembola osembe wa nkumekanga ka Babilɔna.+ 3 L’edja ka ɛnɔnyi 2,* dimi layanga nkaloya lo dihole nɛ diangɔ tshɛ dia lo luudu la Jehowa diakɔshi Nɛbukadinɛza nkumekanga ka Babilɔna oma lo dihole nɛ ko ntɔla la Babilɔna.’”+ 4 “‘Ndo dimi layokaloya lo dihole nɛ Jɛkɔniya+ ɔna Jɛhɔyakima,+ nkumekanga ka Juda, ndo ase Juda tshɛ wele mfumbe la Babilɔna,’ mbata Jehowa, ‘nɛ dia dimi layohembola osembe wa nkumekanga ka Babilɔna.’”+

5 Ko omvutshi Jɛrɛmiya akatɛ omvutshi Hananiya la ntondo k’ɛlɔmbɛdi ndo anto tshɛ wakemala lo luudu la Jehowa. 6 Omvutshi Jɛrɛmiya akate ate: “Aamɛɛ!* Jehowa asale dui sɔ! Jehowa akotsha ɛtɛkɛta wa prɔfɛsiya wakayate lo nkaloya diangɔ dia lo luudu la Jehowa oma la Babilɔna oya lo dihole nɛ ndo anto tshɛ wakawatɔlɛ mfumbe! 7 Koko hokamɛ lam’alangayɛ, losango lɔnɛ latami lo atoyi ayɛ ndo lo atoyi w’anto tshɛ. 8 Edja efula la ntondo, amvutshi waki la ntondo kami ndo la ntondo kayɛ wakataka prɔfɛsiya yendana la wedja efula ndo waolelo wa weke, dikambo dia ta, mpokoso ndo elando.* 9 Naka omvutshi ɔmɔtshi mbuta prɔfɛsiya kendana la wɔladi, ko ɔtɛkɛta w’omvutshi ɔsɔ kotshama, laasɔ mbayeyama dia Jehowa mɛtɛ mbakatome omvutshi akɔ.”

10 Ko omvutshi Hananiya akanya osembe oma lo nkingo ka omvutshi Jɛrɛmiya ndo akoohembola.+ 11 Oma laasɔ, Hananiya akate la ntondo k’anto tshɛ ate: “Jehowa kata ate: ‘Nganɛ mbayomohembola osembe wa Nɛbukadinɛza nkumekanga ka Babilɔna oma lo nkingo ya wedja tshɛ l’edja ka ɛnɔnyi 2.’”+ Ko omvutshi Jɛrɛmiya akatshu lo mboka kande.

12 L’ɔkɔngɔ w’omvutshi Hananiya mpembola osembe oma lo nkingo k’omvutshi Jɛrɛmiya, losango la Jehowa lɔnɛ lakaye le Jɛrɛmiya: 13 “Tshɔka kele tote Hananiya wate: ‘Jehowa kata ate: “Wɛ ambohembola esembe w’esongo,+ koko lo dihole diawɔ, wɛ ayosala esembe wa mbolo.” 14 Nɛ dia Jehowa kanga lolembelembe, Nzambi k’Isariyɛlɛ kata ate: “Dimi layokitsha osembe wa lowolo lo nkingo ya wedja ɛnɛ tshɛ, dia kambɛ Nɛbukadinɛza nkumekanga ka Babilɔna ndo vɔ pombaka mbokambɛ.+ Dimi layowosha kaanga nyama ya mpango ya l’okonda.”’”+

15 Ko omvutshi Jɛrɛmiya akatɛ omvutshi Hananiya+ ate: “Hananiya le, hokamɛ lam’alangayɛ! Jehowa hakotomi, koko wɛ ambokonya anto anɛ dia ndjaɛkɛ lo kashi.+ 16 Ɔnkɔnɛ, Jehowa kata ate: ‘Eenda, dimi layanga konya oma la nkɛtɛ. Ɔnɔnyi ɔnɛ, wɛ ayovɔ, nɛ dia wɛ ambokeketsha anto dia tɔmbɔkwɛ Jehowa.’”+

17 Ɔnkɔnɛ, omvutshi Hananiya akavu lo ɔnɔnyi akɔ, lo ngɔndɔ ka 7.

29 Ɔnɛ ele ɛtɛkɛta wa lo mukanda wakatome omvutshi Jɛrɛmiya oma la Jɛrusalɛma otsha le atshikadi wa dikumanyi dia l’atei w’anto wakawatɔlɛ mfumbe, ɛlɔmbɛdi, amvutshi ndo anto tshɛ wele Nɛbukadinɛza akaatɔlɛ lo lɔhɔmbɔ oma la Jɛrusalɛma otsha la Babilɔna, 2 l’ɔkɔngɔ wa nkumekanga Jɛkɔniya,+ nyango nkumekanga,*+ ɛnɛnɛ wa laka nkumekanga, ewandji wa la Juda ndo wa la Jɛrusalɛma, etshudi ndo etshudi wa yaandjo* ntomba oma la Jɛrusalɛma.+ 3 Nde akatome mukanda lo anya wa Elasa ɔna Shafana+ ndo Ngɛmariya ɔna Hilikiya, wanɛ wele Zɛdɛkiya+ nkumekanga ka Juda akaatome la Babilɔna le Nɛbukadinɛza nkumekanga ka Babilɔna. Mukanda akɔ wakataka ɔnɛ:

4 “Jehowa kanga lolembelembe, Nzambi k’Isariyɛlɛ katɛ anto tshɛ wakawatɔlɛ mfumbe, wanɛ wakamasale dia vɔ ntshɔ lo lɔhɔmbɔ oma la Jɛrusalɛma otsha la Babilɔna ɔnɛ: 5 ‘Nyoke mvudu ndo nyodjasɛ lɔkɔ. Nyokambe dikambɔ ndo nyole elowa w’oma lɔkɔ. 6 Nyotshuke wadi ndo nyote ana w’apami ndo ana wa wamato; nyotshukee ananyu w’apami wadi ndo nyotshukanya ananyu wa wamato dia vɔ la wɔ mbota ana w’apami ndo wa wamato. Nyofulane lɛkɔ ndo tanyokitakitake. 7 Nyoyange wɔladi wa osomba wakamanyɔtɔlɛ lo lɔhɔmbɔ, ndo nyɔlɔmbɛ Jehowa lo wahɔ awɔ, nɛ dia lo wɔladi awɔ mbayonyonga la wɔladi.+ 8 Nɛ dia Jehowa kanga lolembelembe, Nzambi k’Isariyɛlɛ kata ate: “Tanyetawɔke dia amvutshi anyu ndo asadi anyu wa diendja wele l’atei anyu+ nyokesa ndo tanyohokamɛke alɔ wɛnawɔ. 9 Nɛ dia ‘vɔ wekɔ lo nyotɛ prɔfɛsiya ya kashi lo lokombo lami. Dimi kombatoma,’+ mbata Jehowa.”’”

10 “Nɛ dia Jehowa kata ate: ‘Etena kayonyokotsha ɛnɔnyi 70 la Babilɔna, dimi layonyodja yimba+ ndo layokotsha daka diami lo nyokaloya lo dihole nɛ.’+

11 “‘Nɛ dia dimi mbeyaka dimɛna tokanyi takanyiyami dikambo dianyu,’ mbata Jehowa, ‘tokanyi ta wɔladi, koko aha ta mpokoso,+ dia nyosha nshi yayaye ndo elongamelo.+ 12 Nyu nyayombelɛ, nyayoya ndo nyayɔnɔmba, ko dimi layonyohokamɛ.’+

13 “‘Nyu nyayonyanga ndo nyayontana,+ nɛ dia nyu nyayonyanga la etema anyu tshɛ.+ 14 Dimi layetawɔ dia nyu tanami,’+ mbata Jehowa. ‘Ndo dimi layotshumanya anto anyu wele mfumbe, ko layonyotshumanya kaamɛ oma lo wedja tshɛ ndo ahole wakamanyodianganya,’+ mbata Jehowa. ‘Ndo dimi layonyokaloya lo dihole diakamasale dia nyu mimɔ oma lɛkɔ ko ntshɔ otsha lo lɔhɔmbɔ.’+

15 “Koko nyu nyambota ɔnɛ: ‘Jehowa ambototondjiyɛ amvutshi la Babilɔna.’

16 “Nɛ dia Jehowa katɛ nkumekanga kodjashi lo kiti ka lowandji ka Davidɛ+ ndo anto tshɛ wadjasɛ lo osomba ɔnɛ, anangɛnyu waki kotshɔ la nyu lo lɔhɔmbɔ ɔnɛ: 17 ‘Jehowa kanga lolembelembe kata ate: “Dimi layanga mbatomɛ lokuwa la ta, ndjala ka kasha, elando*+ ndo dimi layowaetɛ oko fingo yambɔhɔnda* yele kɔlɔ efula yahakoke ndɛma.”’+

18 “‘Ko dimi layowayela la lokuwa la ta,+ la ndjala ka kasha, la elando ndo dimi layowaetɛ ɛngɔ ka wɔnɔnyi le waolelo tshɛ wa la nkɛtɛ+ ndo mananu la ɛngɔ ka diambo, ɛngɔ ka mbidɛ ekoko, ndo lɔtɛngɔ+ l’atei wa wedja tshɛ wamomaadianganya,+ 19 nɛ dia vɔ kompokamɛ ɛtɛkɛta ami wakamaatomɛ le ekambi ami amvutshi,’ mbata Jehowa, ‘lakawatomaka mbala la mbala.’*+

“‘Koko nyu kompokamɛ,’+ mbata Jehowa.

20 “Ɔnkɔnɛ, nyohokame ɔtɛkɛta wa Jehowa, nyu anto tshɛ wele mfumbe, wanɛ wakamatome oma la Jɛrusalɛma otsha la Babilɔna. 21 Jehowa kanga lolembelembe, Nzambi k’Isariyɛlɛ kata lo dikambo dia Ahaba ɔna Kɔlaya ndo lo dikambo dia Zɛdɛkiya ɔna Maseya, wanɛ wanyotɛ prɔfɛsiya ya kashi lo lokombo lami ɔnɛ:+ ‘Dimi layanga mbakimɔ lo anya wa Nɛbukadinɛza* nkumekanga ka Babilɔna, ko nde ayowadiaka lo washo anyu. 22 Ndo kɛnɛ kayowakomɛ kayonga mananu kayodjanaka ase Juda tshɛ wakɔsama mfumbe oma la Juda otsha la Babilɔna ɔnɛ: “Jehowa aketɛ oko Zɛdɛkiya ndo oko Ahaba, wanɛ wele nkumekanga ka Babilɔna akaatshumbe lo dja!” 23 nɛ dia vɔ wambosala akambo wa nsɔnyi lo Isariyɛlɛ,+ lo nsala loseka la wadi w’asekawɔ ndo lo mbuta ɛtɛkɛta wa kashi lo lokombo lami wakimi kombadjangɛ.+

“‘“Dimi kele Ɔnɛ leya, ndo dimi lekɔ ɔmɛnyi,”+ mbata Jehowa.’”

24 “Kote ndo Shemaya+ ose Nɛhɛlama ɔnɛ: 25 ‘Jehowa kanga lolembelembe, Nzambi k’Isariyɛlɛ kata ate: “Lam’ele wɛ akatome mikanda lo lokombo layɛ le anto tshɛ wele la Jɛrusalɛma, le Zɛfaniya+ ɔna Maseya, ɔlɔmbɛdi ndo le ɛlɔmbɛdi tshɛ ɔnɛ: 26 ‘Jehowa amboketɛ ɔlɔmbɛdi lo dihole dia ɔlɔmbɛdi Jɛhɔyada dia monga omendji wa luudu la Jehowa, dia namaka kanga dadi tshɛ lasala akambo oko omvutshi ndo mbodja lo lowete ndo lo mɔlɔla;*+ 27 ko lande na kahayahangwe Jɛrɛmiya ose Anatɔta,+ lasala akambo oko omvutshi dikambo dianyu?+ 28 Nɛ dia nde akatotomɛ ndo dui la Babilɔna ɔnɛ: “Ayonga etena k’otale! Nyoke mvudu ndo nyodjasɛ lɔkɔ. Nyokambe dikambɔ ndo nyole elowa w’oma lɔkɔ,+ . . .”’”’”

29 Etena kakadia ɔlɔmbɛdi Zɛfaniya+ mukanda ɔsɔ lo atoyi w’omvutshi Jɛrɛmiya, 30 ɔtɛkɛta wa Jehowa wakaye le Jɛrɛmiya ɔnɛ: 31 “Tomɛ anto tshɛ wele mfumbe dui ɔnɛ: “Jehowa kata lo dikambo dia Shemaya ose Nɛhɛlama ate: “Lam’ele Shemaya akanyotɛ prɔfɛsiya etena kele dimi kombotoma, ndo nde akahembe nyokonya dia nyu ndjaɛkɛ lo awui wa kashi,+ 32 ɔnkɔnɛ Jehowa kata ate: ‘Dimi layanga mbidja Shemaya ose Nɛhɛlama ndo tokanula tande yimba. Ndooko onto ande ɔtɔi layoka l’atei w’anto anɛ, ndo nde hɛɛna ɔlɔlɔ wayomosalɛ anto ami,’ mbata Jehowa, ‘nɛ dia nde ambokeketsha anto dia tɔmbɔkwɛ Jehowa.’”’”

30 Ɔtɛkɛta wakaye le Jɛrɛmiya oma le Jehowa ɔnɛ: 2 “Jehowa Nzambi k’Isariyɛlɛ kata ate: ‘Funda ɛtɛkɛta tshɛ wakotɛmi lo dibuku. 3 Nɛ dia “eenda, nshi yekɔ lo ndjaye,” mbata Jehowa, “yayomotshumanya anto ami wele mfumbe, Isariyɛlɛ ndo Juda,”+ mbata Jehowa, “ko dimi layowakaloya lo wodja wakamasha watshɛwɔ ndo vɔ wayonga akanga awɔ nto.”’”+

4 Ɔnɛ ele ɛtɛkɛta wakatɛ Jehowa Isariyɛlɛ ndo Juda.

 5 Jehowa kata ate:

 6 Lam’alanganyu, nyombole kana pami koka mbota.

Lande na kaya elungi tshɛ ɔkɛsɛ?

 7 Hayii! Nɛ dia ɔsɔ ekɔ lushi la diambo.*+

Koko nde ayoshimbamɛ oma lɔkɔ.”

8 “Ndo lushi lɔsɔ,” mbata Jehowa kanga lolembelembe, “dimi layohembola osembe oma lo nkingo kayɛ ndo dimi layohembola eya* ayɛ lo 2; ndo angɛndangɛnda* hawotowetɛ* mfumbe kawɔ nto. 9 Vɔ wayokambɛ Jehowa Nzambi kawɔ ndo Davidɛ nkumekanga kawɔ, ɔnɛ layomaatondjiyɛ.”+

11 “Nɛ dia dimi lekɔ kaamɛ la yɛ,” mbata Jehowa, “dia koshimbɛ.

12 Nɛ dia Jehowa kata ate:

“Ndooko ɛkɔnwɛlɔ lo wɔkwɛlɔ ayɛ.+

Mpota kayɛ hakoke nkɔnɔ.

Ndooko ɛkɔnwɛlɔ dikambo diayɛ.

14 Wanɛ tshɛ wakooka ngandji k’efula wambokohɛ.+

Vɔ hawoyokoyanga nto.

15 Lande na kadayɛ ekoko l’ɔtɛ wa wɔkwɛlɔ ayɛ?

Paa kayɛ hatɔkɔnɔ!

‘Siɔna, lele ndooko onto lakoyanga.’”+

18 Jehowa kata ate:

19 Ndo oma le wɔ mbayoya eokelo ka losaka la mindjo ya tɔɔla.+

Dimi layendana la wanɛ tshɛ wɔhɛnyahɛnya.+

Dimi layosala dia nde ndja suke ndo nde ayosukana la mi.”

“Nɛ dia naka aha ngasɔ, akɔna akoka nsombɔ* nsukana la mi?” mbata Jehowa.

22 “Ko nyu nyayonga anto ami+ ndo dimi layoyala Nzambi kanyu.”+

Nyu nyayoshihodia dui sɔ+ lo etena k’ekomelo ka nshi.

31 Jehowa kata ate: “L’etena kɛsɔ, dimi layoyala Nzambi ka nkumbo tshɛ y’Isariyɛlɛ ndo vɔ wayoyala anto ami.”+

 2 Jehowa kata ate:

 3 Jehowa akɛnɛ le mi oma l’etale ko akate ate:

“Dimi lakakolange la ngandji ka pondjo.

Diakɔ diakamakokotola oya le mi la ngandji ka kɔlamelo.*+

 4 Dimi layokohika nto ndo wɛ ayohikama nto.+

 6 Nɛ dia lushi layoya layowelɛ todjamu lo akona wa Efrayimɛ ɔnɛ:

‘Nyonee, todee la Siɔna, le Jehowa Nzambi kaso.’”+

 7 Nɛ dia Jehowa kata ate:

“Nyodee Jakɔbɔ ekoko la ɔngɛnɔngɛnɔ.

Nyode ekoko w’ɔngɛnɔngɛnɔ nɛ dia nyu nyekɔ laadiko dia wedja.+

 8 Dimi layanga mbakaloya oma lo wodja wa lo nɔrdɛ.+

Dimi layowatshumanya kaamɛ oma lo ahole woleki etale wa la nkɛtɛ.+

Vɔ wayokalola lanɛ+ oko etshumanelo ka woke.

 9 Vɔ wayoya wayalele.+

Dimi layowalɔmbɔla etena kayowɔlɔmba dia mbokama kɛtshi.

Nɛ dia dimi lekɔ She Isariyɛlɛ ndo Efrayimɛ ekɔ ɔnami l’enondo.”+

“Ɔnɛ lakadianganya Isariyɛlɛ ayowotshumanya kaamɛ.

Nde ayowolama oko watolamaka olami dongalonga diande.+

Dimi layokadimola delo diawɔ ɔngɛnɔngɛnɔ.+

Dimi layowasamba ndo layowasha ɔngɛnɔngɛnɔ lo dihole dia lɔkɔnyɔ lawɔ.+

15 “Jehowa kata ate:

‘Dui diekɔ lo mbokɛma la Rama,+ delo di’ɔkɛyi ndo delo dia wolo:

Rashɛlɛ ekɔ lo ndela anande w’apami.*+

16 Jehowa kata ate:

‘Vɔ wayokalola oma lo wodja w’otunyi.’+

17 ‘Ndo elongamelo kekɔ dikambo dia nshi yayɛ yayaye,’+ mbata Jehowa.

‘Anayɛ w’apami wayokalola lo ɛtshi kawɔ ka nkɛtɛ hita.’”+

20 “Onde Efrayimɛ bu ɔna la nɛmɔ le mi,+ ɔna lalangema?

Nɛ dia lo yɛdikɔ yalekami ntɛkɛta kɔlɔ dikambo diande, mbalekami mboohɔ.

Diakɔ diele tokanyi* tami tambonandema lo dikambo diande.+

Ndo dimi mɛtɛ layowoka kɛtshi,” mbata Jehowa.+

Dja yimba lo mboka ka woke, mboka kahombayɛ ntshɔ.+

Osekaseka w’emuma wa Isariyɛlɛ le, kalola, kalola oya lo esomba ayɛ ɛnɛ.

22 Ɔna womoto lele bu la kɔlamelo le, polo l’etena kakɔna kayoyotetemala mengenga?

Nɛ dia Jehowa akatonge ɛngɔ kɛmɔtshi k’oyoyo la nkɛtɛ:

Womoto ɔmɔtshi ayɔkɔkɔma pami kɛmɔtshi.”

23 Jehowa kanga lolembelembe, Nzambi k’Isariyɛlɛ kata ate: “Etena kayomokaloya mfumbe yawɔ, vɔ wayota ɛtɛkɛta ɛnɛ nto lo wodja wa Juda ndo lo esomba ayɔ ɔnɛ: ‘Jehowa akɔtshɔkɔlɛ, wɛ dihole di’edjaselo dia losembwe,+ wɛ dikona di’ekila.’+ 24 Ndo lɔkɔ, Juda la esomba ayɔ tshɛ wayodjasɛka kaamɛ, akambi wa dikambɔ ndo wanɛ walama dongalonga.+ 25 Nɛ dia dimi layolotsha ɔnɛ* lambɔlɛmba ndo layokeketsha ɔnɛ* tshɛ lotalɛmbɛ.”+

26 Ko dimi lakemɔ ndo lakadihola washo ami, ndo djɔ yami yaki ɔlɔ efula le mi.

27 “Eenda, nshi yekɔ lo ndjaye,” mbata Jehowa, “yayomonɛ luudu l’Isariyɛlɛ ndo luudu la Juda la lɔtɔngɔ* la onto ndo la lɔtɔngɔ la elongalonga.”+

28 “Ndo oko wakamawaendaka dia nkundola, dia nkɔsha, dia mbatshatsha, dia ndanya, ndo dia nsala kɔlɔ,+ mbayomowaendaka dia mbika ndo monɛ,”+ mbata Jehowa. 29 “Lo nshi shɔ, vɔ hawotota nto ɔnɛ: ‘Ambutshi w’apami mbakale elowa w’ehudi, koko wanyu w’ana mbakonge ɔkɛkɛ.’*+ 30 Koko l’etena kɛsɔ, onto l’onto ayovɔ l’ɔtɛ wa munga kande hita. Onto tshɛ lalɛ elowa w’ehudi, wanyu ande hita mbayonga ɔkɛkɛ.”

31 Jehowa kata ate: “Eenda, nshi yekɔ lo ndjaye yayomodja l’ase Isariyɛlɛ ndo l’ase Juda sheke y’oyoyo.+ 32 Yɔ hayotonga oko sheke yakamadje la watshɛwɔ lushi lakamaakimɛ lo lonya dia mbatondja oma lo wodja w’Edjibito,+ ‘sheke yami yakawalanya,+ kaanga mbele dimi laki nkumɛwɔ ka mɛtɛ,’* mbata Jehowa.”

33 Nɛ dia Jehowa kata ate: “Ɔnɛ ele sheke yayomodja la luudu l’Isariyɛlɛ l’ɔkɔngɔ wa nshi shɔ. Dimi layodja ɛlɛmbɛ ami l’etei kawɔ+ ndo dimi layowafunda l’etema awɔ.+ Dimi layoyala Nzambi kawɔ ndo vɔ wayoyala wodja ami.”+

34 “Vɔ hawototetemala mbetshana lam’asawɔ ndo lam’asa onto la ɔnango ɔnɛ: ‘Eya Jehowa!’+ Dikambo vɔ tshɛ wayombeya, ntatɛ oma le ɔnɛ loleki tshitshɛ polo le ɔnɛ loleki woke l’atei awɔ,”+ mbata Jehowa. “Nɛ dia dimi layowadimanyiya munga kawɔ ndo hantohɔ pɛkato kawɔ nto.”+

37 Jehowa kata ate: “‘Naka olongo wa la diko koka mbɛdikama ndo atshina wa nkɛtɛ l’ɛse koka sɛdingɔma, kete paka etena kɛsɔ mbakokami ntona tokanula tshɛ ta Isariyɛlɛ l’ɔtɛ wa kɛnɛ tshɛ kambowosala,’ mbata Jehowa.”+

38 “Eenda, nshi yekɔ lo ndjaye,” mbata Jehowa, “yayohikama osomba+ dikambo dia Jehowa oma lo Tshoto ya Hananɛlɛ+ polo lo Soko dia Tshuku.+ 39 Ndo ɔkɔdi wa yɛdikɔ+ wayotomba nsembɔ tɔɔ otsha lo kionakona ya Ngarɛba, ndo vɔ wayokadimɔ otsha la Ngoa. 40 Ndo okidi tshɛ* wa edo ndo wa etoko* ndo ebondo tshɛ washimba menga polo lo Okidi wa Kidirɔna,+ polo lo tshuku dia Soko+ dia Mfalasa otsha lo ɛstɛ, ayonga ɛngɔ k’ekila le Jehowa.+ Vɔ hawotokundɔma nto pondjo kana ndanyema.”

32 Ɔtɛkɛta wa Jehowa wakaye le Jɛrɛmiya lo ɔnɔnyi wa 10 w’ɛlɔmbwɛlɔ ka Zɛdɛkiya nkumekanga ka Juda, mbuta ate lo ɔnɔnyi wa 18 wa ɛlɔmbwɛlɔ ka Nɛbukadinɛza.*+ 2 Lo etena kɛsɔ, asɔlayi wa nkumekanga ka Babilɔna wakadinge Jɛrusalɛma ndo omvutshi Jɛrɛmiya akadihama lo Sɛkɛ dia Olamelo+ lo luudu* la nkumekanga ka Juda. 3 Nɛ dia Zɛdɛkiya nkumekanga ka Juda akoodihe+ ata ate: “Lande na katayɛ prɔfɛsiya ka nganɛ? Wɛ ekɔ lo mbuta wate: ‘Jehowa kata ate: “Dimi layokimɔ osomba ɔnɛ lo anya wa nkumekanga ka Babilɔna ko nde ayowɔsa,+ 4 ndo Zɛdɛkiya nkumekanga ka Juda hatohandɔ oma le ase Kaladiya, nɛ dia nde mɛtɛ ayokimɔma lo anya wa nkumekanga ka Babilɔna ndo nde ayɔtɛkɛta la nde okoko lo okoko ndo ayɛnana la nde sso lo sso.”’+ 5 ‘Nde ayɔtɔla Zɛdɛkiya otsha la Babilɔna ndo nde ayototshikala lɛkɔ polo ndo lam’ayomowodja yimba,’ mbata Jehowa. ‘Kaanga mbatetemalayɛ ndɔsha ase Kaladiya, wɛ hatotondoya.’”+

6 Jɛrɛmiya akate ate: “Ɔtɛkɛta wa Jehowa wamboya le mi ɔnɛ: 7 ‘Hanamɛlɛ ɔna Shaluma ɔnango shɔ ayoya le yɛ dia ndjokotɛ ate: “Somba ekambɔ kami ka la Anatɔta,+ nɛ dia wɛ kele onto la ntondo lele la lotshungɔ la kitshungola.”’”+

8 Hanamɛlɛ ɔnaki ɔnango papa akaye le mi paka oko wakate Jehowa, oya lo Sɛkɛ dia Olamelo ndo nde akambutɛ ate: “Lam’alangayɛ, somba ekambɔ kami ka la Anatɔta lo wodja wa Bɛnjamina, nɛ dia wɛ kele la lotshungɔ la kiɔsa ndo kitshungola. Sombatɔ.” Ko dimi lakeye dia ɔsɔ ekɔ ɔtɛkɛta w’oma le Jehowa.

9 Ɔnkɔnɛ, dimi lakasombe ekambɔ la Anatɔta oma le Hanamɛlɛ ɔnaki ɔnango papa. Dimi lakawɛdikɛ falanga,+ tɔshɛkɛlɛ* 7 ndo ekenga wa mfɛsa 10. 10 Ko dimi lakafunde dui sɔ lo mukanda,+ lakadje ohomɔ, lakelɛ ɛmɛnyi+ ndo lakɛdika falanga lo kilɔ. 11 Dimi lakɔshi mukanda washa lotshungɔ, wɔnɛ wakadjama ohomɔ lo ndjela didjango ndo ɛlɛmbɛ wa lɛɛta ndo wɔnɛ waki kombidjama ohomɔ, 12 ko dimi lakasha Baruka+ ɔna Neriya+ ɔna Mahaseya mukanda w’osombelo la ntondo ka Hanamɛlɛ ɔna ɔnango papa, k’ɛmɛnyi wakafunde lo mukanda w’osombelo ndo k’ase Juda tshɛ wakadjasɛ lo Sɛkɛ dia Olamelo.+

13 Ko dimi lakadjangɛ Baruka la ntondo kawɔ nte: 14 “Jehowa kanga lolembelembe, Nzambi k’Isariyɛlɛ kata ate: ‘Ɔsa mikanda ɛnɛ, mukanda washa lotshungɔ wakadjama ohomɔ ndo wɔnɛ waki kombidjama ohomɔ, kele djawɔ lo ɛngɔ ka diwomba dia vɔ namema lo etena k’otale.’ 15 Nɛ dia Jehowa kanga lolembelembe, Nzambi k’Isariyɛlɛ kata ate: ‘Mvudu, dikambɔ ndo dikambɔ dia vinyɔ diayosombama nto lo wodja ɔnɛ.’”+

16 Ko dimi lakalɔmbɛ Jehowa l’ɔkɔngɔ wa dimi mbisha Baruka ɔna Neriya mukanda washa lotshungɔ lata nte: 17 “Hayii, Nkum’Olongo Nkumadiɔndjɔ Jehowa! Eenda, wɛ akasale olongo ndo nkɛtɛ la wolo ayɛ w’efula+ ndo la lonya layɛ losembwe tɔɔ. Ndooko dui diele diambo efula le yɛ, 18 wɛ Ɔnɛ lɛnya nunu di’anto ngandji ka kɔlamelo, koko lafuta munga y’ambutshi w’apami le* anawɔ w’apami l’ɔkɔngɔ awɔ,+ Nzambi ka mɛtɛ, ka woke ndo Kanga wolo, lele lokombo layɛ Jehowa kanga lolembelembe. 19 Wɛ ekɔ woke lo alako* ndo wolo lo etsha,+ wɛ lele washo ayɛ sɛdingolaka mboka tshɛ y’anto+ dia mbisha onto l’onto lo ndjela mboka yande ndo lo ndjela kɛnɛ kasalande.+ 20 Wɛ akasale tolembetelo ndo ahindo lo wodja w’Edjibito weyama polo ndo ɛlɔ ndo wɛ akayasalɛ lokombo lo Isariyɛlɛ ndo l’atei w’anto+ oko wediɔ ɛlɔ. 21 Ndo wɛ akatondja wodja ayɛ w’Isariyɛlɛ oma lo wodja w’Edjibito, la tolembetelo, la ahindo, la lonya la wolo, la lonya losembwe tɔɔ ndo la etsha wa wɔma.+

22 “L’ɔkɔngɔ diko, wɛ akawasha wodja ɔnɛ wakayatshibe dia mbisha watshɛwɔ,+ wodja wakɛlanɛ abɛlɛ la osanga.+ 23 Ko vɔ wakɔtɔ lɔkɔ ndo wakawɔshi, koko vɔ kokitanyiya dui diayɛ kana nkɛndakɛnda lo ɛlɛmbɛ ayɛ. Vɔ kosala ndooko dui diakayawadjangɛ dia vɔ nsala, diakɔ diakayasale dia mpokoso kɛnɛ tshɛ mbakomɛ.+ 24 Eenda, anto wamboya ndo wamboka mpele dia odingelo dia mbɔsa osomba+ ndo l’ɔtɛ wa lokuwa la ta,+ ndjala ka kasha la elando,*+ osomba wayɔkɔ mɛtɛ lo anya w’ase Kaladiya wanɛ wɔɔlɔsha; kɛnɛ kakayate kambokotshama tshɛ oko wadiɛnayɛ kakianɛ. 25 Koko Nkum’Olongo Nkumadiɔndjɔ Jehowa le, wɛ akambutɛ wate: ‘Somba ekambɔ la falanga ndo elɛ ɛmɛnyi,’ kaanga mbele osomba wayokimɔma mɛtɛ lo anya w’ase Kaladiya.”

26 Ko ɔtɛkɛta wa Jehowa wakaye le Jɛrɛmiya ɔnɛ: 27 “Dimi ɔnɛ, dimi Jehowa, Nzambi k’anto tshɛ.* Onde ekɔ dui dimɔtshi diele diambo efula le mi? 28 Ɔnkɔnɛ, Jehowa kata ate: ‘Dimi layanga nkimɔ osomba ɔnɛ le ase Kaladiya ndo lo anya wa Nɛbukadinɛza* nkumekanga ka Babilɔna, ko nde ayowɔsa.+ 29 Ndo ase Kaladiya walɔsha osomba ɔnɛ wayɔtɔ lɔkɔ, wayodja osomba ɔnɛ dja ndo wayowotshumba+ kaamɛ la mvudu yele lo nsambe yayɔ, anto wakalambolaka Baala elambo ndo wakalambolaka tozambizambi tokina elambo wa lotɛ dia mbotshami nkɛlɛ.’+

30 “‘Nɛ dia ase Isariyɛlɛ ndo ase Juda wambosala paka kɛnɛ kele kɔlɔ lo washo ami, oma ko akɛnda awɔ;+ ase Isariyɛlɛ wekɔ lo ntetemala mbotshami nkɛlɛ la elimu w’anya awɔ,’ mbata Jehowa. 31 ‘Nɛ dia osomba ɔnɛ, ntatɛ oma ko lushi lakawawoke polo ndo ɛlɔ, vɔ wekɔ paka kiɔkɔ ya nkɛlɛ ndo ya odudu le mi,+ dia vɔ minyɛma oma la ntondo kami,+ 32 l’ɔtɛ wa kɔlɔ tshɛ yakasale ase Isariyɛlɛ ndo ase Juda dia mbotshami nkɛlɛ, vɔ, nkumi ya dikanga yawɔ,+ ewandji awɔ,+ ɛlɔmbɛdi awɔ, amvutshi awɔ,+ ndo ase Juda la wanɛ wadjasɛ la Jɛrusalɛma. 33 Vɔ wakatetemala mbishami ɛkɔngɔ, aha dungi diawɔ;+ kaanga mbakamatetemala mbaetsha mbala la mbala,* ndooko onto l’atei awɔ lakahokamɛ dia nongola ohokwelo.+ 34 Ndo vɔ wakakitsha dikishi diawɔ dia nyɛtɛɛtɛ lo luudu lele la lokombo lami dia lidja mindo.+ 35 Laadiko dia laasɔ, vɔ wakahike ahole wa la diko wa Baala lo Okidi w’Ɔna Hinɔmɛ,*+ dia vɔ tshumbaka anawɔ w’apami ndo anawɔ wa wamato lo dja dikambo dia Mɔlɛka,+ dui diakimi kombadjangɛ+ ndo diahatayalaka ndooko lushi lo otema ami* dia nsala dui dia wɔnɔnyi dia ngasɔ dia nkonya Juda lo nsala pɛkato.’

36 “Ɔnkɔnɛ, Jehowa Nzambi k’Isariyɛlɛ kata lo dikambo dia osomba ɔnɛ watanyu ɔnɛ wayokimɔma lo anya wa nkumekanga ka Babilɔna la lokuwa la ta, la ndjala ka kasha ndo la elando ate: 37 ‘Dimi layowatshumanya kaamɛ oma lo wedja tshɛ wakamaadianganya la nkɛlɛ kami, la odudu ami, la yɛnyi y’efula+ ndo dimi layowakaloya lo dihole nɛ ndo layotshika dia vɔ mbidjasɛka lo lotui tshitshi.+ 38 Ndo vɔ wayonga anto ami ko dimi layonga Nzambi kawɔ.+ 39 Ndo dimi layowasha otema ɔtɔi+ la mboka ɔtɔi dia vɔ mbokakami wɔma nshi tshɛ, dikambo dia ɔlɔlɔ awɔ ndo dia ɔlɔlɔ w’anawɔ lo ɔkɔngɔ awɔ.+ 40 Ko dimi layodja la wɔ sheke ya pondjo,+ diaha dimi ntshika mbasalɛ ɔlɔlɔ,+ ndo dimi layodja wɔma ami lo etema awɔ, diaha vɔ mbokami ɔkɔngɔ.+ 41 Dimi layɔngɛnangɛnaka lo dikambo diawɔ dia mbasalɛ ɔlɔlɔ+ ndo dimi layowaonɛ nge lo wodja ɔnɛ+ la otema ami tshɛ ndo la anima* ami tshɛ.’”

42 “Nɛ dia Jehowa kata ate: ‘Oko wakamela mpokoso ka wolo kɛnɛ tshɛ le wodja ɔnɛ, mbayomowaela ɛlɔlɔ* tshɛ waalakami.+ 43 Ndo dikambɔ diayosombama nto lo wodja ɔnɛ,+ kaanga mbatanyu nyate: “Vɔ wekɔ nkɛtɛ ya shɛnga yaha la onto ndo nyama, ndo yɔ yakakimɔma le ase Kaladiya.”’

44 “‘Anto wayosomba dikambɔ la falanga, wayofunda mikanda washa lotshungɔ, wayodja ohomɔ ndo wayelɛ ɛmɛnyi oma lo wodja wa Bɛnjamina,+ oma lo ahole wodingi Jɛrusalɛma, oma lo esomba wa Juda,+ oma lo esomba wa lo lɛkɛ l’akona,+ oma lo esomba wa lo okidi ndo oma lo esomba wa lo sidɛ, nɛ dia dimi layokaloya mfumbe yawɔ,’+ mbata Jehowa.”

33 Ɔtɛkɛta wa Jehowa wakaye le Jɛrɛmiya mbala ka 2 etena kakinde aakadihami lo Sɛkɛ dia Olamelo+ ɔnɛ: 2 “Jehowa Otungi wa nkɛtɛ, Jehowa ɔnɛ lakayisale ndo lakayishikikɛ nge; Jehowa kele lokombo lande, nde kata ate: 3 ‘Ombele, ko dimi layoketawɔ ndo layonga suke dia kotɛ akambo wa weke, wahamanema mfundo ndo wakiyɛ kombeya.’”+

4 “Nɛ dia Jehowa Nzambi k’Isariyɛlɛ kata lo dikambo dia mvudu ya lo osomba ɔnɛ ndo mvudu ya nkumi ya dikanga ya Juda yambolanyema l’ɔtɛ wa mpele dia odingelo ndo wa lokuwa la ta,+ 5 ndo lo dikambo dia wanɛ waya dia ndjɔlɔsha ase Kaladiya, walodia ahole anɛ la edo wa wanɛ wakamadiake lo nkɛlɛ kami ndo lo odudu ami, wanɛ wele kɔlɔ kawɔ kakankonya dia mbishɛ elungi kami oma lo osomba ɔnɛ ate: 6 ‘Dimi layanga mbeela ɛkɔnwɛlɔ ndo yoonge ya dimɛna,+ dimi layowakɔnɔla, layowasholɛ wɔladi w’efula ndo wa mɛtɛ.+ 7 Dimi layokaloya ase Juda wele mfumbe ndo ase Isariyɛlɛ+ wele mfumbe, ndo dimi layowahika oko wakamasale oma lo etatelo.+ 8 Dimi layowaɛdia oma lo onongo wa pɛkato yawɔ tshɛ yakawansalɛ+ ndo dimi layodimanyiya onongo wa pɛkato yawɔ tshɛ ndo munga yakawansalɛ.+ 9 Ko osomba akɔ wayoyala le mi lokombo la ɔngɛnɔngɛnɔ, lotombo ndo olangala la ntondo ka wedja tshɛ wa la nkɛtɛ wayoka ɛlɔlɔ tshɛ wayomaasalɛ.+ Vɔ wayoka wɔma ndo wayosaka lokomba+ l’ɔtɛ w’ɛlɔlɔ tshɛ ndo wɔladi wayomowosha.’”+

10 “Jehowa kata ate: ‘Lo dihole nɛ diayonyota ɔnɛ diekɔ nkɛtɛ ya shɛnga, diaha la onto kana elongalonga, lo esomba wa Juda ndo lo toshinga ta Jɛrusalɛma taya tɔngɔ to, taha la onto kana anto wadjasɛ kana dongalonga, wayooka nto 11 londjo la ɔlɔ ndo londjo la ɔngɛnɔngɛnɔ,+ dui dia otshuki ndo dui dia otshukami, dui dia wanɛ wata ɔnɛ: “Nyosha Jehowa kanga lolembelembe losaka, nɛ dia Jehowa ekɔ ɔlɔlɔ;+ ngandji kande ka kɔlamelo tshikalaka pondjo!”’+

“‘Vɔ wayela elambo wa eokelo ka losaka lo luudu la Jehowa,+ nɛ dia dimi layokaloya ase wodja wele mfumbe oko wakidiɔ oma lo etatelo,’ mbata Jehowa.”

12 “Jehowa kanga lolembelembe kata ate: ‘Lo nkɛtɛ ya shɛnga nyɛ, yaha la onto kana elongalonga ndo lo esomba ayɔ tshɛ, alami w’ɛkɔkɔ wayonga nto la ahole wa ndeshaka dongalonga dia dongalonga diawɔ ndjomuyaka.’+

13 “‘Lo esomba wa lo lɛkɛ l’akona, lo esomba wa l’ɛtshi ka nkɛtɛ kele l’okidi, lo esomba wa lo sidɛ, lo ɛtshi ka nkɛtɛ ka Bɛnjamina, lo ahole wodingi Jɛrusalɛma+ ndo lo esomba wa Juda,+ dongalonga diayeta nto l’ɛse ka anya wa ɔnɛ ladiadia,’ mbata Jehowa.”

14 “‘Eenda, nshi yekɔ lo ndjaye,’ mbata Jehowa, ‘yayomokotsha daka dia dimɛna diakamalake lo dikambo dia luudu l’Isariyɛlɛ ndo luudu la Juda.+ 15 Lo nshi shɔ ndo lo etena kɛsɔ, dimi layotondjiyɛ Davidɛ lokonɔ*+ la losembwe, ko nde ayela sambo k’ɔlɔlɔ ndo losembwe lo wodja.+ 16 Lo nshi shɔ, Juda ayoshimbamɛ+ ndo Jɛrusalɛma ayodjasɛ lo lotui tshitshi.+ Ndo yɔ yayelamɛ ɔnɛ: Jehowa ekɔ Losembwe Laso.’”+

17 “Jehowa kata ate: ‘Ndooko onyake onto ɔmɔtshi l’oma lo ɔlɔndji wa Davidɛ kayodjasɛka lo kiti ka lowandji ka luudu l’Isariyɛlɛ,+ 18 ndo ɛlɔmbɛdi w’ase Lɛwi hawohombaki pondjo onto layemala la ntondo kami dia nambola elambo wa lotshumba w’etondo, dia ntshumba elambo wa ntɔngɔ, ndo dia nambola elambo.’”

19 Ndo ɔtɛkɛta wa Jehowa wakaye nto le Jɛrɛmiya ɔnɛ: 20 “Jehowa kata ate: ‘Otondongaka nyu nyakakoke ndanya sheke yami yendana la yanyi ndo sheke yami yendana la otsho diaha yanyi la otsho ndjaaka lo tena diahombama,+ 21 mbotokoka sheke yami yakamadje la okambi ami Davidɛ ndana,+ diaha nde monga la ɔna pami lolɛ oko nkumekanga lo kiti kande ka lowandji,+ ngasɔ mbediɔ ndo lo dikambo dia sheke yakamadje la ɛlɔmbɛdi w’ase Lɛwi, ekambi ami.+ 22 Oko wahakoke alembe wa l’olongo mbadiema ndo lɔkɔngɔ la lo ndjale mbɛdikama, mbayomofudia tokanula* taki okambi ami Davidɛ ndo ase Lɛwi wankambɛ olimu.’”

23 Ko ɔtɛkɛta wa Jehowa wakaye nto le Jɛrɛmiya ɔnɛ: 24 “Onde wɛ hoke kɛnɛ kata anto anɛ ɔnɛ: ‘Jehowa ayɔsɛka nkumbo 2 yakandasɔnɛ’? Vɔ wekɔ lo salɛ anto ami hita akambo aha la dilɛmiɛlɔ ndo vɔ hawoyowaɔsa oko wodja.

25 “Jehowa kata ate: ‘Lo mɛtɛ, oko wakamashikikɛ sheke yami yendana la yanyi ndo la otsho,+ ɛlɛmbɛ* wa l’olongo ndo wa la nkɛtɛ,+ 26 mbahamasɛkaki pondjo tokanula* ta Jakɔbɔ ndo ta okambi ami Davidɛ, ko ntona dia mbɔsa oma lo tokanula* tande emboledi wa tokanula* ta Abrahama, Isaka ndo Jakɔbɔ. Nɛ dia dimi layokaloya anto awɔ wele mfumbe+ ndo layowaoka kɛtshi.’”+

34 Ɔtɛkɛta w’oma le Jehowa wakaye le Jɛrɛmiya etena kaki Nɛbukadinɛza* nkumekanga ka Babilɔna la asɔlayi ande tshɛ, waolelo tshɛ wa la nkɛtɛ waki lo ɛlɔmbwɛlɔ kande ndo anto tshɛ waki lo ndɔsha Jɛrusalɛma la esomba ayɔ tshɛ ɔnɛ:+

2 “Jehowa Nzambi ka Isariyɛlɛ kata ate: ‘Tshɔka tosawole la Zɛdɛkiya+ nkumekanga ka Juda kele towote wate: “Jehowa kata ate: ‘Dimi layanga nkimɔ osomba ɔnɛ lo anya wa nkumekanga ka Babilɔna ko nde ayowotshumba la dja.+ 3 Ndo wɛ hatohandɔ oma lo anya ande, nɛ dia ndooko onyake wɛ ayondama ndo ayokimɔma le nde.+ Wɛ ayɛna nkumekanga ka Babilɔna sso lo sso ko nde ayosawola la yɛ okoko lo okoko ndo wɛ ayotshɔ la Babilɔna.’+ 4 Koko hokamɛ ɔtɛkɛta wa Jehowa, wɛ Zɛdɛkiya nkumekanga ka Juda: ‘Jehowa kata lo dikambo diayɛ ate: “Wɛ hatovɔ la lokuwa la ta. 5 Wɛ ayovɔ lo wɔladi+ ndo vɔ wayosala sɛlɛmɔnyi k’otshumbelo dikambo diayɛ oko wakawasalɛ washɔ, nkumi ya dikanga y’edjedja yaki la ntondo kayɛ ndo vɔ wayokolela ɔnɛ: ‘Hayii nkumɛso!’ nɛ dia ‘dimi kambota dui sɔ,’ mbata Jehowa.”’”’”

6 Ko omvutshi Jɛrɛmiya akatɛ Zɛdɛkiya nkumekanga ka Juda ɛtɛkɛta ɛsɔ tshɛ la Jɛrusalɛma, 7 etena kakalɔshaka asɔlayi wa nkumekanga ka Babilɔna Jɛrusalɛma ndo esomba tshɛ wa Juda wakatshikala,+ Lakishi+ ndo Azeka;+ nɛ dia paka vɔ eto mbaki esomba wakadingama la mpele wakatshikala lo esomba wa Juda.

8 Ɔtɛkɛta wa Jehowa wakaye le Jɛrɛmiya l’ɔkɔngɔ wa nkumekanga Zɛdɛkiya mbidja sheke la anto tshɛ wa la Jɛrusalɛma dia mbaewoya etshungwelo,+ 9 ɔnɛ onto tshɛ pombaka ntshungola mfumbe yande y’ase Hɛbɛru, oyadi ya apami kana ya wamato, diaha kaanga onto nama osekande ose Juda oko mfumbe kande. 10 Ɔnkɔnɛ, ewandji tshɛ ndo anto tshɛ wakakitanyiya. Vɔ wakɔtɔ sheke dia onto tshɛ pombaka nkimɔ mfumbe yande, oyadi ya apami kana ya wamato, ndo aha ntetemala mbalama oko mfumbe nto. Vɔ wakakitanyiya ndo wakaatshike dia vɔ ntshɔ. 11 Koko l’ɔkɔngɔ diko, vɔ wakatokaloya mfumbe y’apami ndo ya wamato yakawakimɔ, ko vɔ wakayowaetɛ nto mfumbe la wolo. 12 Ko ɔtɛkɛta wa Jehowa wakaye le Jɛrɛmiya oma le Jehowa ɔnɛ:

13 “Jehowa Nzambi k’Isariyɛlɛ kata ate: ‘Dimi lakadje sheke la watshɛnyu+ lushi lakamaatondja oma lo wodja w’Edjibito oma lo luudu la lɔhɔmbɔ+ nte: 14 “Lo ekomelo ka ɛnɔnyi 7, onto l’onto l’atei anyu pombaka nkimɔ ɔnango l’ose Hɛbɛru lakawoosondja ndo lambookambɛ ɛnɔnyi 6; wɛ pombaka mbokimɔ.”+ Koko watshɛnyu kompokamɛ kana mpokɛ atoyi awɔ le mi. 15 Ndo atete edja,* nyu nyuamɛ nyakakadimɔ, ko nyakasale kɛnɛ kaki ɔlɔlɔ lo washo ami lo mbewoya etshungwelo le asekanyu ndo nyu nyakadje sheke la ntondo kami lo luudu lele la lokombo lami. 16 Koko oma laasɔ, nyu nyakakadimɔ, ko nyakɔnyɔla lokombo lami+ lo nkaloya mfumbe yanyu y’apami ndo ya wamato yakanyakimɔ lo ndjela nsaki* yawɔ ndo nyakaakaloya la wolo lo lɔhɔmbɔ.’

17 “Ɔnkɔnɛ, Jehowa kata ate: ‘Nyu kokitanyiyami lo mbewoya etshungwelo, onto l’onto le ɔnango ndo le osekande.+ Ɔnkɔnɛ, dimi layanga mbewoya etshungwelo dikambo dianyu,’ mbata Jehowa, ‘otsha lo lokuwa la ta, lo elando,* lo ndjala ka kasha,+ ndo dimi layonyetɛ ɛngɔ ka wɔnɔnyi le waolelo tshɛ wa la nkɛtɛ.+ 18 Ndo kɛnɛ mbayokomɛ anto wɔnyɔla sheke yami lo woho wakiwɔ kokitanyiya ɛtɛkɛta wa lo sheke yakawadje la ntondo kami etena kakawahembola ɔsɔngɔ wa ngɔmbɛ lo 2 ndo kakawete l’atei wa tenyi diakɔ,+ 19 mbuta ate, ewandji wa Juda, ewandji wa Jɛrusalɛma, ɛnɛnɛ wa laka nkumekanga, ɛlɔmbɛdi ndo anto tshɛ wa lo wodja wakete l’atei wa tenyi dia ngɔmbɛ kakɔ: 20 Dimi layowakimɔ le atunyi awɔ ndo le wanɛ wayanga dia mbɔsa nsɛnɔ yawɔ,* ko edo awɔ wayonga mbo ya ndɛ ya tofudu ta l’olongo ndo ya nyama ya la nkɛtɛ.+ 21 Ndo dimi layokimɔ Zɛdɛkiya nkumekanga ka Juda la ewandji ande lo anya w’atunyi awɔ, lo anya wa wanɛ wayanga dia mbɔsa nsɛnɔ yawɔ,* ndo lo anya w’asɔlayi wa nkumekanga ka Babilɔna,+ wanɛ watamɔ oma le nyu.’+

22 “‘Dimi layodja didjango,’ mbata Jehowa, ‘ndo dimi layowakaloya oya lo osomba ɔnɛ, ko vɔ wayowɔlɔsha, wayowɔsa ndo wayowotshumba la dja;+ ndo dimi layetɛ esomba wa Juda nkɛtɛ ya shɛnga, aha la onto ladjasɛ lɔkɔ.’”+

35 Ɔtɛkɛta wa Jehowa wakaye le Jɛrɛmiya lo nshi ya Jɛhɔyakima+ ɔna Jɔsiya, nkumekanga ka Juda ɔnɛ: 2 “Tshɔka lo luudu l’aseka Rɛkabɛ,+ tɔtɛkɛtɛ la wɔ ndo toye la wɔ oya lo luudu la Jehowa, lo luudu lɔmɔtshi l’oleelo;* oma laasɔ, ko wɛ mbasha wanu dia vɔ nnɔ.”

3 Ko dimi lakɔshi Jazaniya ɔna Jɛrɛmiya ɔna Habaziniya, anango, anande w’apami tshɛ ndo luudu l’otondo l’aseka Rɛkabɛ, 4 ko lakɔtɔ la wɔ lo luudu la Jehowa. Dimi lakaye la wɔ lo luudu l’oleelo laki ana wa Hanana ɔna Ingidaliya, okambi wa Nzambi ka mɛtɛ laki suke la luudu l’oleelo l’ewandji, laki la diko dia luudu l’oleelo la Maseya ɔna Shaluma olami wa soko. 5 Oma laasɔ, dimi lakakitsha akɔhɔ ndo akɔhɔ wa weke wolodiami la wanu la ntondo k’apami wa lo luudu l’aseka Rɛkabɛ, ko lakawatɛ nte: “Nyɔnɔ wanu.”

6 Koko vɔ wakate ɔnɛ: “Sho hatotɔnɔ wanu, nɛ dia Jɛhɔnadaba*+ ɔna Rɛkabɛ tshɛso akatodjangɛ ate: ‘Oyadi nyu kana ananyu hanyohombe pondjo nnɔ wanu. 7 Ndo nyu hanyohombe mbika luudu, monɛ ntɔngɔ, monɛ kana monga la dikambɔ dia vinyɔ. Koko nyu pombaka mbidjasɛka nshi tshɛ lo mvudu y’apɛma, dia nyu nsɛna edja lo wodja wadjasɛnyu oko angɛndangɛnda.’ 8 Ɔnkɔnɛ, sho tekɔ lo ntetemala nkitanyiya dui dia Jɛhɔnadaba ɔna Rɛkabɛ tshɛso lo kɛnɛ tshɛ kakandatodjangɛ, lo ntona lo pondjo dia nnɔ woho tshɛ wa wanu, sho, wadiɛso, anaso w’apami ndo anaso wa wamato. 9 Ndo sho hatoke mvudu ya mbidjasɛka, sho bu la dikambɔ dia vinyɔ, dikambɔ kana ntɔngɔ. 10 Sho tekɔ lo ntetemala mbidjasɛ lo mvudu y’apɛma ndo nkitanyiya kɛnɛ tshɛ kakatodjangɛ tshɛso Jɛhɔnadaba.* 11 Koko etena kakaye Nɛbukadinɛza* nkumekanga ka Babilɔna dia ndjɔlɔsha wodja,+ sho takate shate: ‘Nyoye, nyɛsɔ totshu otsha la Jɛrusalɛma dia sho mpandɔ oma le asɔlayi w’ase Kaladiya la w’ase Suriya,’ ndo kakianɛ tekɔ lo mbidjasɛ la Jɛrusalɛma.”

12 Ko ɔtɛkɛta wa Jehowa wakaye le Jɛrɛmiya ɔnɛ: 13 “Jehowa kanga lolembelembe, Nzambi k’Isariyɛlɛ kata ate: ‘Tshɔka, tote ase Juda ndo wanɛ wadjasɛ la Jɛrusalɛma wate: “Onde nyu kotetemala keketshama dia nkitanyiya ɛtɛkɛta ami?”+ mbata Jehowa. 14 “Jɛhɔnadaba ɔna Rɛkabɛ akadjangɛ tokanula tande diaha nnɔ wanu, ko vɔ wakakitanyiya ɛtɛkɛta ande lo ntona mbanɔ polo ndo ɛlɔ, ɔnkɔnɛ vɔ wekɔ lo nkitanyiya didjango dia tshɛwɔ.+ Dimi lakanyotɛka mbala la mbala,* koko nyu kokitanyiyami.+ 15 Ndo dimi lakatetemala nyotomɛ ekambi ami tshɛ amvutshi, lakaatomaka mbala la mbala*+ dia nyotɛ ɔnɛ: ‘Lam’alanganyu, onto l’onto l’atei anyu akadimɔ oma lo mboka yanyu ya kɔlɔ+ ndo nyosale kɛnɛ kele ɔlɔlɔ! Tanyoyelake tozambizambi tokina ndo tanyotikambɛke. Ko nyayotetemala mbidjasɛ lo wodja wakamanyosha nyu la watshɛnyu.’+ Koko nyu kompokɛ atoyi anyu kana pokamɛmi. 16 Tokanula ta Jɛhɔnadaba ɔna Rɛkabɛ wakakitanyiya didjango diakawadjɛ tshɛwɔ,+ koko anto anɛ kompokamɛmi.”’”

17 “Ɔnkɔnɛ Jehowa, Nzambi kanga lolembelembe, Nzambi k’Isariyɛlɛ kata ate: ‘Dimi layanga mbela Juda ndo wanɛ tshɛ wadjasɛ la Jɛrusalɛma mpokoso tshɛ kakamaahɛmɔla,+ nɛ dia dimi lakawatɛ, koko vɔ kompokamɛ ndo dimi lakatetemala mbaelɛ, koko vɔ kombetawɔ.’”+

18 Ko Jɛrɛmiya akatɛ ase luudu l’aseka Rɛkabɛ ate: “Jehowa kanga lolembelembe, Nzambi k’Isariyɛlɛ kata ate: ‘Lam’ele nyu nyakakitanyiya didjango dia tshɛnyu Jɛhɔnadaba ndo nyekɔ lo ntetemala nkitanyiya wadjango ande tshɛ, lo nsala kɛnɛ tshɛ kakandanyodjangɛ, 19 Jehowa kanga lolembelembe, Nzambi k’Isariyɛlɛ kata ate: “Kanula ya Jɛhɔnadaba* ɔna Rɛkabɛ hahombamaki pondjo dia nkamba la ntondo kami.”’”

36 Lo ɔnɔnyi wa 4 w’ɛlɔmbwɛlɔ ka Jɛhɔyakima+ ɔna Jɔsiya, nkumekanga ka Juda, ɔtɛkɛta ɔnɛ w’oma le Jehowa wakaye le Jɛrɛmiya ɔnɛ: 2 “Ɔsa wɔɔmbɔ* ndo funda lɔkɔ awui tshɛ wakamakotɛ lo dikambo dia Isariyɛlɛ, Juda+ ndo wedja tshɛ,+ oma ko lushi la ntondo lakamatɛkɛta la yɛ lo nshi ya Jɔsiya polo ndo ɛlɔ.+ 3 Ondo etena kayoka ase luudu la Juda dikambo dia mpokoso tshɛ kasangoyami mbaela, vɔ koka nkadimɔ oma lo mboka yawɔ ya kɔlɔ, dia dimi dimanyiya munga kawɔ ndo pɛkato kawɔ.”+

4 Ko Jɛrɛmiya akelɛ Baruka+ ɔna Neriya ndo Jɛrɛmiya akawooke awui tshɛ wakawotɛ Jehowa, ko Baruka akaafunde lo wɔɔmbɔ.*+ 5 Oma laasɔ, Jɛrɛmiya akadjangɛ Baruka ate: “Dimi ndjihama ndo dimi bu la akoka wa mbɔtɔ lo luudu la Jehowa. 6 Ɔnkɔnɛ, wɛ kahomba mbɔtɔ lɔkɔ ndo mbadia oma lo wɔɔmbɔ la dui dia wolo ɛtɛkɛta wa Jehowa wakamakooke wakayafunde. Adiawɔ lo atoyi w’anto lo luudu la Jehowa lushi la ekilelo ka mbo ya ndɛ; ngasɔ kayoyadiyɛ ase Juda tshɛ waya oma lo esomba awɔ lɔkɔ. 7 Ondo Jehowa ayoka woho walɔmbawɔ kɛtshi, ndo vɔ wayokadimɔ onto l’onto oma lo mboka yande ya kɔlɔ, nɛ dia nkɛlɛ la odudu wakate Jehowa wekɔ efula otsha le anto anɛ.”

8 Ko Baruka ɔna Neriya akasale kɛnɛ tshɛ kakawodjangɛ omvutshi Jɛrɛmiya; nde akadia ɛtɛkɛta wa Jehowa la dui dia wolo oma lo wɔɔmbɔ* lo luudu la Jehowa.+

9 Lo ɔnɔnyi wa 5 w’ɛlɔmbwɛlɔ ka Jɛhɔyakima+ ɔna Jɔsiya, nkumekanga ka Juda, lo ngɔndɔ ka 9, ase Jɛrusalɛma tshɛ ndo anto tshɛ wakaye la Jɛrusalɛma oma lo esomba wa Juda wakewoya ekilelo ka mbo ya ndɛ la ntondo ka Jehowa.+ 10 Ko Baruka akadia ɛtɛkɛta wa Jɛrɛmiya w’oma lo wɔɔmbɔ* la dui dia wolo lo luudu la Jehowa, lo luudu la ndala* la Ngɛmariya+ ɔna Shafana+ osangodi,* lo sɛkɛ dia la diko, lo mbɔtwɛlɔ ka soko di’oyoyo dia luudu la Jehowa,+ lo atoyi w’anto tshɛ.

11 Etena kakoke Mikaya ɔna Ngɛmariya ɔna Shafana ɛtɛkɛta tshɛ wa Jehowa oma lo wɔɔmbɔ,* 12 nde akaholɔ lo luudu* la nkumekanga, lo luudu la ndala la sekeletɛlɛ. Ewandji* tshɛ wakadjasɛ lɔkɔ: Sekeletɛlɛ Elishama,+ Delaya ɔna Shemaya, Elɛnatana+ ɔna Akɛbɔrɛ,+ Ngɛmariya ɔna Shafana, Zɛdɛkiya ɔna Hananiya ndo ewandji ekina tshɛ. 13 Mikaya akawatɛ ɛtɛkɛta tshɛ wakandoke etena kakadia Baruka wɔɔmbɔ* lo atoyi w’anto.

14 Ko ewandji tshɛ wakatome Jehudi ɔna Netaniya ɔna Shelemiya ɔna Kushi otsha le Baruka ɔnɛ: “Yaka ndo ela wɔɔmbɔ wakayadia lo atoyi w’anto.” Baruka ɔna Neriya akɔshi wɔɔmbɔ lo lonya lande ko akatshu le wɔ. 15 Vɔ wakawotɛ vate: “Lam’alangayɛ, djasɛ kele otadiewɔ la dui dia wolo.” Ko Baruka akawadiɛwɔ.

16 Kam’akawoke ɛtɛkɛta akɔ tshɛ, vɔ wakendana la wɔma ko wakatɛ Baruka vate: “Sho pombaka mɛtɛ mbutɛ nkumekanga ɛtɛkɛta ɛsɔ tshɛ.” 17 Ndo vɔ wakambola Baruka ɔnɛ: “Lam’alangayɛ, otote woho wakayafunde ɛtɛkɛta ɛsɔ tshɛ. Onde nde kakakookakawɔ?” 18 Baruka akaakadimola ate: “Nde kakambokaka ɛtɛkɛta ɛsɔ tshɛ, ko dimi lakatawafundaka la ashi wa mukanda lo wɔɔmbɔ* ɔnɛ.” 19 Ewandji wakatɛ Baruka vate: “Tshɔka, toyashɛ wɛ la Jɛrɛmiya, ndo aha ndooko onto mbeya lɛnɛ enyu.”+

20 Oma laasɔ, vɔ wakɔtɔ le nkumekanga, lo sɛkɛ, ndo wakakitsha wɔɔmbɔ lo luudu la ndala la sekeletɛlɛ Elishama, ko vɔ wakatɛ nkumekanga awui tshɛ wakawoke.

21 Ko nkumekanga akatome Jehudi+ dia tɔsa wɔɔmbɔ ko nde akatowela oma lo luudu la ndala la sekeletɛlɛ Elishama. Jehudi akatatɛ mbaadia lo atoyi wa nkumekanga ndo w’ewandji tshɛ wakemala lale nkumekanga. 22 Nkumekanga akadjasɛ lo luudu la lo nshi ya tshitshi, lo ngɔndɔ ka 9,* ko dja yakahɛtaka lo babola la ntondo kande. 23 L’ɔkɔngɔ wa Jehudi mbadia wedi 3 kana 4, nkumekanga akahembola etenyi kakɔ la lokuwa la sekeletɛlɛ ko akakidje lo dja yakahɛtaka lo babola, polo ndo lam’akashile wɔɔmbɔ w’otondo lo dja yakahɛtaka lo babola. 24 Ndo vɔ komboka wɔma; oyadi nkumekanga kana ekambi ande tshɛ wakoke ɛtɛkɛta ɛsɔ tshɛ kombata ahɔndɔ awɔ. 25 Kaanga mbele Elɛnatana,+ Delaya+ ndo Ngɛmariya+ wakasɛngasɛnga nkumekanga diaha nde ntshumba wɔɔmbɔ, nde kombahokamɛ. 26 Laadiko dia laasɔ, nkumekanga akadjangɛ Jerahemɛlɛ ɔna nkumekanga, Seraya ɔna Aziriyɛlɛ ndo Shelemiya ɔna Abidɛlɛ dia minda sekeletɛlɛ Baruka ndo omvutshi Jɛrɛmiya, koko Jehowa akawashɛ.+

27 Ko ɔtɛkɛta wa Jehowa wakaye nto le Jɛrɛmiya l’ɔkɔngɔ wa nkumekanga ntshumba wɔɔmbɔ waki la ɛtɛkɛta wakafunde Baruka wakawookaka Jɛrɛmiya+ ɔnɛ: 28 “Ɔsa wɔɔmbɔ okina kele funda lɔkɔ ɛtɛkɛta akɔ waamɛ tshɛ waki lo wɔɔmbɔ wa ntondo, wɔnɛ wakatshumbe Jɛhɔyakima nkumekanga ka Juda.+ 29 Ndo wɛ pombaka mbutɛ Jɛhɔyakima nkumekanga ka Juda wate: ‘Jehowa kata ate: “Wɛ ambotshumba wɔɔmbɔ ɔnɛ ndo ambota wate: ‘Lande na kakayafunde lɔkɔ ɔnɛ: “Nkumekanga ka Babilɔna ayoya mɛtɛ, ayolanya wodja ɔnɛ ndo ayoshila anto la nyama ya lɔkɔ oshiki”?’+ 30 Ɔnkɔnɛ, Jehowa kata lo dikambo dia Jɛhɔyakima nkumekanga ka Juda ate: ‘Nde hatonga ndooko l’onto layodjasɛ lo kiti ka lowandji ka Davidɛ+ ndo wayokalɛ odo ande lo yanyi la yanyi ndo lo tshitshi l’otsho.+ 31 Dimi layokoya la nde, la tokanula* tande ndo la ekambi ande l’ɔtɛ wa munga kawɔ, ndo dimi layela le wɔ, le wanɛ wadjasɛ la Jɛrusalɛma ndo le ase Juda mpokoso tshɛ kakamate lo dikambo diawɔ,+ koko vɔ kompokamɛ.’”’”+

32 Ɔnkɔnɛ Jɛrɛmiya akɔshi wɔɔmbɔ okina, akawosha sekeletɛlɛ+ Baruka ɔna Neriya ko nde akafunde ɛtɛkɛta tshɛ wakatawokaka Jɛrɛmiya waki lo wɔɔmbɔ* wakatshumbe Jɛhɔyakima nkumekanga ka Juda lo dja.+ Ndo ɛtɛkɛta ekina efula wa woho akɔ wakakotshama.

37 Nkumekanga Zɛdɛkiya+ ɔna Jɔsiya akatatɛ mbolɛ lo dihole dia Kɔniya*+ ɔna Jɛhɔyakima, nɛ dia Nɛbukadinɛza* nkumekanga ka Babilɔna akawetɛ nkumekanga lo wodja wa Juda.+ 2 Koko nde la ekambi ande ndo anto wa lo wodja kompokamɛ ɛtɛkɛta wakate Jehowa lo tshimbo y’omvutshi Jɛrɛmiya.

3 Ko nkumekanga Zɛdɛkiya akatome Jehukalɛ+ ɔna Shelemiya nde la Zɛfaniya+ ɔna ɔlɔmbɛdi Maseya le omvutshi Jɛrɛmiya dia towotɛ ɔnɛ: “Lam’alangayɛ, lɔmba Jehowa Nzambi kaso lo wahɔ aso.” 4 Jɛrɛmiya aketetaka woho walangande l’atei w’anto, nɛ dia laasɔ ko watawodje lo lokanu.+ 5 L’etena kɛsɔ, asɔlayi wa Farawɔ wakatombe oma l’Edjibito,+ ko ase Kaladiya wanɛ wakadinge Jɛrusalɛma wakoke losango lo dikambo diawɔ. Ɔnkɔnɛ, vɔ wakamɔ oma la Jɛrusalɛma.+ 6 Ko ɔtɛkɛta wa Jehowa wakaye le omvutshi Jɛrɛmiya ɔnɛ: 7 “Jehowa Nzambi k’Isariyɛlɛ kata ate: ‘Kanyotote nkumekanga ka Juda, ɔnɛ lakanyotome dia ndjomimbola kanyi nyate: “Eenda, asɔlayi wa Farawɔ wayaye dia ndjonyokimanyiya wayohomba nkalola otsha lo wodja awɔ w’Edjibito.+ 8 Ko ase Kaladiya wayokalola, wayɔlɔsha osomba ɔnɛ, wayowɔsa ndo wayowotshumba la dja.”+ 9 Jehowa kata ate: “Tanyoyakesake* lo mbuta ɔnɛ: ‘Weho akɔ tshɛ, ase Kaladiya wayotomwɛ,’ nɛ dia vɔ hawototshɔ. 10 Kaanga otonyodiaka asɔlayi w’ase Kaladiya tshɛ wanyɔlɔsha ko ntshikala paka apami awɔ wakahomɔ mpota, vɔ wotoyemala oma lo mvudu yawɔ y’apɛma ndo wototshumba osomba ɔnɛ la dja.”’”+

11 Etena kakamɔ asɔlayi w’ase Kaladiya oma la Jɛrusalɛma l’ɔtɛ wa asɔlayi wa Farawɔ,+ 12 Jɛrɛmiya akatombe oma la Jɛrusalɛma otsha lo ɛtshi ka nkɛtɛ ka Bɛnjamina+ dia tolongola yema yande lɛkɔ l’atei w’anto ande. 13 Koko etena kakandakome lo Soko dia Bɛnjamina, owandji w’alami, ɔnɛ lakawelɛka Iridja ɔna Shelemiya, ɔna Hananiya akande omvutshi Jɛrɛmiya ndo akawotɛ ate: “Wɛ ekɔ lo talawɔ otsha le ase Kaladiya!” 14 Ko Jɛrɛmiya akate ate: “Aha ngasɔ! Ndooko lɛnɛ atamalawɔ otsha le ase Kaladiya.” Koko nde kombohokamɛ. Ɔnkɔnɛ, Iridja akande Jɛrɛmiya ko akɔɔtɔlɛ le ewandji. 15 Ewandji wakoke Jɛrɛmiya+ nkɛlɛ k’efula, wakɔɔkɔmɔla ndo wakawodje lo lokanu*+ lo luudu laki sekeletɛlɛ Jɛhɔnatana, lɔnɛ lakawetɛ lokanu. 16 Wakadje Jɛrɛmiya lo lokanu,* lo mvudu ya mpika ndo nde akatshikala lɛkɔ nshi efula.

17 Ko nkumekanga Zɛdɛkiya akatome anto dia towɔsa ndo nkumekanga akawombola lo woshɛshɛ lo luudu*+ lande. Nde akawombola ate: “Onde ɔtɛkɛta ɔmɔtshi w’oma le Jehowa wekɔ?” Jɛrɛmiya akate ate: “Wekɔ!” ko nde akatetemala mbuta ate: “Wɛ ayokimɔma lo anya wa nkumekanga ka Babilɔna!”+

18 Jɛrɛmiya akatɛ nkumekanga Zɛdɛkiya nto ate: “Pɛkato kakɔna kakamakosalɛ wɛ la ekambi ayɛ ndo anto anɛ kakanyambidje lo lokanu? 19 Kakianɛ, lende ele amvutshi anyu wakanyotɛ prɔfɛsiya ɔnɛ: ‘Nkumekanga ka Babilɔna hatoya ndjonyɔlɔsha ndo hatɔlɔsha wodja ɔnɛ’?+ 20 Nkumɛmi nkumekanga le, kakianɛ, hokamɛ lam’alangayɛ. Etawɔ kɛnɛ kakɔlɔmbami dia mbokami kɛtshi lam’alangayɛ. Tonkaloyake lo luudu la sekeletɛlɛ Jɛhɔnatana+ atokomotovɔ lɛkɔ.”+ 21 Ko nkumekanga Zɛdɛkiya akadjanga dia vɔ mbidja Jɛrɛmiya lo lokanu laki lo Sɛkɛ dia Olamelo,+ ndo wakawoshaka mapa w’obolonga lushi la lushi oma lo shinga ya akatshi wa mapa+ polo l’etena kakashile mapa tshɛ lo osomba.+ Ko Jɛrɛmiya akatshikalaka lo Sɛkɛ dia Olamelo.

38 Ko Shefatiya ɔna Matanɛ, Ngedaliya ɔna Pashura, Jukala+ ɔna Shelemiya ndo Pashura+ ɔna Malakidja wakoke ɛtɛkɛta wakatɛka Jɛrɛmiya anto tshɛ ate: 2 “Jehowa kata ate: ‘Onto tshɛ layotshikala lo osomba ɔnɛ ayovɔ la lokuwa la ta, la ndjala ka kasha ndo la elando.*+ Koko onto layoyakimɔ* le ase Kaladiya ayotetemala nsɛna ndo ayokondja lɔsɛnɔ* lande oko ɛngɔ ka dimbo* ndo ayɔsɛna.’+ 3 Jehowa kata ate: ‘Lo mɛtɛ osomba ɔnɛ wayokimɔma lo anya w’asɔlayi wa nkumekanga ka Babilɔna ndo nde ayowɔsa.’”+

4 Ewandji wakatɛ nkumekanga vate: “Lam’alangayɛ, pami kɛnɛ adiakeme,+ nɛ dia nde ekɔ lo nkɔmɔla etema* w’asɔlayi wambotshikala lo osomba ɔnɛ ndo w’anto tshɛ lo mbatɛ ɛtɛkɛta wa ngasɔ. Nɛ dia pami kɛnɛ ekɔ lo nyanga, aha wɔladi w’anto anɛ, koko mpokoso kawɔ.” 5 Nkumekanga Zɛdɛkiya akakadimola ate: “Eenda, nde ekɔ lo anya anyu, nɛ dia nkumekanga hakoke nsala ndooko dui dia nyoshimba.”

6 Ko vɔ wakɔshi Jɛrɛmiya ndo wakawokadja lo difuku di’ashi diaki lo Sɛkɛ dia Olamelo+ dia Malakidja ɔna nkumekanga. Vɔ wakaholoya Jɛrɛmiya la ɛkɔdi. Ashi komonga lo difuku diakɔ, paka lɔtɛkɛ, ko Jɛrɛmiya akatatɛ dinda lo lɔtɛkɛ.

7 Ɛbɛdɛ-Mɛlɛkɛ+ ose Etiyɔpiya, ɔlɛnga* wa lo luudu* la nkumekanga, akoke dia wambodja Jɛrɛmiya lo difuku. Laasɔ ko nkumekanga odjashi lo Soko dia Bɛnjamina,+ 8 ko Ɛbɛdɛ-Mɛlɛkɛ akatombe oma lo luudu* la nkumekanga ndo akatɛ nkumekanga ate: 9 “Nkumɛmi nkumekanga le, kɛnɛ kambosalɛ apami anɛ omvutshi Jɛrɛmiya kekɔ kɔlɔ! Vɔ wambowokadja lo difuku di’ashi, ndo nde ayovɔ lɔkɔ l’ɔtɛ wa ndjala, nɛ dia mbo ya ndɛ yaya bu lo osomba.”+

10 Ko nkumekanga akadjangɛ Ɛbɛdɛ-Mɛlɛkɛ ose Etiyɔpiya ate: “Ɔsa apami 30 oma lanɛ, kele nyototondja omvutshi Jɛrɛmiya oma lo difuku di’ashi la ntondo ka nde mvɔ.” 11 Ko Ɛbɛdɛ-Mɛlɛkɛ akɔshi apami ndo akatshu la wɔ otsha lo luudu* la nkumekanga lo dihole dia l’ɛse ka eombelo,+ vɔ wakɔshi ahɔndɔ amɔtshi w’emusu lɛkɔ ndo bɛtshi dia ahɔndɔ dia emusu, ko wakaholoyɛ Jɛrɛmiya la ɛkɔdi lo difuku diakɔ. 12 Ko Ɛbɛdɛ-Mɛlɛkɛ ose Etiyɔpiya akatɛ Jɛrɛmiya ate: “Lam’alangayɛ, dja ahɔndɔ ndo bɛtshi dia ahɔndɔ lam’asa kavu yayɛ la ɛkɔdi.” Jɛrɛmiya akasale ngasɔ, 13 ko vɔ wakakotola Jɛrɛmiya la ɛkɔdi ndo wakootondja oma lo difuku. Ndo Jɛrɛmiya akatshikala lo Sɛkɛ dia Olamelo.+

14 Nkumekanga Zɛdɛkiya akatome anto dia toya la omvutshi Jɛrɛmiya oya le nde lo soko dia 3 diele lo luudu la Jehowa ndo nkumekanga akatɛ Jɛrɛmiya ate: “Lekɔ la dui dimɔtshi dia kombola. Tombishɛke ndooko dui.” 15 Ko Jɛrɛmiya akatɛ Zɛdɛkiya ate: “Naka dimi kotɛ, wɛ mɛtɛ ayondjaka. Ndo naka dimi kosha dako, wɛ hatompokamɛ.” 16 Ɔnkɔnɛ, nkumekanga Zɛdɛkiya akatshibɛ Jɛrɛmiya lo woshɛshɛ ate: “Lo mɛtɛ oko wele Jehowa la lɔsɛnɔ, ɔnɛ lakatosha lɔsɛnɔ* lɔnɛ, dimi hantokodiaka ndo hantokokimɔ lo anya w’anto anɛ wayanga dia mbɔsa lɔsɛnɔ* layɛ.”

17 Ko Jɛrɛmiya akatɛ Zɛdɛkiya ate: “Jehowa Nzambi kanga lolembelembe, Nzambi k’Isariyɛlɛ kata ate: ‘Naka wɛ ndjakimɔ* le ewandji wa nkumekanga ka Babilɔna, lɔsɛnɔ layɛ layokokamɛ* ndo osomba ɔnɛ hawototshumbama la dja, ko wɛ l’ase luudu layɛ nyayokokamɛ.+ 18 Koko naka wɛ hayakimwe* le ewandji wa nkumekanga ka Babilɔna, osomba ɔnɛ wayokimɔma le ase Kaladiya ndo vɔ wayowotshumba la dja,+ ko wɛ hatohandɔ oma lo anya awɔ.’”+

Vɔ wambosala dia lokolo layɛ dinda lo lɔtɛkɛ.

Kakianɛ, vɔ wambonya demba.’

23 Vɔ wekɔ lo tatɔlɛ wadiɛyɛ tshɛ ndo anayɛ w’apami otsha le ase Kaladiya ndo wɛ hatohandɔ oma lo anya awɔ, koko nkumekanga ka Babilɔna+ ayokonda ndo osomba ɔnɛ wayotshumbama la dja l’ɔtɛ ayɛ.”+

24 Ko Zɛdɛkiya akatɛ Jɛrɛmiya ate: “Aha ndooko onto mbeya awui asɔ, diaha wɛ mvɔ. 25 Ndo naka ewandji mboka dia dimi lakasawodi la yɛ ko vɔ ndja ndjokotɛ ɔnɛ: ‘Lam’alangayɛ, otote kɛnɛ kakayate nkumekanga. Totoshɛke ndooko dui, ko sho hatotokodiaka.+ Kakɔna kakakote nkumekanga?’ 26 wɛ pombaka mbakadimola wate: ‘Lakalɔmbaki nkumekanga, diaha nde kaloyami lo luudu la Jɛhɔnatana dia dimi tovɔ lɛkɔ.’”+

27 L’ɔkɔngɔ diko, ewandji tshɛ wakaye le Jɛrɛmiya ko wakawombola. Nde akawatɛ awui tshɛ wakawodjangɛ nkumekanga dia mbuta. Ko vɔ kombotɛ ndooko dui nto, nɛ dia ndooko onto lakoke sawo diawɔ. 28 Polo lushi lakɔsama Jɛrusalɛma, Jɛrɛmiya akatshikala lo Sɛkɛ dia Olamelo;+ nde aki paka lɔkɔ etena kakɔsama Jɛrusalɛma.+

39 L’ɔnɔnyi wa 9 w’ɛlɔmbwɛlɔ ka Zɛdɛkiya nkumekanga ka Juda, lo ngɔndɔ ka 10, Nɛbukadinɛza* nkumekanga ka Babilɔna akaye la asɔlayi ande tshɛ la Jɛrusalɛma ndo vɔ wakayidinge.+

2 L’ɔnɔnyi wa 11 w’ɛlɔmbwɛlɔ ka Zɛdɛkiya, lo ngɔndɔ ka 4 nshi 9, vɔ wakatondola ehele k’osomba.+ 3 Ndo ewandji tshɛ wa nkumekanga ka Babilɔna ɛnɛ wakɔtɔ, ko wakadjasɛ lo Soko dia L’atei:+ Nɛrɛngala-Sharɛzɛrɛ laki Samɛngarɛ, Nɛbɔ-sarɛsɛkimɛ laki Rabisarisi,* Nɛrɛngala-Sharɛzɛrɛ laki Rabimangɛ* ndo ewandji ekina tshɛ wa nkumekanga ka Babilɔna.

4 Etena kakawaɛnyi Zɛdɛkiya nkumekanga ka Juda nde la asɔlayi tshɛ, vɔ wakalawɔ,+ wakatombe oma lo osomba l’otsho lo mboka k’otsha lo ekambɔ ka nkumekanga, lo soko diaki lam’asa mpele 2 ndo vɔ wakatetemala lo mboka k’otsha la Araba.+ 5 Koko asɔlayi w’ase Kaladiya wakawatshanya, ko vɔ wakatonda Zɛdɛkiya lo laandja l’oswe wa Jeriko.+ Vɔ wakawonde ko wakawela le Nɛbukadinɛza* nkumekanga ka Babilɔna+ la Ribila lo wodja wa Hamatɛ,+ lɛnɛ akandatoolombosha. 6 Nkumekanga ka Babilɔna akadiake ana wa Zɛdɛkiya lɛkɔ la Ribila lo washo ande ndo nkumekanga ka Babilɔna akadiake ɛlɔhɛ tshɛ wa Juda.+ 7 Ko nde akole Zɛdɛkiya washo; oma laasɔ, nde akookeleka mɔlɔla wa nkonga dia mbɔtɔla la Babilɔna.+

8 Oma laasɔ, ase Kaladiya wakatshumbe luudu la nkumekanga* ndo mvudu y’anto,+ ndo vɔ wakanyukola mpele dia Jɛrusalɛma.+ 9 Nɛbuzaradana+ owandji w’alami, akande anto wakatshikala l’osomba, wanɛ wakete lo wedi ande ndo wanɛ tshɛ wakatshikala, ko akatshu la wɔ lo lɔhɔmbɔ la Babilɔna.

10 Koko Nɛbuzaradana owandji w’alami akatshike anto amɔtshi woleki wola lo wodja wa Juda, wanɛ waki komonga ndooko la ɛngɔ. Ndo nto, lushi lɔsɔ, nde akawasha dikambɔ dia vinyɔ la dikambɔ dia kambaka.*+

11 Ko Nɛbukadinɛza* nkumekanga ka Babilɔna akadjangɛ Nɛbuzaradana owandji w’alami lo dikambo dia Jɛrɛmiya ate: 12 “Ɔsande ndo lamakande; towosalɛke kɔlɔ ndo kowoshake kɛnɛ tshɛ kayondokɔlɔmba.”+

13 Ɔnkɔnɛ, Nɛbuzaradana owandji w’alami, Nɛbushazabana ɔnɛ laki Rabisarisi,* Nɛrɛngala-Sharɛzɛrɛ laki Rabimangɛ* ndo ɛnɛnɛ tshɛ wa nkumekanga ka Babilɔna wakatome anto, 14 ko vɔ wakatɔsa Jɛrɛmiya oma lo Sɛkɛ dia Olamelo+ ndo wakayookimɔ le Ngedaliya+ ɔna Ahikama+ ɔna Shafana+ dia nde mbɔtɔla lo luudu lande. Ko nde akatodjasɛ l’atei w’anto.

15 Etena kakadihama Jɛrɛmiya lo Sɛkɛ dia Olamelo,+ ɔtɛkɛta wa Jehowa wakaye le nde ɔnɛ: 16 “Tshɔka tote Ɛbɛdɛ-Mɛlɛkɛ+ ose Etiyɔpiya wate: ‘Jehowa kanga lolembelembe, Nzambi k’Isariyɛlɛ kata ate: “Dimi layanga nkotsha ɛtɛkɛta ami lo osomba ɔnɛ dikambo dia mpokoso, koko aha dia ɔlɔlɔ, ndo lushi lakɔ wɛ ayɛna dui diakɔ diambosalema.”’

17 “‘Koko dimi layokotshungola lushi lakɔ,’ mbata Jehowa, ‘ndo wɛ hatokimɔma le anto wokayɛ wɔma.’

18 “‘Nɛ dia dimi mɛtɛ layokohandja ndo wɛ hatovɔ la lokuwa la ta. Wɛ ayokondja lɔsɛnɔ* layɛ oko ɛngɔ ka dimbo,*+ nɛ dia wɛ akayaɛkɛ le mi,’+ mbata Jehowa.”

40 Ɔtɛkɛta wakaye le Jɛrɛmiya oma le Jehowa l’ɔkɔngɔ wa Nɛbuzaradana+ owandji w’alami mbotshungola oma la Rama.+ Nde akawɔshi oma lɛkɔ okelekami mɔlɔla ndo nde aki l’atei w’ase Jɛrusalɛma l’ase Juda tshɛ wakawatɔlɛ lo lɔhɔmbɔ la Babilɔna. 2 Ko owandji w’alami akɔshi Jɛrɛmiya ndo akawotɛ ate: “Jehowa Nzambi kayɛ akewoya mpokoso kɛnɛ dikambo di’osomba ɔnɛ, 3 ndo Jehowa akakiela paka oko wakandate, nɛ dia nyu nyakasalɛ Jehowa pɛkato ndo nyu kokitanyiya dui diande. Diakɔ diakanyokomɛ dui nɛ.+ 4 Kakianɛ, dimi lambokotshungola ɛlɔ oma lo mɔlɔla waki lo anya ayɛ. Naka wɛ mɛnaka dimɛna dia ntshɔ kaamɛ la mi la Babilɔna, kete yaka, ndo dimi layokolama. Koko naka wɛ halange ntshɔ la mi otsha la Babilɔna, kete toyake. Eenda, wodja w’otondo wekɔ la ntondo kayɛ. Tshɔka lɛnɛ tshɛ ayoyɔsɔna.”+

5 Lam’ele laasɔ ko Jɛrɛmiya atakalola, Nɛbuzaradana akawotɛ ate: “Kalola le Ngedaliya+ ɔna Ahikama+ ɔna Shafana,+ ɔnɛ lele nkumekanga ka Babilɔna akɔɔsɔnɛ dia nɔmbɔla esomba wa Juda, kele todjasɛ la nde l’atei w’anto; kana tshɔka lɛnɛ tshɛ ayoyɔsɔna.”

Ko owandji w’alami akawosha mbo ya ndɛ ndo woshasha ko akootshike dia nde ntshɔ. 6 Ko Jɛrɛmiya akatshu otsha le Ngedaliya ɔna Ahikama la Mizipa+ ko akatodjasɛ la nde l’atei w’anto wakatshikala lo wodja.

7 Oma laasɔ, ewandji tshɛ w’asɔlayi, wanɛ waki lo oswe l’anto awɔ wakoke dia nkumekanga ka Babilɔna ambɔsɔna Ngedaliya ɔna Ahikama dia monga laadiko dia wodja ndo ɔnɛ nde ambɔɔsɔna dia monga laadiko dia apami, wamato ndo ana w’akɛnda oma l’atei w’ase wola wa lo wodja wakiwɔ kɔtɔla la Babilɔna.+ 8 Ko vɔ wakaye oya le Ngedaliya la Mizipa.+ Anto akɔ ko, Ishimaɛlɛ+ ɔna Netaniya, Johanana+ ndo Jɔnatana ana wa Karea, Seraya ɔna Tanumɛta, ana wa Efai ose Netɔfa, ndo Jezaniya+ ɔna ose Maakata, kaamɛ l’anto awɔ. 9 Ngedaliya ɔna Ahikama ɔna Shafana akaatshibɛ vɔ l’anto awɔ ate: “Tanyokake wɔma dia kambɛ ase Kaladiya. Nyodjasɛ lo wodja ndo nyokambee nkumekanga ka Babilɔna, ko akambo wayeta dimɛna le nyu.+ 10 Koko dimi layotshikala la Mizipa dia monga onyimpala anyu le* ase Kaladiya wayaye oya le so. Koko nyu pombaka ntshumanya wanu, elowa wa lo nshi y’ɔwɔ la esɔ ko mbidja lo diangɔ dianyu dia eombelo ndo mbidjasɛ lo esomba wakanyɔshi.”+

11 Ase Juda tshɛ waki la Mɔaba, la Amɔna ndo la Ɛdɔmɛ, mbidja ndo wanɛ waki lo wedja ekina tshɛ, vɔ la wɔ wakoke dia nkumekanga ka Babilɔna akatshike atshikadi amɔtshi la Juda ndo ɔnɛ nde akasɔnɛ Ngedaliya ɔna Ahikama ɔna Shafana dia monga owandji awɔ. 12 Ko ase Juda tshɛ wakatatɛ nkalola oma lo ahole tshɛ wakawadianganyema, ndo vɔ wakaye lo wodja wa Juda le Ngedaliya la Mizipa. Vɔ wakatshumanya wanu ndo elowa wa lo nshi y’ɔwɔ lo yɛdikɔ y’efula.

13 Johanana ɔna Karea nde la ewandji tshɛ w’asɔlayi wanɛ waki l’oswe wakaye le Ngedaliya la Mizipa. 14 Vɔ wakawotɛ vate: “Onde wɛ heye dia Baalisi nkumekanga k’ase Amɔna+ akatome Ishimaɛlɛ ɔna Netaniya dia ndjokodiaka?”*+ Koko Ngedaliya ɔna Ahikama kombaetawɔ.

15 Ko Johanana ɔna Karea akatɛ Ngedaliya lo woshɛshɛ la Mizipa ate: “Dimi layanga ntshɔ dia todiaka Ishimaɛlɛ ɔna Netaniya ndo ndooko onto layeya dui sɔ. Lande na kahombande kodiaka,* ndo lande na kahomba ase Juda tshɛ wanɛ wakatshumana le yɛ pandjɔma ndo atshikadi w’ase Juda ndjakema?” 16 Koko Ngedaliya+ ɔna Ahikama akatɛ Johanana ɔna Karea ate: “Tosalake dui sɔ, nɛ dia kɛnɛ katayɛ lo dikambo dia Ishimaɛlɛ kekɔ kashi.”

41 Lo ngɔndɔ ka 7, Ishimaɛlɛ ɔna Netaniya ɔna Elishama,+ laki lo ɔlɔndji wa nkumekanga* ndo ɔnɛnɛ ɔmɔtshi wa nkumekanga, akaye kaamɛ l’apami akina 10 le Ngedaliya ɔna Ahikama la Mizipa.+ Etena kakawalɛka diangɔ kaamɛ la Mizipa, 2 Ishimaɛlɛ ɔna Netaniya ndo apami 10 waki kaamɛ la nde wakonɛ ndo wakadiake Ngedaliya ɔna Ahikama ɔna Shafana la lokuwa la ta. Ɔnkɔnɛ, nde akadiake ɔnɛ lele nkumekanga ka Babilɔna akɔɔsɔnɛ dia nɔmbɔla wodja. 3 Ishimaɛlɛ akadiake ndo ase Juda tshɛ waki kaamɛ la Ngedaliya la Mizipa ndo asɔlayi w’ase Kaladiya waki lɛkɔ.

4 Lushi la 2 l’ɔkɔngɔ wa vɔ ndjaka Ngedaliya, la ntondo k’anto tshɛ mbeya dui sɔ, 5 apami 80 wakaye oma la Shɛkɛmɛ,+ oma la Shilo+ ndo oma la Samariya.+ Wakanya ndɛdu yawɔ, wakaatshatsha ahɔndɔ awɔ, vɔ wakayahomuya mpota,+ waki la elambo wa ntɔngɔ ndo tshɔ ya wɛma+ lo anya awɔ dia mbela lo luudu la Jehowa. 6 Ko Ishimaɛlɛ ɔna Netaniya akatombe oma la Mizipa dia tohomana la wɔ, atalele etena kakandatatshɔka. Etena kakandahomana la wɔ, nde akawatɛ ate: “Nyoye le Ngedaliya ɔna Ahikama.” 7 Koko lam’akawɔtɔ lo osomba, Ishimaɛlɛ ɔna Netaniya nde l’anto ande wakaadiake ko wakawakasha lo difuku di’ashi.

8 Koko apami 10 l’atei awɔ wakatɛ Ishimaɛlɛ vate: “Totodiakake, nɛ dia sho takashɛ eponga, asami, esɔ ndo osanga lo ekambɔ.” Ko nde kombadiaka kaamɛ la anangɛwɔ. 9 Ko Ishimaɛlɛ akakasha edo w’anto tshɛ wakandadiake lo difuku di’ashi dia woke diakasale nkumekanga Asa l’ɔtɛ wa Baasha nkumekanga k’Isariyɛlɛ.+ Ɔsɔ kele difuku di’ashi diakalodia Ishimaɛlɛ ɔna Netaniya la edo w’anto.

10 Ishimaɛlɛ akande atshikadi tshɛ wa la Mizipa,+ mbidja ndo ana wa wamato wa nkumekanga ndo anto tshɛ wakatshikala la Mizipa mfumbe, wanɛ wele Nɛbuzaradana owandji w’alami akawadje lo lokanu laki Ngedaliya+ ɔna Ahikama. Ishimaɛlɛ ɔna Netaniya akawande mfumbe ndo akatenyanya la wɔ otsha le ase Amɔna.+

11 Etena kakoke Johanana+ ɔna Karea ndo ewandji tshɛ w’asɔlayi waki kaamɛ la nde awui wa kɔlɔ tshɛ wakasale Ishimaɛlɛ ɔna Netaniya, 12 vɔ wakɔshi apami tshɛ ko wakatshu dia tɔlɔsha Ishimaɛlɛ ɔna Netaniya ndo vɔ wakatootana suke la ashi* wa weke la Ngibiyɔna.

13 Anto tshɛ waki kaamɛ la Ishimaɛlɛ wakangɛnangɛna etena kakawɛnyi Johanana ɔna Karea ndo ewandji tshɛ w’asɔlayi waki kaamɛ la nde. 14 Ko anto tshɛ wele Ishimaɛlɛ akaatɔlɛ mfumbe oma la Mizipa+ wakakadimɔ ndo wakakalola kaamɛ la Johanana ɔna Karea. 15 Koko Ishimaɛlɛ ɔna Netaniya nde la apami 8 l’atei w’anto ande wakahandɔ oma le Johanana ko wakatshu le ase Amɔna.

16 Johanana ɔna Karea nde la ewandji tshɛ w’asɔlayi waki kaamɛ la nde wakɔshi atshikadi w’anto oma la Mizipa, wanɛ wakawahandja oma le Ishimaɛlɛ ɔna Netaniya l’ɔkɔngɔ wa nde ndjaka Ngedaliya+ ɔna Ahikama. Vɔ wakakaloya apami, asɔlayi, wamato, ana ndo ɛnɛnɛ wa laka nkumekanga oma la Ngibiyɔna. 17 Ko vɔ wakatshu ndo wakatotshikala lo dihole dia mpango diaki Kimihamɛ suke la Bɛtɛlɛhɛma,+ wasangoya dia ntshɔ otsha l’Edjibito+ 18 l’ɔtɛ w’ase Kaladiya. Nɛ dia vɔ wakawaokaka wɔma, oma ko etena kakadiake Ishimaɛlɛ ɔna Netaniya Ngedaliya ɔna Ahikama, ɔnɛ lele nkumekanga ka Babilɔna akɔɔsɔnɛ dia nɔmbɔla wodja.+

42 Ko ewandji tshɛ w’asɔlayi ndo Johanana+ ɔna Karea, Jezaniya ɔna Hɔshaya l’anto tshɛ ntatɛ oma le ɔnɛ loleki tshitshɛ polo le ɔnɛ loleki woke wakasukana 2 ko wakatɛ omvutshi Jɛrɛmiya vate: “Lam’alangayɛ, hokamɛ ɔsɛngɔsɛngɔ aso dia tooka kɛtshi ndo lɔmba Jehowa Nzambi kayɛ lo wahɔ aso, lo wahɔ w’atshikadi anɛ tshɛ, nɛ dia lo anto efula, yema tshitshɛ tsho mbambotshikala+ oko wakokayɛ diɛna. 3 Jehowa Nzambi kayɛ atote mboka kahombaso nkɛndakɛnda ndo kɛnɛ kahombaso nsala.”

4 Omvutshi Jɛrɛmiya akaakadimola ate: “Dimi lambonyooka ndo lekɔ lo nɔmba Jehowa Nzambi kanyu lo ndjela kɛnɛ kalɔmbanyu; ndo ɔtɛkɛta tshɛ wayonyokadimola Jehowa, dimi layonyotɛ. Dimi hantonyoshɛ ndooko dui.”

5 Vɔ wakakadimola Jɛrɛmiya vate: “Jehowa ayale ɔmɛnyi wa mɛtɛ ndo wa kɔlamelo le so naka hatosadi kɛnɛ tshɛ kayototɛ Jehowa Nzambi kayɛ lo tshimbo yayɛ. 6 Oyadi ɔlɔlɔ kana kɔlɔ, sho tayokitanyiya dui dia Jehowa Nzambi kaso, ɔnɛ lakotomaso le nde, dia akambo ndowana le so l’ɔtɛ wakitanyiyaso dui dia Jehowa Nzambi kaso.”

7 Nshi 10 l’ɔkɔngɔ, ɔtɛkɛta wa Jehowa wakaye le Jɛrɛmiya. 8 Ko nde akelɛ Johanana ɔna Karea ndo ewandji tshɛ w’asɔlayi waki kaamɛ la nde l’anto tshɛ, ntatɛ oma le ɔnɛ loleki tshitshɛ polo le ɔnɛ loleki woke.+ 9 Nde akawatɛ ate: “Jehowa Nzambi k’Isariyɛlɛ, ɔnɛ lakanyantome le nde dia towotɛ ɔsɛngɔsɛngɔ anyu dia mbokama kɛtshi kata ate: 10 ‘Naka nyu mɛtɛ nyayotshikala lo wodja ɔnɛ, kete dimi layonyohika ndo hantonyohandjola, dimi layonyonɛ ndo hantonyokundola, nɛ dia dimi layonyanga* l’ɔtɛ wa mpokoso kakamanyela.+ 11 Tanyokake wɔma l’ɔtɛ wa nkumekanga ka Babilɔna, ɔnɛ lokanyu wɔma.’+

“‘Tanyokake wɔma l’ɔtɛ ande,’ mbata Jehowa, ‘nɛ dia dimi lekɔ kaamɛ la nyu, dia nyoshimbɛ ndo dia nyohandja oma lo anya ande. 12 Dimi layonyoka kɛtshi+ ndo nde ayonyoka kɛtshi, ko ayonyokaloya lo wodja anyu hita.

13 “‘Koko naka nyu mbuta nyate: “Keema, sho hatototshikala lo wodja ɔnɛ!” ndo nyu ntona nkitanyiya dui dia Jehowa Nzambi kanyu 14 lo mbuta ɔnɛ: “Keema, sho tayotshɔ lo wodja w’Edjibito+ lɛnɛ ahatatɛna ata, kana mboka wondjo wa wɔɔndjɔ kana ndjala; lɛkɔ mbayotodjasɛ,” 15 kete nyohokame ɔtɛkɛta wa Jehowa, nyu atshikadi wa Juda. Jehowa kanga lolembelembe, Nzambi k’Isariyɛlɛ kata ate: “Naka mɛtɛ nyamboyashikikɛ dia ntshɔ l’Edjibito, ko nyambotshɔ dia todjasɛ* lɛkɔ, 16 kete lokuwa la ta lokanyu wɔma layokoma le nyu lɛkɔ lo wodja w’Edjibito ndo ndjala ka kasha kokanyu wɔma kayoyelana la nyu l’Edjibito, ko nyu nyayovɔ lɛkɔ.+ 17 Ndo anto tshɛ wamboyashikikɛ dia ntshɔ l’Edjibito todjasɛ lɛkɔ wayovɔ la lokuwa la ta, la ndjala ka kasha ndo la elando.* Ndooko onto l’atei awɔ layotshikala la lɔsɛnɔ kana layohandɔ lo mpokoso kayomowaela.”’

18 “Nɛ dia Jehowa kanga lolembelembe, Nzambi k’Isariyɛlɛ kata ate: ‘Paka oko wakahongɔ nkɛlɛ kami ndo odudu ami le anto wadjasɛ la Jɛrusalɛma,+ mbayohongɔ odudu ami le nyu naka nyu ntshɔ l’Edjibito, ndo nyu nyayoyala ɛngɔ kadjama etshii, ɛngɔ ka diambo, mananu ndo lɔtɛngɔ,+ ndo nyu hanyɛnaki dihole nɛ nto pondjo.’

19 “Atshikadi wa Juda le, Jehowa ambɔtɛkɛta lo dikambo dianyu. Tanyotshɔke l’Edjibito. Nyu pombaka mbeya mɛtɛ dia dimi lambonyɔhɛmɔla ɛlɔ 20 ɔnɛ munga kanyu kayonyoshishɛ nsɛnɔ* yanyu. Nɛ dia nyu nyakantome le Jehowa Nzambi kanyu nyate: ‘Lɔmba Jehowa Nzambi kaso lo wahɔ aso kele yotote dui tshɛ diayota Jehowa Nzambi kaso, ko sho tayodisala.’+ 21 Ndo dimi lakanyote ɛlɔ, koko nyu hanyotokitanyiya dui dia Jehowa Nzambi kanyu kana nsala kɛnɛ tshɛ kakandantomi dia ndjonyotɛ.+ 22 Ɔnkɔnɛ, nyeye mɛtɛ dia la lokuwa la ta, la ndjala ka kasha ndo la elando mbayonyovɔ lo dihole diakombolanyu ntshɔ ndo todjasɛ.”+

43 Etena kakashidiya Jɛrɛmiya mbutɛ anto tshɛ ɛtɛkɛta ɛsɔ tshɛ w’oma le Jehowa Nzambi kawɔ, ɔtɛkɛka tshɛ wakootome Jehowa Nzambi kawɔ dia ndjowatɛ, 2 Azariya ɔna Hɔshaya, Johanana+ ɔna Karea ndo akanga w’etako tshɛ wakatɛ Jɛrɛmiya ɔnɛ: “Kɛnɛ katayɛ kekɔ kashi! Jehowa Nzambi kaso hakotomi dia ndjototɛ ɔnɛ: ‘Tanyotshɔke l’Edjibito dia todjasɛ lɛkɔ.’ 3 Koko Baruka+ ɔna Neriya kakotshutshuya dia tokimɔ lo anya w’ase Kaladiya, dia todiaka kana tɔtɔla lo lɔhɔmbɔ la Babilɔna.”+

4 Ɔnkɔnɛ, Johanana ɔna Karea nde la ewandji tshɛ w’asɔlayi ndo anto tshɛ kokitanyiya dui dia Jehowa dia ntshikala lo wodja wa Juda. 5 Koko Johanana ɔna Karea nde la ewandji tshɛ w’asɔlayi wakɔshi atshikadi tshɛ wa la Juda wakakalola oma lo wedja tshɛ wakawadianganyema dia ndjodjasɛ lo wodja wa Juda.+ 6 Vɔ wakɔshi apami, wamato, ana, ana wa wamato wa nkumekanga ndo anto tshɛ* wele Nɛbuzaradana+ owandji w’alami akaatshike vɔ la Ngedaliya+ ɔna Ahikama,+ ɔna Shafana+ ndo omvutshi Jɛrɛmiya nde la Baruka ɔna Neriya. 7 Ndo vɔ wakatshu otsha lo wodja w’Edjibito, nɛ dia vɔ kokitanyiya dui dia Jehowa, ko wakatshu polo la Tapanɛhɛsɛ.+

8 Ko ɔtɛkɛta wa Jehowa wakaye le Jɛrɛmiya la Tapanɛhɛsɛ ɔnɛ: 9 “Ɔsa ave wa weke lo anya ayɛ kele towashɛ lo nkɛtɛ ya lɔsɔha yele lo obondo w’atafadi wa lo mbɔtwɛlɔ ka luudu la Farawɔ la Tapanɛhɛsɛ, etena kenda ase Juda. 10 Oma laasɔ, ko wɛ mbatɛ wate: ‘Jehowa kanga lolembelembe, Nzambi k’Isariyɛlɛ kata ate: “Dimi layanga mbelɛ Nɛbukadinɛza* nkumekanga ka Babilɔna, okambi ami+ ndo dimi layokitsha kiti kande ka lowandji laadiko dia ave wamomoshɛ anɛ, ko nde ayoka luudu lande la dipɛma l’owandji laadiko diawɔ.+ 11 Ndo nde ayɔtɔ lɔkɔ ko ayɔkɔmɔla wodja w’Edjibito.+ Sui dia nyɔi diayonga le onto tshɛ lakoka la sui dia nyɔi, lɔhɔmbɔ layonga le onto tshɛ lakoka la lɔhɔmbɔ, ndo lokuwa la ta layonga le onto tshɛ lakoka la lokuwa la ta.+ 12 Dimi layotshumba mvudu* ya tozambizambi ta l’Edjibito la dja+ ndo nkumekanga kakɔ ayowatshumba ko ayowatɔla lo lɔhɔmbɔ. Nde ayoyaɔmba la wodja w’Edjibito oko watoyaɔmbaka olami w’ɛkɔkɔ dihɔndɔ diande ndo nde ayomɔ oma lɛkɔ lo wɔladi.* 13 Nde ayohendjahendja dikundji* dia Bɛtɛ-Shɛmɛshɛ* lo wodja w’Edjibito ndo nde ayotshumba mvudu* ya tozambizambi ta l’Edjibito la dja.”’”

44 Ɔtɛkɛta wakaye le Jɛrɛmiya lo dikambo di’ase Juda tshɛ wakadjasɛka lo wodja w’Edjibito,+ wanɛ wakadjasɛka la Mingidɔlɛ,+ Tapanɛhɛsɛ,+ Nofu*+ ndo lo wodja wa Patɛrɔsɛ+ ɔnɛ: 2 “Jehowa kanga lolembelembe, Nzambi k’Isariyɛlɛ kata ate: ‘Nyu nyakɛnyi mpokoso tshɛ kakamela la Jɛrusalɛma+ ndo lo esomba tshɛ wa Juda, ndo ɛlɔ vɔ wambolanyema aha la onto ladjasɛ lɔkɔ.+ 3 L’ɔtɛ w’awui wa kɔlɔ wakawasale dia mbotshami nkɛlɛ lo ntshɔ tolambola elambo+ ndo lo kambɛ tozambizambi tokina takiwɔ kombeya, oyadi nyu kana watshɛnyu.+ 4 Dimi lakatetemalaka nyotomɛ ekambi ami tshɛ amvutshi, lakaatomaka mbala la mbala* dia ndjonyotɛ ɔnɛ: “Lam’alanganyu, tanyosalake dikambo dia wɔnɔnyi nɛ diahetshami.”+ 5 Koko vɔ kompokamɛ kana mpokɛ atoyi awɔ dia nkalola oma lo kɔlɔ kawɔ dia ntshika nambola tozambizambi tokina elambo.+ 6 Ko odudu ami ndo nkɛlɛ kami kakatshulɔ, kakahɛtɛ lo esomba wa Juda ndo lo toshinga ta la Jɛrusalɛma, ko vɔ wakayala elanyelo ndo tɔngɔ to oko wewɔ ɛlɔ.’+

7 “Kakianɛ, Jehowa Nzambi kanga lolembelembe, Nzambi k’Isariyɛlɛ kata ate: ‘Lande na kayayangɛnyu nyuamɛ* mpokoso ka woke, dia pami ndo womoto tshɛ, ɔna ndo ɔna ashashi ndjolanyema la Juda aha la nyotshikɛ kaanga atshikadi? 8 Lande na kahombanyu mbotshami nkɛlɛ la elimu w’anya anyu lo nambolaka tozambizambi tokina elambo lo wodja w’Edjibito lɛnɛ akanyatshu todjasɛ? Nyu nyayolanyema ndo nyayonga ɛngɔ ka mananu la ka lɔtɛngɔ l’atei wa wedja tshɛ wa la nkɛtɛ.+ 9 Onde nyu nyambohɛ etsha wa kɔlɔ wa watshɛnyu, etsha wa kɔlɔ wa nkumi ya dikanga ya Juda,+ etsha wa kɔlɔ wa wadiɛwɔ,+ kaamɛ ndo etsha anyu hita wa kɔlɔ la etsha wa kɔlɔ wa wadiɛnyu+ wakasalema lo wodja wa Juda ndo lo toshinga ta la Jɛrusalɛma? 10 Polo ndo ɛlɔ, vɔ watayakitshakitsha,* vɔ watoke ndooko wɔma+ ndo vɔ watakɛndakɛnda lo ɛlɛmbɛ ami la wadjango ami wakamakitsha la ntondo kanyu ndo ka watshɛnyu.’+

11 “Ɔnkɔnɛ, Jehowa kanga lolembelembe, Nzambi k’Isariyɛlɛ kata ate: ‘Dimi lamboyashikikɛ dia nyela mpokoso, dia ndanya Juda y’otondo. 12 Ndo dimi layɔsa atshikadi wa Juda wanɛ wakayashikikɛ dia ntshɔ lo wodja w’Edjibito dia todjasɛ lɛkɔ, ko vɔ tshɛ wayolanyema lo wodja w’Edjibito.+ Vɔ wayodiakema la lokuwa la ta ndo wayovɔ la ndjala ka kasha; ntatɛ oma le ɔnɛ loleki tshitshɛ polo le ɔnɛ loleki woke, vɔ wayovɔ la lokuwa la ta ndo la ndjala ka kasha. Ndo vɔ wayoyala ɛngɔ kadjama etshii, ɛngɔ ka diambo, mananu ndo lɔtɛngɔ.+ 13 Dimi layosha wanɛ wadjasɛ lo wodja w’Edjibito dilanya oko wakamasha Jɛrusalɛma dilanya la lokuwa la ta, la ndjala ka kasha ndo la elando.*+ 14 Ndo atshikadi wa Juda wanɛ wakatshu todjasɛ lo wodja w’Edjibito hawotohandɔ kana ntshikala la lɔsɛnɔ dia nkalola lo wodja wa Juda. Vɔ wayokombola* nkalola todjasɛ lɛkɔ, koko vɔ hawotokalola, onyake ase dawo yema tshitshɛ tsho.’”

15 Apami tshɛ wakeye dia wadiɛwɔ wakalambolaka tozambizambi tokina elambo ndo wadi akɔ tshɛ wakemala laawɔ, wanɛ wakakenge olui wa woke, ndo wanɛ tshɛ wakadjasɛka lo wodja w’Edjibito,+ la Patɛrɔsɛ+ wakakadimola Jɛrɛmiya vate: 16 “Sho hatotohokamɛ ɔtɛkɛta wakayatotɛ lo lokombo la Jehowa. 17 Koko lo mɛtɛ, sho tayokotsha ɛtɛkɛta tshɛ wakatɛkɛta enyɔ aso, dia nambola Nkumekanga ka womoto ka l’Olongo* elambo ndo mbotshulwɛ elambo wa lotɛ,+ paka oko wakatasale sho, watshɛso, nkumi ya dikanga yaso la ewandji aso lo esomba wa Juda ndo lo toshinga ta la Jɛrusalɛma etena kakiso la mbo ya ndɛ tshavutshavu ndo kakatɔɔkaka lo diɛngɔ, etena kakiso kɔmɛnaka kaanga mpokoso ɔtɔi. 18 Oma ko etena kakatatshike nambola Nkumekanga ka womoto ka l’Olongo* elambo ndo mbotshulwɛ elambo wa lotɛ, takahombe ɛngɔ tshɛ, ko takalanyema la lokuwa la ta ndo la ndjala ka kasha.”

19 Wamato wakakotsha ɔnɛ: “Etena kakatalambolaka Nkumekanga ka womoto ka l’Olongo* elambo ndo kakatootshulwɛka elambo wa lotɛ, shi la lolango laki waomɛso mbakatalambolaka elambo w’ekate wafɔna la osato ande ndo kakatotshulwɛka elambo wa lotɛ?”

20 Ko Jɛrɛmiya akatɛ anto tshɛ, apami la wadiɛwɔ ndo anto tshɛ wakatɛkɛtaka la nde ate: 21 “Elambo wakanyalambolaka, nyu, watshɛnyu, nkumi ya dikanga yanyu, ewandji anyu, ndo anto wa lo wodja lo esomba wa Juda ndo lo toshinga ta la Jɛrusalɛma,+ Jehowa akawaohɔ ndo vɔ wakonge l’otema ande! 22 L’ekomelo, Jehowa kokoka nto mbikikɛ ditshelo dianyu dia kɔlɔ la akambo wa wɔnɔnyi wakanyasale, ndo wodja anyu wakayala dihole diakalanyema, ɛngɔ ka diambo ndo ka mananu, aha la onto ladjasɛ lɔkɔ, oko wediɔ ɛlɔ.+ 23 Nɛ dia nyu nyakalambola elambo ɛsɔ ndo l’ɔtɛ wakanyasalɛ Jehowa pɛkato lo ntona nkitanyiya dui dia Jehowa, dia ndjela ɛlɛmbɛ ande, wadjango ande ndo waohwelo ande mbambonyokomɛ mpokoso kɛnɛ, oko wediɔ ɛlɔ.”+

24 Jɛrɛmiya akatetemala mbutɛ anto tshɛ ndo wamato tshɛ ate: “Nyohokame ɔtɛkɛta wa Jehowa, nyu ase Juda tshɛ wele lo wodja w’Edjibito. 25 Jehowa kanga lolembelembe, Nzambi k’Isariyɛlɛ kata ate: ‘Kɛnɛ kakanyate nyu la wadiɛnyu oma l’enyɔ anyu, nyakakikotsha la anya anyu, nɛ dia nyu nyakate nyate: “Lo mɛtɛ, sho tayokotsha alɔkɔlɔkɔ aso dia nambola Nkumekanga ka womoto ka l’Olongo* elambo ndo mbotshulwɛ elambo wa lotɛ.”+ Nyu wamato nyayokotsha mɛtɛ alɔkɔlɔkɔ anyu ndo nyayoshidiya alɔkɔlɔkɔ anyu.’

26 “Ɔnkɔnɛ, nyu ase Juda tshɛ wadjasɛ lo wodja w’Edjibito, nyohokame ɔtɛkɛta wa Jehowa ɔnɛ: ‘“Dimi lambotshiba lo lokombo lami hita la woke,” mbata Jehowa, “nte, lokombo lami halotodimɔma nto lo etshibelo oma le ose Juda+ tshɛ lele lo wodja w’Edjibito w’otondo layota ate: ‘Lo mɛtɛ, oko wele Nkum’Olongo Nkumadiɔndjɔ Jehowa la lɔsɛnɔ!’+ 27 Kakianɛ, dimi lekɔ lo mbaenda dia mbela mpokoso koko aha dui di’ɔlɔlɔ;+ ase Juda tshɛ wele lo wodja w’Edjibito wayodiakema la lokuwa la ta ndo la ndjala ka kasha polo ndo wamboshila.+ 28 Paka anto yema tshitshɛ tsho mbayohandɔ oma lo lokuwa la ta ndo nkalola oma lo wodja w’Edjibito otsha lo wodja wa Juda.+ Ko atshikadi tshɛ wa Juda, wanɛ wakaye lo wodja w’Edjibito dia ndjodjasɛ lɛkɔ wayeya ɛtɛkɛta waki na wambokotshama, wami kana wawɔ!”’”

29 “‘Ndo ɔnɛ ele djembetelo le nyu,’ mbata Jehowa, ‘yɛnya dia dimi layonyosha dilanya lo dihole nɛ, ko nyu nyayeya dia ɛtɛkɛta ami wakamalake mpokoso dikambo dianyu wayokotshama mɛtɛ. 30 Jehowa kata ate: “Dimi layanga nkimɔ Farawɔ Hɔfara, nkumekanga k’Edjibito lo anya wa atunyi ande ndo wa wanɛ wayanga dia mbɔsa lɔsɛnɔ lande,* paka oko wakamakimɔ Zɛdɛkiya nkumekanga ka Juda lo anya wa Nɛbukadinɛza* nkumekanga ka Babilɔna, ɔnɛ laki otunyi ande ndo lakayangaka dia mbɔsa lɔsɛnɔ lande.”’”*+

45 Ɔnɛ ele ɔtɛkɛta w’omvutshi Jɛrɛmiya le Baruka+ ɔna Neriya etena kakandafunde lo dibuku ɛtɛkɛta ɛnɛ wakawooke Jɛrɛmiya+ lo ɔnɔnyi wa 4 w’ɛlɔmbwɛlɔ ka Jɛhɔyakima+ ɔna Jɔsiya, nkumekanga ka Juda ɔnɛ:

2 “Jehowa Nzambi k’Isariyɛlɛ kata lo dikambo diayɛ wɛ Baruka ate: 3 ‘Wɛ akate wate: “Mananu le mi, nɛ dia Jehowa ambokotshiyɛ lɔkɔnyɔ lo paa kami! Dimi lambɔlɛmba dia nkuma akumu, ndo dimi kotana dihole dia momuya.”’

4 “Wɛ pombaka mbotɛ ɔnɛ: ‘Jehowa kata ate: “Eenda, kɛnɛ kakamahike, dimi lambokihandjola, ndo kɛnɛ kakamonɛ, dimi lambokionula, wodja w’otondo.+ 5 Koko wɛ ekɔ lo ndjayangɛ* diangɔ dia weke. Tshika nyanga diangɔ sɔ.”’

“‘Nɛ dia dimi layanga mbela mpokoso le emunyi*+ tshɛ,’ mbata Jehowa, ‘ndo dihole tshɛ diayoyotshɔ, dimi layokosha lɔsɛnɔ* layɛ oko ɛngɔ ka dimbo.’”*+

46 Ɔnɛ ele ɔtɛkɛta wa Jehowa le omvutshi Jɛrɛmiya lo dikambo dia wedja:+ 2 Lo dikambo dia Edjibito,+ lo kɛnɛ kendana l’asɔlayi wa Farawɔ Neko+ nkumekanga k’Edjibito, waki l’omamu wa Ɔkɛdi wa Efaratɛ ndo wele Nɛbukadinɛza* nkumekanga ka Babilɔna akaalɛndja la Karakɛmishɛ lo ɔnɔnyi wa 4 w’ɛlɔmbwɛlɔ ka Jɛhɔyakima+ ɔna Jɔsiya nkumekanga ka Juda ɔnɛ:

 4 Nyokeleke mfalasa ndo nyaheme, nyu ambahemi wa mfalasa.

Nyemale ndo nyɔlɔtɛ mfulɛ yanyu.

Nyɔkɛtɛmɔlɛ akɔnga ndo nyɔlɔtɛ akɔti anyu wa mbolo wa mposo mposo.

 5 ‘Lande na kawaɛnami woka wɔma?

Vɔ wekɔ lo takalola ɛkɔngɔkɔngɔ, andɔshi awɔ wa ta hawɛwɔ.

Vɔ wambolawɔ la wɔma, andɔshi awɔ wa ta kɔmbɛwɔ.

Wɔma wekɔ lo ahole tshɛ,’ mbata Jehowa.

 6 ‘Ɔnɛ lalawɔ efula hakoke ndawɔ, ndo andɔshi wa ta hawokoke mpandɔ.

Dimi layolanya osomba ndo wanɛ wadjasɛ lɔkɔ.’

 9 Nyodee, nyu mfalasa!

Nyolawɔ oko aladi, nyu pusupusu!

10 “Lushi lɔsɔ lekɔ la Nkum’Olongo Nkumadiɔndjɔ, Jehowa kanga lolembelembe, lushi la nsɔmbɔya dia nsɔmbɔya atunyi ande. Ndo lokuwa la ta layolanya, layolota ndo layolodiama la dikila diawɔ, nɛ dia Nkum’Olongo Nkumadiɔndjɔ, Jehowa kanga lolembelembe, ekɔ la olambo* lo wodja wa lo nɔrdɛ suke la Ɔkɛdi wa Efaratɛ.+

13 Ɔnɛ ele ɔtɛkɛta wakatɛ Jehowa omvutshi Jɛrɛmiya lo dikambo dia oyelo wa Nɛbukadinɛza* nkumekanga ka Babilɔna dia ndjɔlɛndja wodja w’Edjibito:+

14 “Tawɔ lo Edjibito, ewoyawɔ la Mingidɔlɛ.+

Ewoyawɔ la Nofu* ndo la Tapanɛhɛsɛ.+

15 Lande na kambowoshila apami anyu wa wolo?

16 Efula kawɔ wekɔ lo ntakana ndo wekɔ lo nkɔ.

Vɔ wekɔ lo mbutanɛ lam’asawɔ ɔnɛ:

23 Vɔ wayɔkɔta okonda awɔ,’ mbata Jehowa, ‘kaanga mbɛnamawɔ dia onto hakoke mbɔtɔ.

Nɛ dia vɔ wekɔ efula ndeka ɛndjɔ waheyama lofulo.

24 Ɔna womoto la Edjibito ayoshama nsɔnyi.

Wayowokimɔ lo anya w’anto wa lo nɔrdɛ.’+

25 “Jehowa kanga lolembelembe, Nzambi k’Isariyɛlɛ kata ate: ‘Kakianɛ, dimi layanga mendana la Amɔna+ wa la No,*+ la Farawɔ, la Edjibito, la tozambizambi tande+ ndo la nkumi ya dikanga yande, ɛɛ, la Farawɔ ndo wanɛ tshɛ wayaɛkɛ le nde.’+

26 “‘Ndo dimi layowakimɔ le wanɛ wayanga dia mbɔsa nsɛnɔ yawɔ,* le Nɛbukadinɛza* nkumekanga ka Babilɔna+ la ekambi ande. Koko l’ɔkɔngɔ wa laasɔ, anto wayodjasɛ lɔkɔ oko wakidiɔ lo nshi y’edjedja,’ mbata Jehowa.+

28 Ɔnkɔnɛ tokake wɔma, wɛ okambi ami Jakɔbɔ,’ mbata Jehowa, ‘nɛ dia dimi lekɔ kaamɛ la yɛ.

47 Ɔnɛ ele ɔtɛkɛta wa Jehowa le omvutshi Jɛrɛmiya lo dikambo di’ase Filistiya,+ la ntondo ka Farawɔ nɛndja Ngaza. 2 Jehowa kata ate:

“Eenda, ashi wekɔ lo ndjaye oma lo nɔrdɛ.

Vɔ wayonga kiɔkɔ yambɔtɔ elola.

 5 Ngaza ayotomba diwandji.*

Wambɔlanya Ashikɛlɔna.+

 6 Ande lokuwa la ta la Jehowa lee!+

Polo l’etena kakɔna kayoyotona ntshikala ki?

Kalola lo dihoso diayɛ.

Omuya ndo tshilaka ki.

48 Jehowa kanga lolembelembe, Nzambi k’Isariyɛlɛ kata lo dikambo dia Mɔaba+ ate:

“Mananu le Nɛbɔ,+ nɛ dia tɔ kambolanyema!

Kiriatayima+ amboshama nsɔnyi ndo ambɔsama.

Eshamelo k’oshika* kamboshama nsɔnyi ndo kambɔlɛndjama.+

 2 Vɔ hawoyotombola Mɔaba nto.

Vɔ wambɔtɔ sheke la Hɛshibɔna+ dia ɔkwɛlɔ atɔ ɔnɛ:

‘Nyoye towolanya diaha vɔ monga wodja.’

 4 Mɔaba ambolanyema.

Anto ande wa totshitshɛ wekɔ lo mbida ekoko.

 5 Lo wodelo w’otsha la Luhita, vɔ wekɔ lo tatetemala ndela etena katawadɛ.

Ndo lo mboka kaholɔ oma la Hɔrɔnayima, vɔ wekɔ lo mboka ekoko wa lɔkɔnyɔ l’ɔtɛ wa mpokoso.+

 6 Nyolawɔ, nyotsha nsɛnɔ* yanyu!

Nyu pombaka monga oko osongo wa dihake lo oswe.

10 Mananu le onto lakotsha ɔkɛndɛ w’oma le Jehowa la dɛwɔlɛwɔ!

Mananu le onto lashimba lokuwa lande la ta dia nkɛdia dikila!

12 “‘Ɔnkɔnɛ nyohokame, nshi yekɔ lo ndjaye,’ mbata Jehowa, ‘yayomotoma anto dia ndjowakukumɛ. Vɔ wayoyikukumɛ ko wayotshika mbidika yawɔ hwe, ndo vɔ wayodiodia mbaka yawɔ ya weke. 13 Ndo ase Mɔaba wayoshama nsɔnyi l’ɔtɛ wa Kɛmɔshɛ, paka oko wakashama luudu l’Isariyɛlɛ nsɔnyi l’ɔtɛ wa Bɛtɛlɛ, lɛnɛ akawayaɛkɛka.+

14 Lande na kasombɔnyu mbuta ɔnɛ: “Sho tekɔ andɔshi w’ata wa wolo, wele suke dia ndɔ ta”?’+

Mbata Nkumekanga, ɔnɛ lele lokombo lande Jehowa kanga lolembelembe.+

Nyowate ɔnɛ: ‘Ande woho wambohembɔma okalemba wa wolo, danga dia dimɛna lee!’

19 Emala suke la mboka ndo endaka, wɛ ladjasɛ la Aroɛrɛ.+

Mbola pami katalawɔ ndo womoto layahandɔ ɔnɛ: ‘Ambotomba?’

20 Mɔaba amboshama nsɔnyi ndo ambotshama wɔma.

Lela ndo da ekoko.

Ewoya la Aranɔna+ ɔnɛ Mɔaba ambolanyema.

21 “Kilombo kamboya lo wodja w’ebamubamu,+ lo Hɔlɔna, Jahaza+ ndo Mefatɛ;+ 22 lo Dibɔna,+ Nɛbɔ+ ndo Bɛtɛ-Dibalatayima; 23 lo Kiriatayima,+ Bɛtɛ-Ngamula ndo Bɛtɛ-Meɔna;+ 24 lo Keriɔtɛ+ ndo Bozɛra; ndo lo esomba tshɛ wa lo wodja wa Mɔaba, wɛnɛ wele etale ndo wele suke.

26 ‘Nyowodjoya,+ nɛ dia nde amboyatombola lo ndɔshana la Jehowa.+

27 Onde Isariyɛlɛ komonga ɛngɔ ka diɔnyɔ le yɛ?+

Vɔ hawotosala ndooko dui.

Ntahe yayɛ yambɔmɔnganɛ yambotehɔ ndjale.

Yɔ yambokoma lo ndjale, la Jazɛrɛ.

Dimi lakasale diaha wanu ntetemala kɛlanɛ oma lo diamula dia wanu.

Ndooko onto layamula la ekoko w’ɔngɛnɔngɛnɔ.

Ekoko wayonga ekoko wotshikitanyi.’”+

34 “‘Ekoko wekɔ lo mbokɛma oma la Hɛshibɔna+ polo la Elealɛ.+

Kaanga ashi wa Nimirimɛ wayolanyema.+

Nɛ dia ɔngɔnyi wakandakondja wayolana.

39 ‘Ande woho wambondoka wɔma lee! Nyolele!

Ande woho wambɛdiya Mɔaba ɔkɔngɔ la nsɔnyi lee!

40 “Nɛ dia Jehowa kata ate:

‘Nɛ dia dimi layela Mɔaba ɔnɔnyi wa dilanya diawɔ,’ mbata Jehowa.

45 ‘Wanɛ watalawɔ wambemala lo dɛdi dia Hɛshibɔna, wambɔlɛmba.

46 ‘Mananu le yɛ, wɛ Mɔaba!

Aseka Kɛmɔshɛ+ wambolanyema.

47 Koko dimi layosanganya ase Mɔaba wele mfumbe lo etena k’ekomelo ka nshi,’ mbata Jehowa.

‘Lanɛ mbakomɛ kilombo ka Mɔaba.’”+

49 Jehowa kata lo dikambo di’ase Amɔna+ ate:

“Onde Isariyɛlɛ bu la ana w’apami?

Onde nde bu la okitɔ?

Lande na kele Malakama+ ambɔsa Ngada?+

Ndo lande na kadjasɛ anto ande lo esomba w’Isariyɛlɛ?”

‘Ndo Isariyɛlɛ ayɔsa diangɔ dia wanɛ wakɔɔhɔtɔla,’+ mbata Jehowa.

 3 ‘Wɛ Hɛshibɔna le, lela, nɛ dia Ai ambolanyema!

Nyu tosombasomba tendɛ oma le Raba le, nyode ekoko.

Nyɔlɔtɛ akoto.

 6 “‘Koko l’ɔkɔngɔ wa laasɔ, dimi layotshumanya mfumbe y’ase Amɔna,’ mbata Jehowa.”

7 Jehowa kanga lolembelembe kata lo dikambo dia Ɛdɔmɛ ate:

“Onde lomba laya bu la Temana?+

Onde dako di’ɔlɔlɔ diamboshishɔ oma le akanga wa timba?

Onde lomba lawɔ lambɔhɔnda?

 8 Nyolawɔ, nyokalole!

Nyotshu ndo nyotodjasɛ lo ɛhɔngɔ, nyu wanɛ wadjasɛ la Dedana!+

10 Koko dimi layotshika Esao otakataka.

12 Nɛ dia Jehowa kata ate: “Eenda, naka wanɛ waki kofundamɛ dia nnɔ dikɔhɔ pombaka dinɔ, onde wɛ pombaka ntshikala aha la nongola kaanga yema ya dilanya? Wɛ hotshikala aha la nongola dilanya, nɛ dia wɛ pombaka dinɔ.”+

13 “Nɛ dia dimi lakatshibe lo sɛkɛ,” mbata Jehowa, “dia Bozɛra ayoyala ɛngɔ ka wɔma, lɔtɛngɔ, elanyelo ndo mananu;+ ndo esomba awɔ tshɛ wayoyala elanyelo ka pondjo.”+

17 “Ndo Ɛdɔmɛ pombaka monga ɛngɔ ka wɔma.+ Ɔnɛ tshɛ layeta suke la nde ayondama la wɔma ndo ayoda kioko l’ɔtɛ wa paa yande tshɛ. 18 Paka oko lo ɔkwɛlɔ wa Sɔdɔma la Ngɔmɔra ndo tosombasomba tosukanyi la wɔ,”+ mbata Jehowa, “ndooko onto layodjasɛ lɛkɔ ndo ndooko onto layoka ngelo lɛkɔ.+

19 “Eenda, onto ɔmɔtshi ayoya dia ndjɔlɔsha ahole wa ndeshaka dongalonga wakokamɛ oko ntambwɛ+ k’oma lo tohoka ta weke tele l’omamu wa Jɔrdana, koko aha la ntshimbatshimba, dimi layowotshanya etale oma le nde. Ndo dimi layokitsha laadiko diande ɔnɛ lakasɔnama. Nɛ dia akɔna ele oko dimi, ndo akɔna akoka nsɛmanɛ la mi? Olami w’ɛkɔkɔ wakɔna wakoka memala la ntondo kami?+ 20 Diakɔ diele nyohokame nyu anto, yɛdikɔ* yambɔsa Jehowa lo dikambo dia Ɛdɔmɛ ndo kɛnɛ kamondokanyiya lo dikambo dia anto wadjasɛ la Temana:+

Lo mɛtɛ, ana wa totshitshɛ wa dongalonga wayokotɔma.

Nde ayetɛ dihole diawɔ dia mbidjasɛ tɔngɔ to l’ɔtɛ awɔ.+

21 La wondjo wa ɔkwɛlɔ awɔ, nkɛtɛ yambodidima.

Ekoko wekɔ lo mbokɛma!

Wondjo wambokɛ polo lo Ndjale ka Beela.+

23 Lo dikambo dia Damasɛkɛ:+

Vɔ wambɔkɔmɔ la wɔma.

Osukusuku wahakoke mbɔlanya wekɔ lo ndjale.

24 Damasɛkɛ amboshisha dihonga.

Nde ambokadimɔ dia ndawɔ, koko sase dia wɔma diambowonda.

28 Lo dikambo dia Kɛdara+ ndo waolelo wa Hazɔra, wele Nɛbukadinɛza* nkumekanga ka Babilɔna akaalɛndja, Jehowa kata ate:

30 “Nyolawɔ, nyotshu etale!

Nyotshu ndo nyotodjasɛ lo ɛhɔngɔ, nyu wanɛ wadjasɛ la Hazɔra,” mbata Jehowa.

“Vɔ bu la nkuke kana la tokengete; vɔ mbidjasɛ mangana l’anto.

34 Ɔnɛ ele ɔtɛkɛta wa Jehowa wakaye le omvutshi Jɛrɛmiya lo dikambo dia Elama+ lo etatelo k’ɛlɔmbwɛlɔ ka Zɛdɛkiya+ nkumekanga ka Juda: 35 “Jehowa kanga lolembelembe kata ate: ‘Dimi layanga mbɔkɔla ota wa Elama,+ kiɔkɔ* ya wolo awɔ. 36 Dimi layela lo Elama mpɛpɛ 4 oma lo tokoma 4 t’olongo, ndo dimi layowahandjola lo mpɛpɛ shɔ tshɛ. Ndooko wodja wahatotshɔ ase Elama wakadiangana.’”

37 “Dimi layɔtɛtshatɛtsha ase Elama la ntondo ka atunyi awɔ ndo la ntondo ka wanɛ wayanga dia mbɔsa nsɛnɔ yawɔ;* ndo dimi layela mpokoso le wɔ, nkɛlɛ kami kalombalomba,” mbata Jehowa. “Dimi layowatomɛ lokuwa la ta polo lam’ayomowashila oshiki.”

38 “Dimi layokitsha kiti kami ka lowandji la Elama+ ndo layolanya nkumekanga la ewandji wa lɛkɔ,” mbata Jehowa.

39 “Koko lo etena k’ekomelo ka nshi, dimi layotshumanya ase Elama wele mfumbe,” mbata Jehowa.

50 Jehowa akate ɔtɛkɛta lo dikambo dia Babilɔna+ ndo lo dikambo dia wodja wa Kaladiya lo tshimbo ya omvutshi Jɛrɛmiya ate:

 2 “Tawɔ l’atei wa wedja ndo ewoyawɔ.

Onyiya djembetelo* ndo ewoyayɔ.

Toshɛke ndooko dui!

Ta wate: ‘Babilɔna ambɔsama.+

Bɛlɛ amboshama nsɔnyi.+

Merɔdaka amboka wɔma.

Dikishi diande diamboshama nsɔnyi.

Dikishi diande dia nyɛtɛɛtɛ* diamboka wɔma.’

 3 Nɛ dia wodja ɔmɔtshi wamboya oma lo nɔrdɛ+ dia ndjowɔlɔsha.

4 “Lo nshi shɔ ndo lo etena kɛsɔ,” mbata Jehowa, “ase Isariyɛlɛ ndo ase Juda wayoya kaamɛ.+ Vɔ wayolela etena kayawakɛndakɛnda,+ ndo vɔ wayoyanga Jehowa Nzambi kawɔ kaamɛ.+ 5 Vɔ wayombola mboka k’otsha la Siɔna, dungi diawɔ mbɛlɛ otsha lo lɛkɛ lakɔ+ wata vate: ‘Nyoye, nyɛsɔ todje la Jehowa sheke ya pondjo yahakoke mbohamɛ.’+ 6 Anto ami waya olui w’ɛkɔkɔ wakashishɔ.+ Alami awɔ hita mbakasale dia vɔ minganɛ.+ Vɔ wakaalɔmbɔla otsha l’akona, watekekɔ oma lo dikona otsha lo kionakona. Vɔ wakohɛ dihole diawɔ dia momuya. 7 Wanɛ tshɛ wakawaɛnyi wakawale+ ndo atunyi awɔ wakate ɔnɛ: ‘Sho bu la onongo, nɛ dia vɔ wakasalɛ Jehowa pɛkato, dihole dia mbidjasɛ dia losembwe ndo elongamelo ka watshɛwɔ, Jehowa.’”

10 Kaladiya ayonga ɛngɔ ka dimbo.+

Wanɛ tshɛ wawomba wayolota efula,”+ mbata Jehowa.

12 Nyangɛnyu amboshama nsɔnyi.+

Ɔnɛ lakanyote ambɛmba ɛkɔndjɔ.

15 Nyode ombeka wa ta dikambo diawɔ lo ndjɛkɛ tshɛ.

Vɔ wamboyakimɔ.*

Nyɔɔsɔmbɔya.

Nyoosalee paka oko wakandasale.+

17 “Ase Isariyɛlɛ wekɔ ɛkɔkɔ wakahandjɔma.+ Ntambwɛ yakaahandjola.+ Ntondo, nkumekanga ka Asuriya akaadiake;+ ko Nɛbukadinɛza* nkumekanga ka Babilɔna akawɛdiawɛdia weka awɔ.+ 18 Ɔnkɔnɛ, Jehowa kanga lolembelembe, Nzambi k’Isariyɛlɛ kata ate: ‘Dimi layosalɛ nkumekanga ka Babilɔna la wodja ande akambo oko wakamasalɛ nkumekanga ka Asuriya.+ 19 Ndo dimi layokaloya Isariyɛlɛ lo dihole diande dia ndeshaka dongalonga,+ ko nde ayɔlɛ adiyo la Karamɛlɛ ndo la Bashana,+ nde ayolota* lo akona wa Efrayimɛ+ ndo wa Ngiliyadɛ.’”+

21 “Tshɔka tɔlɔsha wodja wa Meratayima ndo wanɛ wadjasɛ la Pekodɛ.+

Vɔ washilame oshiki ndo walanyeme tshɛ lo tshɛ,”* mbata Jehowa.

“Sala kɛnɛ tshɛ kakamakodjangɛ.

23 Ande woho wambolana ndo wambohembɔ maditɔ wa yaandjo ya nkɛtɛ k’otondo!+

Ande woho wamboyala Babilɔna ɛngɔ ka wɔma l’atei wa wedja!+

26 Nyoye oma lo ahole w’etale dia ndjɔɔlɔsha.+

Nyodihole apɛngɛ ande.+

Nyootshumanya oko tota dia ntɔngɔ.

Nyoolanya tshɛ lo tshɛ.*+

Aha nde ntshikala kaanga l’onto ɔtɔi.

Nyowodinge tshɛ; aha ndooko onto mpandɔ.

Nyowofute lo ndjela etsha ande.+

Nyowosalee paka oko wakandasale.+

33 Jehowa kanga lolembelembe kata ate:

Vɔ wambotona mbatshika dia vɔ ntshɔ.+

34 Koko Otshungodi awɔ ekɔ la wolo.+

Jehowa kanga lolembelembe kele lokombo lande.+

36 Lokuwa la ta lekɔ dia ndɔsha anto wata awui w’anyanya* ndo vɔ wayosala akambo oko aladi.

Lokuwa la ta lekɔ dia ndɔsha andɔshi atɔ wa ta ndo vɔ wayoka wɔma.+

Lokuwa la ta lekɔ dia ndɔsha diangɔ diatɔ dia nɛmɔ ndo diɔ diayombama.+

38 Elanyelo kekɔ lo ashi atɔ ndo vɔ wayoma.+

40 “Paka oko wakakɔsha Nzambi Sɔdɔma la Ngɔmɔra+ ndo tosombasomba tosukanyi la wɔ,”+ mbata Jehowa, “ndooko onto layodjasɛ lɛkɔ ndo ndooko onto layoka ngelo lɛkɔ.+

42 Vɔ kambaka la ota ndo la dikɔnga.+

Vɔ wekɔ ngala ndo hawotoka kɛtshi.+

Oko onto 1, vɔ wambɔlɔngama dia kɔlɔsha, wɛ ɔna womoto la Babilɔna.+

44 “Eenda, onto ɔmɔtshi ayoya dia ndjɔlɔsha ahole wa ndeshaka dongalonga wakokamɛ oko ntambwɛ k’oma lo tohoka ta weke tele l’omamu wa Jɔrdana, koko aha la ntshimbatshimba, dimi layowatshanya etale oma le nde. Ndo dimi layokitsha laadiko diande ɔnɛ lakasɔnama.+ Nɛ dia akɔna ele oko dimi ndo akɔna akoka nsɛmanɛ la mi? Olami w’ɛkɔkɔ wakɔna wakoka memala la ntondo kami?+ 45 Diakɔ diele nyohokame nyu anto, yɛdikɔ* yambɔsa Jehowa lo dikambo dia Babilɔna+ ndo kɛnɛ kamondokanyiya lo dikambo dia wodja w’ase Kaladiya.

Lo mɛtɛ, ana wa totshitshɛ wa dongalonga wayokotɔma.

Nde ayetɛ dihole diawɔ dia mbidjasɛ tɔngɔ to l’ɔtɛ awɔ.+

51 Jehowa kata ate:

 3 Aha omboki w’ota minɛ* ota ande.

Ndo aha ndooko onto memala la dikɔti diande dia mposo mposo.

Tanyokake ɛlɔngɔ atɔ w’apami kɛtshi.+

Nyokimɔ asɔlayi atɔ tshɛ lo elanyelo.

 5 Nɛ dia Isariyɛlɛ ndo Juda, Nzambi kawɔ Jehowa kanga lolembelembe atawaetɛ wadi waki edo.+

Koko wodja awɔ* ndola tɔɔ la onongo lo washo wa l’Ekila la Isariyɛlɛ.

Tanyolanyemake l’ɔtɛ wa munga katɔ.

Nɛ dia ekɔ etena ka nsɔmbɔya ka Jehowa.

Nde ekɔ lo kifuta l’ɔtɛ wa kɛnɛ kakatasale.+

 8 Babilɔna kambɔkɔ la shashimoya ndo kambohembɔ.+

Nyokilele!+

Nyɔshi balasama l’ɔtɛ wa kandji katɔ; ondo tɔ mbeyaka nkɔnɔ.”

 9 “Takahembe nkɔnɔla Babilɔna, koko tɔ kokoka nkɔnɔ.

Nyokitshike ndo nyɛsɔ totshu, onto l’onto lo wodja ande hita.+

10 Jehowa ambela losembwe le so.+

Nyoye, nyɛsɔ tosanya la Siɔna olimu wa Jehowa Nzambi kaso.”+

11 “Nyɔsɔngɔlɛ mpito;+ nyɔshi dingawo di’ebolonga.*

Nɛ dia ɔsɔ ekɔ nsɔmbɔya ka Jehowa, nsɔmbɔya dikambo dia tɛmpɛlɔ kande.

12 Nyonyiya djembetelo*+ dikambo dia mpele dia Babilɔna.

Olamelo waleke ndjala wolo, nyokitsha todjamu.

Nyɔlɔngɔsɔlɛ wanɛ wayoholama.

17 Onto tshɛ salaka akambo aha la nkanyiya ndo aha la ewo.

18 Diɔ diekɔ lokeso,*+ olimu wa lɔsɔkɔ.

Etena kayokoka lushi la kilombo kadiɔ, diɔ diayolanyema.

Jehowa kanga lolembelembe kele lokombo lande.”+

La yɛ, dimi layolanya waolelo.

21 La yɛ, dimi layɔtɛtshatɛtsha mfalasa la ombahemi atɔ.

La yɛ, dimi layɔtɛtshatɛtsha pusupusu ka ta la ombahemi atɔ.

22 La yɛ, dimi layɔtɛtshatɛtsha pami la womoto.

La yɛ, dimi layɔtɛtshatɛtsha osombe la dikɛnda.

La yɛ, dimi layɔtɛtshatɛtsha ɔlɔngɔ a pami ndo osekaseka wa womoto.

23 La yɛ, dimi layɔtɛtshatɛtsha olami w’ɛkɔkɔ la ɛkɔkɔ ande.

La yɛ, dimi layɔtɛtshatɛtsha onongi wa dongalonga la olui ande wa nyama.

La yɛ, dimi layɔtɛtshatɛtsha nguvɛrnɛrɛ la topita tolɛ.

27 “Nyonyiya djembetelo* lo wodja.+

Nyode wɔɔndjɔ l’atei wa wedja.

Nyɔsɔnɛ* wedja dia mbɔlɔsha.

Nyele diolelo dia Ararata,+ Mini ndo Ashɛkɛnazɛ+ dia ndjowɔlɔsha.

Nyosha owandji ɔmɔtshi ɔkɛndɛ wa nsɔna anto dia mbɔlɔsha.

Nyosale dia mfalasa ndja oko akata w’ɛndjɔ wahangahanga.

30 Andɔshi wa ta wa Babilɔna wambotshika ndɔ ta.

Vɔ wambodjasɛ lo ahole awɔ w’eshamelo.

Wolo awɔ wamboshila.+

Vɔ waya oko wamato.+

Ngelo yatɔ yambodjama dja.

Tokengete tatɔ tambohembɔma.+

33 Nɛ dia Jehowa kanga lolembelembe, Nzambi k’Isariyɛlɛ kata ate:

“Ɔna womoto la Babilɔna ekɔ oko dihole di’esuswelo.

Etena ka mbɔhɔtshahɔtsha wolo kambokoka.

Keema edja, etena ka dinela kayokoka lo dikambo diande.”

Nde ambonkitsha oko ɛngɔ ka hwe.

Nde ambonsola dia mbitshanyami.

35 ‘Awui wa ngala wansalɛwɔ ndo wasalɛwɔ demba diami wasaleme le Babilɔna!’ mbata ɔnɛ ladjasɛ la Siɔna.+

‘Ndo dikila diami diayale le wanɛ wadjasɛ la Kaladiya!’ mbata Jɛrusalɛma.”

36 Ɔnkɔnɛ Jehowa kata ate:

Dimi layoonya ndjale kande ndo layoonya tɛkɔ diande.+

38 Vɔ tshɛ wayodikita kaamɛ oko ɛsɔngɔ wa ntambwɛ.*

Vɔ wayohangɔ oko ana wa ntambwɛ.”

Ande woho wamboyala Babilɔna ɛngɔ ka wɔnɔnyi l’atei wa wedja lee!

42 Ndjale kambodɛ laadiko dia Babilɔna.

Tɔ kambofamɛ la efula k’asuku atɔ.

43 Esomba atɔ wamboyala ɛngɔ ka wɔma, nkɛtɛ y’ofumbo ndo ya shɛnga.

Wodja wele ndooko onto layodjasɛ lɛkɔ ndo wele ndooko onto layeta lɛkɔ.+

45 Nyu anto ami, nyotombe oma l’atei atɔ!+

Nyotsha nsɛnɔ*+ yanyu oma lo nkɛlɛ kalombalomba ka Jehowa!+

46 Tanyatɛke asolo kana mboka wɔma l’ɔtɛ wa losango layokɛma lo wodja.

50 Nyu wanɛ wakahandɔ lo lokuwa la ta, nyotetemale ntshɔ, tanyemalake!+

51 “Sho tamboshama nsɔnyi, nɛ dia tamboka ntɛngɔ.

Wondjo wa dui diawɔ wayokɛma.

Nde mɛtɛ ayofuta.+

58 Jehowa kanga lolembelembe kata ate:

59 Ɛtɛkɛta ɛsɔ mbakadjangɛ omvutshi Jɛrɛmiya Seraya ɔna Neriya+ ɔna Mahaseya etena kakandatshu la Zɛdɛkiya nkumekanga ka Juda la Babilɔna lo ɔnɔnyi wa 4 w’ɛlɔmbwɛlɔ kande; Seraya mbaki ɔnɔmbɔdi wa diangɔ dia nkumekanga. 60 Jɛrɛmiya akafunde lo dibuku dimɔtshi mpokoso tshɛ kakahombe nkomɛ Babilɔna, awui tshɛ wakafundama lo dikambo dia Babilɔna. 61 Laadiko dia laasɔ, Jɛrɛmiya akatɛ Seraya ate: “Etena kayoyoya la Babilɔna ndo kayoyokiɛna, wɛ pombaka mbadia ɛtɛkɛta ɛsɔ tshɛ la dui dia wolo. 62 Ko wɛ mbuta wate: ‘Jehowa le, wɛ akate lo dikambo dia dihole nɛ ɔnɛ diɔ diayolanyema ndo diayotshikala aha la onto ladjasɛ lɔkɔ, onto kana nyama, ndo ɔnɛ diɔ diayonga tɔngɔ to pondjo pondjo.’+ 63 Ndo etena kayoyoshidiya mbadia dibuku nɛ, kodikeleke la dive ko wɛ dikasha l’atei wa Efaratɛ. 64 Oma laasɔ ko wɛ mbuta ɔnɛ: ‘Nganɛ mbayodinda Babilɔna ndo tɔ honɛɛki nto+ l’ɔtɛ wa mpokoso kayangami mbela le tɔ; ko vɔ wayɔlɛmba.’”+

Lanɛ mbakomɛ ɛtɛkɛta wa Jɛrɛmiya.

52 Zɛdɛkiya+ aki l’ɛnɔnyi 21 lam’akandayala nkumekanga ndo nde akolɛ l’edja k’ɛnɔnyi 11 la Jɛrusalɛma. Nyango lokombo lande Hamutala+ ɔna Jɛrɛmiya ose Libina. 2 Nde akatetemala nsala kɛnɛ kaki kɔlɔ lo washo wa Jehowa lo ndjela kɛnɛ tshɛ kakasale Jɛhɔyakima.+ 3 Awui asɔ wakasalema la Jɛrusalɛma ndo la Juda l’ɔtɛ wa nkɛlɛ ka Jehowa polo nde mbanya lo washo ande.+ Ko Zɛdɛkiya akatɔmbɔkwɛ nkumekanga ka Babilɔna.+ 4 Lo ɔnɔnyi wa 9 w’ɛlɔmbwɛlɔ ka Zɛdɛkiya, lo ngɔndɔ ka 10 nshi 10, Nɛbukadinɛza* nkumekanga ka Babilɔna akaye l’asɔlayi ande tshɛ dia ndjɔlɔsha Jɛrusalɛma. Vɔ wakake mpango dia ndjilɔsha ndo wakayidinge la lokombo l’otshimbedi ayɔ tshɛ.+ 5 Ko osomba akɔ wakadingama polo l’ɔnɔnyi wa 11 w’ɛlɔmbwɛlɔ ka nkumekanga Zɛdɛkiya.

6 Lo ngɔndɔ ka 4 nshi 9,+ ndjala ka kasha kakayala l’osomba, ko anto wa lo wodja komonga ndooko la ɛngɔ ka ndɛ.+ 7 L’ekomelo, ehele k’osomba kakatondɔma, ko asɔlayi tshɛ wakalawɔ l’otsho oma lo soko diaki lam’asa mpele 2 suke la ekambɔ ka nkumekanga etena kakadinge ase Kaladiya osomba; ndo vɔ wakatetemala lo mboka k’otsha lo Araba.+ 8 Koko asɔlayi w’ase Kaladiya wakatshanya nkumekanga ko wakatonda Zɛdɛkiya+ lo laandja l’oswe wa Jeriko, ko asɔlayi ande tshɛ wakoohandjɔ. 9 Ko vɔ wakande nkumekanga ndo wakɔɔtɔlɛ otsha la Ribila le nkumekanga ka Babilɔna lo wodja wa Hamata, ko nde akatoolombosha lɛkɔ. 10 Nkumekanga ka Babilɔna akadiake ana waki Zɛdɛkiya lo washo ande, ndo nde akadiake ewandji tshɛ wa Juda lɛkɔ la Ribila. 11 Oma laasɔ, nkumekanga ka Babilɔna akoole Zɛdɛkiya washo,+ akookeleka mɔlɔla wa nkonga, akɔɔtɔlɛ la Babilɔna ndo akoolame lo lokanu polo lushi lakandavu.

12 Lo ngɔndɔ ka 5 nshi 10, mbuta ate l’ɔnɔnyi wa 19 w’ɛlɔmbwɛlɔ ka Nɛbukadinɛza* nkumekanga ka Babilɔna, Nɛbuzaradana owandji w’alami ɔnɛ laki okambi wa nkumekanga ka Babilɔna akaye la Jɛrusalɛma.+ 13 Nde akatshumbe luudu la Jehowa,+ luudu* la nkumekanga ndo mvudu tshɛ ya la Jɛrusalɛma; ndo nto, nde akatshumbe mvudu ya weke tshɛ. 14 Ndo asɔlayi tshɛ w’ase Kaladiya waki kaamɛ l’owandji w’alami+ wakanyukola mpele diakadinge Jɛrusalɛma.

15 Nɛbuzaradana owandji w’alami akatɔlɛ lo lɔhɔmbɔ anto k’anto amɔtshi ndo anto akina wakatshikala l’osomba. Nde akatɔlɛ ndo wanɛ wakalawɔ wakete lo wedi wa nkumekanga ka Babilɔna ndo etshudi wa tomanamana wakatshikala.+ 16 Koko Nɛbuzaradana owandji w’alami akatshike anto amɔtshi woleki wola lo wodja dia vɔ kambaka dikambɔ dia vinyɔ ndo dia mbakandjaka elimu la wolo.+

17 Ase Kaladiya wakahendjahendja dikundji dia nkonga+ dia lo luudu la Jehowa ndo pusupusu+ la Oduwa wa nkonga+ waki lo luudu la Jehowa, ko vɔ wakɛmbɛ nkonga yakɔ otsha la Babilɔna.+ 18 Vɔ wakɔshi ndo nkenga ya mbidjaka otoko, mpawo, diangɔ dia nyimaka dja, alɔnga w’afuku,+ akɔhɔ+ ndo diangɔ tshɛ dia nkonga diakawakambaka la diɔ l’olimu wa lo tɛmpɛlɔ. 19 Owandji w’alami akɔshi alɔnga wa weke,+ diangɔ dia mɛmbaka dja, alɔnga w’afuku, nkenga ya mbidjaka otoko, dikundji dia atala,+ akɔhɔ ndo alɔnga w’afuku wakasalema la paonyi ka dimɛna ndo la mfɛsa.+ 20 Lo kɛnɛ kendana la dikundji 2, Oduwa, ngɔmbɛ ya nkonga 12+ yaki l’ɛse ka Oduwa ndo pusupusu yakasale nkumekanga Sɔlɔmɔna dikambo dia luudu la Jehowa, wotsho wa nkonga yaki lo diangɔ sɔ tshɛ kokoka mbɛdikama.

21 Lo kɛnɛ kendana la dikundji, ekundji tshɛ kaki la tanga dia kubita* 18, ɔkɔdi wa yɛdikɔ wa kubita 12 wakakokaka kidinga;+ nkeka katɔ kaki woke wa mpita 4 ya lo lonya* ndo kaki hwe l’atei. 22 Ndo ɔtɛ waki lɔkɔ wakasalema la nkonga; ndo ɔtɛ 1 waki la tanga dia kubita 5;+ ndo ɔtɛyi la pɔmɛgranatɛ yaki l’otshimbedi w’otondo w’ɔtɛ akɔ wakasalema la nkonga. Ekundji ka 2 kaki oko tɔ, ndo pɔmɛgranatɛ. 23 Pɔmɛgranatɛ 96 yaki l’emamu; tshɛ tshɛ aki pɔmɛgranatɛ 100 lo otshimbedi wa ɔtɛyi.+

24 Ndo nto, owandji w’alami akɔshi Seraya+ owandji w’ɛlɔmbɛdi, Zɛfaniya+ ɔlɔmbɛdi wa lo dihole dia 2 ndo alami 3 w’asoko.+ 25 Ndo nde akɔshi ɔnɛnɛ ɔmɔtshi waki la ɔkɛndɛ w’asɔlayi, angɛnyi 7 wa suke suke waki nkumekanga wakatanema l’osomba, kaamɛ ndo ofundji wa owandji w’asɔlayi, ɔnɛ lakasanganyaka anto wa lo wodja, ndo apami 60 wakɔsama oma l’atei w’anto k’anto wa lo wodja, wanɛ waki weke lo osomba. 26 Nɛbuzaradana owandji w’alami akawaɔshi, ko akaatɔlɛ otsha la Ribila le nkumekanga ka Babilɔna. 27 Nkumekanga ka Babilɔna akaakɔmɔla ko akaadiake la Ribila+ lo ɛtshi ka nkɛtɛ ka Hamatɛ. Ngasɔ mbakatɔlama Juda lo lɔhɔmbɔ oma lo wodja awɔ.+

28 Nɛbukadinɛza* akatɔlɛ anto anɛ lo lɔhɔmbɔ: Lo ɔnɔnyi wa 7, ase Juda nunu sato la akumi ahende la asato (3 023).+

29 Lo ɔnɔnyi wa 18 w’ɛlɔmbwɛlɔ ka Nɛbukadinɛza,* anto*+ 832 wakɔsama oma la Jɛrusalɛma.

30 Lo ɔnɔnyi wa 23 w’ɛlɔmbwɛlɔ ka Nɛbukadinɛza,* Nɛbuzaradana owandji w’alami akatɔlɛ ase Juda lo lɔhɔmbɔ, anto* 745.+

Tshɛ tshɛ, anto* nunu nɛi la nkama shamalo (4 600) wakatɔlama lo lɔhɔmbɔ.

31 Oma laasɔ, lo ɔnɔnyi wa 37 waki Jɛhɔyakina+ nkumekanga ka Juda lo lɔhɔmbɔ, lo ngɔndɔ ka 12 nshi 25, Evilɛ-Mɛrɔdaka nkumekanga ka Babilɔna akatshungola* Jɛhɔyakina nkumekanga ka Juda ndo akootondja oma lo lokanu+ lo ɔnɔnyi wakandayala nkumekanga. 32 Nde akasawola la nde dimɛna ndo akakitsha kiti kande ka lowandji la diko oleki kiti ya lowandji ya nkumi ya dikanga nkina yaki kaamɛ la nde la Babilɔna. 33 Ko Jɛhɔyakina akakolola ahɔndɔ ande wa lokanu ndo nde akalɛka mbala la mbala la ntondo kande lo nshi tshɛ ya lɔsɛnɔ lande. 34 Nkumekanga ka Babilɔna akawoshaka mbo ya ndɛ mbala la mbala, lushi la lushi, polo lushi lakandavu, nshi tshɛ ya lɔsɛnɔ lande.