Ekongelo ka losanganya l’olimu

Lomingu la Ngɔndɔ ka samalo 13

Osambo 198

Min. 10: Waewoyelo. Waewoyelo w’oma lo Olimu aso wa Diolelo. Kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka samalo 15 ndo Réveillez-vous! wa Ngɔndɔ ka samalo 22. Nyu kokaka kamba la wɛnyɛlɔ ekina w’amɛna. Lo wɛnyɛlɔ ɔmɔtshi, ɛnya opandjudi atakahanya periodikɛ lo tshakitudi.

Min. 15: Tokimanyiya akina dia vɔ koma apandjudi wahatabatizama. Sawo ndo ɔkɛtshanyelo la ampokami oma le ekumanyi kɛmɔtshi. Diɔ mbɔsama oma lo dibuku Organisés pour faire la volonté de Jéhovah, lɛkɛ 79-81. Nyɔkɛtshanya yɛdikɔ yendana la woho wa mbeya kana ombeki wa Bible okotsha kɛnɛ kalɔmba Afundelo dia tatɛ sambisha la etshumanelo. Lomingu layaye tayɔsɛdingola woho wakokaso mbetsha apandjudi wahatabatizama dia vɔ tatɛ tomba l’olimu w’esambishelo ka lo luudu la luudu.

Min. 20: “Ɛmɛnyi wa Jehowa akanawɔ lo dikambo dia vɔɔtɛ?” Sawo ndo ɔkɛtshanyelo la ampokami oma le ekumanyi kɛmɔtshi. Diɔ mbɔsama oma lo dikatshi di’okotsha. (Enda ndo lo Tshoto y’Etangelo ya Ngɔndɔ ka dikumi l’ɔtɔi 1, 1999, lɛkɛ 31-32. Kimanyiya ampokami dia shihodia atɔndɔ atanu wɔsɛdingwami lo sawo nɛ.

Osambo 149 ndo dɔmbɛlɔ dia ndjihelo.

Lomingu la Ngɔndɔ ka samalo 20

Osambo 206

Min. 10: Waewoyelo. Nyovusole awui w’ohomba w’oma lo Olimu aso wa Diolelo wa Ngɔndɔ k’esambele 2003, lɛkɛ 4. Lembetshiya woho wakoka apandjudi kondja ekanda lo ɔtɛkɛta okina. Nyɔkɛtshanya woho wendana awui anɛ la ɛtshi kanyu ka nkɛtɛ. Ɔlɔmbɛlɔ wa ekanda wa lo ɔtɛkɛta okina pombaka salema oma lo tshimbo y’okambi wendana la awui w’ekanda, oyadi okanda ɔtɔi oto mbalɔmbaso, dia sho mbakondja esadi eto.

Min. 15: Ɔtɛkɛta wa Nzambi wekɔ la wolo. (Heb. 4:12) Sawo diɔsami oma lo Tshoto y’Etangelo ya Ngɔndɔ ka dikumi l’ahende 1, 2003, lɛkɛ 9-10, odingɔ 13-17. Kɔndɔla awui wɛnya woho wakoka wetshelo wa lo Bible tshutshuya anto dia sala etshikitanu lo nsɛnɔ yawɔ. (w00 1/1 lɛkɛ 3-5) Keketsha anto tshɛ dia vɔ kambaka la Bible yawɔ dimɛna lo toho tshɛ t’esambishelo.

Min. 20: “Tɔlɔmbɔlɛ wekelo wa Bible watahame​—⁠Etenyi 10.”a Dja ndo wɛnyɛlɔ wɛnya ombeki ahemba mbɔtwɛlɔ kɛmɔtshi. Etena kahemba ombeki mbɔtwɛlɔ kɛmɔtshi, ɔnɔmbɔdi lɔsa dihole di’onto lasawola la nde, ambonyiya dikambo dimɔtshi diatonyiyaka anto efula wa lo ɛtshi kawɔ ka nkɛtɛ, ndo etena kakandakanda ombeki nɛ dia nde heye kɛnɛ ka nde mbuta, lembetshiya woho wakokande mbekola wekamu ɔsɔ. Lâdiko dia lâsɔ, talɔngɔsɔdi la ntondo woho wa onto ɔtɔi kana anto ahende ndjosha kɔmatɛrɛ lo wetshelo wakawalongola etena kakawatatɛ tomba l’esambishelo ka lo luudu la luudu.

Osambo 208 ndo dɔmbɛlɔ dia ndjihelo.

Lomingu la Ngɔndɔ ka samalo 27

Osambo 113

Min. 10: Waewoyelo. Ohola apandjudi dia vɔ kimɔ alapɔlɔ awɔ wa Ngɔndɔ ka samalo. Adia alapɔlɔ wa falanga ndo sha ampokami losaka latome biro ka filialɛ. Kamba la alako wa lo lɛkɛ 8 (naka wekɔ ohomba lo ɛtshi kanyu ka nkɛtɛ), dia mɛnya woho wa mbisha anto Tshoto y’Etangelo ya Ngɔndɔ k’esambele 1 ndo Réveillez-vous! wa Ngɔndɔ k’esambele 8. Nyu kokaka kamba la wɛnyɛlɔ okina wa dimɛna. L’ɔkɔngɔ wa wɛnyɛlɔ, kalolɛ ɛtɛkɛta wa mbɔtwɛlɔ wakakambi la opandjudi dia memula nsaki ka onto lakasawolaki la nde.

Min. 15: “Esambishelo tokimanyiyaka dia mbikikɛ.”b Lɔmba ampokami dia mbisha kɔmatɛrɛ lo avɛsa woshilami naka etena kekekɔ.

Min. 20: Tosha anto tobukubuku lo Ngɔndɔ k’esambele ndo k’enanɛi. Sawo ndo ɔkɛtshanyelo la ampokami diɔsami lo dikatshi di’okotsha. Lembetshiya lo tshena pe woho wa kamba la dikatshi di’okotsha, ndo tɔtɔmiya awui wele lo kiombo yele lo lɛkɛ 3 ndo awui w’ohomba w’oma lo Olimu aso wa Diolelo wa Ngɔndɔ ka ntondo 2005, lɛkɛ 8. Nyɔkɛtshanya mbɔtwɛlɔ yele amɛna lo ɛtshi kanyu ka nkɛtɛ dia mbisha tobukubuku lo etena ka ntondo kahomananyu la onto. Lɔngɔsɔla dia sala wɛnyɛlɔ wa mbɔtwɛlɔ hiende kana shato. Kamba la dikɛnda dimɔtshi lo wɛnyɛlɔ ɔmɔtshi.

Osambo 196 ndo dɔmbɛlɔ dia ndjihelo.

Lomingu la Ngɔndɔ k’esambele 4

Osambo 70

Min. 10: Waewoyelo. Ekadimwelo lo ambola anyu.

Min. 15: Onde wɛ ekɔ lo kondja wahɔ oma lo ekongelo ka lo nkumbo? Vusola alako wa lo dikatshi di’okotsha dia Olimu aso wa Diolelo wa Ngɔndɔ ka tanu 2005, ndo lɔmba ampokami dia mbisha kɔmatɛrɛ lo welo wadjawɔ dia kamba la alako asɔ ndo ɛtshɔkɔ wakawakondja lo kamba la alako akɔ.

Min. 20: “Tosambisha dimɛna lo ahole w’anto tshɛ.”c Ɛnya ohomba w’awui asɔ lo ɛtshi kanyu ka nkɛtɛ. Ohola apandjudi dia vɔ kamba la fɔrmilɛrɛ Veuillez suivre l’intérêt (S-43) etena kakoka.​—⁠Enda Olimu aso wa Diolelo wa Ngɔndɔ ka hende 2005, lɛkɛ 6.

Osambo 120 ndo dɔmbɛlɔ dia ndjihelo.

[Nɔte ka l’ɛse ka dikatshi]