Dipokano go Re Thusa go Dira Barutwa
BEKE E E SIMOLOLANG KA MAY 7
Pina 67
10 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Boeletsa dithulaganyo tsa mo gare ga beke le tsa ka mafelobeke tsa go neela bosupi ka ditlhopha.
20 mets: “Abalana le Ba Bangwe Mahumo a Semoya.” Motlotlo wa dipotso le dikarabo. Kgothatsa ka bothitho gore go bontshiwe bopelotshweu fa re aba ka tsela ya semoya. Fa nako e letla, dira gore go bolelwe maitemogelo a a leng malebana le go tsamaisiwa ga dipeeletso tsa Tora ya Tebelo le Tsogang!
15 mets: Ditlhokafalo tsa lefelo la lona. O ka nna wa neela le pego e e leng malebana le tiro e e kgethegileng le e e leng malebana le palo ya bao e neng e le babulatsela ba ba thusang ka April.
Pina 19 le thapelo e e konelang.
BEKE E E SIMOLOLANG KA MAY 14
Pina 28
8 mets: Dikitsiso tsa lefelo la lona le pego ya madi. Akaretsa le dikitsiso dipe tseo di dirilweng tsa gore go amogetswe meneelo. Akgola phuthego ka bothitho ka ntlha ya tsela eo e tshegetsang dikgatlhego tsa Bogosi ka madi ka gone.
15 mets: “O Na le Mokgwa Ofe?” Motlotlo wa dipotso le dikarabo. Otlelela kafa go leng botlhokwa ka gone gore go anaanelwe dipokano le kafa go tlhokafalang ka gone gore go tilwe mokgwa wa go fosa dipokano. Mokaulengwe yo o neelang puo eno a ka nna a akaretsa le tshedimosetso e e leng malebana le kafa phuthego ya lefelo la lona e tswelang pele ka gone mo kgannyeng eno ya go nna gone kwa dipokanong.
22 mets: “Go Boloka Dikgatlhego tsa Bogosi E le Tsone Di Tlang Pele.” Se tlotliwa ka dipotso le dikarabo ke mogolwane yo o tshwanelegang sentle.
Pina 65 le thapelo e e konelang.
BEKE E E SIMOLOLANG KA MAY 21
Pina 133
5 mets: Dikitsiso tsa lefelo la lona. Bontsha ntlha e le nngwe kana di le pedi tse di ka buelelwang go tswa mo dimakasineng tsa bosheng. Bolela gore ke dithulaganyo dife tse di dirilweng tsa tirelo ya tshimo tsa ka May 31.
18 mets: “Go Neela Mafoko A A Molemo—Ka Dithuto tsa Bibela.” Se tlotliwa ka dipotso le dikarabo. Akgola baboledi bao ba nang le dithuto tseo ba di tshwarang mme o kgothatse bao ba sa di tshwareng ka bopelonomi gore ba akanye ka seo ba ka se dirang go ka tokafatsa boemo jono. Dira dipontsho tse dikhutshwane tsa dikakantsho tse di mo dirapeng 4 le 5.
12 mets: “Go Lekiwa ga Bopeloephepa jwa Lorato lwa Lona.” Puo ka mogolwane e e theilweng mo setlhogong se se simologang mo tsebeng 24 sa Tora ya Tebelo ya December 1, 1989. Leboga phuthego ka ntlha ya kafa e tshegetsang tiro ya Bogosi ya mo lefelong la lona le ya lefatshe ka bophara ka bopelotshweu ka gone.
10 mets: Dintlhakgolo tsa 1990 Yearbook. Puo e e baakanyeditsweng sentle ya dintlha tsa ketapele tse di leng go 1990 Yearbook. Bontsha dilo tse di tlhomologileng tseo batho ba ga Jehofa ba ileng ba di fitlhelela ka ntlha ya go bo Jehofa a segofatsa tirelo eo ba e dirang ka tlhoafalo. Fa nako e letla, bolela mangwe a maitemogelo a a kgothatsang ao a neelwang moo. Dipego tse di tswang go bakaulengwe ba rona lefatshe ka bophara di tshwanetse go re tlhotlheletsa rotlhe gore re nne le seabe ka botlalo mo tirelong ya ga Jehofa.
Pina 127 le thapelo e e konelang.
BEKE E E SIMOLOLANG KA MAY 28
Pina 29
15 mets: Dikitsiso tsa lefelo la lona le Letlole la Dipotso. Mogolwane le baboledi ba le babedi kana ba le bararo ba ba tshwanelegang ba tlotla ka buka ya Dipotso Tse Basha Ba Di Botsang. Bolela dikarolo tse di lesome tsa buka eno ka bokhutshwane. Tlotlang ka dikgaolo tse di tlhophilweng. Botlhe ba tshwanetse ba ipaakanyetsa go dirisa buka eno mo tirelong ya tshimo.
15 mets: “Supa Kaga Boammaaruri.” Setlhogo seno se tlotliwa ka dipotso le dikarabo. Botsolotsa baboledi bao ba ileng ba kgona go rulaganya thulaganyo ya bone gore ba ke ba nne le seabe mo tirong ya bobulatsela jo bo thusang.
15 mets: “Go Fenya go Lwantshana le go Tshwenyega Thata mo Maikutlong.” Puo ka mogolwane, e e theilweng mo setlhogong se se go Tora ya Tebelo ya March 1, 1990, ditsebe 5-9. Dira ketapele ya puo eno ka go bolela dilo tsa konokono tse di bakang gore motho a tshwenyege thata mo maikutlong tse di thathamisitsweng mo tsebeng 4. Puo eno e tshwanetse ya neelwa ka tsela ya go utlwela botlhoko le go nna le kutlwisiso. Kgothaletsa bakaulengwe gore ba bone molemo go tswa mo tshedimosetsong eno le gore ba tlotlele ba bangwe ka yone.
Pina 30 le thapelo e e konelang.