Dipokano go Re Thusa go Dira Barutwa
BEKE E E SIMOLOLANG KA JUNE 4
Pina 151
10 mets: Dikitsiso tsa lefelo la lona le Dikitsiso tse di tshwanetseng go tswa go Tirelo ya Rona ya Bogosi. Akaretsa le dithulaganyo tsa tirelo ya tshimo tsa ka mafelobeke. Dira pontsho ya kafa Setlhogo sa Motlotlo se ka dirisiwang ka gone fa go neelwa mpho ya kgwedi eno.
20 mets: “Nna Matsetseleko mo Bodiheding jwa Gago.” Setlhogo seno se tlotliwa ka dipotso le dikarabo. Fa lo sekaseka serapa 5 le 6, nnang le pontsho ya kafa dikakantsho tse di fitlhelwang go Tora ya Tebelo ya July 15, 1988, mmogo le mo bukeng ya Go Fetolana, di ka dirisiwang ka gone. Gape, dira gore baboledi ba bolele diphelelo tse di molemo tseo ba ileng ba nna le tsone mo lefelong la lona ka ntlha ya go dirisa dikakantsho tseo ba di amogetseng ka phuthego ya ga Jehofa.
15 mets: “Go Thusa Basha Gore Ba Tlose Bohutsana mo go Bone.” Se sekasekiwa ka dipotso le dikarabo. Fa lo tlotla ka serapa 7, dira gore mmoledi mongwe yo o tshwanelegang a neele Setlhogo sa Motlotlo le go tsamaisa buka ka bokhutshwane.
Pina 178 le thapelo e e konelang.
BEKE E E SIMOLOLANG KA JUNE 11
Pina 43
5 mets: Dikitsiso tsa lefelo la lona, pego ya madi, le dikitsiso tsa meneelo eo e amogetsweng.
10 mets: Letlole la Dipotso. Puo ka mogolwane.
15 mets: “Go Neela Mafoko A A Molemo—Go Basha.” Se sekasekiwa ka dipotso le dikarabo. Fa lo sekaseka serapa 5, nnang le pontsho ya mmoledi mongwe a neela mosha mpho.
15 mets: Kafa Re Ka Simololang Dithuto tsa Bibela ka Gone. Botsolotsa baboledi ba le babedi kana ba le bararo bao ba ileng ba nna le katlego mo go simololeng dithuto. Ke eng seo ba ileng ba se fitlhela se ba thusa gore ba nne le katlego? Ba dira jang gore ba boloke kgatlhego e e bontshitsweng la ntlha e ntse e le teng? Neela dipontsho tse dikhutshwane tse di leng malebana le kafa thuto ya Bibela e ka simoloIwang ka gone mo loetong lwa ntlha le ka nako ya fa go dirwa loeto lwa go boela koo buka ya Dipotso Tse Basha Ba Di Botsang e tsamaisitsweng gone.
Pina 143 le thapelo e e konelang.
BEKE E E SIMOLOLANG KA JUNE 18
Pina 91
10 mets: Dikitsiso tsa lefelo la lona. Dikgang tsa Bolegodimo. Akaretsa le dithulaganyo tsa tirelo ya tshimo tsa beke eo yotlhe. Fa nako e letla, bua ka dintlha tseo di ka buelelwang mo dimakasineng tsa bosheng jaana.
20 mets: “Go Kgotsofatsa Seo Re Se Tlhokang Semoyeng.” Setlhogo seno se tlotliwa ka dipotso le dikarabo. Botsolotsa tlhogo nngwe ya lelapa le mmoledi mongwe yo o sa nyalang/nyalwang malebana le kafa ba dirang nako ka gone ya gore ba kgotsofatse tlhokafalo ya bone ya semoya. Kgothaletsa bakaulengwe gore ba tlhatlhobe dithulaganyo tsa bone ka namana mme ba bereke ka tlhoafalo go tokafatsa mo go tlhokafalang teng.
15 mets: Ditlhokafalo tsa lefelo la lona kana Boikutlo jwa Bakeresete ba Boammaaruri Tebang le Lefatshe le Tebang le Batho Bao Eleng Karolo ya Lone. Puo ka mogolwane e e theilweng mo bukeng ya Go Fetolana, ditsebe 225-6.
Pina 177 le thapelo e e konelang.
BEKE E E SIMOLOLANG KA JUNE 25
Pina 213
10 mets: Dikitsiso tsa lefelo la lona. Bolela boitemogelo bo le bongwe kana a le mabedi ao baboledi ba nnileng le one fa ba ne ba dirisa buka ya Dipotso Tse Basha Ba Di Botsang. Bolela maina a diboroutšhara tseo di leng gone mo phuthegong tseo di ka dirisiwang mo tirelong ya tshimo ka July. Bontsha ka moo boroutšhara e ka dirisiwang ka gone mo tshimong ya lefelo la lona. Kgothaletsa baboledi gore ba nne le seabe mo tirelong ya tshimo ka mafelobeke ano.
15 mets: “Ka Moo O Ka Thusang Ba Ba Tshwenyegileng Thata mo Boikutlong go Bona Boipelo Gape.” Puo e e tserweng mo setlhogong se se go Tora ya Tebelo ya March 15,1990, ditsebe 26-30.
20 mets: “Thuso ya ka Nako Eo E Tlhokwang ka Yone.” Molebedi wa tirelo o tlotla le bareetsi ka tshedimosetso eno. Bontsha melemo ya thulaganyo ya gore molebedi wa tirelo a etele ditlhopha tsa Thuto ya Buka ya Phuthego. Kgothaletsa botlhe gore ba dire boiteko jo bo kgethegileng jwa gore ba nne le seabe mo tirong ya beke ya ka nako eo molebedi wa tirelo a tla bong a ba etetse ka yone.
Pina 214 le thapelo e e konelang.