Dipokano Tsa Tirelo Ka June
Beke E E Simololang ka June 1
Pina 80
10 mets: Dikitsiso tsa lefelo la lona le Dikitsiso tse di tshwanetseng go tswa go Tirelo ya Rona ya Bogosi. Ereka go setse dikgwedi di le tharo fela mo ngwageng ono wa tirelo, mmoledi mongwe le mongwe o kgothalediwa gore a nne le seabe ka metlha mo bodiheding beke nngwe le nngwe le gore a tlise pego ya gagwe ka bonako fa kgwedi e fela.
15 mets: “Kafa go Tlhokegang ka Gone Gore Setho Se Tseye Matsapa a go Batla Modimo.” Dipotso le dikarabo. Dira gore re nne matlhagatlhaga malebana le tiro ya rona ya tshimo mo kgweding eno. Bontsha kafa kgatiso eno e ka thusang ka gone batho ba madumedi a a farologaneng mo tshimong ya lona.
20 mets: “Tsela ya go Itsise Ba Bangwe Matsapa A A Tserweng ke Motho go Batla Modimo.” Tlotla ka dikakantsho tseo di leng mo setlhogong seno o bo o dire pontsho ya dingwe tsa tsone. Mo pontshong e nngwe bontsha kafa go ka dirisiwang ka gone mokgwa wa ka tlhamalalo wa go simolola dithuto. Gape, bontsha kafa ditsela di le lesome tseo bodumedi jwa boammaaruri bo ka lemogiwang ka tsone tseo di leng mo tsebeng 377 di ka dirisiwang ka teng ka tsela e e nang le katlego.
Pina 225 le thapelo e e konelang.
Beke E E Simololang ka June 8
Pina 145
10 mets: Dikitsiso. Baakanyetsa esale gale go dira gore go nne le babulatsela ba ka metlha kana ba ba thusang ba le babedi gore ba akgele malebana le diketapele tseo ba ileng ba di fitlhela di na le katlego fa ba bereka mo tshimong ya lefelo la lona.
15 mets: “Nna le Moya wa go Intsha Setlhabelo!” Puo e e malebana le setlhogo seno seo se leng go Tora ya Tebelo ya February 1, 1992, ditsebe 25-8. Otlelela ntlha ya gore go nna le moya wa go intsha setlhabelo ga se selo seo motho a ka nnang le sone fa a batla mme go na le moo ke selo se se batlegang mo Bakereseteng. Ga re latlhegelwe ke sepe fa re ntsha dilo tsa rona tse di bonalang setlhabelo mmogo le go ithontsha go dira dilo tse dingwe tsa go intsha bodutu e le gore re ke re gagamalele dilo tse di amanang le Bogosi pele.
20 mets: “Go Bula Tsela—Ke go Bontsha Lorato.” Dipotso le dikarabo. Morago ga fa lo sena go tlotla ka dirapa 3 le 4, botsolotsa babulatsela ba ka metlha ba le bararo (kana baboledi bao ba nnang babulatsela ba ba thusang ka metlha kana morago ga lobaka lo lo rileng), go akaretsa le mmulatsela mongwe wa ka metlha yo mosha, fa e le gore o teng, yoo a ileng a nna mmulatsela ka bonako fela morago ga fa a sena go fetsa sekolo. Ba botse gore ba ile ba rulaganya jang merero ya bone e le gore ba ke ba nne babulatsela, ke eng seo se ileng sa ba tlhotlheletsa gore ba dire jalo, ke dilo dife tse di bonalang tseo ba ileng ba tshwanelwa ke gore ba di ithontshe, mme ke ditshegofatso dife tseo ba ileng ba di amogela fa ba ntse ba direla jaaka babulatsela ba ka metlha.
Pina 61 le thapelo e e konelang.
Beke E E Simololang ka June 15
Pina 34
10 mets: Dikitsiso. Bolela dintlhakgolo tsa pego ya tirelo ya tshimo ya ka March. Bontsha gore ke seabe sefe seo phuthego ya lona e ileng ya nna le sone mo pegong ya ka March. Tlotla ka bokhutshwane ka dithulaganyo tsa phuthego malebana le letsholo la tshimo e e sa abiwang. Neela pego ya madi. Akgolela phuthego tiro eo e ileng ya dirwa mo tirelong ya tshimo mmogo le tsela eo phuthego e ileng ya ema nokeng ka madi ka bopelotshweu ka gone.
20 mets: “A O Tla Nna le Seabe mo Bosuping Joo Eseng jwa ka Tlwaelo?” Tlotla ka dintlha tse di leng mo setlhogong seno o bo o dire dipontsho ka tsone. Otlelela ntlha ya gore re Basupi ba ga Jehofa ka dinako tsotlhe, ka gone re batla go senka ditshono tseo re ka neelang bosupi ka tsone. Rulaganyetsa esale gale go nna le maitemogelo a le mabedi a makhutshwane ao mo go one batho ba ileng ba nna le seabe mo bosuping jo eseng jwa ka tlwaelo mme ba nna le diphelelo tse di molemo kana ao mo go one mongwe mo phuthegong a ileng a kgatlhegela boammaaruri ka ntlha ya go neelwa bosupi ka mokgwa oo eseng wa ka tlwaelo.
15 mets: Motlotlo mmogo le dipontsho tse di leng kaga motlotlo wa Bibela le kafa Matsapa A A Tserweng ke Motho go Batla Modimo e ka tsamaisiwang ka teng, o dirisa Isaia 55:6, 7 le Ditihō 17:26, 27. Dira pontsho ya kafa ba ba sa tswang go kopanela mmogo le basha ba ka dirisang ka gone mokgwa o o motlhofo wa go buelela buka, ba dirisa Isaia 55:6, 7 fela.
Pina 154 le thapelo e e konelang.
Beke E E Simololang ka June 22
Pina 173
5 mets: Dikitsiso. Dikgang tsa Bolegodimo. Fa o tlotla ka dintlha tseno, bapisa pego ya ga jaanong le tshedimosetso e e leng malebana le lekala leo ya ka ngwaga wa tirelo wa 1986, jaaka fa e bonwa mo pegong ya ngwaga wa tirelo e e go 1987 Yearbook.
20 mets: “A O Ipaakanyeditse go Ka Lebana le Boemo jwa tsa Kalafi Jo Bo Gwetlhang Tumelo?” Se sekasekwa ka dipotso le dikarabo ke mogolwane yo o nang le bokgoni, a tlotla ka dirapa tsa go tloga kwa tshimologong ya tsenyeletso eno go ya go fitlha mo setlhogwaneng se se reng “Thuso ya Botlhokwa ka Nako Eo E Tlhokegang ka Yone.” Otlelela ntlha ya gore ga re a tshwanela go leta go fitlha go diragala sengwe e bo e nna gone re akanyang ka seo re ka se dirang. Rulaganyang esale gale jaaka lelapa gone jaanong jaana—nnang lo ipaakantse!
20 mets: “Go Boela ka Mokgele wa go Simolola Thuto ya Bibela.” Motlotlo mmogo le dipontsho. Dira pontsho eo e leng malebana le motlotlo wa Bibela o o akantshiwang mo serapeng 3. Dirisa dirapa 17-20 tse di leng mo ditsebeng 372-5 tsa buka ya Matsapa A A Tserweng ke Motho go Batla Modimo go simolola thuto ya Bibela ka yone.
Pina 135 le thapelo e e konelang.
Beke E E Simololang ka June 29
Pina 90
10 mets: Dikitsiso. Nna le dipontsho di le pedi tse dikhutshwane tseo di bontshang kafa lo ka nnang le motlotlo o o tswang mo Dikwalong ka gone fa lo tsamaisa dimakasine mo tirelong ya tshimo ka mafelobeke ano.
20 mets: “A O Ipaakanyeditse go Ka Lebana le Boemo jwa tsa Kalafi Jo Bo Gwetlhang Tumelo?” Sebui sengwe se se nang le maitemogelo se neela puo e e utlwalang sentle e e leng malebana le dintlha tse di leng mo setlhogwaneng se se reng “Thuso ya Botlhokwa ka Nako Eo E Tlhokegang ka Yone” go ya go fitlha kwa bokhutlong jwa setlhogo sa tsenyeletso eno, a otlelela kafa go leng mosola ka gone gore re dirisane mmogo le bagolwane ba lefelo la rona fa re lebane le boemo bongwe jwa tshoganyetso jwa tsa kalafi.
15 mets: Dilo tse di tlhokegang mo lefelong la lona. Lo ka nna lwa boeletsa dintlha tseo go ileng ga tlotliwa ka tsone kwa kopanong e e fetileng ya potologo kana kwa thulaganyong ya kopano e e kgethegileng ya letsatsi le le lengwe tseo di ka dirisiwang mo lefelong la lona.
Pina 167 le thapelo e e konelang.