Dikgang Tsa Puso ya Bomodimo

Afrika Borwa: Ka March 13 batho ba ga Jehofa kwa Lydenburg ba ne ba ipelela go kgakola Holo ya Bogosi ya bone e ntšha. Dikomiti tsa Kago tsa Kgaolo di le pedi di ne tsa kopa baithaopi ba ba intshang setlhabelo ba ba mo dikgaolong tsa bone gore ba tle go thusa mo dikarolong tse dikgolo tsa tiro eno. Seno se ne sa dira gore go nne le moya o montle kwa setsheng seo sa kago.

Gabon: Go tshwerwe tlhora e ntšha ya baboledi ba le 1 255 ka November. Palogare ya diura tsa baboledi ba phuthego e ne e le 17 mo bodiheding jwa tshimo.

Jamaica: Holo ya Dikopano ya ntlha e ne ya kgakolwa ka November 7, 1992, kwa Jamaica, mme go ne go na le batho ba le 4 469.

Rwanda: Mo go ba ba 182 ba ba ileng ba kolobediwa kwa Kopanong ya Kgaolo ya “Batshodi ba Lesedi” e e neng e tshwaretswe kwa Kigali ka January, ba le 149 ba bone ba ne ba ikwadisa jaaka babulatsela ba ba thusang. Tlhora ya ba ba neng ba ile e ne e le 4 498.