Dipokano Tsa Tirelo ka February
Beke E E Simololang ka February 7
Pina 131
15 mets: Dikitsiso tsa phuthego ya lona le Dikitsiso tse di tshwanetseng go tswa go Tirelo ya Rona ya Bogosi. Bua ka dintlha tse di buelelang dimakasine mo ditokololong tsa bosheng. Tlhalosa dintlha tsa konokono go tswa go Letlole la Dipotso.
18 mets: “Godisa Kgatlhego Mo Bogosing jwa Modimo jwa Kagiso.” Puisano ka setlhogo le bareetsi. Dipontsho tse pedi. Morago ga go sekaseka serapa sa 2, supa kafa mong wa ntlo yo o tshwaregileng a ka bontshiwang pampitshana ka gone. Dira gore mmoledi a botse potso ka tlotlo gore a tle a kgone go nna le sengwe se se tla mo thusang gore a dire loeto lwa go boela. Dira pontsho ka kgang e e mo serapeng sa 3 eo mo go yone mong wa ntlo a bontshang kgatlhego mme mmoledi a bo a dirisa buka ya O Ka Tshelela Ruri. Le mo go eno go dirwe sengwe se se tla thusang motho gore a nne le loeto lwa go boela.
12 mets: “A O Tlotla Lefelo la Gago la Kobamelo?” Puo ka mogolwane go tswa setlhogong sa Tora ya Tebelo ya June 15, 1993. Dira gore tshedimosetso eno e tshwanele maemo a phuthego ya lona. Fa e le gore go na le bothata bongwe jo bo tshwanetseng go baakanngwa, ntsha kgakololo e e tshwanetseng ka tsela e e bonolo.
Pina 137 le thapelo e e konelang.
Beke E E Simololang ka February 14
Pina 126
10 mets: Dikitsiso tsa phuthego ya lona. Pego ya madi. Tlhalosa kafa Mokgatlho o anaanelang ka gone meneelo e e ileng ya romelwa, o bo o akgole phuthego go bo e tsweletse ka go tshegetsa dilo tse di tlhokegang mo phuthegong ka boikanyego. Kgothaletsa botlhe go nna le seabe mo tirelong ya tshimo ka mafelobeke. Itsise gape ka dithulaganyo tsa Letsatsi la Dimakasine le le kgethegileng ka April 9, o bo o kgothatse baboledi gore ba simolole go ipaakanyetsa gone jaanong jaana ka go otara dimakasine tse di oketsegileng.
20 mets: “Tlhotlheletsa Kgolo Ka Go Dira Maeto A Go Boela A A Nang le Matswela.” Puisano ya dipotso le dikarabo. Dira pontsho kaga loeto lwa go boela o dirisa kgang e e mo serapeng sa 3. Tlhalosa kafa go tlhokegang ka gone gore motho a se ka a akaretsa tshedimosetso e le ntsi thata fa a etile, o bo o gatelele kafa go leng botlhokwa ka teng go tlhotlheletsa motho gore a kgatlhegele loeto lo longwe gape mo isagweng.
15 mets: “Lo Tla Ilwa ke Merahe Eotlhe.” Puo ka mogolwane yo o nang le maitemogelo.
Pina 122 le thapelo e e konelang.
Beke E E Simololang ka February 21
Pina 198
5 mets: Dikitsiso tsa phuthego ya lona. Dikgang tsa Puso ya Modimo.
15 mets: “Bakang Motsalwapele wa ga Jehofa!” Setlhogo se se akarediwang ka dipotso le dikarabo. Mogolwane o neela puo ka tsela e e bonolo le matlhagatlhaga, a kgothaletsa botlhe gore ba rulaganye maina a batho ba ba tla ba laletsang gore ba nne gone mo Segopotsong le mo go nngwe ya dipolelo tsa phatlalatsa tsa gale le gale e e tla latelang. Dira pontsho kaga dintlha tse di tlhalositsweng mo serapeng sa 7. Dira gore mmoledi a atamele motho mongwe yo o sa tswang go tsena mo Holong ya Bogosi a bo a leba kwa le kwa. Mmoledi o lemoga gore monna yono o ne a kgothadiwa ke mongwe wa masika a gagwe yo o nnang kwa toropong e nngwe gore a nne gone. Mmoledi o kopa monna yono gore a tle go bapa le ene le lelapa la gagwe gore ba tle ba kgone go mo adima Bibela ya bone le buka ya dipina. Mmoledi o bolelela monna yono gore o tla araba potso nngwe le nngwe fela e a ka e botsang morago ga pokano. Digela karolo eno ka go itsise nako e phuthego e tla ketekang Segopotso ka yone.
10 mets: Bibela—Kgothatso Ya Rona E E di Fetang Tsotlhe. Buka ya Go Fetolana, ditsebe 212-16. Puo e e neelwang ke mogolwane. Batho ba le bantsi ba ba mo teng le ba ba ka kwantle ga phuthego ya rona ba tlhoka kgothatso. Bontsha kafa mmoledi mongwe le mongwe mo phuthegong a ka dirisang Lefoko la Modimo ka gone go kgothatsa ba bangwe.
15 mets: “A Bo Go Le Molemo Jang Ne Go Ikgopotsa Dilo tse Jehofa A Di Dirileng!” Puisano ya dipotso le dikarabo mo dirapeng 1-11 mo setlhogong seno sa tsenyeletso. Dira gore go nne le dikakgelo di le pedi tse di ipaakanyeditsweng tsa bakaulengwe ba ba nang le thulaganyo ya bone ka namana kana ya phuthego ya go bala buka. Ba kope gore ba umake sengwe se ba ileng ba itumelela go se ithuta.
Pina 208 le thapelo e e konelang.
Beke E E Simololang ka February 28
Pina 219
5 mets: Dikitsiso tsa phuthego ya lona. Bolela gore ke buka efe e e tla bong e le mpho ya kgwedi ka March.
15 mets: “A Bo Go Le Molemo Jang Ne Go Ikgopotsa Dilo Tse Jehofa A Di Dirileng!” Se sekasekiwa ka dipotso le dikarabo go tswa mo serapeng sa 12 go ya go sa 20 mo tsenyeletsong. Dira gore baboledi ba le babedi ba ba ipaakanyeditseng, ba tlhalose kafa ba ileng ba solegelwa molemo ke buka eno ka teng.
15 mets: “Ema Nokeng ka Botlalo Thulaganyo Ya Phuthego ya Lona ya Pokano ya Phatlalatsa.” Ke puo, mme o ka nna wa botsa bareetsi potso e le nngwe kana di le pedi. Tlhalosa kafa batho ba ba kgatlhegang ba ba tlileng Pokanong ya Phatlalatsa mo lekgetlhong la ntlha ba ka thusiwang ka gone gore ba ikutlwe ba amogelegile. Dira gore mmoledi mongwe yo o ipaakanyeditseng sentle a akgele kafa a ileng a solegelwa molemo ka gone ke go nna teng mo Pokanong ya Phatlalatsa ka metlha.
10 mets: “Itise Mo Go Nneng Pelonomi ka Tsela E E Sa Tshwanelang.” Ke puo.
Pina 197 le thapelo e e konelang.