Dipokano Tsa Tirelo Tsa July

Beke e e Simololang ka July 1

Pina 90

12 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Gakolola baboledi gore ba bege tirelo ya bone ya tshimo ya June ka bonako. Mokwaledi le batshwari ba thuto ya buka ba tshwanetse ba tlhomamisa gore dipego tsotlhe tsa tirelo ya tshimo tsa dikgwedi tse di fetileng tse di neng di sa tsenngwa di a tsenngwa.

15 mets: “Go Diragatsa Maikano a Rona ka Malatsi Otlhe.” Dipotso le dikarabo. Akaretsa le dikakgelo tse di tswang mo Insight, Bolumo 2, tsebe 1162, dirapa 6-7, tse di bontshang gore ke ka ntlha yang fa maikano e le selo se se masisi.

18 mets: “Etsa Jehofa ka go Amega ka ba Bangwe ka Tsela ya Mmatota.” (Dirapa 1-3) Dirisa serapa sa ntlha go godisa ntlhakgolo ya setlhogo seno. Tlhomamisa gore ke diboroutšhara dife tse di leng gone mo setokong sa phuthego tseo di ka amogelwang sentle mo tshimong ya lona. Morago ga foo boeletsa dirapa 2-3 fela, mme o bo o bontsha gore go ka dirwa jang loeto lwa ntlha le loeto lwa go boela ka boroutšhara ya A Ruriruri Modimo o Amega ka Rona? Bontsha ka fa baboledi ba ka itirelang puisano ka gone ka boroutšhara e nngwe e e ka siamelang tshimo ya lona.

Pina 112 le thapelo e e konelang.

Beke e e Simololang ka July 8

Pina 43

10 mets: Dikitsiso tsa phuthego ya lona. Pego ya diakhaonto.

15 mets: “Etsa Jehofa ka go Amega ka ba Bangwe ka Tsela ya Mmatota.” (Dirapa 4-5) Tlotla fela ka dirapa 4-5 le ka dintlhakgolo tsa boroutšhara ya Fa Mongwe Yo o Mo Ratang a Tlhokafala. Mme o bo o bontsha dipuisano tse di akantshitsweng tsa loeto lwa ntlha le loeto lwa go boela.

20 mets: “Go Tlhokega Bakaulengwe ba ba Oketsegileng mo Tirelong ya Bobulatsela.” Dipotso le dikarabo. Fa nako e letla, sekaseka dikakantsho tsa gore re ka tlhokomela jang ditlhoko tsa rona tsa madi, jaaka fa go tlhalositswe mo makasineng wa Tora ya Tebelo ya September 15, 1993, ditsebe 28-31.

Pina 16 le thapelo e e konelang.

Beke e e Simololang ka July 15

Pina 162

10 mets: Dikitsiso tsa phuthego ya lona. Molebedi wa Tirelo o tshwanetse go itsise phuthego ka dithulaganyo tsa bofelo tsa tshimo e e sa abiwang—matlha, lefelo le le tla berekwang, borobalo, dithulaganyo tsa go tsamaya, le dibuka tse di tla tsamaisiwang.

20 mets: “A o Kile wa Leka Bosupi Jwa Maitseboa?” Tlotla le bareetsi mme o dire gore go nne le dipotsolotso di le mmalwa. Bolela gore ke eng se se tlhokometsweng mo lefelong la lona fa go dirwa tshimo fa letsatsi le wela. Akaretsa maitemogelo a a bontshang matswela a a molemo a bosupi jwa maitseboa. Bua ka thulaganyo e e dirilweng ya phuthego ya lona ya dipokano tsa tirelo tsa beke le beke.

15 mets: “Etsa Jehofa ka go Amega ka ba Bangwe ka Tsela ya Mmatota.” (Dirapa 6-8) Dirisa serapa sa bofelo sa setlhogo seno go kgothaletsa botlhe gore ba dire maeto a go boela ka bonako mo go ba ba ba tsamaiseditseng diboroutšhara. O dirisa dirapa 6-7, bontsha gore o ka tsamaisa jang boroutšhara ya Lebaka La go Bo Botshelo bo le Gone mo loetong lwa ntlha le gore o ka simolola jang thuto ka kgaolo ya ntlha ya buka ya Kitso mo loetong lwa go boela. Gakolola baboledi gore ba ka nna ba itirela dipuisano tsa bone ka diboroutšhara tse dingwe, ba latela sekao sa dipuisano tse di akantshitsweng mo kgatisong eno ya Tirelo ya Rona ya Bogosi.

Pina 64 le thapelo e e konelang.

Beke e e Simololang ka July 22

Pina 108

10 mets: Dikitsiso tsa phuthego ya lona. Ka bokhutshwane fela sekaseka dikgatiso tsa bosheng tsa dimakasine, o tlhomolola dintlha tse di kgatlhang tse di ka dirisiwang fa e buelelwa mo ntlong.

15 mets: Senka Mokgele wa Tirelo ya Nako e e Tletseng. Mogolwane o buisana le mosha a le mongwe kana ba babedi ba dingwaga tsa bolesome ka makasine wa Tora ya Tebelo ya December 15, 1988, ditsebe 25-7. Basha ba leka go dira tshwetso ya gore ke mekgele efe eo ba ka e senkang fa ba fetsa kwa sekolong se segolo. Ba kgatlhegela melemo ya dilo tse di bonalang e e tlisiwang ke ditiro tsa lefatshe. Mogolwane o ntsha mabaka a a utlwalang a gore ke ka ntlha yang fa go tla nna molemo thata go latelela tirelo ya bobulatsela. Basha bano ba a dumela mme fela ba a belaela gore a tota ba ka kgona go bulatsela ba bo ba itlamela ka dilo tse ba di tlhokang tse di bonalang. Mogolwane o tlotla le bone ka maitemogelo a a mo setlhogong seno sa Tora ya Tebelo, a a bontshang gore tirelo ya bobulatsela e molemo tota, e bile ke mokgele o o fitlhelelwang o o tlisetsang ba bantsi boitumelo. Puisano e felela basha ba bontsha gore ba itumelela dikakgelo tsa mogolwane le gore ba ikemiseditse go akanyetsa sentle ntlha ya go senka mokgele wa go nna le seabe ka botlalo mo tirelong ya Bogosi.

20 mets: “Tsela ya go Dira Barutwa ka Buka ya Kitso.” Puo e e akaretsang dirapa 12-16 mo tsenyeletsong ya June 1996. Dira gore go nne le dipontsho tse pedi tsa thuto ya Baebele e tsweletse. Ya ntlha e bontshe gore o ka thapisa moithuti jang gore a ipaakanyetse thuto ka go tlhomolola kana go segela dintlha tsa setlhogo le mafoko a a arabang ka tlhamalalo dipotso tse di gatisitsweng. Ya bobedi e bontshe gore o ka bua eng go kgothatsa moithuti wa Baebele gore a nne gone kwa Pokanong ya Phatlalatsa le Thuto ya Tora ya Tebelo.

Pina 116 le thapelo e e konelang.

Beke e e Simololang ka July 29

Pina 212

10 mets: Dikitsiso tsa phuthego ya lona. Sekaseka “Thulaganyo e Ntšha ya Kopano ya Potologo.” Ba gakolole ka dithulaganyo tsa tiro ya kwa tshimong e e sa abiwang. Gakolola botlhe gore ba tsenye dipego tsa bone tsa tirelo ya tshimo ya July. Ba kgothaletse botlhe gore ba nne le seabe ka botlalo mo tirelong ya tshimo ka kgwedi ya bofelo ya ngwaga wa tirelo.

20 mets: Ke Eng Se se Ka Thusang Motho Gore a Nne le Thuto ya Baebele? Mogolwane o buisana le ba babedi kana ba bararo ba ba boneng katlego mo tirong ya dithuto tsa Baebele, ba tlhatlhoba ditsela tseo ba ka atlegang mo go golwane ka tsone fa ba simolola dithuto: (1) Rapelela thuso ya ga Jehofa. (2) Ka metlha nna le seabe mo dikarolong tse di farologaneng tsa bodiredi go bona batho ba ba kgatlhegang. (3) Kwala botlhe ba ba kgatlhegang, mme o bo o dira maeto a go boela ka bonako. (4) Ka metlha buelela thuto moo go bontshitsweng kgatlhego gone. (Bona setlhogwana se se reng “Go Simolola Dithuto Tsa Baebele,” mo tsebeng ya 20 ya makasine wa Tora ya Tebelo ya February 15, 1996.) (5) Nna le tshepo mo kgonong ya gago ya go ruta ka go dirisa dikakantsho tse nnè tse di bontshitsweng mo ditsebeng tsa 27-31 tsa Tora ya Tebelo ya March 15, 1985.

15 mets: Dilo Tse di Tlhokegang mo Phuthegong ya Lona. Kana mogolwane a neele puo ka setlhogo se se reng “Kgomotso le Kgothatso—Dinonofo Tse di Botlhokwatlhokwa ka Ditsela Tse Dintsi,” se se theilweng mo makasineng wa Tora ya Tebelo ya January 15, 1996, ditsebe 21-3.

Pina 165 le thapelo e e konelang.