Thulaganyo ya Pokano ya Tirelo

Beke e e Simololang ka January 10

Pina 107

15 mets: Dikitsiso tsa phuthego ya lona. Dikitsiso tse di tlhophilweng go tswa mo go Tirelo ya Rona ya Bogosi.

15 mets: “Go Itsise Leina la ga Jehofa mo Lefatsheng Lotlhe.” Motlotlo wa dipotso le dikarabo. Akaretsa le dikakgelo tse di kaga bosupi jo e seng jwa ka tlwaelo go tswa mo bukeng ya Re Rulaganyeditswe, ditsebe 93-4.

15 mets: “Sekaseka Lefoko la ga Jehofa Letsatsi le Letsatsi!” Puo le motlotlo le bareetsi. Kgothaletsa botlhe gore ba dirise Go Tlhatlhoba Dikwalo ka Malatsi Otlhe—2000 ka tsela e e molemo. Akaretsa le dikakgelo go tswa mo ketapeleng, mo ditsebeng 3-4. Kopa bareetsi gore ba bolele kafa ba dirang maiteko a a kgethegileng ka teng go sekaseka temana le dikakgelo letsatsi le letsatsi.

Pina 155 le thapelo e e konelang.

Beke e e Simololang ka January 17

Pina 12

10 mets: Dikitsiso tsa phuthego ya lona. Pego ya diakhaonto.

15 mets: Dilo tse phuthego ya lona e tlhokang go di ela tlhoko.

20 mets: “Dirisa Dipampitshana go Simolola Motlotlo.” Tlhatlhoba dipampitshana dipe fela tse nnè tse di dirisiwang thata mo tshimong ya lona. Botsa potso e e arabiwang mo pampitshaneng nngwe le nngwe. Kopa bareetsi go akantsha kafa potso eo e ka dirisiwang ka teng go simolola motlotlo mme fa go kgonega go felele ka thuto ya Baebele. Dira pontsho ya kafa seno se ka dirwang ka teng ka dipampitshana tse pedi.

Pina 57 le thapelo e e konelang.

Beke e e Simololang ka January 24

Pina 110

15 mets: Dikitsiso tsa phuthego ya lona le maitemogelo a tirelo ya tshimo.

30 mets: “Thulaganyo ya Rona e e Tlhofofaditsweng ya go Aba Dibuka.” Mogolwane yo o tshwanelegang o tlhatlhoba tshedimosetso e e mo setlhogong seno le bareetsi. Mogolwane a ka bua le ka dintlha tse di tswang mo lekwalong la Mokgatlho la October 15, 1999. Go tswa foo a kope mmulatsela yo o baakanyeditseng sentle kana mmoledi yo o nang le maitemogelo gore a dire pontsho ya kafa tshedimosetso e e mo puong eno e ka dirisiwang ka teng mo tirelong ya tshimo. Mmoledi o dirisa dimakasine tsa bosheng tse di tla neelwang mo tirelong ya tshimo mo mafelobekeng ano go buisana le mong wa ntlo ka kgang nngwe e e mo go nngwe ya ditlhogo tseno. Fa mmoledi a bontsha mong wa ntlo ntlha e e rileng mo makasineng, mong wa ntlo o bolela jaana: “Seno se utlwala se kgatlha.” Mmoledi o bolela gore: “Ke tla itumelela go go naya makasine ono gore o kgone go bala setlhogo seno le tse dingwe tsotlhe tse di mo go one.” Mong wa ntlo o botsa jaana: “Dimakasine tseno ke bokae?” Mmoledi o araba jaana: “Dibuka tsa rona ga di duelelwe, mme fa e le gore o ka rata go ntshetsa tiro ya rona ya lefatshe lotlhe ya go ruta ka Baebele moneelonyana o o rileng, ke tla itumelela go o amogela.” Mong wa ntlo o ntsha moneelo mme mmoledi o dira gore a o tsenye ka tlhamalalo mo enfelopong ya tiro ya lefatshe lotlhe. O tlhalosa kafa a anaanelang moneelo ono ka teng mme o bolela gore o tla boa gape a mo tlisetsa dikgatiso tse di latelang tsa dimakasine. Mo pontshong ya bobedi e khutshwane, bontsha mmoledi a sa tlogele kgatiso ka gonne mong wa ntlo, le fa a rata gore ba bue, ga a kgatlhegele molaetsa wa Bogosi. O siela mong wa ntlo pampitshana. Mo pontshong ya boraro, bontsha kafa go ka tlogelwang pampitshana ka teng le mongwe yo o bonalang a kgatlhega ka mmatota mme a tshwaregile thata ka nako eo e bile go bonala go sa tshwanela ka nako eo go tlhalosa kafa tiro ya rona ya lefatshe lotlhe e tshegediwang ka teng. Mmoledi o solofetsa go boa gape ka nako e e mo tshwanetseng. Fa a boa gape, o tla leka go lemoga gore a mong wa ntlo o tota a kgatlhegela tiro ya rona mme fa go ntse jalo, a tlhalose kafa bodiredi jwa rona bo dirang ka teng le kafa tiro eno e tshegediwang ka teng.

Pina 157 le thapelo e e konelang.

Beke e e Simololang ka January 31

Pina 16

15 mets: Dikitsiso tsa phuthego ya lona. Gakolola botlhe go tlisa dipego tsa bone tsa tirelo ya tshimo tsa January. Umaka mpho ya buka ka February: Buka ya Boitumelo mo Lelapeng. Bontsha kafa dipotso tse tharo tse di mo lebokosong le le mo tsebeng ya 12 di ka dirisiwang ka teng go akaretsa motho mo motlotlong.

30 mets: Baakanyetsa Gone Jaanong go Tshegetsa Molao wa Modimo ka Madi. Mogolwane yo o tshwanelegang o tlotla ka botlhokwa jwa go tlatsa karata ya Advance Medical Directive/Release. Morago ga pokano eno, Basupi ba ba kolobeditsweng ba tla neelwa karata e ntšha mme ba ba nang le bana ba bannye ba ba iseng ba kolobediwe ba tla neelwa Identity Card ya ngwana mongwe le mongwe. Dikarata tseno ga di a tshwanela go tladiwa mo maitseboeng ano. Di tshwanetse tsa tladiwa ka kelotlhoko kwa gae mme DI SE KE tsa saeniwa. Go di saena, go saenisa basupi le go kwalwa ga matlha mo dikarateng tsotlhe go tla dirwa morago ga Thuto e e latelang ya Buka ya Phuthego, ka kaelo ya motshwari wa thuto ya buka. Pele ga o saena, tlhomamisa gore dikarata di tladitswe sentle tsotlhe. Ba ba saenang e le basupi ba tshwanetse go bona mong wa karata a saena karata eno ka boene. Baboledi ba ba sa kolobediwang ba ka nna ba ikwalela dikarata tsa bone gore ba di dirise bone le bana ba bone ka gore ba fetole fela mafoko a a dirisitsweng mo karateng eno gore a dumalane le maemo a bone le se ba se dumelang. Batshwari ba thuto ya buka ba tshwanetse go tlhomamisa gore botlhe ba ba abetsweng mo setlhopheng sa bone ba bona thuso e ba e tlhokang go tlatsa karata ya Advance Medical Directive/Release. Go bona dintlha tse di oketsegileng, bona lekwalo la October 15, 1992. Tlotla ka dintlha tse di tshwanetseng tse di tswang mo go Lebokoso la Dipotso mo go Tirelo ya Rona ya Bogosi ya September 1999. Kgothaletsa bakaulengwe gore ba dirise kakantsho ya gore ba itirele faele e ba ka tsenyang ditlhogo tsotlhe tse di umakilweng mo Lebokosong la Dipotso le le boletsweng fa godimo. Jaanong ba ka akaretsa le Tsogang! ya January 8, 2000.

Pina 60 le thapelo e e konelang.

Beke e e Simololang ka February 7

Pina 113

10 mets: Dikitsiso tsa phuthego ya lona.

15 mets: Karabo ya Potso e e Kaga ‘Go Tshwaya.’ Puo ka mogolwane, e e theilweng mo go Tora ya Tebelo ya July 15, 1999, ditsebe 29-31.

20 mets: Kafa o ka Thusang ba Bangwe ka Teng go Tlhomolola Bodumedi Jwa Boammaaruri. Motlotlo gareng ga motlhanka wa bodiredi yo o tshwanelegang le baboledi ba babedi kana ba bararo malebana le kafa batho ba ka tswang ba kgatlhwa ke Basupi ba ga Jehofa ka teng mme ba sa tlhaloganye sentle pharologanyo gareng ga madumedi a mangwe le jwa rona. Tlhatlhoba dintlha di le lesome tse go tlotlilweng ka tsone mo go Tsogang! ya May 8, 1995 (ya Seesemane). Tlhalosa kafa go itse mabaka ano go ka thusang motho yo o peloephepa ka teng go bona pharologanyo gareng ga kobamelo ya boammaaruri le ya maaka le botlhokwa jwa go ithuta go tswa mo bathong ba ga Jehofa le go kopanela le rona.

Pina 182 le thapelo e e konelang.