Thulaganyo ya Pokano ya Tirelo

Beke e e Simololang ka July 10

Pina 7

12 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Akgela ka pego ya tirelo ya tshimo ya April ya phuthego ya lona. Bua le bareetsi ka lebokoso le le reng “Leba Tsebe E e Ka fa Morago,” mme go nne le pontsho o dirisa nngwe ya dipuisano tse di akantshitsweng tse di ka nnang le matswela mo tshimong ya lona. Molebedi wa tirelo o tlotla ka dithulaganyo tsa bofelo tsa tshimo e e sa abiwang—matlha, lefelo le go tla bong go dirwa kwa go lone, marobalo, dithulaganyo tsa mosepele le buka e e tla bong e tsamaisiwa. Sekaseka lekwalo la May 30, 2000.

15 mets: “Ga re Ka ke Ra Tlogela go Bua.” Matseno a gago a se ka a feta motsotso, mme go latele motlotlo wa dipotso le dikarabo. Gatelela mabaka a a dirang gore re tseye kabelo ya rona ya go rera e le masisi. Akaretsa le dintlha tse di tshwanetseng tse di mo makasineng wa Tora ya Tebelo ya January 15, 1997, ditsebe 23-4.

18 mets: “A Dilo Tsotlhe di Diragalele go Aga.” Bagolwane ba babedi ba tlotla ka setlhogo seno. Bala serapa sengwe le sengwe le dikwalo tse di nopotsweng. Tlhalosa melaometheo e e akarediwang. Gatelela botlhokwa jwa go nna le temogo fa go buisanngwa ka kgwebo kana ka go tsadisa madi. Sekaseka kgakololo e e mo makasineng wa Tora ya Tebelo ya March 15, 1997, ditsebe 18-19, 22.

Pina 15 le thapelo e e konelang.

Beke e e Simololang ka July 17

Pina 23

15 mets: Dikitsiso tsa phuthego ya lona. Pego ya diakhaonto. Tlhalosa ka bokhutshwane ka fa re ka dirisang boroutšhara jwa Leina la Modimo ka gone go thusa motho yo o kgatlhegang gore a anaanele botlhokwa jwa go itse le go dirisa leina la Modimo.—Bona buka ya Go Fetolana, ditsebe 194-5.

10 mets: “Thulaganyo e Ntšha ya Kopano ya Potologo.” Dipotso le dikarabo. Itsise letlha la kopano ya potologo e e tlang, mme o rotloetse botlhe gore ba nne gone mo malatsing otlhe a mabedi. Kgothaletsa botlhe gore ba leke thata go laletsa baithuti ba Baebele. Go nna gone kwa kopanong go ka nna ga akofisa keletso ya bone ya go kopanela ka metlha le phuthego.

20 mets: O Tshwanetse go Etsa Sekao sa ga Mang? Rre o tshwara thuto ya lelapa le ngwana kana ba le babedi ba ba mo dingwageng tsa bolesome. Bosheng jaana o tlhokometse gore ba bua thata ka bagaka ba metshameko, batshameki ba ba tumileng ba dibaesekopo, batshameki ba thelebishene le baopedi. O bolela gore o amegile thata ka seno ka gonne go kgatlhegela seno ke tsela ya go bontsha moya wa lefatshe. Ba buisana ka makasine wa Tsogang! ya June 8, 1998, ditsebe 12-14. Basha ba lemoga kotsi ya go obamela batho ba lefatshe mme ba dumela gore go tuma ga lefatshe go ka se thuse Bakeresete ka sepe. Ba sekaseka melemo ya go tsaya batsadi, bagolwane, batho ba bangwe ba ba tlhomang sekao mo phuthegong e le dikao tsa bone, mme segolobogolo Jesu Keresete.

Pina 34 le thapelo e e konelang.

Beke e e Simololang ka July 24

Pina 45

5 mets: Dikitsiso tsa phuthego ya lona.

15 mets: Go Ikhaka Gore re Badiredi ba Modimo. Batlhanka ba bodiredi ba babedi ba buisana ka tlhagiso ya Dikwalo e e mo makasineng wa Tora ya Tebelo ya December 15, 1998, ditsebe 19-20. Ba lemoga botlhokwa jwa go dira gore ba tshwanelege ka tsela e e molemo mo tirong ya go nna batlhanka ba bodiredi mme ba sekaseka se ba ka se dirang go bontsha gore ba diragatsa dikabelo tsa bone. Ba bona botlhokwa jwa go nna dikao tse di molemo mo bodireding jwa tshimo le go tlotla ka ditsela tse ba ka thusang bagolwane ka tsone fa ba leka go thusa ba bangwe. Ba dumalana gore ba batla go dira sotlhe se ba ka se kgonang go thusa phuthego gore e lemoge gore metlha e potlakile le gore e gole le go gatela pele mo semoyeng.

10 mets: Go Kwalela Batho Ba re Sa Kgoneng go Buisana le Bone. Puo le motlotlo le bareetsi. E re ka go ntse go nna thata le go feta go fitlhela batho mo gae, baboledi bangwe ba bona matswela a a molemo ka go kwala makwalo. Akanyetsa dikaelo tseno: Makwalo a tshwanetse go nna makhutshwane, a theilwe mo Dikwalong, e bile a tlotlega. O se ka wa romela makwalo a se na leina la gago. Kwala lekwalo sentle kana o le tlanye e bile le balege sentle. Dirisa aterese ya Holo ya Bogosi mme o kwale dinako tsa dipokano tsa phuthego o bo o kopa motho yoo go nna gone kwa go tsone. O se ka wa dirisa aterese ya Mokgatlho. Sekaseka dikakantsho tsa Buka ya Kaelo ya Sekolo, ditsebe 87-8, le tse di mo Lebokosong la Dipotso la Tirelo ya Rona ya Bogosi ya November 1996.

15 mets: Dirisa Diketapele Tse di Nang le Matswela. Tlhopha diketapele di le pedi kana di le tharo mo ditsebeng 9-15 tsa buka ya Go Fetolana, mme o bontshe ka fa di ka dirisiwang ka katlego ka gone mo tshimong ya lona. Botsa bareetsi gore “Ke diketapele dife tse lo di dirisang fa lo buisana le motho mo mmileng, mo bosuping jo e seng jwa tlwaelo, kana go sele?” Dira pontsho ya ketapele e le nngwe kana di le pedi fa nako e letla.

Pina 54 le thapelo e e konelang.

Beke e e Simololang ka July 31

Pina 66

12 mets: Dikitsiso tsa phuthego ya lona. Gakolola botlhe go tlisa dipego tsa tirelo ya tshimo tsa July. Dikgang Tsa Puso ya Modimo. Kopa bareetsi ba bolele maitemogelo a ba nnileng le one mo kgweding eno fa ba ne ba tsamaisa diboroutšhara.

15 mets: Dilo tse phuthego ya lona e tlhokang go di ela tlhoko.

18 mets: “A o Anaanela Bopelotelele Jwa ga Jehofa?” Dipotso le dikarabo. Akaretsa dintlha tse di tshwanetseng tse di malebana le bopelotelele jwa ga Jehofa.—Bona Insight, Bolumo 2, ditsebe 263-4.

Pina 75 le thapelo e e konelang.

Beke e e Simololang ka August 7

Pina 88

10 mets: Dikitsiso tsa phuthego ya lona.

17 mets: “A o Motho yo o Ditlhong?” Dipotso le dikarabo. Bolela maitemogelo a a kgothatsang mo go 1997 Yearbook, ditsebe 43-4.

18 mets: Nna Botlhale mo Isagweng ya Gago. Puo ka mogolwane. Basha ba eletsa go itumelela isagwe le baratiwa ba bone. Le mororo e le selo sa tlholego fela, ba tshwanetse go dirisa kgakololo ya Modimo fa ba batla go atlega. (Dia. 19:20, NW) Maikutlo a go kgatlhegela batho ba bong bo sele a nonofile thata mo basheng. Fa maikutlo ano a sa thibelwe, diphelelo tsa gone di ka nna kotsi. Go tsoga dipotso di le dintsi malebana le gore go botlhale go le kana kang fa basha ba ba mo dingwageng tsa bolesome ba tsalana thata le ba bong bo sele, ba bo ba simolola go ratana mo go ka felelang ka go intsha mmogo. Sekaseka tlhagiso e e mo bukeng ya Dipotso Tse Basha Ba Di Botsang, ditsebe 231-5. Gatelela dintlha tsa konokono mo makasineng wa Tora ya Tebelo ya November 15, 1999, ditsebe 18-23, tse di bontshang gore go botlhokwa fa basha ba diragatsa tshwanelo yotlhe ya bone mo Modimong. Kgothaletsa basha ba ba mo dingwageng tsa bolesome go akanya ka kgakololo eno le go e tlotla le batsadi ba bone fa ba na le dipotso.

Pina 101 le thapelo e e konelang.