Thulaganyo ya Pokano ya Tirelo

ELANG TLHOKO: Tirelo ya Rona ya Bogosi e tlile go nna le thulaganyo ya Pokano ya Tirelo ya beke nngwe le nngwe ka nako ya kopano. Diphuthego di ka nna tsa dira diphetogo tse di tlhokegang gore di kgone go nna gone kwa Kopanong ya Kgaolo ya “Barutisi ba Lefoko la Modimo.” Dirisang metsotso e le 15 mo Pokanong ya bofelo ya Tirelo pele ga lo ya kopanong go boeletsa dikgakololo tse di tswang mo tsenyeletsong ya October tse di tshwanelang phuthego ya lona. Ka kgwedi ya January 2002, Pokano ya Tirelo yotlhe e tla rulaganngwa gore e boeletse dintlhakgolo tsa kopano. E le gore re ipaakanyetse puisano eo, rotlhe re ka kwala dintlha tsa botlhokwa kwa kopanong, go akaretsa le lenaane la dintlha tse re ka ratang go di dirisa ka namana mo botshelong jwa rona le mo bodireding jwa tshimo. Mme re tla bo re ipaakanyeditse go tlhalosa gore re dirisitse jang dikakantsho tseo fa e sa le re tswa kopanong. Re tla bo re agana fela thata go utlwa mongwe le mongwe wa rona a bolela kafa ditaelo tse di molemo tse re di amogetseng di re sologetseng molemo ka gone.

Beke e e Simololang ka November 12

Pina 170

8 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Tlotla ka ntlha e e kwa godimo malebana le diphetogo tsa Pokano ya Tirelo le se se rulaganyeditsweng Pokano ya Tirelo ka January 2002, fa go tla bo go na le poeletso ya dintlhakgolo tsa kopano ya kgaolo.

15 mets: “Ikanye Jehofa Gore a go Nonotshe.”a Akaretsa dikakgelo tse dikhutshwane go tswa go Tora ya Tebelo ya October 1, 1999, ditsebe 18-19, dirapa 6-8.

22 mets: “Re na Le Sedirisiwa se Sesha sa go Simolola Dithuto!” Puo ya motlotlo le bareetsi e e tshwanetseng go neelwa ke molebedi wa tirelo. Fa puo eno e simolola, dira gore batlhokomedi ba abele mongwe le mongwe khopi ya pampitshana e ntšha ya A o Ka Rata go Itse mo go Oketsegileng ka Baebele? Akaretsa dipontsho tse pedi tse di baakanyeditsweng sentle, o dirisa dikakantsho tse di mo lebokoseng le le reng “Se re Ka se Buang ka Dimakasine.” Mmoledi yo mongwe o buelela Tora ya Tebelo ya November 15, mme yo mongwe o buelela Tsogang! ya December 8. Mo pontshong nngwe le nngwe, mmoledi o konela ka go naya mong wa ntlo pampitshana ya Itse Baebele—mo pontshong e nngwe o e naya mong wa ntlo yo o sa amogeleng dimakasine mme mo go e nngwe o e naya yo o di amogelang. Kgothaletsa mongwe le mongwe gore a neye batho botlhe ba a kopanang le bone mo bodireding pampitshana eno e ntšha.

Pina 191 le thapelo e e konelang

Beke e e Simololang ka November 19

Pina 172

12 mets: Dikitsiso tsa phuthego ya lona. Pego ya diakhaonto. Dikgang Tsa Puso ya Modimo.

15 mets: Dilo tse phuthego ya lona e tlhokang go di ela tlhoko.

18 mets: “Godisa Bokgoni Jwa Gago Jwa go Lemoga.”b Mogolwane o boeletsa ka matlhagatlhaga thulaganyo ya kopano e e kgethegileng ya letsatsi le le lengwe e e neng e tshwerwe mo ngwageng o o fetileng wa tirelo.

Pina 195 le thapelo e e konelang.

Beke e e Simololang ka November 26

Pina 177

15 mets: Dikitsiso tsa phuthego ya lona. Gakolola baboledi gore ba neye batshwari ba bone ba Thuto ya Buka ya Phuthego dipego tsa bone tsa tirelo ya tshimo tsa November. O dirisa dikakantsho tse di mo lebokoseng le le reng “Se re Ka se Buang ka Dimakasine,” dira dipontsho di le pedi tse di baakanyeditsweng sentle tsa go tsamaisa dimakasine—mo pontshong e nngwe o dirise Tora ya Tebelo ya December 1 mme mo go e nngwe o dirise Tsogang! ya December 8. Go tswa foo tlhalosa kafa motho a ka bonang ka teng puisano e a ka e dirisang fa a tsamaisa buka ya Monna yo Mogolo kana dikgatiso dipe fela tse dingwe tse di tsamaisiwang ka December. Leba mo go Watch Tower Publications Index mo go “Presentations (Dipuisano)” le mo setlhogwaneng se se fa gare se se reng “List by Publication (Lenaane Go ya Ka Dikgatiso).” Tlotla ka sekai se le sengwe kana di le pedi. Gakolola botlhe gore nako le nako ba dirise pampitshana ya A o Ka Rata go Itse mo go Oketsegileng ka Baebele?

15 mets: “Nka Bona Kae Nako?” Puo le motlotlo le bareetsi. Akaretsa dintlha tsa konokono go tswa go Tora ya Tebelo ya October 1, 2000, ditsebe 20-1, dirapa 9-10, mo setlhogwaneng se se reng “Kafa Bangwe ba Ipeelang Nako ya go Ithuta ka Teng.” Kopa bareetsi go bolela ka ditsela tse di mosola tsa kafa ba neng ba bona nako ka teng gore ba dire dilo tse di botlhokwa segolo ka go kgaotsa go dira dilo tse di sa tlhokegeng. Gatelela kafa go leng botlhokwa ka teng gore motho a ipeele nako ya go ithuta ka namana le go ithuta le lelapa, go ya kwa dipokanong tsa phuthego, mo bodireding jwa tshimo le go bala Baebele letsatsi le letsatsi.

15 mets: Basha ba Baka Jehofa. Motlotlo le bareetsi. Diphuthego di le dintsi di na le basha ba le bantsi ba ba nnang le seabe mo tirong ya go rera. Go a tshwanela gore ba dire jalo, le mororo gantsi ba tshwanelwa ke go rerela batho ba bagolo. (Pes. 148:12, 13; Math. 21:15, 16) Fa batsadi le baboledi bangwe ba ba kgatlhegela, ba ba thapisa le go ba kgothatsa, basha bano ba ipelela tirelo ya tshimo thata fela. Kopa bareetsi go ntsha dikakantsho tsa kafa basha ba ka akarediwang ka teng mo tirong ya ntlo le ntlo le mo go direng maeto a go boela. Kopa batsadi go bolela gore ba ile ba dira eng go thusa bana ba bone go ithuta go tsamaisa dimakasine, go dirisa Baebele mo dipuisanong tsa bone, le go bua ka bopelokgale mo tirong ya ka ntlo le ntlo. Gatelela melemo ya go akgola bana. Botsolotsa mmoledi a le mongwe yo mosha kana ba babedi, mme o ba letle gore ba bolele gore ke eng se ba se ipelelang ka tiro ya go rera le gore ke ka ntlha yang fa ba ipelela seo.

Pina 198 le thapelo e e konelang.

Beke e e Simololang ka December 3

Pina 179

10 mets: Dikitsiso tsa phuthego ya lona. Akgola botlhe ba ba ileng ba nna le seabe mo letsholong la tshimo e e sa abiwang. Bega gore go ne ga fitlhelelwa eng mme o bolele maitemogelo ape fela a a kgatlhang.

15 mets: Dikarolo Tsa Buka ya Go Fetolana. Motlotlo le bareetsi. Sekaseka dikai tse di latelang tse di bontshang kafa dikarolo tse di farologaneng tsa buka eno di leng mosola thata ka teng go tlhalosa se Baebele e se rutang: Go tlhalosiwa ga mafoko, a a jaaka “Bogosi” (tsebe 83) kana “moya [spirit]” (tsebe 300); ditlhaloso tse di farologaneng go tswa mo dithanolong tse di sa tshwaneng, tse di bontshang gore leina la Modimo le dirisiwa kae mo Baebeleng le gone jang (ditsebe 189-90) kana boammaaruri ka dihele (tsebe 134); lenaane le le tlhalosang dilo tse re di dumelang tse di re tlhaolang mo ditumelong tse dingwe (ditsebe 52-4) kana tse di bontshang kafa motho a ka itseng bodumedi jwa boammaaruri ka teng (ditsebe 78-80); hisitori e e bontshang kafa Keresemose e simologileng ka teng (ditsebe 255-7) kana boitlhaodi jwa Bakeresete ba bogologolo (ditsebe 107-10); bosupi jwa saense jo bo tshegetsang popo (ditsebe 335-6) kana bosupi jo bo bontshang bodiphatsa jwa go dirisa marijuana le motsoko (ditsebe 144-6). Kgothaletsa baboledi go dirisa sedirisiwa seno se se molemo sa go ruta nako nngwe le nngwe fa go tlhaga sebaka mo bodireding jwa tshimo.

20 mets: “Masego a go Bontsha go Anaanela Lorato Lwa ga Jehofa—Karolo 1.”c Fa o sekaseka dirapa 3-6, kopa phuthego gore e bolele maitemogelo a a kgothatsang a ba ileng ba nna le one mo tirong ya ntlo le ntlo, fa ba neela bosupi jwa mmila, le fa ba dira maeto a go boela le go tshwara dithuto tsa Baebele.

Pina 200 le thapelo e e konelang.

[Footnotes]