Se re Ka se Buang ka Dimakasine

Tora ya Tebelo Jan. 15

“Batho ba le bantsi ba dirisa ditshwantsho mo kobamelong ya bone. A o akanya gore dilo tseno di na le maatla a a bolokang? [Mo letle go araba.] Tsweetswee ela tlhoko gore Modimo wa boammaaruri o tlile go re direlang. [Bala Tshenolo 21:3, 4.] Ke Modimo yo e leng wa mmatota fela yo a ka kgonang go dira seo. Makasine ono o re bontsha gore ke mang le gore re ka solegelwa molemo jang ke go baya tshepo ya rona mo go ene.”

Tora ya Tebelo Feb. 1

“Batho ba le bantsi ba tshwenyegile thata malebana le go kgotlelwa ga tikologo. Le fa go ntse jalo, a o kile wa akanya ka go kgotlelwa ga mogopolo? [Mo letle go araba.] Baebele e gatelela botlhokwa jwa go nna phepa mo mmeleng le mo semoyeng. [Bala 2 Bakorintha 7:1.] Ke tlhomamisegile gore o tlile go fitlhela tshedimosetso eno e le molemo e bile e le mosola thata.”

Tsogang! Feb. 8

“Re ka nna ra se tseye tsia kgang ya gore re na le legae. Mme batshabi ba le dimilione di le dintsi mo lefatsheng lotlhe ba kgarakgatshega fela kwantle ga go thusiwa, ga go motlha o ba bonang polokesego e ba e batlang. Tsogang! eno e tlotla ka lebaka la go bo bothata jono bo le teng mmogo le tsholofetso ya Baebele ya gore ka letsatsi lengwe mongwe le mongwe o tla nna le legae la gagwe.”

“Kwantle ga pelaelo o bone gore le mororo gantsi manyalo a simolola e le a a itumetseng, a le mantsi a one a a thubega. Nka rata go go tlogelela makasine ono wa Tsogang! jaaka o tlhalosa pono ya Baebele ya kafa motho a ka dirang ka gone gore lenyalo la gagwe le nnele ruri le gore e nne le le itumetseng.”