Thulaganyo ya Pokano ya Tirelo

Beke e e Simololang ka July 14

Pina 56

10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Molebedi wa tirelo o tlhalosa dithulaganyo tsa tshimo e e sa abiwang. Boeletsang lekwalo la May 30, 2003, le le buang ka tshimo e e sa abiwang, dikgatiso tse di tsamaisiwang, matlha, lefelo le le tlileng go berekiwa, marobalo le dithulaganyo tsa loeto lwa go ya koo. A bangwe ba ka tsaya bobulatsela jo bo thusang? Diphuthego tse di sa yeng kwa tshimong e e sa abiwang di tshwanetse go tlotla ka dithulaganyo tsa go bereka tshimo e e berekiwang sewelo. O dirisa dikakantsho tse di mo go tsebe 4, dira gore go nne le dipontsho tse pedi tsa maemo a go ka kopanwang le one fa go tsamaisiwa Tora ya Tebelo ya July 15 le Tsogang! ya August 8 mo tshimong ya phuthego ya lona. Mo pontshong nngwe le nngwe, dimakasine di tsamaisiwe tsoopedi le fa go bueletswe e le nngwe fela.

15 mets: Go Obamela Jehofa go Dira Jang Gore re Kgotsofalele Botshelo? Motlotlo le bareetsi. Kobamelo ya boammaaruri e botlhokwa gore motho a nne le botshelo jo bo itumetseng, jo bo nang le bokao. (1) E re thusa go itshokela mathata le ditlhobaelo tsa botshelo. (Bafil. 4:6, 7) (2) E re kgothaletsa go nna le dinonofo tse di itumedisang Modimo. (2 Pet. 1:5-8) (3) E re thusa go dirisa nako ya rona le dithoto tsa rona ka tsela e e mosola. (1 Tim. 6:17-19) (4) E re naya tsholofelo e e tlhomameng ka isagwe. (2 Pet. 3:13) (5) E dira gore re kgone go nna le kamano e e gaufiufi le Jehofa. (Jak. 4:8) Bontsha kafa dilo tseno di tlhaelang ka teng mo bathong ba ba sa itseng Jehofa kgotsa ba ba sa mo direleng.

20 mets: “Go Anaanela Bopelotlhomogi Jwa Modimo.”a Fa o tlotla ka serapa 3, ntsha dikakantsho tsa kafa o ka simololang ka teng go nna le motho yo o mo tsamaisetsang dimakasine ka metlha, o dirisa dintlha tse di mo go Tirelo ya Rona ya Bogosi ya October 1998, tsebe 12. Botsa mmoledi a le mongwe kgotsa ba le babedi ba ba nang le bokgoni gore ke mokgwa ofe wa go simolola dithuto tsa Baebele o ba boneng o na le matswela fa ba o dirisa. Kgothaletsa botlhe gore ba nne le mokgele wa go simolola le go tshwara thuto ya Baebele.—om-TN ts. 91.

Pina 176 le thapelo e e konelang.

Beke e e Simololang ka July 21

Pina 184

10 mets: Dikitsiso tsa phuthego ya lona. Pego ya diakhaonto.

10 mets “Thulaganyo e Ntšha ya Kopano ya Potologo.” Puo le motlotlo le bareetsi. Itsise letlha la kopano e e latelang ya potologo. Fa e le gore phuthego ya lona e tla bo e ya kopanong ya yone mo dikgweding di se kae tse di tlang, umaka gore ba ba eletsang go kolobediwa ba itsise molebedi yo o okamelang. Kgothaletsa botlhe gore ba leke ka natla go laletsa batho ba ba ithutang le bone Baebele gore ba nne teng mo kopanong yotlhe.

25 mets: Etsa Bopelokgale Jwa Bone fa o Rera. Motlotlo le bareetsi o o theilweng mo bukeng ya Obamela Modimo, tsebe 170-1. Kopa bareetsi gore ba arabe dipotso tse di boditsweng mo serapeng sa 7 mme ba buelele ditemana tse di umakilweng fa ba akgela. Bala ditemana dingwe tse o di tlhophileng. Bontsha gore re ithuta eng mo dipegong tseno le gore di re thusa jang go nna le pono e e siameng ka kabelo ya rona ya go rera.

Pina 201 le thapelo e e konelang.

Beke e e Simololang ka July 28

Pina 45

10 mets: Dikitsiso tsa phuthego ya lona. Gakolola baboledi gore ba tlise dipego tsa bone tsa tirelo ya tshimo tsa July. O dirisa dikakantsho tse di mo go tsebe 4, dira gore go nne le dipontsho tse pedi tse di farologaneng go tsamaisiwa Tora ya Tebelo ya August 1 le Tsogang! ya August 8. Mo pontshong nngwe le nngwe dimakasine tseno di tsamaisiwe mmogo le fa go bueletswe e le nngwe fela. Mo go nngwe ya dipontsho tseno, dira gore mmoledi a neele bosupi jo e seng jwa tlwaelo.

15 mets: Dilo tse phuthego ya lona e tlhokang go di ela tlhoko.

20 mets: “Go ya Tshimong le Setlhopha go a Itumedisa.”b Fa o tlotla ka serapa 3, akaretsa le dintlha tse di tswang mo Lebokosong la Dipotso la Tirelo ya Rona ya Bogosi ya September 2001. Botsolotsa molebedi mongwe wa Thuto ya Buka ya Phuthego ka bokhutshwane. Mmotse ka dithulaganyo tsa tirelo ya tshimo tse a di diretseng setlhopha sa gagwe sa thuto ya buka le gore setlhopha se solegelwa molemo jang ke go ya tshimong mmogo.

Pina 36 le thapelo e e konelang.

Beke e e Simololang ka August 4

Pina 178

10 mets: Dikitsiso tsa phuthego ya lona. Umaka dikgatiso tse di tsamaisiwang mo kgweding eno. Dira pontsho e khutshwane e le nngwe kgotsa di le pedi tsa puisano e e ka dirisiwang.

20 mets: “Go Tsamaisa Dikgatiso mo Tshimong ya Dipuo Tse di Farologaneng.”c Dirisa dipotso tse di mo setlhogong seno. Fa lo le mo serapeng sa 3, dira pontsho ya puisano e e motlhofo ka puo e sele e e buiwang mo tshimong ya lona mme go sena phuthego ya puo eo.—km-TN 7/02 ts. 1 ser. 4.

15 mets: Basha ba Baka Jehofa! Puo le motlotlo le bareetsi le dipotsolotso. Re itumelela go utlwa basha ba naya dikakgelo tse di baakanyeditsweng sentle kwa dipokanong. Go a itumedisa go bona ba tlhoafetse e bile ba gatela pele mo Sekolong sa Bodiredi sa Puso ya Modimo. Ba bontsha tumelo ya mmatota fa ba ntse ba naya bosupi mo bodireding. Boitshwaro jwa bone jo bontle bo tlotla Jehofa. (yb88 ts. 53-4) Fa ba ntse ba gatela pele semoyeng jaana ba tla nna le ditshiamelo tsa tirelo mo isagweng. Botsolotsa ka bokhutshwane basha ba Bakeresete ba le babedi kgotsa ba le bararo ba ba itumelelang go nna le seabe ka metlha mo ditirong tsa phuthego. Akgola basha ba ba mo phuthegong ka bopelontle o ba akgolela maiteko a mantle a ba a dirang go baka Jehofa.

Pina 49 le thapelo e e konelang.

[Dintlha tse di kwa tlase]