Thulaganyo ya Pokano ya Tirelo

Beke e e Simololang ka August 8

Pina 125

10 mets: Dikitsiso tsa phuthego ya lona. Dikitsiso tse di tlhophilweng mo kgatisong ya Tirelo ya Rona ya Bogosi. Gakolola baboledi ka matlha a thulaganyo ya kopano ya potologo le kopano e e kgethegileng ya letsatsi le le lengwe tsa ngwaga wa tirelo wa 2006 fa e le gore lo setse lo a itse. Dira gore go nne le pontsho e le nngwe kana di le pedi ka dipuisano tse di akantshitsweng tse di mo tsenyeletsong ya Tirelo ya Rona ya Bogosi ya June 2005 malebana le go dira maeto a go boela mo bathong ba ba amogetseng diboroutšhara.

10 mets: “A o Ka Direla Kwa go Nang le Tlhokego e Kgolwane Gone?” Puo e e neelwang ka matlhagatlhaga ke mogolwane yo o tlhagafaletseng bodiredi, yo o kgothaletsang bareetsi gore ba tlhatlhobe maemo a bone go bona gore a ba ka amogela taletso eno. Boeletsa le dintlha tse di mo bukeng ya Re Rulaganyeditswe, ditsebe 111-12.

25 mets: “Eno ke Nako ya go Rera!”a Rulaganyetsa go sa le gale gore mmulatsela a le mongwe wa ka metlha kana ba le babedi ba akgele ka diphetogo tse ba ileng ba di dira gore ba kgone go bula tsela le masego a ba nnileng le one ka ntlha ya go dira jalo.

Pina 197 le thapelo e e konelang.

Beke e e Simololang ka August 15

Pina 11

10 mets: Dikitsiso tsa phuthego ya lona. Dirisa dikakantsho tse di mo tsebeng 8 (fa di tshwanela tshimo ya gaeno) go bontsha gore Tora ya Tebelo ya August 15 le Tsogang! ya September 8 di ka tsamaisiwa jang. Dira pontsho e mo go yone mogolwane le mmoledi yo o lwalang ba neelang bosupi ka founo.

15 mets: A o A Gakologelwa? Motlotlo le bareetsi o o theilweng mo makasineng wa Tora ya Tebelo ya April 15, 2005, tsebe 30. Kopa bareetsi gore ba akgele mo potsong nngwe le nngwe. Bontsha kafa dintlha tseno di ka dirisiwang ka gone. Kgothaletsa botlhe gore ba bale kgatiso nngwe le nngwe ya Tora ya Tebelo le Tsogang! ka kelotlhoko.

20 mets: “Go Simolola Dithuto Tsa Baebele o Eme fa Kgorong le ka Founo.”b Dira gore go nne le pontsho e khutshwane e e bontshang kafa thuto ya Baebele e ka simololwang ka gone mo loetong lwa ntlha, ka go dirisa serapa se le sengwe fela kana di le pedi mo boroutšhareng jwa Re Direng. Anela maitemogelo a le mangwe fela kana a le mabedi a a amanang le go simolola dithuto ka founo.

Pina 30 le thapelo e e konelang.

Beke e e Simololang ka August 22

Pina 161

10 mets: Dikitsiso tsa phuthego ya lona. Bala dipego tsa diakhaonto le makwalo a a bontshang gore meneelo ya lona e amogetswe. Monongwaga go na le diphuthego tse di oketsegileng tse di nang le seabe mo letsholong la tshimo e e sa abiwang. Bolela gore go setse go dirilwe go le kana kang mo tshimong e e sa abiwang. Itsise phuthego ka dithulaganyo tsa tshimo ya September. Botsolotsa mmoledi a le mongwe kana ba le babedi ba ba setseng ba nnile le matswela a a molemo kwa tshimong e e sa abiwang.

15 mets: Dilo tse phuthego ya lona e tlhokang go di ela tlhoko.

20 mets: “Go Rera ka Bogosi—Tshiamelo e e Botlhokwa Thata.”c Fa lo tlotla ka serapa 4, umaka thulaganyo e e kgethegileng e mo go yone batho ba ba sa kgoneng go dira mo gontsi ka ntlha ya botsofe kana mathata a botsogo ba ka kgonang go bega metsotso e le 15 ka gone.—Bona Tirelo ya Rona ya Bogosi ya October 2002, ts. 12, ser. 6.

Pina 204 le thapelo e e konelang.

Beke e e Simololang ka August 29

Pina 45

10 mets: Dikitsiso tsa phuthego ya lona. Gakolola baboledi gore ba tlise dipego tsa bone tsa tirelo ya tshimo ya August ka bonako. Re ka rata go nna le palo e ntšha ya baboledi ka August. Balebedi botlhe ba thuto ya buka ba tshwanetse go tlhomamisa gore mongwe le mongwe mo setlhopheng sa bone o begile e le gore dipego di tle di balwe tsotlhe ka September 6. Ba tshwanetse go tlhomamisa gape le gore dipego tsotlhe tse di saletseng kwa morago tsa ngwaga ono wa tirelo di newe mokwaledi. Go tla thusa fa mokwaledi a ka dira lenaane la batho botlhe ba ba nang le dipego tse di saletseng kwa morago go sa le gale a bo a le naya molebedi mongwe le mongwe wa thuto ya buka. Dirisa dikakantsho tse di mo tsebeng 8 (fa di tshwanela tshimo ya gaeno) go bontsha gore Tora ya Tebelo ya September 1 le Tsogang! ya September 8 di ka tsamaisiwa jang. Mo go nngwe ya dipontsho tseno, dira gore go dirwe loeto lwa go boela mo mothong yo o tsamaisediwang dimakasine ka metlha.

15 mets: “Go Neela Bosupi Kwantle ga Mafoko.”d Kopa baboledi ba ba tlhophilweng go sa le gale ba akgele gore go ela boitshwaro jwa batho ba Modimo tlhoko go ba thusitse jang gore le bone ba nne batlhanka ba ga Jehofa.

20 mets: Dirisa Baebele mo Loetong Lwa Ntlha. Puo le motlotlo le bareetsi. Boeletsa dikakantsho tse di mo kgatisong ya Tirelo ya Rona ya Bogosi ya September 2004, tsebe 4, serapa 2, tse di buang ka go balela batho Lefoko la Modimo mo loetong lwa ntlha. Dira pontsho ya kafa nngwe ya dikakantsho tseno kana di le pedi di ka dirisiwang ka gone fa go tsamaisiwa kgatiso ya September. Fa nako e letla, lo ka tlotla le go dira dipontsho ka dikakantsho tse di mo tsenyeletsong ya Tirelo ya Rona ya Bogosi ya January 2005 tse di bontshang kafa kgatiso eno e ka tsamaisiwang ka gone.

Pina 71 le thapelo e e konelang.

Beke e e Simololang ka September 5

Pina 98

10 mets: Dikitsiso tsa phuthego ya lona.

15 mets: “Go Tshwara Dithuto Tsa Baebele Tse di Gatelang Pele—Karolo 12.”e Rulaganya go sa le gale gore mmoledi a le mongwe kana ba le babedi ba akgele ka se se ileng sa ba thusa gore ba kgone go simolola le go tshwara dithuto tsa Baebele.

20 mets: Go Dira Dithulaganyo Tsa go Thusa Batsofe. Puo e e neelwang ke mogolwane e e tswang mo makasineng wa Tora ya Tebelo ya August 15, 1993, ditsebe 28-9, kafa tlase ga setlhogwana se se reng, “Go Tlhokega Thulaganyo.” Bolela gore ke dithulaganyo dife tse di dirilweng mo phuthegong go thusa batho ba ba lwalang le batsofe.

Pina 164 le thapelo e e konelang.

[Dintlha tse di kwa tlase]