Thulaganyo ya Pokano ya Tirelo

Beke e e Simololang ka February 12

Pina 52

10 mets: Dikitsiso tsa phuthego. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya February 15 le Tsogang! ya February di ka tsamaisiwa jang. Mo go nngwe ya dipontsho tseno, bontsha kafa o ka arabang ka gone fa motho a kgoreletsa puisano ka go re “Ga ke na kgatlhego mo bodumeding.”—Bona buka ya Go Fetolana, ts. 16-17.

35 mets: “Bolela Dinonofo Tse di Molemolemo Tsa ga Jehofa Gongwe le Gongwe.”a E neelwe ke molebedi wa tirelo. Mo dintlheng tse di tshwanelang fa o ntse o neetse puo eno, itsise nako le lefelo la Segopotso, dithulaganyo tsa dipokano tse di oketsegileng tsa tirelo ya tshimo le mokgele wa phuthego wa babulatsela ba ba thusang ka April.

Pina 147 le thapelo e e konelang.

Beke e e Simololang ka February 19

Pina 198

5 mets: Dikitsiso tsa phuthego.

20 mets: “Etsa Morutisi yo Mogolo fa o Dirisa Buka ya Baebele e Ruta Eng?”b Fa o tlotla ka serapa sa 6, dira gore go nne le pontsho e khutshwane e e bontshang mmoledi a dirisa lebokoso le le kwa bofelong jwa kgaolo 6 mo bukeng ya Baebele e Ruta Eng? go boeletsa kgaolo le motho yo a ithutang le ene.

20 mets: A o Ka Simolola Thuto ya Baebele ka March? Motlotlo le bareetsi. Mo dibekeng tsa ntlha tsa March, re tla bo re tsamaisa buka ya Baebele e Ruta Eng? ka boikaelelo jwa go simolola dithuto tsa Baebele. Boeletsa dikakantsho tse di mo tsenyeletsong ya Tirelo ya Rona ya Bogosi ya March 2006, tsebe 3-5. Dirisa nngwe ya dikakantsho tse di mo tsebeng ya 5 kgotsa puisano e nngwe e e tshwanelang tshimo ya lona go dira pontsho ya kafa o ka simololang thuto ya Baebele ka gone mo loetong lwa ntlha. Kopa bareetsi go bolela maitemogelo a a tlhomologileng a ba nnileng le one fa ba dirisa buka eno, segolobogolo mo go simololeng dithuto tsa Baebele.

Pina 220 le thapelo e e konelang.

Beke e e Simololang ka February 26

Pina 29

10 mets: Dikitsiso tsa phuthego. Bala pego ya diakhaonto le makwalo ape a a bontshang gore moneelo wa lona o amogetswe. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tse di bontshang gore Tora ya Tebelo ya March 1 le Tsogang! ya March di ka tsamaisiwa jang. Mo go nngwe ya dipontsho, bontsha mmoledi a rera mo tshimong ya kgwebo. Gakolola botlhe go tlisa dipego tsa tirelo ya tshimo tsa February.

15 mets: “O se Ka wa Lebala Batho ba ba Tsidifetseng.”c Akaretsa dikakgelo tse di mo makasineng wa Tora ya Tebelo ya May 1, 2004, tsebe 21-2, serapa 13-16.

20 mets: “Etsa Keresete mo Bodireding Jwa Gago.”d Fa nako e letla, kopa bareetsi go bala le go akgela ka ditemana tse di umakilweng.

Pina 18 le thapelo e e konelang.

Beke e e Simololang ka March 5

Pina 32

15 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Dikgang Tsa Puso ya Modimo. Kopa gore mmoledi mongwe le mongwe mo bareetsing a newe taletso e e kgethegileng ya segopotso mme o umake dithulaganyo tse di dirilweng mo phuthegong ya lona tsa go aba taletso eno mo tshimong. Kgothaletsa botlhe gore ba nne le seabe. Dira gore go nne le pontsho e e bontshang kafa taletso eno e ka dirisiwang ka gone.

15 mets: Go Rera Dikgang Tse di Molemo ka Tsela e e Rulagantsweng Sentle. Puo le motlotlo le bareetsi o o theilweng mo bukeng ya Re Rulaganyeditswe go Dira Thato ya ga Jehofa, go tswa mo setlhogwaneng se se mo tsebeng ya 102 go ya kwa bofelong jwa kgaolo.

15 mets: “Re Neilwe Letlotlo.”e Fa nako e letla, kopa bareetsi go akgela ka ditemana tse di umakilweng.

Pina 104 le thapelo e e konelang.

[Dintlha tse di kwa tlase]