Sebetsa Se Sesha Kgatlhanong le Malaria

JAAKA go ile ga begwa mo go Tsogang! ya May 8, 1993, malaria ke seru se se tlhaselang lefatshe gape. The New York Times (March 23, 1993) e ne ya bega gore “mo ngwageng e e fetileng, batho ba Brazil ba le 560 000 ba ne ba tsenwa ke malaria.” Batho ba le 8 000 ba Brazil ba bolawa ke malaria ngwaga le ngwaga. Mme jaanong motlhotlhomisi mongwe wa Colombia ebong Dr. Manuel Elkin Patarroyo, o lemogile sedirisiwa sengwe se sesha—khemikale ya maitirelo e e ka dirisiwang go thibela e e jang disente di le 90 fela, ditekanyetso tsa yone di le tharo. Dr. Patarroyo o ne a re, “Tlhotlhwa ya yone e kwa tlase ga ya Coca-Cola [kwa Colombia].” Mme mo nakong eno e thusa balwetsi ba ka nna 67 lekgolong mo go ba ba tsenweng ke bolwetsi joo. Lefa e ka se ka ya kgona go fedisa malaria ano a a bolayang thata, e lebega e thusitse thata mo tlhabanong kgatlhanong le malaria.