Go Lemoga Dikgang

“E Sen ka Pono”

Ditekeletso tsa bosheng jaana tsa saense di ile tsa tlhomamisa gore Letsela la Phitlho la Turin ke setshwantsho fela se se tsietsang se se nnileng gone mo lekgolong la bo 14 la dingwaga. Lefa go le jalo, “Makatoliki a ne a kgothalediwa go tswelela ba ntse ba sisimoga letsela leno la phitlho jaaka setshwantsho se se tshwantshitsweng sa ga Keresete, seo se santseng se kgona go dira dikgakgamatso,” go bega jalo The New York Times. Anastasio Ballestrero, ebong mobishopo-mogolo wa Turin, o ne a tlhalosa jaana: “Maatla a a tlhomologileng a setshwantsho seno sa ga Jesu Keresete a go naya motho seo, a se kopang a tshwanetse a somarelwa.”

Seno se raya eng? Se raya gore lemororo kereke a ile ya dumalana gore setshwantsho se se kgotletsweng seno sa mmele wa motho se se mo letseleng leno ga se sa ga Jesu Keresete, lefa go le jalo Makatoliki a a ikanyegang a tshwanetse a tswelela a se leba jaaka ekete a ne e le Keresete mme ka jalo jaaka sengwe se se boitshepo. Ka ntlhayang? Go ya ka Adam Otterbein, ebong moruti wa Roma Katoliki yo o ikarabelelang mo Mokgatlhong wa Letsela la Phitlho Le Le Boitshepo; digopotsi tse di jaaka letsela leno la phitlho di ka thusa badumedi go tlotla motho yo setshwantsho seno se mo emelang.

Ga go gakgamatse go bo, lemororo letsela leno la phitlho a se la boammaaruri, le tlile go nna a le letshwao le le maatla la tumelo mo Kerekeng ya Katoloki. “Difikantswe, ditshwantsho tsa botaki le ditshwantsho tse di setilweng . . . di a sisimogiwa mo Katoliki,” go tlhalosa jalo The New York Times.

A Bibela a tshegetsa go dirisiwa gono ga ditshwantsho mo kobamelong? Nnyaa! Lefoko la Modimo le bua jaana ka phepafalo: “Tshaban kbbamelo ea medimo ea disetwa.” (1 Bakorintha 10:14; bapisa Ekesodo 20:4-6.) Bakeresete ba tlhagisiwa gore ba obamele Modimo “ka moea le ka boamarure,” eseng ka go thusiwa ke ditshwantsho dingwe kana digopotsi. (Yohane 4:24) Ka tshwanelo he, Paulo o ne a kwala gore Bakeresete ba boammaaruri ba “sepela ka tumblo, a sen ka pono.”—2 Bakorintha 5:7.

Go Akanya Go Go Phoso

Tumalanong le tshekamelo e e bonalang ya go repisa ditekanyetso tsa Bibela ga borra bodumedi, “palo e e golang ya baithuta-bodumedi ba U.S. ba bolela gore dikereke tsa Bokeresete di tlhoka phetogo malebana le kafa go lejwang boitshwaro jwa kafa dikobong ka gone,” go bega jalo Star Tribune. Lekwalo-dikgang leno la Minnesota le tsopola dipono dingwe tseo di neng tsa ntshiwa ke batlotlegi bano ba ba jaaka John Spong, ebong mobishopo wa kwa Newark wa Kereke ya Episcopal ya Amerika, le James Nelson, ebong mankge wa melao-metheo ya boitshwaro jwa kafa dikobong kwa United Theological Seminary kwa New Brighton. Pampiri eno a bolela gore baithutabodumedi bano le ba bangwe ba ikutlwa gore dikereke di tshwanetse tsa “segofatsa banyalani ba basodoma mo medirong ya kereke, ba amogele itlamo ya bone mo kamanong e e lorato, le e e siameng kafa boitshwarong; . . . kereke a segofatse bagolo bao ba itlamileng ba sa le basha fa ba tshela ka kamano e e lorato ya go itlama, lemororo ba sa nyalana”; le go “letlelela bagolo ba ba godileng fa ba kopanela kafa boitshwarong jwa kafa dikobong ka tsela e e nang le tlhaloganyo, lemororo ba sa nyalana.” Ke ka ntlhayang fa baithuta-bodumedi bano ba dumela gore diphetogo tseno di tlhoka go dirwa? Spong o bolela gore “re letlelela botshelo jwa go itshwara ka tsela e e sa siamang” fa re sa segofatse dikamano tsa go nna jalo.

Lefa go le jalo, seo Spong le ba bangwe ba palelwang ke go se lemoga ke gore go segofatsa dikamano tsa go nna jalo ka bogone ke gone goo go dirang gore kereke e letlelele “botshelo jono jwa go itshwara ka tsela e e sa siamang.” Lefoko la Modimo le tlhalosa seno ka phepafalo. “Go le baakahadi, . . . go le ba bonyatsi .... go le basodoma . . . ga ba ketla ba rua bogosi you Modimo.” Balatedi ba ga Keresete ga ba laelwe fela gore ba ‘se itlwaelanye’ le batho ba ba ntseng jalo mme gape ba bolelelwa gore ba’tlose motho yo o bosula’ mo gare ga bone.—1 Bakorintha 6:9-11; 5:11, 13.

Tlhokafalo E Kgolo

Monongwaga, pego ya manaanepalo ya Free Church Federal Council ya kwa Britain a ne ya senola kwelo-tlase a nngwe gape ya ditlhopha di le 15 tsa yone. Ke kgetlho la ntlha, a nna le maloko a a kwa tlase ga letshwao la milione o le mongwe, go bega jalo Church Times, ebong lekwalo-dikgang la Kereke ya Ennyelane. Ka ntlhayang? Lemororo dikereke di re di neilwe go tlhokomela “bontsi jo bogolo . . . joo thatathata bo tlhokang go rekololwa,” setlhogo seno se tlhalosa gore “dikereke tseno tsa Free Church di ntse di tswelela go dirisa nako ya tsone e ntsi le maikatlapelo a tsone mo dilong tsa selegae.” Go ya ka Church Times, “fa Dikereke tseno di felelwa ke maatla, a bo a se ka ntlha ya go bo marekisetso a tsone a ngwaga le ngwaga a a ba a sa atlega kana gore dikungo tsa mokgatlho wa yone wa metshameko ga di rekwe: ke ka ntlha ya gore ga ba tseye bodihedi jwa bone jwa thekololo ka masisi ka mo go lekaneng.”

Baeteledipele ba bodumedi ba motlha wa ga Jesu le bone ba ne ba sa tseye bodihedi jwa bone ka tsela e e masisi. Jesu o ne a ba kgala ka tshwanelo ka ntlha ya go bo ba dirile “lehoko ya Modimo lolea hela” ka dingwao tsa bone. O ne are a ne ale baitimokanyi, bao’ba neng ba tlotla Modimo ka dipounama tsa bone lemororo dipelo tsa bone di ne di le kgakala le ene.’—Mareko 7:6, 7, 13.

Lefa go le jalo badihedi ba boammaaruri ba ga Jehofa Modimo, ba ineetse “mo tihelon ea thuto ea iehoko.” Ba tsaya taelo ya ga Jesu ka masisi ya gore go ‘dirwe barutwa,’ mme ba latela sekao sa baaposetoloi, bao “ba neng ba seka ba bakela go ruta, le go bolela mafoko a a molemo ka ga Keresete.” Go Bakeresete ba boammaaruri, tiro eno ke ya botlhokwa jo bogolo.—Ditihō 6:4, NW; Mathaio 28:19, 20; Ditihō 5:42.